هيلين احجي عن رياضة كمال الاجسام وعلاقتها بالطول

كمال الاجسام متنقص من الطول نهائي الا في حالة اذا الشخص اجه من اول مرة وظل يمارس بشكل مكثف هنا ممكن الاقراص بين الفقرات تتأثر وينقص من الطول سانتيمتر او أقل.

لكن تلقائياً من تشوفون شخص لعب كمال اجسام حتگولون گصران لانه هنا عضلاته تبدي تتمدد فتكون هيئة جسمه اعرض من السابق فعبالكم انو هو فاقد من طوله لكن الحقيقة الطول لا يتأثر.

الأكستاسي

اكيد كلنه بيوم من الأيام زايرين أماكن دينية ومتأثرين بيهه…مثل انه تروحون للحج او لمرقد احد الأئمة عليهم السلام … ع غفلة يتخللكم شعور غريب ورغبة بالبكاء ومتحسون بالداير مدايركم وكأنه انتو وحدكم موجودين ، شعور بقشعريرة والنشوة وارتياح تام.

زين وره ما وصفنه الشعور، تعالوا نشرح شنو هو وشلون يصير؟

بكل بساطة شعور الاكستاسي حاله حال غيره من مشاعر الفرح والحزن والخ ،هذا الشعور ناتج عن أفراز السيروتونين من الخلايا العصبية للنقاط الي بيهه تشابك عصبي… وهنا حيجينه شعور الاكستاسي ، على الرغم من انه من ناخذ ادوية بيهه سيروتونين مراح يجينه هذا الشعور، ليش؟
لان بكل تأكيد السيروتونين مو وحده المسؤول عن هذا النوع المعقد من المشاعر وانما هو مجرد يحفز بعض المستقبلات المسؤولة عن هذا الشعور مع مشاركات عدة من بقية النظام العصبي للشعور بالحالة الي يصفها البعض بالغير طبيعية والي هي الاكستاسي.

وبالمناسبة اكو ببعض الديانات ناس تروح تشتري حبوب اسمهه ع نفس اسم الشعور ( حبوب الاكستاسي) أو (حبوب السعادة) وتاخذه بجرع بسيطة في بعض المناسبات الدينية أو مرات للتعاطي وهذا النوع من الحبوب يعتبر مخدر.

وبالادب اليوناني القديم چانوا يعتبرون هاي الحالة مثل إزالة العقل او الجسد من مكانه.

كل عام وانت بخير يجماعة 🖤
ان شاءالله الموفقية للجميع
وخاصة أصحاب المجموعة الطبية الهم عرض خاص 🙈

بعد ما دريت أن أكو عاصفة ترابية بالعيد :

العيدُ يومٌ كأيامٍ لنا سلفتْ
لولا الأحبةُ ما طالت لياليها

العيدُ أنتَ فَطبْ عيداً فبهجتهُ
تظلُ ناقصةً ما لم تكُن فيها

كبد حيوانات الاضاحي يمكن تناوله لتعويض النقص في الكثير من المغذيات مثل ب ١٢ و حمض الفوليك

Good Morning ♥️

كُل عام وأنتوا بخير عساكم من عواده 💜

أول واحد يعرف سبونج بوب وين إله عيدية ..

ظاهرة التلبس

بالعادة كل واحد منه سامع ولو مرة بحياته عن هاي الحالة، فلان عنده مَس، شون يعرفون ؟

عن طريق انو هذا الشخص الممسوس (مثل ما يسموا) گام يحچي لغة من ثقافة مختلفة او تصرفات غريبة نشوفهه ، وخلال جلسات طرد الجن يگوم يتحرك حركات غريبة وهلوسات بلغات مختلفة، شنو تفسير هاي الظاهرة وهل هي حقيقة؟

هاي الحالة عبارة عن اضطراب يسموا possession trance disorder وهو عبارة عن اضطراب عقلي يُصاب المريض من خلالهه بنوبات فقد وعيه الكامل وعدم ايجاد هويته الشخصية، ويتصرف المريض وكأن جسده صار ملك لشخص آخر او كيان آخر( روح او إله او جن او شيطان) هاي الحالة منتشرة في جميع انحاء العالم، ويتصنف ضمن الاضطاربات الي تنفصل بيهه الوعي عن الذات والي يسموهه بالاضطرابات الانفصالية.
التصرفات الي يسويهه المريض تكون من ضمن معتقدات المريض نفسه ، يعني شون؟

يعني فرضاً (مجرد فرضية) اذا المريض قبل ما يصاب بهل اضطراب موجود بثقافته انه الجن من يدخل بجسد الانسان ياكل لحم هواية فعقل المريض من ينصاب بهل اضطارب تلقائياً حيگوم يخلي المريض ياكل لحم هواية.
مع الاشارة عن ان المريض نفسه فعلاً يشوف هلاوس وقد يگوم يتحدث بصوت امرأة او طفل او حتى حيوان.

بالرغم من انو المريض ميكون عنده وعي كامل بالمحيط خلال هاي الحالة الا انه اذا عاملتوا ضمن طقوس دينية هل شي حيخلي المريض يتجاوب اكثر وي المرض والعقل يگوم يصدگ اكثر انو اكو كيان مسيطر علي.
يعني اذا اخذتوا عد شيخ حتى يتلوا القرآن علي راح عقله يتجاوب وي الموضوع ويگوم يتحرك حركات غريبة.
واذا چان المريض مسيحي وهم خلوا صليب ع راسه فبهل حالة همين المريض حيتجاوب وي هل طقوس ويسوي حركات وكأنه صدگ بي جن او غيره.

بالختام هذا اضطراب عقلي لازم و واجب انه يُعالج عند طبيب نفسي مختص لفترة طويلة واكو حبوب و ادوية تحسن من النواقل العصبية ويرجع المريض لحالته الطبيعية بعد فترة.

اما اذا وديتوا يم شيوخ وسوالف الشعوذة هاي فالموضوع راح يزداد سوءاً اكثر مما هو عليه.

آخر شي
هذا الكلام من منظور علمي فقط يطبق ع الحالات النفسية، بالتالي اني بشر حالي حالكم من ناحية العلم بالشيء ماعرف كل شي بهل دنيا ، قد يكون فعلاً هناك حالات حقيقية،لكن اني هنا دا احچي بالي يگوله العلم وبالي آني اشوفه صحيح ، والله أعلم .

المثلية

وهي الانحراف بالميول بحيث تخلي الانسان غَير سوي.
وهو ليس اضطراب ولا مرض نفسي، والي يعاني منهه من الغباء علاجه لان هي ليست بمرض وانما مجرد ميول.

التعريف الاساسي الهه هو الانجذاب الشخص لنفس نوع جنسه.
ومثل ما گلنه هي متعتبر اختلال

الاسباب بكل بساطة الموضوع قد يكون ناتج عن تحرش بالطفولة مما أدى الى هاي الانحرافات وهاي من اكثر الحالات شيوعاً ببلدان الشرق الاوسط، او مشاهدة مواقع اباحية منذ الطفولة.

وقد تكون نتيجة لاختلاط الشخص بكثرة مع الجنس الاخر يعني فرضاً ولد ومترعرع طول حياته مع بنات وعائلته كلهم اناث بهل حالة احياناً قليلة يؤدي هل شي لانحراف ميوله.

أو اذا چان اكو تفاوت بين الاب والام بالعائلة بما معناه اذا چانت الام هي الاقوى والمتسلطة أكثر بالعائلة الطفل تلقائياً حتتكون عنده فكرة تعظيم شأن الاناث ومن تكون بنية وتكبر فرضًا اكو احتمالية ضئيلة بانه تنجذب للجنس الاقوى حسب ظنهه وتكون مثلية.

الشغلات الشائعة مال انه هي بالجينات فهي كلاوات لان بكل بساطة ماكو شخص ينولد وهو مثلي مع الوقت السلوكيات والمحيط الي يبينله العلاقات المفترض شون تنبني هي الي حتخلي يكون سَوي .

بالنهاية الشخص المثلي ممكن جدًا يرجع طبيعي اذا هو يريد بالتالي هي ميول وليست مرض ، ممكن يحتاج ارشادات صحيح لكن ليس من المستحيل انو يرجع طبيعي بالعكس.

البشر غالبهم بداخلهم ميول مختلفة لكن من خلال اطفاء الميول المثلية يصيرون اسوياء وكذلك المثلي يگدر يطفىء هاي الميول مع الوقت ، صح الموضوع مو سهل لكنه مو صعب بتاتاً ويحتاج لوقت.

على كلٍ من الغباء ايضاً تشجيع المثلية بذات گبال الاطفال لان انت هنا حتخليهه بباله ويظنهه شي طبيعي نشوفه ، فنحاول قدر الامكان نفتهم الموضوع وهمين مانشوف المثلي على انه شيطان ويريد يخرب المجتمع وانما انسان مر بظروف خلت ميوله تنعكس و وي الوقت ممكن يرجع طبيعي(هاي اذا چان مفتهم انو ميوله خاطئة) ، ولا نشجع المنظمات المثلية بتاتاً لان للأمانة هل حالة بالفعل حتخلي المجتمع متلخبط واذا صارت فالموضوع حيتأزم ويتسبب باختلال فعلي للمجتمع فالي علينه انو نوگف بوجهه ومتزرع هل افكار المريضة بعقول الاطفال والمراهقين وشكرًا عفواً.

بالمناسبة اكو مودة جديدة بين المراهقين يبينون روحهم كول ومختلفين لان عدهم مثلية،
هاي الحالة يكونون متأثرين بمواقع وغالباً يردون اتنشن لان همه بسن مراهقة، عموماً من يكبرون حيفتهمون شچانوا ديخربطون بحياتهم.

إختبار العمر العقلي ..