Teskari haqiqatlar

1. Qalbingda pulga bo‘lgan muhabbat pasaygani sari — pul senga ko‘proq muhabbat qo‘yishni boshlaydi.

2. Qizlardan o‘zingni olib qochganing sari — ularni senga intilishi kuchayib boradi.

3. Ilming oshgani sari — og‘rig‘ing ham kattarib boradi.

4. Shariat qonun-qoidalarini o‘rganganing sari — hayoting og‘irlashmaydi, aksincha, yengillashib boraveradi.

5. O‘zingni kamtar tutganing sari — haybating oshib boraveradi.

6. Allohdan qo‘rqqaning sari — unga yaqinlashib ketaverasan.

7. Ehson qilganing sari — puling ko‘payib ketaveradi.

8. Ilmingni ulashganing sari — ko‘payib boraveradi.

9. O‘z ayblaringni tan olganing sari — o‘zingga bo‘lgan ishonch ortib boraveradi. ©

📚 @kitob_nuri

👤 Yerlan Baydaulet
📓 "Islomiy moliya asoslari"

📚 @kitob_nuri

#AXLOQ

Allohning valiylari ulug‘ maqomga ko‘p amal bilan emas, balki odob va go‘zal axloq bilan yetishganlar.

| Imom Sha’roniy r.a.

📚 @kitob_nuri

Oshiqman dermisan?!
Oshiqlar uchun Ma’shuqdin o‘zga hayol yo‘q!
Ma’shuqning so‘zidin o‘zga kalom yo‘q!
Unga xush yoqish uchun Uning yo‘lidin o‘zga yo‘l yo‘q!
Aning haybatidan, hayratidan, muhabbatidan o‘zga Ishq yo‘q!
Manam oshiq dermisan?!...

| Fariduddin Attor

📚 @kitob_nuri

Pora haqida

Abu Hurayra roziyallohu anhudan rivoyat qilinadi:
«Rasululloh sollallohu alayhi vasallam hukmda pora beruvchini va pora oluvchini la’natladilar».
Termiziy va Ahmad rivoyat qilishgan.
Allohdan O‘zi xush ko‘radigan va rozi bo‘ladigan narsaga muvaffaq qilishini so‘raymiz. Allohu a’lam. Pora arab tilida «rishva» deb atalib, shar’iy istilohda adolatni yo‘qqa chiqarish va botilni yuzaga chiqarish uchun beriladigan narsaga ishlatiladi. Shuning uchun ham Rasululloh sollallohu alayhi vasallam pora beruvchini ham, pora oluvchini ham la’natlamoqdalar. Rasululloh sollallohu alayhi vasallamning la’natlari juda og‘ir jazodir, chunki la’nat birovning Allohning rahmatidan uzoq bo‘lishini so‘rashdir. Allohning mahbub Rasuli Alloh taolodan so‘ragan narsa bo‘lmay qolmasligi hammaga ma’lum. (“Kifoya” kitobidan). Vallohu a’lam!

| «Zikr ahlidan so‘rang» hay’ati

📚 @kitob_nuri

NE'MAT va FITNA

Ibn Qoyyim rohimahullohdan: "Agar Alloh insonga ne’mat ato etsa, u uni ne’mat yo fitna ekanini qayerdan biladi", deb so‘raldi.
U zot: "Agar uni Allohga yaqin qilsa, demak, u ne’mat. Yo‘q, agar uni U Zotdan uzoq qilsa, demak, u fitnadir!" - dedilar.

📚 @kitob_nuri

Umar ibn Xattob (r.a.) dedilar:
«Alloh harom qilgan narsadan parhez qilgan kishining duo va tasbehi qabul bo‘ladi».

📚 @kitob_nuri

Soliha ayoling bo‘lsa...

Hasan Al Basriydan (rohimahulloh) rivoyat qiladilar:

Haj mavsumi Makkaning do‘konlaridan biriga mato olish uchun kirdim. Sotuvchi mahsulotlarini maqtagandan maqtab, tinimsiz qasam ichaverardi. Shu sabab, do‘konidan chiqib, boshqa do‘kondan mato oldim.

Oradan ikki yil o‘tib hajda o‘sha sotuvchining ixlos bilan ibodat qilayotganini ko‘rdim. Do‘koniga kirsam, savdoni ham qasamlarsiz, mahsulotining kamchiligini aytib sotayotgandi. Undan so‘radim:

- Ikki yil oldingi qasamxo‘r sizmidingiz? Nima o‘zgardi?

U javob berdi: - Ha, men o‘shanday edim. Bir xotinim bor edi. Nuqul topganim kamligidan shikoyat qilar, ko‘proq pul topsangiz bo‘lmaydimi?! - deb malomat qilaverardi. Alloh taolo meni undan xalos qildi. Keyin boshqa uylandim. Bu ayolim har safar uydan chiqarkanman:

- Allohdan qo‘rqing! Bizga harom luqma yedirmang! - deydi. Shunday qilib o‘zgardim.

Imomdan rivoyat qilingan hikoya shu yerda tugaydi. Bunga o‘xshash hollarni bizning zamonamizda ham ko‘p ko‘rganmiz. Darhaqiqat, soliha ayol dinning yarmidir!

| Mahmud Usmon

📚 @kitob_nuri

Kecha qo‘shnim ochlikdan vafot etdi. Ta’ziyasiga qo‘y so‘yib, ziyofat berishdi.

| Ali Shariatiy

📚 @kitob_nuri

ALI TANTOVIY DURDONALARIDAN

Modomiki ovozim foyda berar ekan, qamchimni ishlatmayman. Modomiki jim turishim foyda berar ekan, ovozimni ishlatmayman.

Qiziq! Sadaqa qilayotganimizda cho‘ntagimizdagi eng mayda pulni qidiramiz, Allohdan so‘raganimizda esa Firdavs jannatini so‘raymiz.

Uzr so‘raganlarning barchasi ham xatokor yoki zaif bo‘lishmaydi. Uzr so‘rash nodir sifat bo‘lib faqat vafoli insonlardagina topiladi.

Agar vatan qahramonlari qabrda bo‘lsa, mardlari qamoqda bo‘lsa, o‘g‘rilari saroyda bo‘lsa dunyo bilan xayrlashaver!

Masjid imomi xato qilganida uning xatosini tuzatadigan kishi topilmay, xonanda kuylaganida u bilan qo‘shilib oxirigacha kuylaydiganlarning topilishi ajib ishdir!

Gʻarb daho emas. Biz ham ahmoq emasmiz. Ular faqatgina omadsiz insonni omadga erishgunga qadar qo‘llashadi. Biz esa omadli insonga qarshi toki u muvaffaqiyatni boy bergunicha kurashamiz!

Oldiga kir bo‘lib kelib pokiza bo‘lib qaytadigan , zaif bo‘lib kelib kuchli bo‘lib qaytadigan do‘stingning borligi go‘zaldir!

📚 @kitob_nuri

#Ochilish

Ayollardan ko‘zni tiyish qalbingda quvvat, shijoat va farosatni hamda ko‘ksing ochilishini paydo qiladi.

| Ibn Qayyim rahimahulloh

📚 @kitob_nuri

#Tafakkur

Banda to o‘zini o‘zgartirishni o‘zi so‘ramaguncha, yoki rozi bo‘lib, ixtiyoriy va suygan holda o‘z zoti va nafsini taslim etmaguncha, Alloh bandaning holini o‘zgartirmaydi.
Mana shunday holat Parvardigorning oldida o‘lish yoki foniy bo‘lish deyiladi. Buni katta Irodaga taslim bo‘lib, iymon keltirib, kichik ixtiyor va irodani topshirish deb nomlanadi.
Alloh sari yo‘lda yurish va halokatdan najotga chiqish mana shudir.

| Doktor Mustafo Mahmud

📚 @kitob_nuri

Allohning rahmati solih amallar ichiga yashirib qo'yilgan

Shaqiq al-Balxiy aytadilar:
Besh narsa talab qildik va uni
besh narsada topdik:

1. Qabrda nurni talab qildik.
Uni kechani qoim qilishda topdik.
2. Munkar va Nakirga javobni talab qildik. Uni Qur'on o'qishda topdik.
3. Sirot ko'prigidan o'tib ketishni talab qildik. Uni sadaqada topdik.
4. Qiyomat kuni chanqoqni bosishlikni talab qildik. Uni kunduzgi ro'zada topdik.
5. Rizqimizda baraka bo'lishini talab qildik. Uni zuho namozida topdik.

@Eng_yaxshi_ummat

Бирор банда диндош биродарини бир гуноҳ билан айбласа, ўша гуноҳга ўзи мубтало бўлади.

Агар сизга фалончи ҳақида ёмонлик, масалан, намоз ўқимайди, Рамазонда рўза тутмайди каби хабар келса, ичингизда: "Аллоҳ бизни ҳам, уни ҳам мағфират этсин!" деб айтинг!

Умар Абдул Кофий

"Ховатир роқия журнали" саҳифасидан


•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA