شلون گدرنا نقرأ الألواح الطينية المسمارية؟

اول شي قبل مچان اكو ذاك الاهتمام بالتاريخ و الحضارة و بالذات بزمن العثمانيين من غزوا بلاد الرافدين، أساساً چانوا مرات يعتبروهه اصنام و يفلشوهه🤦‍♀️، لو مرات الناس بذاك الزمن چانوا يدورون جوه الارض عن الذهب و الفضة و يموعّوا حتى يحصلون فلوس،بس الي ستر علينه منو، الأورپيين لان چان عدهم بالانجيل القديم و الحديث هواية مذكورة اسم بابل و حضارة بابل، فچانت بابل بحساب سر غامض جداً يتطلعون يكتشفوا ، فملك الدنمارك فريديك دز بعثة من العلماء دينقبون ع آثار و لگوا آثار هواية بس المشكلة وين؟ انو ميعرفون يقرون الالواح الطينية الي چانت مكتوبة باللغة الأكدية .


*معلومة جانبية: اللغة الأكدية مقسومة الى قسمين و الي همه اللغة الأكدية البابلية و اللغة الأكدية الآشورية ، و هم ثنيناتهم ينكتبون بالخط المسماري .

معلومة جانبية اللخ: اللغة السومرية أقدم من اللغة الأكدية و چانت السومرية هي اللغة الرسمية أما ليش صارت الأكدية فيما بعد هي اللغة الرسمية و الي يحچون بيهه أغلب الممالك؟
فبكل بساطة لان بفترة حكم سرجون الاكدي "من سوه الأمبراطورية الأكدية" شوية شوية گدر يوسعهه و يخليهه اللغة الرسمية و الي گدرت تتغلب على اللغة السومرية هم!
ركزولي على مدى قوة حكم سرجون الأكدي.
يتبع…

العالم هنري رولنسن و العالم جورج من راحوا لإيران شافوا هذا الجبل و على ارتفاع ٣٠٠ قدم من هذا الجبل شافوا نص مكتوب بتلث لغات و الي هي(اللغة الفارسية القديمة و اللغة العيلامية و اللغة الأكدية البابلية) و همه اساساً يعرفون يقرون اللغة الفارسية القديمة لانها قريبة جداً من الهندية القديمة لذا گدروا يفكون شفرة الفارسية و ما أطولهه عليكم چانوا يعرفون يقرون اللغة العيلامية هم ، و اكتشفوا انو هاي النصوص تابعة لملك فارسي كاتب انجازاته و انتصاراته بتلث لغات !
و الي هي چانت بوقتهه اقوى تلث لغات فمن ديطابقون الفارسية القديمة و الأكدية گدروا يفكون شفرة الأكدية البابلية و يقروهه بكل سلاسة .
يتبع…

لمن اكتشفوا العلماء مكتبة آشور بانيبال في نينوى شافوا هذا اللوح، و هو مقسوم نصين الاول باللغة الأكدية و الي همه گدروا يقروهه و اما الثاني فلغة مجهولة😬، و يه ما يبحثون و يقارنون سطر بسطر و كلمة بكلمة اكتشفوا انو النصف الآخر مكتوب باللغة السومرية ،اما ليش باللغة السومرية؟
لان آشور بانيبال مچان يريد تندثر اللغة السومرية و چان يريدهه تبقى فكل شي مكتوب باللغة الأكدية عالالواح چان يكتب مقابلهه بالسومرية .
و هيچ عرفوا يقرون اللغات و سلامتكم💚.

طبعاً ماكو شي ابد يثبت وجودهم
مجرد وجود حالات خطف غريبة انسبت الهم
وعلى اساس المهندس ورا التصريح مالته اختفى وورا فترة لگوا جثته بس جانت بهيئة مختلفة تماماً
ووحدة من الحالات الي صارت
بيتي وبارني ادعوا انو همه باحد الليالي ب سبتمبر1961 جانوا ديسوقون سيارتهم على طريق ريفي فارغ وفجأة شافوا ضوا غريب بالسما ديتبعهم
ومن وصلوا للبيت الفجر جانوا اكو شعور بعدم الراحة ولگوا ملابسهم كلها قذارة وكل ساعات البيت جانت واكفة
واحذية بارني جانت متمزقة بشكل كلش غريب وفستان بيتي كذلك
وجان اكو ساعتين باثناء السياقه محد بيهم يتذكرها وشنو الي صار بيها
طبعاً خضعوا ثنينهم لعلاج نفسي وبخلال الجلسات حجوا للطبيب عن فد نوع من الكائنات رماديية وعدها عيون كبيرة قادتهم لمركبة فضائية
وخضعت هاي القصة حتى تصير مشروع سري للحكومة الامريكية يسمى مشروع الكتاب الازرق

طبعاً مشروع الكتاب الازرق انهوا بشكل كامل بعام 1969 هدفه جان البحث بالادعائات الخاصة برؤية الاطباق الطائرة واختطاف الرماديين للبشر
بس ورا التحقيق بحالات الخطف خلصوا كل التقارير انو كل الادعائات الي صارت هيه بس مجرد هوس

اذا نجي دينيا وعلمياً فهاي كلها تبقى مجرد قصص لااكثر وابد ميثبت انو همه موجودين
ويبقى هالشي سر

الصورة حديثة

-وكالة ناسا حددت موعد نهائي لاطلاق تلسكوب جيمس ويب الجمعة القادمة في الساعة 3:20 مساءاً بتوقيت بغداد.

خبر غير مرغوب فيه..
تأجيل اطلاق تلسكوب جيمس ويب الى يوم السبت القادم (2021/12/25) بسبب الظروف الجوية السيئة.

لو قرأت مكونات المنتجات الحمراء الجاهزة و ورأيت فيها natural red أو cochineal extract 4 أو carmine فهذا يعني بإن دخل في تركيب هذهِ المنتجات حشرات تم سحقها.
.

العثور على بيضة ديناصور تحتوي على جنين متحجر منذ أكثر من ٦٦ مليون سنة.
*تم اكتشافها جنوب الصين.

اكو نضرية شدت انتباهي
يكولون ليش تصورون الديناصورات دائما على انها تشبه تمساح وعندة ارجل وجسمة مليان جلد سميك
مع انه الشي الوحيد الي حصلنا عليه هو عظامها
فمنو يكول الديناصورات مو مثل الدجاج العملاق ؟ مغطى بريش او فرو ويكون شكلة لطيف مو مثل ما تطلعلنا بالافلام او المسلسلات
هسة هاي الجمجمة لو لگيناها بحفرة بدولة من دول العالم راح نگول شنو هالحيوان المخيف ونصورة بالافلام على شكل وحش مع انها جمجمة بقرة عادية !
الشغلة مو مثيرة للاهتمام ؟