أسطورة ولادة أثينا

بعد ما نصب زيوس (إله اغريقي) نفسه كـ إله جديد للعالم وقبل لا يتزوج الإله هيرا (إله اغريقي) قرر زيوس يتزوج بوحده من الإلهة البدائية (بعدين اشرح عنهم بالتفصيل) الي جانت رائعة الجمال والحكمة وذكاء وجان اسمها ميتيس

طبعآ زويس جان مفتون بيها كلش وراد ياخذها زوجة اله بس ميتيس قاومته وجانت كل ما تشوفه تفلت منه
حاولت ميتيس ان تنهزم من زويس بكل الطرق بس زويس جان مصر ان يتزوجها
ميتيس جانت تملك قوة التحول للحيوانات حيث كلما شافت زويس تحولت إلى فهد وطفرت بس ميتيس ما تكدر تنهزم منه للأبد
حيث مرة من مرات زويس صار لوتي وسوالها فخ وختل فد مكان
فـ ميتيس جانت تتمشى بارض الله الواسعة وطب يكمز عليها زويس

وجان يلزمها واهنا ميتيس حاولت تنزهم منه بس ما كدرت وسلمت للأمر الواقع وبطلت مقاومه وتزوجت زيوس
وره ما زيوس تزوج ميتيس بده عهد جديد عهد كله ازدهار وأنهى زيوس كل الفوضى الي موجوده بالسماء والأرض الي سادت بالعصور البادئية
بس فد يوم من الايام حتي غايا (إحدى أقدم الإلهة البدائية) كشفت لزيوس عن نبوئة رهيبة ومرعبة بنفس الوقت حيث قالت له

إن ميتيس راح تخلف طفلين الأولى حتكون بنية عدها قوة وحكمة زيوس والثاني راح يكون ولد أقوى من زيوس نفسه وراح ياخذ عرش زويس

اهنا زيوس باك طن هوه وخاف يكون مصيرة مثل مصير ابوه (كرونوس) وجده (ارونوس) الي همه ثنينهم ابنائهم قتلوهم وسلبوهم حكمهم
بس جتي فكرة لزيوس رهيبة كلش حتى يتخلص من هل نبوءة المشئومة وهي...

طلب زيوس من زوجته (ميتيس) ان تحول نفسها لقطرة ماء وكال الها ان هو يريد يتذوق طعم قوتها المتحولة
وبعدين زيوس بلع ميتيس حتى ما تنجب الكائن الي راح يقضي عليه وقدر يمتص قوة ميتيس وصار أكثر قوة وحكمة وعدل بس للأسف ما كدر يعرف ان من بلع ميتيس جانت حامل

بس مع مرور الوقت زيوس حس بوجع رهيب براسه وجان يكول راسي حينفجر اله شويه فطلب زيوس ان يفتحون راسه ويطلعون الوجع منه
اهنا ضرب العملاق بروميثيوس (عملاق حارب في صف اللآلهة الأولمبية ضد العمالقة في الحرب العظمى) راس زيوس بالفاس على راسه

وخرج ضوه قوي من رأس زيوس وظهرت شخصية انثوية من رأس زيوس
حيث من جبين زيوس ظهرت أثينا ويه دروعها واسلحتها وبكامل النمو (ادري السالفة داجة)
زيوس جان فخور ان جاب هذا المخلوق الهائل الي بذكاء امها (ميتيس) أثينا صارت إله الحكمة وبنفس الوقت إله الحرب الدفاعية
واكيد راح تصير مشاحنات ومنافسه ويه آريس (اله الحرب)

ميتيس ضلت عايشه بطن زويس والنبوءة ما تحققت واثينا اثبتت انها إله شجاعة وقوية وعادلة وحكيمة وجانت تعتبر الابنة المفضلة لزيوس حتى كامو الآلهة والناس عبالهم ان أثينا هي الخليفة الشرعي لزيوس...

أتمنى تعجبكم القصة
بقلمي _ عَدْنان بن أَحْمَد