شفت شي حلو و لطيف و يبعث الطمأنينة و يهدي النفوس و حبيت اشاركة وياكم بختام السهرة

Floating

وبختام هذا اليوم

صلوا على محمد وآل محمد صلاةً دائمةً لا تنقطع أبدا ..

-
‏لَا تَسألُونِي عَنِ الأحزَانِ فِي دَربِي..
حَسبِي مِنَ الحُزنِ أشوَاقُ الهَوَىٰ حَسبِي!

أُخَادِعُ النَّاسَ بِالبَسَمَاتِ أرسُمُهَا..
عَلَىٰ شِفَاهِي.. ومَا فِي القَلبِ فِي القَلبِ!

صورة لبغداد من العصر العباسي باستخدام تقنية dall-E

زها محمد حسين حديد اللهيبيي من مواليد بغداد من عائلة موصلية ثرية جداً بتاريخ 1950/10/31 من عائله مسلمة من أب عراقي كان أحد مؤسسين الحزب الوطني الديموقراطي بالعراق وأم بريطانية وجيهه الصابوجي چانت فنانه
عدها أخين فولاذ حديد و هيثم حديد
(يظهر العائل چانت محبه للمعادن😂💔) عاشت حياة مرفهه ودرست بالمدارس الداخليه بأنگلترا وسويسرا
درست بالجامعه الامريكيه ببيروت وتخصصت بالرياضيات وبعدها انتقلت لبريطانيا وأخذت شهادة الهندسه المعماريه بكلية الجمعية المعمارية وهناك تعرفت ع هوايه شخصيات وأساتذة ساعدها للانطلاق لحياه عمليه وماشاء الله عليها برعت بأختصاصها حيل ومن نجاحها كانت أول امرأة تحصل على جائزة بريتزكر المعمارية واعتبرت زها أحد رواد فن العمارة المعاصر وكانت أغلب تصاميمها معبرة وفيها نوع من الانسانيه سوت مكتبها الخاص ببريطانيا بعد مااخذت الجنسية البريطانية وحققت نجاح عظيم من خلال هالمكتب وبخلال سنوات قليلة ثبتت مهارتها وصارت من أفضل مهندسين العماره عالمياً وچان إلها جمله دائماً تحچيها ( لم أشك بأنني سأكون محترفة)
الملفت للنظر وبرئي شي مُلهم أنو زها متزوجت أبد وكرست حياتها لتحقيق أحلامها ومااهتمت لأي عادات أو تقاليد (يعني عقلها براسها وعرفت خلاصها😂)
وچانت أغنى معماريه وتتقاضى أعلى أجور بالعالم كمعماريه
ومااكتفت بس بالعماره وهنا الصدمه چانت زها مهتمه بالازياء والعطور والمطاعم والفنادق وكانت إلها العديد من الأسهم بشركات عالميه والها مشاريع بمجالات التجميل وفريق كرة القدم وچانت قبل لاتدرس العماره مارسة مهنة التدريس بمؤسسات تعليميه
من أكثر الصفات المعروفة عن زها أنها كانت تكره الطبيعه وماچانت تحب تخلي أي نبتة بأي مكان هي بيه بس ماچانت تمانع بالنباتات الصناعيه (ماعرف شنو مشكلتها ويه الطبيعه يمكن عدها حساسيه☹️💔)
چانت تحصل على هوايه جوائز سنوياً ومره حصلت ع 12 جائزة عالمية خلال سنه وحده.
اشتغلت ب44 دولة مختلفة وقدمت 950 مشروع
طبعاً ماطرقت لأعمالها وعددتهن لأنو مومعقول اعدد 950 عمل🥲😂💔

توفت ب2016/3/31 بسبب نوبة قلبية بمستشفى ميامي
وبالختام أني حيل أحبها 🥺💔