يگولون انو الأسماك من تخلي بيوض فنصف بيوض الاسماك راح تنوكل او تدمر بطريقة أو أُخرى لكن رغم هذا الاسماك تستمر بوضع البيض ، وكذلك الاسد من يريد يصيد فريسة فهو ينجح فقط بربع محاولاته.
يعني ٧٥٪؜ من محاولاته متجيب نتيجة.
وكذلك اكو هواية أمثلة بالطبيعة على الجهد الضائع مثل انو معظم امطار العالم تهطل بالمحيطات و البحار ، و بذور الاشجار غالبيتهه تاكلهه الطيور ، و نصف الدببة المواليد يموتون قبل البلوغ، و رغم كل هذا الحياة مستمرة و هذا الحچي بالنسبة للطبيعة ابداً مو جهد ضائع …

منو الي يعتبر كل هذا جهد ضائع…الانسان.
يي نعم احنه الي نعتبر الفشل و المحاولات كلهه عبارة عن شي بدون معنى و اي احد يخطأ بمحاولة نسمي فاشل، لكن الحقيقة ماكو هيچ حچي عزيزي.
انت اذا ما تظل تحاول و تفشل و تگوم مستحيل توصل للنجاح .
الانسان هو الوحيد بالطبيعة يفكر فقط بالنجاح و ميقدر المحاولات الي يسويهه و يريد من أولهه ينجح.
يعني بين قوسين (الانسان هو الكائن الوحيد الي ما مستوعب هالشي ابداً)
من نجي للحقيقة و نصفن بيهه …نكتشف انو الفشل الوحيد هو التوقف عن المحاولة ، استمروا حاولوا مهما يكون يجي يوم ولا بد توصلون للنقطة الي تردوهه.

وهذا يفسر السبب أنو الرياجيل يحبون أكثر من وحده بنفس الوقت مو أگولها دائماً الرياجيل ماعدهم گلب عدهم فندق😂💔

دزولي(بيت شعر/أغنية/نص/صورة) تحبوهه و الي تعجبني انشرهه بالايام الجاية بدون اسم💚.

@HelenNotes_bot