‎حسب آخر الاحصائيات لمعدلات الاصابة بالسرطان ف دول الشرق الاوسط تعتبر الاقل على مستوى العالم

‎مثلا استراليا معدل الاصابة بيها هو 470 شخص بين كل 100 الف ایرلندا معدل الاصابة بيها 375 بين كل 100 الف امریکا 352 بين كل 100 الف

‎بس لو نجي لدول من الشرق الاوسط مثل السعودية ف معدل الاصابة بيها هو بس 96 شخص من بين كل 100 الف !!! ونفس الشي لباقي الدول الإمارات كويت عمان والخ

‎استراليا 470 سعودية 96 فرق كبير کلش

يتبع

الاسباب هي كالاتي:

1 _ الصيام برمضان المشابه لنظام الصيام المتقطع الطبي الى حد كبير ،وسبب مساهمة الصيام بتقليل نسب السرطان هو الاتي:

‎الخلايا السرطانية تحوي على مستقبلات للانسولين اعلى من الخلايا الطبيعية بنسب توصل لل 50 ضعف لذلك الصيام يعني انقطاع السكر والانسولين عن هذه الخلايا وبالتالي موتها وهذه العملية تقلل من نسب الاصابة بالسرطان وبشكل رهيب سو حتلو ما كنت مسلم ف جرب نظام الصيام المتقطع علمود صحتك هواي بيه فوائد .

سبب 2 :

الانخفاض الكبير بنسبة التدخين بين جنس النساء من سكان هذه المنطقة بحيث حسب دراسة تكول نسب المدخنات بالسعودية هي 2% بينما تشيلي نسبتها 40 % يعني من بين الف مرة تشيلي عدهم 400 مدخنة السعودية بس 20 مدخنة وطبعا كلنا ندري التدخين سبب رهيب من اسباب السرطان اما اذا تسالني ليش عود التدخين يسرطن ف صراحة لحد الان ما ادري بس يعني حسوي سيرج بالويكند الجاي عن الموضوع اما اليوم ف تعبت.

3 _ الامتناع التام عن المشروبات الكحولية عند سكان هذه المنطقة سبب .

4_ اسباب متعلقة بالتعرض للاشعاعات الصناعية والمواد الكيمياوية وغيرها من الامور وطبعا هاي النقطة بديهية لان هذه المناطق تميل لكونها زراعية اكثر من كونها صناعية عكس اوربا وامريكا واليابان ملیانات مصانع وطبعا مع وجود بعض الملوثات النفطية اللعينة بمنطقتنا طبعا هاي النقطة من ادو ماهية بالدراسة بس اعتقد صحيحية.

طبعاً هل موضوع هذا كله مو كتابتي
وانما كتابة وترتيب أدّو ليث.

..................................

متتخيلون هالرساله شگد أجت بالوقت الصح وشگد لامست گلبي كُلش شكراً للي دزها❤️

حتى النوم حينَ يراك مُتعباً يهجُرك ..

..................................

كوكب المشتري

الشي البديهي والمعروف علي ان هو اكبر كواكب المجموعة الشمسية، و هو خامس ابعد كوكب عن الشمس وكذلك ان هو كوكب غازي يعني مو صخري (الارض تعتبر صخري) اما المشتري فمتكون من غازات، بس اكيد نواة المشتري تكون صخرية وتتكون من عناصر تعتبر ثقيلة بالنسبة لبقية مكونات المشتري.

ليش المشتري يطلع بي خطوط ذات لون مختلف من نشوفه؟
بكل بساطة لان غلافه الجوي ميتكون من مادة وحدة ويكون مختلف بين كل خط من خطوط الطول للاخ ،فهل شي يتسبب بهواي عواصف ومنهن هاي البقعة الحمرة الي تميز كوكب المشتري…هاي تعتبر عاصفة.

يتبع

ممكن نعيش ع المشتري؟
أبداً واطلاقاً ،ليش؟
بكل بساطة الانسان يحتاج بيئة صخرية حتى يعيش عليهه وهل شي متواجد بزحل صح، لكن باعماق هل كوكب واكيد اكو ضغط مو طبيعي ع هل سطح بحيث مستحيل توافر الحياة علي ، لكن مع ذلك هل كوكب اكو بالغلاف الجوي مالته أمونيا و ماء وهذا الشي قد يخلي انواع من العوالق البحرية عايشة بالغلاف لكن هذا الشيء غير مثبت لحد الان.

يتبع…

الأقمار

المشتري عنده ٧٩ قمر ، والاقمار الاكبر يسموهه گاليليو
المشتري هواي نسمع انو هو يتكون من ٤ اقمار ومرات نسمع من ٧٩ فياهو الصح؟
الصح بانه هو يتكون من ٧٩ لكن البارزات بي همه ٤ بسبب كبر حجمهم
ومن ضمن هاي المجموعة هو القمر آيو
الي حتلگون شرحه👇

آيو Io :
آيو هو واحد من اقمار المشتري الي حجمه قريب من حجم الارض(المشتري عنده اربع اقمار) ، يتميز هذا القمر بأنه هو واحد من اكثر الاجرام البركانية نشاطاً الى درجة يقذف سُحب مكونة من مُرَكبات غازية و كبريتية بالفضاء …. و أكو على سطحه اكثر من ٤٠٠ بركان نشط.

شنو تأثير المشتري ع مجموعة الشمسية؟

المشتري يعتبر درع واقي للمجموعة الشمسية أما ليش؟

فلانه بسبب جاذبيته الكبيرة فهو حيتلقى اكثر المذنبات الي ممكن تهدد الكواكب فلذلك هم يُعرف بشفاط المجموعة الشمسية، بس بنفس الوكت هل موضوع بي جدل چبير كلش، والعلماء ينقسمون نصين ، منهم الي يگول المشتري هو الي ميخلي المذنبات توصل للارض ويسحبهه ويصدهه لكن بالمقابل اكو فلكيين يگولون بانه المشتري يغير مسار المذنبات ويخليهه تتجه بعيد عنه وبتجاه الارض، واحد الان محد يعرف ياهو الصح.

صورة مُقربة لعواصف كوكب المشتري.

آخر معلومة
إذا كنت تقود سيارتك ليلاً على طريق بعيد ومهجور وقمت بضبط تردد AM لسيارتك يمكنك سماع أصوات كوكب المشتري الناتجة عن مجاله المغناطيسي الهائل

كوكب المشتري العملاق هو مصدر هائل للانبعاثات الراديوية بسبب العواصف الشديدة التي تحدث بالقرب من قطبي الكوكب وكذلك بسبب مجاله المغناطيسي الضخم.