أصل مدينة أثينا، و الصراع الاسطوري بين إلهة...

باليوناني القديمة جانت اكو منطقة او معروفة باسم (اتيكا) هاي المدينة أو المنطقة انولد بيها مخلوق اسمه (كيكروبس او سيكروبس) هذا الكائن نص جسمه بشري والثاني أخطبوط مدري حبار المهم عده مجسات المهم تحت حكم هذا السوشي أقصد المخلوق حيث ازدهرت المدينة جوه حكمة بشكل جبير...

المدينة جانت داير ما يدورها ماي وخله هذا الموقع الجغرافي المميز لمدينة ان يعتمدون على بحر بكلشي خاصه الصيد حيث جانو الرجال يصيدون سمج ونسوانهم يطبخون وبسبب اعتمادهم على بحر من البديهي ان يعبدون إله البحر بوسايدن (حاشا لله)

إله البحار جان يدور على مدينه يطبلون اله ويعبدوه يعني تكون عاصمة العبادة مالته ولهذا راح على هاي مدينة وكال( يا شعب المدينة العظيمة اهدو هاي المدينة إلى سيد البحار وراح اخلي البحر كراج مالكم وراح تتفقون على كل مدن بالصيد وغيرو اسم المدينة إلى بوسايدينا (ادري الإسم كرييتف) وراح اخليها أعظم مدينة بكل اليونان)

اهنا بوسايدن ضرب برمحه ثلاثي الرؤس الكاع وطلع من جواه ينبوع ماي مالح وكال ( هاي الهديه مالتي قبل لا تنزلون على بحر اركعو يمها وراح يكلكم اذا اكو صيد لو لا...)

وبدون سابق إنذار ضوه كلش قوي قاطع بوسايدن وبنص هذا الضوه خيال لشخصية انثوية.. كانت أثينا الي قبل حجيتلكم عنها إلهة الحكمة ودفاع

أثينا جانت هم طمعانه بهل مدينه وتريدهم يعبدوها (ادري نقص مدن) حيث وقفت وخطبت بالناس وكالت (مواطنين المدينة الأعزاء اذا اختاريتوني كـ آلهة حامية لهل مدينة وكمتو تعبدوني فالجمال والحكمة حتكون نصيبكم وراح تتطور العلوم والتكنولوجيا والفنون بشكل لا مثيل اله بكل العالم)
اهنا أثينا هم ضربت برمحها الكاع وطلعت شجرة زيتون كلش جبيرة وكالت (هاي هديتي الكم واني اعرف جفاف الكاع يمكم بس ثمار هاي النبته راح يكون اكلكم وتكدرون تستخدمون زيتها بانارة الظلام اذا قبلتو تعبدوني)

الناس اندهشو ونسطرو من هل كلام، وسيكوربس اهنا خاف من غضب بوسايدن فاقترح ان الناس يصوتون منو يمجدون بالمدينة
طبعآ الرجال الي أكثرهم يشتغلون بالصيد كلهم بلا استثناء صوتو لصالح بوسايدن
إما النسوان الي عايشين على يابسة اعتقدو ان هداية أثينا افضل
وبما ان النساء الي بالمدينة أكثر من عدد الرجال فازت أثينا...

بوسايدن اهنا صعدت عده الحماوه وصار عصبي وما قبل قرار الشعب وراد يتعارك ويه أثينا وجان بوسايدن احد أقوى الآلهة وجان يعرف أثينا ما تكدر اله واثينا ما جان عدها اي ذرة خوف من عمها بوسايدن ورادت تكب بيهم لوما فاككهم زيوس وكال هاي العركة راح نناقشه بمجلس إله اولمبيس واهناك نقرر مصير هل مدينة

وعلى قمة جبل اولمبيس الاسطورية جانو قافلين شلون يراضون أثينا وبوسيدون، زيوس جان يرأس الاجتماع وخله بقية الآلهة تحديد مصير هل مدينة (ادري قحط مدن) اهنا شويه صارو متحيزين حيث صوتو الآلهة الذكور لبوسايدن و إلهة الاناث صوتو لـ أثينا وزيوس امتنع عن تصويت وصار حيادي فـ فازت أثينا على بوسايدن بفارق صوت واحد بس...

ولهذا مدينة سكوربيا القديمة انعرفت باسم مدينة أثينا تمجيد باثينا وبنو معبد الها وتمثال كلش جبير بالمدينة ويه هاي غضب بوسايدن على مدينه خله الحياة بالمدينة الي تعتمد على صيد كلش صعب لان جان يدك الناقصه واي سفينة يشوفها يغرقها بالبحر اهنا الناس راحو على عرافه حتى يشوفون حل والعرافه كالت ان عصبية بوسايدن راح تقل تدريجيا اذا تم معاقبة نساء المدينة، بالاتصالح ويه بوسايدن تعاقبو النسوان وانحرمو من تصويت ولتقوية السلام بين اهل مدينة وبوسيدون كامو يبنون معبد على اسمه حتى لا يزعل اهنا بوسايدن كال يابة المسامح كريم ورضيت عليكم هسه تكدرون تصيدون براحتكم بالبحر
وبهذا صارت مدينة أثينا احد أجمل واعظم مدن اليونان القديمة...

اتمنى تعجبكم القصة وحبيتوها واتمنى من تكملون قرأتها حطو قلب عليها حتى استمر بهل القصص وشكرآ على وقتكم بالقراءه
إعداد _ عَدْنان بن أَحْمَد

Good night❤️

هذا السلطعون أسمه Bilateral gynandromorph lobster ، جنسين ذكر وأنثى ، النصف الأزرق هو الجزء الأنثوي ..

لا تخافون ما ينكد

يا آخرَ المَلكاتِ كيفَ أخذتِني
‏منّي بلا إذنٍ، ولا استئذانِ؟
‏من أيِّ نافذةٍ دخلتِ عواطفي
‏ونشرتِ هذا العِطر في بُستاني
‏إنّي عرفتُ من النساءِ قبائلًا
‏لكن كرسمكِ لم تجد ألواني
‏أرجوكِ باسمِ الحبِّ لا تتغيَّري
‏إنّي عشِقتُ نقاءكِ الربّاني

صباح الخير 🤍

لا تُحسِبن ألعينَ خُصت بالبُكاْ
فالقَلبُ يَنزُف و ألعيونْ سكُوتُ

التنهيدّة العراقية الحلوة السامعيها كلنا من أمهاتنا
" ديلي للول .. يَالولد يَبني ديلي للول "

بالأصل هي جُزء من المَوروثات السومرية المتجذرة بمجتمعنا، ترجع قصتها لملكة أور زوجة الملك شولكي لما جان طفلها مريض وهيّ نايمة بصَفه وتحاول تهَديه وتخفُف عنه الألم وتغنيله هالتنهيدة وتكوله ؛

ديلي (𒀸 𒁲𒂖) : كلمة سومرية بمعنى الفَريد أو الممُيَّز
لولّ (𒇽𒋭) : كلمة سومرية بمعنى صَغيري أو حبيبي

تُبقى تردد دللول بمعنى " حَبيبي الصغير " وتمسَح بهدوء على راسه، ويّة كلام إضافي يختلف عن كلماتنا اليوم باللفظ بَس الأفكار وأحاسيسه ومعانيه ما تختلف، فكرة الأم وطمئنة الأم للطفل بأنه بعيد عن كلشي يأذيه من أعداء او أرواح شريرة موجودة بيومنا وكذلك قبل أربع آلاف سنة بأيام السومريين..

الأم العراقية اليوم تكول بطمئنة أبنها بالتنهيدّة " عَدوك عِليل وساكِن الچول " إضافة للكلام الباقي .. أما الأم السومرية تكول بحسَب الألواح السومرية المُترجمة ؛

" في أرضي أور .. الشيطان قد يَنمو
تعال نَمّ يا حبيبي الصغير .. تعال نَمّ
تعال إلى حيث تَنام عيناك القَلقة
لكي أضع يديّ على عَيناك المَطلية "

بعدها تدعيّ الأم للآلهة أنو يكون أبنها بصحة جيدة، سعيد بحياته، يكبر وتكون إله عائلة وطعام مُشبع ورضا الآلهة وإرداتهم وتوعده بالأكلات الطَيبة مثل الخس والجبن .. تكمل التنهيدة وتكوله ؛

" أرجو أن تكون الزوجة سَندك..
أرجو أن يكون الإبن نَصيبك..
أرجو أن تحقق عهد الأيام السعيدة..
أرجو أن يكون لديك ملاكٌ وصيّ بَليغ..
تَعال نَمّ ، نَمّ يا حبيبي الصغير نَمّ.. "

بالنهاية..
الأم العراقيّة اليوم هي نفسها الأم السومرية قبل أربع آلاف عام، كلش هواية أشياء متجذرة بينا بداخلنا بَس ما نعرف أصلها وبداية قصتها، مهما إختلفت التهويدّة العراقية اليوم عن السومرية بالكلمات .. يُبقى النَسق بطبيعته ما يختلف عن النَسق السومري، نَفس الروح الفَريدة بالكلمات ونَفس الأحاسيس ونَفس الجمال، لأن الأصل والأرض والدَم نفسه..

لحظه ادارك رمضان بعد شهرين و٤ ايام
واني قبل يومين جنت اتسحر 😂