A girl holding her sister's head still for a photograph. Stockholm, Sweden in 1864

الفكرة من هاي الصور
ان هي نادرة جدا وقديمة
تخيلوا هاي الصورة من سنة 1864

الضغط العصبي

الضغط او ما يُسمى التوتر العصبي من اكثر الاشياء الشائعة بينه كَبشر، وتصير من تكون داخل على أزمة او حتلو عليك هواية شغل اوو من تكون عندك مشاكل مع احد حتتراكم عليك كل المواقف السيئة وطببب دخلنه ناخذ طاقة سلبية وهذا سوه ضغط ع دماغ.

باعوا حبايب…الدماغ من يشوفنه دنتبع نمط حياة معين و مستمرين علي حيسوي شي اشبه بالروتين وهذا الروتين حينقل للعقل اللاواعي وبعد ميحتاج فد جهد من الدماغ حتى يگضي الانسان اموره ، و اول ما الانسان يقرر يبدي بتغيير لنمط حياته ، اول شي يوگف بوجه هذا التغيير هو العقل لان بطبيعته كسول و يموووتتت ع روتين و الملل لذلك هذا الجزء من الجسم الي وزنه ميتجاوز ال٢٪؜ من وزن الجسم ويسموا بالدماغ هووو اول شي لازم تحاربه من تريد تبدي بتغيير بحياتك والشي الي حيسوي هووو التوتر والضغط النفسي مما يأدي للتعب والاعياء…لذا من تبدون تغيرون من نمط حياتكم قدر الامكان استمروا الى ان يتعود عقلكم ويتخلص من الضغط ودائماً حاولوا تجددون وتتعودون.

يتبع…

الموضوع مو لعبة ابداً !
لان الضغط النفسي يأثر بشكل مباشر على النواقل العصبية والي هاي بدورهه تأثر على التركيز و النوم وحتى حركة الامعاء والادراك للألم، يعني الانسان الي علي لود و ضغط حيشعر بالالم اكثر بهواي من الانسان الي ما علي ضغط.
واذا الانسان ظل يفكر و ياكل بنفسه حيصير عنده شي يسموا بالضغط المزمن.

وهل شي اله تأثير مباشر ع مناعة .
واكو شي لاخ شائع بين الناس يسببلهم التوتر حچه عنه Dan Herman والي هي ظاهرة الـ FOMO والي تعني "الخوف من فوات الاوان"
والي تصير لمن الانسان يخاف يتخذ فد قرار معين لانه يخاف لا يلگه الاحسن منه او تصير من يقترب وقت الامتحان او يخاف مجرب شي معين على سبيل المثال هو عنده دراجة لكن ياكل بنفسه ويريد يحصل سيارة من يشوفهه عند الغير وهل شي يسبب كمية ضغط چبيرة علي.
وحسب مجلة psychiatry research ظاهرة الـFOMO مرتبطة بوسائل التواصل الاجتماعي من نشوف انو اكو ناس فرضاً عندهه شي معين واحنه ماعدنه او يشتغلون بمكان معين واحنه بعدنه منگدر نوصله ناسين فكرة انو لكل انسان طريق خاص بي بهل حياة وكل انسان اله وقت محدد يلا يوصل لمكان معين وانو هي مو سباق وانما كل شخص و طريقه الخاص بي وحده.

وكذلك جامعة فلوريدا نشرت دراسة تگول انو الضغط ممكن يجي من الاهل من يخلون توقعات عالية جداً لابنائهم ويريدوهم اعلى شي وهذا الشي حيأثر سلباً ع حياة الابن.

اكووو دراسة كلش حلوة هم بجامعة ويسكونسن سووهه على ٣٠ الف انسان بالغ .
لگوا بانه الناس الي عليهم ضغط عالي و يفكرون بطريقة سلبية وي الضغط الي عليهم و مو متعايشين ويا ، معدل وفاتهم اكثر ب ٤٣٪؜ من الناس العاديين.

وانه كذلك بالمقابل الناس الي هم عليهم ضغط كلش عالي لكن متعايشين ويا و ماخذين الامور بإيجابية و حتى يسخرون من الضغط العليهم و يحاولون قدر الامكان يتونسون بكل اللحظات هم عدهم اقلل نسبة ، وفاة اقللل بهووواايةةة من الي ماخذيهه بطريقة سلبية وحتى ببعض الاحيان تكون اقل من الناس الي ماعليهم ضغط!!

لذلك الموضوع وما بي هي بنظرتنه تجاه ال stress المسلط علينه ،اذا اخذناهه بنظرة ايجابية وتعايشنه فالامور حتمشي لووززز واذا العكس فحنروح بيهه.

يعني العلاج هو انو نتقبل كل شي ديصير ولا نضخم الامور ونستمتع بكل اللحظات.

وبالختام
يعني حتى تتخلصون من الـstress امشوا ع هل مقولة:

Don’t feel bad about feeling bad,it’s okay to not be okay.

عندما تبكي في الليل ،
يهتز عرش الرحمن ،
ويقول الله : من أبكى عبدي ؟!
فتقول الملائكة : أنت أعلم .

فيُسخر الله الملائكة ليُضحككَ ،
فترجع الملائكة وتقول :
يا رب لم يضحك ..
فتبكي الملائكة على
حالك وتقول :
يا رب أنت أعلمُ ما
بصدرِ عبدك فيسر له .

فيقول الله للملائكة :
أنه يبكي على شيء
يحبهُ فأتعبه ، وعزتي
وجلالي ما خسره إلا
لأعوضنه بجبرٍ يتعجب
منهُ أهلُ السماء والأرض .

سلام عليكم شباب
هذا الخطاب من منبري هذا خطاب وداع
احبكم كثيرا سنلتقي ان شاء الله من اخلص سادس واعود لكم
معسلامة 😂♥️

🚨 الحكومة اللبنانية تعلن إفلاس الدولة بالكامل .

بعد الكِذبة الاولى ،كل الحقيقةِ شَك.

..........................................

الأنوناكي

مبدئياً الحچي الي حتقروا كله عبارة عن اسطورة صحيح متوثقة ع الالواح الطينية بالحضارة السومرية، لكن لحد هسه اكو بيهه الغاز وشفرات مفقودة ممكن اذا اكتشفوهه الباحثين تتغير المعادلة كلهه…

بالالواح الطينية مذكور بانه چان اكو قبل وجود البشر مخلوقات بكوكب آخر اسمهم الانوناكي وهمه الي راح يحددون مصير البشر ،منهم من يعتبرهم آلهة واكو يعتبروهم ملائكة واكو كذلك من يعتبرهم فضائيين، وكلمة الانوناكي المذكورة بالحضارة السومرية الهه معنايين…
اما يكون معناهه "القادمون من السماء"
أو "ذوو الدم الملكي"
وبالحضارة السومرية چانت المخلوقات الانوناكي ترتبط ارتباط وثيق بالاجرام السماوية.

يعني باعوا الانوناكي بالاساطير چانت عدهم سبع شخصيات رئيسية حاكمة والي منهه
(خلوا ذني الاسماء ببالكم):
آن ، أنلين ، أنكي ، إنانا ، نانا ، اوتو…الخ

بنفس الوقت هاي الاسماء كلهه ترتبط بالفضاء في الحضارة السومرية يعني باعوا :

آن يشير للسماء الاستوائية(الوسطى)
انلين يشير للسماء الشمالية
انكي يشير للسماء الجنوبية
إنانا چان علساس كوكب الزهرة
و نانا هو القمر
و اوتو هو الشمس.

يتبع

مذكور بهل اسطورة بان السماء والارض مچانوا منفصلين و وره ما ظهر انلين يلا انفصلت السماء ع ارض .
يعني علساس (آن)أخذ السماء وخلاها بعيدة و(أنلين) أخذ الارض وخلاها بعيدة همين.

يرجح العلماء بانه الاحداث القادمة الي راح احچيهه صارت قبل ٤٠٠ الف سنة قبل الميلاد…

الاسطورة تگول…
بانه زارت الارض مخلوقات متطورة جداً وچانوا جايين من كوكب اسمه نيبيرو وهذا الكوكب مذكور بحضارة المايا علساس بانه هو الي راح يدمر الارض و نهاية العالم حتصير من وراه.

اما شنو غرضهم من جيتهم للأرض؟
فعلساس چان غرضهم هو جمع المعادن والذهب بالذات من الارض ، يابة ليش دياخذون المعادن!!
حتى يرممون غلافهم الجوي لانه يحكى علساس چان شوية وينهار!!

بس مخلوقات الانوناكي مجوي وحدهم للارض وانما جابوا مخلوقات اخرى وياهم اقل منهم شأناً سموهم بالـ(إجيجي) اما ليش جابوهم ؟

فلانه فخلوقات الانوناكي چانت اعظم من ان يگعدون ويجمعون معادن فجابوا عبيد وياهم والي همه الـ إجيجي حتى يكونون أيدي عاملة ويجمعون الذهب من الارض.
والارض بوقتهه مچان بيهه الا الحيوانات ويقال بانه اكو رجال الكهف.
اكو الواح طينية مذكور بيهه بانه الـ إجيجي سووا مناجم الذهب في جنوب افريقيا وكذلك بالخليج (لحد هسه محد يعرف يا خليج منهم).

لكن نظراً لاستعبادهم فالإجيجي تمردوا على الانوناكي وصارت اكو معركة بينهم!!

وبالطبيعي الانوناكي همه الفازوا بهل معركة ، لكن الانوناكي بعد مبقت عدهم ايدي عاملة تشتغل بالارض…

يتبع..

من هذا الجزء من القصة حيبدي دور البشر..
علساس وره ما انقضى على مخلوقات ال إجيجي بالارض الإله آن غضب وراد يسوي كائنات جديدة يعدل بجيناتهم ويسويهم اذكى من الـ إجيجي حتى يساعدون بجمع المعادن اكثر فخلق البشر ( واكو يفسروها بانه اصلاً چانوا موجودين وقرروا يساعدون الانوناكي لكن الي مذكور بالاساطير هو انه (آن) هو الي خلق البشر)

وعلساس البشر استقروا بمكان اسمه (عدن) وبالاسطورة السومرية مذكور بأنه أول شخص خلقوا چان اسمه (آدمو)

و فد يوم العالم أوستن هنري لگه ١٤ لوح بالعراق وتحديداً بنينوى ولگوا بهل ١٤ لوح قصص خلق البشر و خروج آدم من الجنة والطوفان العظيممم وكووومةة احداث بعد مرتبطة بالانوناكي!

يتبع..

فچانوا البشر يساعدون مخلوقات الأنوناكي لكن من تكاثروا وصار عددهم هواي صاروا يشكلون تهديد جديد و قوي على الأنوناكي فبدوا يطردون قسم منهم لخارج عدن ومنا جتي قصة طرد آدم من جنة عدن.
وكذلك كائنات الانوناكي علساس بدوا يتزاوجون وي البشر وهل شي أغضب الاله انلين لانه انلين مچان يريد تصير احتمالية انو مخلوقات مثل البشر فد يوم تعتلي عرش الحكم بالارض ، وراد يظل العرش بيد الانوناكي لذلك خله كوكب النيبيرو يخترق مدار المجموعة الشمسية ويقترب من الارض و هذا الشي سوه اختلال كللششش چبير بنظام الكواكب وهذا الاختلال سوه طوفان بالارض بحيث بدت الارض بالاهتزاز والنهار صار مظلم وبدت السحب تتشكل و الرعد من كل مكان بالارض و بدأ الطوفان وچان عظيم الى درجة بانه مذكور بالاسطورة بان الإله انلين اشفق على مخلوقاته فبنوا قوارب للنجاة وقرر أنلين عودة كوكب نيبيرو و بقوا جزء من البشر عايشين و بقى انوناكي وحيد يديرهم و الي اسمه أنكي اما ليش بقى؟
لانه يقال بان الانوناكي قبل مغادرتهم بنوا الحضارة السومرية العظيمة للبشر حتى يگدرون يعيشون بيهه وبقوا أنكي حتى يبقى العرق الملكي بالارض.

صدگ بالنهاية
الاسطورة تگول بأنه الانوناكي حيرجعون بيوم حتى يشوفون البشر وين وصلوا بالتطور وحتعلگ ويتدمر كوكب الارض وتنتهي حياة البشر.