موضوعكم الي اقترحوا نحچي علي..

"ليش الحايط احسن منكم"
اذا قسناهه بالحايط فاكو ٣ انواع من الناس، ناس همه احسن من الحايط ، ناس همه والحايط نفس الشي و ناس الحايط احسن منهم.

نجي ع اول نوع الي همه احسن من الحايط ، ذول بكل بساطة اذا چان عدنه حايط وهمه حنختارهم الهم لان عدهم فائدة اكثر ، يعني يجوز يكون عامل و هو الي يبني الحايط اصلاً اووو عنده مهنة من خلالهه يگدر يعيش عائلته او حتى نفسه ، والحايط ماعنده هل ميزة ، او حتلو يجوز فد يوم من الايام أرشد تائه، أطعم مسكين ، انطه اكل لبزونة ، شجع شخص ، بدرت منه كلمة طيبة ، خله مي لعصفور وووووو الخ ، ذني كلهم اذا سوه ولو وحدة منهم فهو احسن من وجود الحايط ، لان بكل بساطة الحايط ممكن ينبني او حتلو نبدله بچادر اذا چان (حايط بين الغرف) بينما هل اعمال اذا صارت مرة فحتترك اثر بطريقة او بأخرى ع دماغ ويقلل من التوتر و الضغط و كذلك يجوز تستغربون بس همين ممكن اذا واحد اعصابه چانت تلفانه فتهدء اعصابه وعضلات جسمه اذا قرر يسوي شي يبعث الاطمئنان بنفسه… او هل اعمال اذا تتكرر ممكن احد غيرنه يسويهه اذا شافنه وهنا حنرتقي بمجتمع كامل ، وكذلك مثل كثرة هاي الاعمال ع نفس الانسان ممكن جداً بيوم من الايام نكون من اصحاب (النفس المطمئنة) وهاي وحدة من درجات النفس الانسانية ، صاحب هل شي يتجاوز مرحلة اعمال السوء أساساً (طبعاً هل شي يتحقق للي ملتزمين بدينهم كصلاة وصوم والخ) هو مدا احچي شي من جيبي ممكن تبحثون وتشوفون ، ده كلو حقيقة.

النوع الثاني الي هو مثل الحايط والنوع الثالث الي الحايط احسن منه، لا تعتقدون فد يوم احچي هيچ شي لان بكل بساطة محتكون مخلوق بالارض اساساً اذا چنت مثل الحايط او الحايط احسن منك … لان بوقتهه محيكون اكو فائدة من وجودك .
فاتطمنوا شبب كلنه احسن من الحايط.

‏أنا ما نسيتُكَ في زحامِ أحبتي
‏أتُرايَ أنسى في الضياءِ عيوني؟
‏لولا هواكَ لما سريتُ مع الهوى
‏ولما عزفتُ على الأنامِ لحـوني
_

@httpnotes
💚💚✨

فليتك تحلو والحياة مريرة
وليتك ترضى والأنام غضاب
وليت الذي بيني وبينك عامر
وبيني وبين العالمين خراب

إذا نلت منك الود فالكل هين
وكل الذي فوق التراب تراب
فيا ليت شربي من ودادك صافيا
وشربي من ماء الفرات سراب

ندللكم ونگول التصويت يبقى لحد باچر💚

"سُبْحَانَ الَّذِي أَسْرَىٰ بِعَبْدِهِ لَيْلًا مِّنَ الْمَسْجِدِ الْحَرَامِ إِلَى الْمَسْجِدِ الْأَقْصَى الَّذِي بَارَكْنَا حَوْلَهُ لِنُرِيَهُ مِنْ آيَاتِنَا ۚ إِنَّهُ هُوَ السَّمِيعُ الْبَصِيرُ "

صورة لبغداد و طوكيو من محطة الفضاء الدولية.
(هاي غيوم الي ع صورة بغداد)

في عام 2015 انتجت اوكرانيا مسلسلا بعنوان "خادم الشعب”
(Servant of the people)
تتناول احداثه الوضع السياسي في البلاد وتسلط الضوء على عدد من القضايا في اطار كوميدي ولكن ما لم يتوقعه احد هو ان بطل المسلسل فولوديمير زيلينسكي سيصبح الرئيس الفعلي للبلاد بعد اعوام قليلة

من اكثر المقاطع انتشاراً البارحة…

بالنسبة لكل الي نشروا الڤيديو و انقهروا و گالوا احنه اساس الحضارة و ظلوا ياكلون بروحهم لان هيچ حچي اجه ع المنطقة العايشين بيهه…حقكم شبب💚

بس هذا مايعني منتضامن وياهم..
بلعكس الحروب بكل مكان و زمان لازم نوگف ضدهه بالتالي محد منه ضد الانسانية و مع القتل …كلنه بشر🫂

المهم

هسه نحچي ع العالم الموازي

العالم الموازي

او يسموهه (تعدد الاكوان) و (الاكوان المتوازية)، مبدئياً هي عبارة عن فرضية(يعني ماكو شي يدل على وجودهه وانما مجرد ديفترضون انو هي موجودة) الموضوع هذا اله علاقة بالرياضيات وعلمائه … لان اكو فرضيات تدل على وجوب وجود عالم موازي.

مبدئياً اقوى تلسكوب قادر على رصد ما هو على بعد ١٤ مليار سنة ضوئية ، لكن شكو بعد هل مسافة … محد يعرف.
فاكو يگولون اكو كون آخر موازي النه ، واكو يربطوهه بالثقوب السوداءو يجوز اكو ناس همه فعلياً ديعيشون مثلنه بغير اكوان لكن اكو ثقب اسود او مادة سوداء مظلمة ابتلعتهم و خلتهم يجون يمنه بنفس التوقيت تقريباً و هاي تفسير لبعض القصص مال العوالم الموازية.

و اكو آية بالقرآن الكريم فسروهه بعض العلماء بانها تدل على وجود عالم موازي والله اعلم وهي:
“اللَّهُ الَّذِي خَلَقَ سَبْعَ سَمَوَاتٍ وَمِنَ الْأَرْضِ مِثْلَهُنَّ يَتَنَزَّلُ الْأَمْرُ بَيْنَهُنَّ لِتَعْلَمُوا أَنَّ اللَّهَ عَلَى كُلِّ شَيْءٍ قَدِيرٌ وَأَنَّ اللَّهَ قَدْ أَحَاطَ بِكُلِّ شَيْءٍ عِلْمًا"

يتبع..

واكو هواي قصص قد تدل على وجود اكوان متوازية منها انو قبضوا ع شخص سنة ٢٠٠٣ باليابان يحمل جواز سفر لبلدة غير موجودة في خريطة العالم كلهه.
و من شرحلهم گال انو هو اجه العالم مشابه لعالمه لكن بشكل مختلف وانو چان عايش ببلد بين فرنسا و اسپانيا اسمهه تاورد ، وهذا الشي مموجود وشكل جواز سفره چان غريب ولكن اثناء التحقيق هذا الشخص اختفى تماماً وما عاد اله أثر…
فهل شي خله عند البعض تساؤلات بأنه هل فعلاً اكو اكوان اخرى مشابهه النه تماماً لكن طريقة عيشهم تختلف، وهل كل هذي القصص چانت لناس انبعثوا من غير عالم مجرد حتى يكتشفون الارض ..
فهل احنه مكررين بعالم آخر؟
ودنعيش حياة مختلفة بشكل نسبي؟

يتبع…

ونظرية الكم تفسر وجود اكوان موازية
يعني باعوا راح اشرحلكم عنهه بشكل مبسط…

نظرية الكم الفيزيائية تگول انو الالكترون ميتواجد بمكان واحد حول نواة الذرة وانما هو موجود بكل الاماكن الي تتيح اله التواجد بيهه.
و ببداية الانفجار العظيم ع اساس الكون (قبل ما يتشكل) چان اصغر من الالكترون فمن البديهي انو اكو عدة اكوان نتجت عن الانفجار ، وميكانيك الكم اذا طبقناهه ع الكون مالتنه، النتيجة اكون انه لابد من وجود اكوان أخرى.

بالنسبة للايات اكو هواي اختلفوا بالتفسير
بس الغالب انو السماوات هي سبع سموات طباقا وذكر الرسول بحديث من الاحاديث انو من صعد لكل طبقة منها جان يلكى شي
مثلا بالسماء السابعة بيت يشبه الكعبة يسمى البيت العتيق هذا البيت للملائكة تحج بي
والتقى بسيدنا ابراهيم بالسماء السابعه
والنبي موسى بالسادسة
والانبياء توفوا قبل ليلة الاسراء والمعراج
فيعني همه ميعتبرون من اهل الارض
وعلى اساس هالتفسير كاموا يثبتون انو ماكو عوالم موازية وانو شي منذكر بالقرآن
وهواي تصير اختلافات بشأن التفاسير

قصة الهه ربط بالعالم الموازي

قصة الهه ربط بالعالم الموازي٢