‏📚 قال ‎عبد الله بن الزبير - رضي الله عنه - :

" ما رأيت امرأتين أجود من عائشة وأسماء وَ جُودهما مختلف ؛ أما عائشة فكانت تجمع الشيء إلى الشيء حتى إذا كان اجتمع عندها قسمته ، وأما أسماء فكانت لا تمسك شيئا لغد ".

📙 [ الأدب المفرد ١٠٦ ]

قـال ابن عثيمين رحمه الله :

ينبغي للإنسان إذا أرادَ طاعةً أن يُفرِّغ قلبَهُ وبَدَنَهُ لها ، حتَّى يأتيَها وهو مُشتاقٌ إليها ، وحتَّى يُؤدِّيَها على مهلٍ وطمأنينةٍ وانشراحِ صدْر .


[شرح رياض الصالحين (م١، ص٣١٥)].

‏✍🏻قال الإمام ابن القيم رحمه الله:

.. فما صغَّر النفــس مثلُ معصية الله، وما كبَّرها وشرَّفها ورفعها مثل طــاعة الله.

📚/ الجواب الكافي (ص٥٣).

#تفسير

قول الله عز وجل :
{ قل هل ننبئكم بالأخسرين أعمالا}

- عن مصعب قال: سألت أبي، يعني سعد بن أبي وقاص، عن قول اللّه: { قل هل ننبئكم بالأخسرين أعمالا} أهم الحرورية؟
قال: لا، هم اليهود والنصارى، أما اليهود فكذبوا محمداً صلى اللّه عليه وسلم، وأما النصارى فكفروا بالجنة وقالوا: لا طعام فيها ولا شراب، والحرورية الذين ينقضون عهد اللّه من بعد ميثاقه، فكان سعد رضي اللّه عنه يسميهم بالفاسقين ""أخرجه البخاري في صحيحه في باب التفسير""،

- وقال علي بن أبي طالب والضحّاك وغير واحد: هم الحرورية، ومعنى هذا عن علي رضي اللّه عنه، أن هذه الآية الكريمة تشمل الحرورية كما تشمل اليهود والنصارى وغيرهم، لا أنها نزلت في هؤلاء على الخصوص، وإنما هي عامة في كل من عبد اللّه على غير طريقة مرضية يحسب أنه مصيب فيها، وأن عمله مقبول، وهو مخطئ وعمله مردود، كما قال تعالى: { وقدمنا إلى ما عملوا من عمل فجعلناه هباء منثورا} ،
وقال تعالى: { والذين كفروا بربهم أعمالهم كسراب بقيعة يحسبه الظمآن ماء حتى إذا جاءه لم يجده شيئا} ،

-وقال في هذه الآية الكريمة { قل هل ننبئكم} أي نخبركم { بالأخسرين أعمالا} ، ثم فسرهم فقال: { الذين ضل سعيهم في الحياة الدنيا} أي عملوا أعمالاً باطلة على غير شريعة مشروعة مرضية مقبولة، { وهم يحسبون أنهم يحسنون صنعا} أي يعتقدون أنهم على شيء، وأنهم مقبولون محبوبون ...

📚 #ابن_كثير

#همسة_السحر 🌠🌿

الخلوة مع الله في ظلمة الليل ومن حولك نيام ، هو حل لجميع أمورك بإذن الله ، أو أن تطلب من الله جنته ومغفرته ، أو أنك متعرض لظلم من شخص فاجلس في غرفة مظلمة ، استشعر بأن الله معك ورقيبك ، وابكِ لله ، كن طفلاً في خَلوتك ، فالطفل إذا أراد شيئاً ذرف الدموع لأجله ، ولا يجد راحته إلا عند حصوله على الشيء الذي يريده ..
واطلب حاجتك من الجبار اللطيف ، وسلّم أمرك للمولى عز وجل ، وأحسن الظن به ، فذلك يجعلك أكثر تفاؤلاً وراضياً بما قسمه الله لك من الخير ..

#الوتر_جنة_القلوب

#تصبحون_علي_مسامع_اذان_الفجر

#همســــــــة_الـوتـــر


🌴🌠🌴

#خواتيم_سورة_البقرة

(ءَامَنَ ٱلرَّسُولُ بِمَاۤ أُنزِلَ إِلَیۡهِ مِن رَّبِّهِۦ وَٱلۡمُؤۡمِنُونَۚ كُلٌّ ءَامَنَ بِٱللَّهِ وَمَلَـٰۤىِٕكَتِهِۦ وَكُتُبِهِۦ وَرُسُلِهِۦ لَا نُفَرِّقُ بَیۡنَ أَحَدࣲ مِّن رُّسُلِهِۦۚ وَقَالُوا۟ سَمِعۡنَا وَأَطَعۡنَاۖ غُفۡرَانَكَ رَبَّنَا وَإِلَیۡكَ ٱلۡمَصِیرُ ۝ لَا یُكَلِّفُ ٱللَّهُ نَفۡسًا إِلَّا وُسۡعَهَاۚ لَهَا مَا كَسَبَتۡ وَعَلَیۡهَا مَا ٱكۡتَسَبَتۡۗ رَبَّنَا لَا تُؤَاخِذۡنَاۤ إِن نَّسِینَاۤ أَوۡ أَخۡطَأۡنَاۚ رَبَّنَا وَلَا تَحۡمِلۡ عَلَیۡنَاۤ إِصۡرࣰا كَمَا حَمَلۡتَهُۥ عَلَى ٱلَّذِینَ مِن قَبۡلِنَاۚ رَبَّنَا وَلَا تُحَمِّلۡنَا مَا لَا طَاقَةَ لَنَا بِهِۦۖ وَٱعۡفُ عَنَّا وَٱغۡفِرۡ لَنَا وَٱرۡحَمۡنَاۤۚ أَنتَ مَوۡلَىٰنَا فَٱنصُرۡنَا عَلَى ٱلۡقَوۡمِ ٱلۡكَـٰفِرِینَ)
[سورة البقرة 285 - 286]


👈عن أبي مسعود الأنصاري رضي الله عنه قال : قال رسول الله صلى الله عليه وسلم : من قرأ الآيتين من آخر سورة البقرة في ليلة كفتاه. 🍃🌾

💚 حياتي دعوة 💚:
✅🌼 لو عرفتموة.. لأحبتوة 🌼✅

ازاي نقتدي بحد ما نعرفش عنه حاجه؟ ونعرف قد ايه هو تعب عشان خاطرنا...
عشان كده احنا بسطنا الموضوع انك تقرا وتفهم وانت مستمتع 👇

✍️الحلقات دي مجموعه من البنات ربنا يجازيهم خير هما اللي تعبوا فيها وانا قلت انقلهم ليكوا علشان تستفادو وتحبو رسولنا بزياده ونصلي عليه كتير

🔅 يلا نبدا بسم الله 😍😍

📌السيرة النبوية في دقائق كل يوم حلقتين📌

🌅 الحلقتين الأولي والثانية 🌅

🔅 (الحلقة الأولى)🔅

🔅 حب الصحابة للنبى ﷺ :
🌼سيدنا أبو بكرحبيب النبي ﷺ وخليل النبي أكتر واحد كان بيحب النبي وكان له موقف وكلمه مشهورة أوي معاه، يقول سيدنا أبو بكر: كنا في الهجرة وأنا عطشان جدا، فجئت بمذقة لبن فناولتها للرسول ﷺ ، وقلت له :اشرب يا رسول الله، يقول أبو بكر: "فشرب النبي ﷺ حتى ارتويت" ❤.. وكان بيحبه لدرجة ان ابو بكر كان يتعب لما النبي ﷺ يتعب ولما النبي يخف هو يخف، ويضحك لما النبي يضحك كان بيحبه حب عجيب، احنا عايزين تكون ثمرة السيرة إنك تحب النبي ﷺ أكتر من نفسك 😊

🌼و كان النبي ﷺ مش بيحب ان حد يخدمه، لكن من حُب الناس له، كان نفسهم يكونوا معاه في كل لحظة، فيلحوا عليه انهم يخدموه صَلَّى اللَّهُ عَلَيْهِ وَسَلَّمَ 🙂
و في قصتين لخادمين للرسول ﷺ بيبينوا قد ايه كانوا بيحبوه:
كان فيه صحابي اسمه ثوبان، خادم النبى ﷺ ومولاه، فمرة النبي خرج الصبح بدري ورجع متأخر جدا فلقى ثوبان يبكي فقاله: يا ثوبان ما يُبكيك فقال ثوبان: إشتقت إليك يا رسول الله، فقال النبي: أوغير ذلك؟ قال: هناك شيئا آخر يا رسول الله ..
😢 تذكرت يوم القيامة وجعلت أتفكر في الآخرة وفي الجنة والنار وعلمت أنى وإن دخلت الجنة فلن أكون معك في المنزلة يا رسول الله فأنت مع النبيين والصديقين فابتسم النبي ﷺ وقاله: يا ثوبان أما علمت أن المرء يحشر مع من أحَب (يعني احنا ممكن منقدرش نبقى زى ابو بكر وعمر لكن نحب النبي اوى فبحبنا ده نكون يوم القيامة مع ثوبان وابو بكر وعمر وعلى) فقال ثوبان: اوحقا يا رسول الله؟!
فقال النبي ﷺ : أجل، فيقول ثوبان: فخرجت في طرقات المدينة أصرخ بها بين الناس، فما كان الصحابة أشد فرحةً بشئ أكثر من فرحتهم بهذا الحديث بعد الإسلام.

🌼ووقتها نزل قول الله تبارك وتعالى "وَمَنْ يُطِعِ اللَّهَ وَالرَّسُولَ فَأُولئِكَ مَعَ الَّذِينَ أَنْعَمَ اللَّهُ عَلَيْهِمْ مِنَ النَّبِيِّينَ وَالصِّدِّيقِينَ وَالشُّهَداءِ وَالصَّالِحِينَ وَحَسُنَ أُولئِكَ رَفِيقاً" 🙂

🌼 بعد فترة النبي ﷺ جاله شاب تاني اسمه ربيعه بن كعب الأسلمي هو صحابي شاب صغير راح للرسول وطلب منه انه يكون خادم عنده لغايه لما النبي وافق .. فراح ربيعه يخدم النبي ﷺ في أي حاجة يطلبها منه ﷺ ، يقول ربيعه: فكان إذا جاء الليل يقول لى رسول الله اذهب يا ربيعه لتستريح وتأتي غدا، فيخرج ربيعه عشان يروح وبعدين يقف عند الباب بره ويقول فى نفسه: ما تفعل يا ربيعه؟!
أتعود إلى البيت؟! أتتحمل فراق رسول الله، فأفكر وأفكر وأقول: والله لا تحتمل فراق رسول الله، فييجى عايز ينام ومش عارف يعمل إيه!

🌼 فبعد لما يتأكد إن الباب مقفول كويس يقلع الجُبه بتاعته ويفرشها على عتبه الباب من بره ويسند على الخشبة بتاعة الباب ويقول في نفسه (عايز يدي لنفسه تبرير يعني ) لعلّ رسول الله يحتاج فى الليل شيئا!
فبيقول: كنت أضع رأسى على الباب ويقول : فى ليلة كنت تعبان فعيني غفلت ورحت في النوم وربنا قَدّر ان النبي يخرج يعمل حاجة ففتح الباب فربيعه وقع ..

🌼 فالنبى ﷺ اتخض وقاله: يا ربيعه ما أجلسك هنا؟! فقال ربيعه: والله يا رسول الله قلت في نفسي لعلك تحتاج في الليل شيئا! ففهم النبي وضحك وقاله: قم ياربيعه .. وقاله علشان يفرحه: يا ربيعه سلني ما تريد، قال: وتعطينى يا رسول الله؟! قال النبى ﷺ : أجل، قال ربيعه: أسألك شيئا واحداً .. أسألك مرافقتك في الجنة !!

✅مع إنه كان فقير و ممكن يطلب أي شيء في الدنيا، لكن مش عايز غير مرافقة النبي ﷺ في الجنة...
ان شاء الله نكون من رفقاء النبي ﷺ في الجنة بحبنا له ❤ ❤

🌼وبعدين يجيله راجل تانى في نص الليل بيخبط، فالنبي يتفزع ويفتح فيطلع صحابى ويقوله ليه جاى فى نص الليل؟ فيقوله: اشتقت إليك وأنا بين أهلي وأولادي فلم أذق نوماً فقلت في نفسي آتيك فأنظر إليك وأعود فأنام..

✅يا بختهم أصحاب رسول الله، كانوا كل ما يوحشهم بس يروحوا يبصوا فى وشه ويمشوا ❤الصحابة مرة سألوا النبي ﷺ هو ازاي حيعرفنا احنا طيب؟ هم ماشي أصحابه لكن الناس اللي بعده حيعرفهم ازاي قال ﷺ : أعرفهم بأسمائهم وأنسابهم .

فاسمك هو عارفه وعارف باباك ومامتك، فكل ما بتصلي عليه بيروح ملك يوصله صلاتك و سلامك في قبره)..
فصلوا على النبي 🔅
➖➖➖

🌅 لو عرفتموة 🌅

🔅 الحلقه الثانية🔆

نكمل حكايات الصحابة وحبهم للرسول بقى 🙂
كان في واحده ست اسمها أُم سُليم دي تبقى أم أنس بن مالك الصحابي الشهير .. أم سُليم لما النبي ﷺ دخل المدينة (هي انصارية) كان عندها ابن صغير

عنده 10 سنين اسمه

أنس فراحت للنبي عليه الصلاة والسلام -وكانت كل ست من الأنصار تروح تدي للنبي هدية- فأم سُليم معهاش فلوس .. طيب تعمل إيه!!
تروحله وتقوله: يا رسول الله ان صويحباتي من الأنصار كل واحده منهن أهدتك هدية وليس عندي مال أشتري هديه وليس عندي أغلى من ولدي أنس فاتخذه خادما يا رسول الله .

فبيقول أنس :عشت مع النبي ﷺ ووالله لم يقل لي يوما قط لم فعلت هذا ولم يقل لي لمَ لم تفعل هذا!
مرة واحده بس النبي قاله ممكن تروح تعمل حاجة وأنس بيقول أنا وقتها كنت صغير فخرجت لقيت صحابي بيلعبوا في الشارع فقعدت ألعب معاهم ونسيت كلام النبي ﷺ فبيقول قعدت ألعب وقت طويل والنبي كل ده مستني .. فالنبي لقاه اتاخر فخرج يشوف فين أنس فلقاه عمَّال يلعب ، فأنس بيقول: والله جاءني من ظهري واحتضنني وخبأ عينيَّ وقال: من أنا! فقال أنس: رسول الله، فأنس دوَّر وشه ولسه بيقوله والله .. وحيتأسف وكده، قام النبي قاله: يا أُنيس لا عليك، يا أٌنيس (بيدلعه) هلا تفعل ما طلبته منك، فقاله: أفعل يا رسول الله وطلع يجرى.

*كان فيه صحابي من الصحابة اسمه زاهر .. زاهر ده من الصحابة المعدودين أوي اللي شكلهم مش جميل لأن أغلب الصحابة كانوا جٌمال جدااا 🙂

وزاهر مكنش اجتماعي أوي كان منطوي شويه ودايما بيقعد لوحده كان بيحس ان الناس مش بتحبه فمرة النبي عليه الصلاة والسلام عايز يمزح مع زاهر .. فزاهر كان في السوق بيشتري حاجات فالنبي يعمل إيه! يجيله من ظهره عليه الصلاة والسلام فيحضنه ويغمي عينيه الإتنين وقال: من يشتري هذا العبد ؟؟ من يبتاع مني هذا العبد ؟؟ فزاهر اتخض وقاعد بيحاول يفك نفسه منه ويقوله أرسلني أرسلني!! فزاهر بيقول كنت كلما احاول ان افك نفسي منه كان يشتد أكثر لأن النبي قوي عليه الصلاة والسلام (كان في قوة 40 واحد زي عمر بن الخطاب، وعمر كان قوى وضخم جدا لدرجة انه كان ماشي جنب صحابي مرة وكحَّ جامد الصحابي أُغمي عليه من الخوف، والشيطان كان بيخاف منه وبيمشي من الطريق اللي عمر مايمشيش منه، فكان النبي يقول لو سلك عمر فجاً لسلك الشيطان فجاً آخر) ومع ذلك، النبى عمره ما استغل قوته دى وما ضرب رسول الله رجلا قط إلا في المعركة وماضرب رسول الله امرأة قط!!

فقال زاهر : فشممت كفه فعرفت أنه رسول الله. عارفين عرفه منين؟! أصل بيقولك النبي مش زينَّا النبي مسام إيديه مش بتفرز عرق زى العرق بتاعنا، دى بتفرز مسك بجد! وكانت كفه ألين من الحرير كأنما أخرجت من علبة عطر!

فقال زاهر: فلما عرفت أنه رسول الله ﷺ جعلت أدخل في حضنه ويزق ضهره فى حضن النبي فالنبي فهم وضحك ووسع إيديه .. فقال زاهر: تبيعني يا رسول الله ؟! فضحك النبى ﷺ ، وقال زاهر: يا رسول الله لئن بعتني لوجدتني كاسدا يا رسول الله (علشان هو مش جميل شكلا يعنى).. فقال النبي لا يا زاهر ولكنك عند الله غال 🙂

🔅 حب عائشة للنبي ﷺ وحب النبي ﷺ لزوجته عائشة من أجمل القصص اللي ممكن تسمعوها، كانت بتحبه وكانت بتغير عليه وأوقات كانت تعمل حاجات يستغرب منها الصحابه وعلى فكرة كانت شديده الحسن، فكانت تقول دايما بيت شعر لست أملك ما ببالي فإن حالي أبلغ من مقالي رسول الله زوجي لم أر غيره به زوجني ربي وحباني..

فهي بتحكي بتقول كان رسول الله يحبني وكان يفضلني وكنت أفخر بذلك على صويحباتي ( النبي كان متزوج أكتر من زوجه حنكي ليه وحنحكي أسباب زواج كل واحدة وكل حاجة بالتفصيل لما تيجي وقتها) وكانت بتغير على النبي جدااا

*مرة كان النبي ﷺ عازم الصحابة في يوم عائشة وعائشة لسه يعني صغيرة مش عارفة تطبخ أوي .. فصفيه سمعت إن الصحابة جايين يتغدوا عند النبي فراحت عملت أطيب الطعام – وصفيه كانت بتطبخ حلو أوي وكان أكلها راائع كانت السيده عائشة تقول: ما رأيت أطهى من صفيه وأكيد كانت برده قاصدة بيه حاجة ما هم برده بشر – فصفيه جابت الخادم بتاعها وقالتله: يا غلام خذ هذه القصعه وأوصلها إلى بيت عائشة فإذا سألك رسول الله فقل تُهدي لك صفيه هذا لتطعمه لأصحابك يا رسول الله
وطبعا ده يوم عائشة فالخادم جه وبيدي عائشة الأكل وريحة الأكل فعلا حلوة فبتقول: فمر الغلام من أمامي فرأيت الطعام فقلت ما هذا؟ فقال: أرسلته صفيه إكراما لصحابة رسول الله، فراحت عائشة كعبلته برجلها ووقعته والأكل كله وقع على الأرض 😄

طبعا بيت النبي مش كبير ده أوضه صغننه كده فالصحابة كلهم كانوا قاعدين والموقف ده حصل فكلهم بصوا لعائشة، بس تخيلوا النبي اتصرف ازاي .. لا زعق ولا غضب ولا عمل أي حاجة، فما كان منه إلا أن تبسم وجثا على ركبتيه نزل يلم الأكل وقالهم: لا عليكم كُلوا كُلوا غارت أُمكم 🙂 يقول الصحابة فاستحيينا فنزلنا نلم الأكل معاه، تقول عائشة: والله لما نزلوا ما رأيت الغضب في وجهه قط بعدها.
------------------------
#لو_عرفتموة
#حياتي_دعوة

✍️🌅✅ لو عرفتموة ✅🌅

( وصف النبي عليه الصلاة والسلام )

🔅 الحلقه الثالثه 3🔅

يلا بينا نصلى على النبى صلى الله عليه وسلم 💗
يلا نقرب أكتر بقى من التفاصيل .. كان شكله إيه الرسول صلى الله عليه وسلم!!

فيه صحابي اسمه "حسان بن ثابت" كان مشرك وكان شاعر كبير فجاتله قريش قالتله: يا حسان خد الفلوس دى في مقابل أن تهجو محمد (يعنى تشتمه بالشعر) فحسّان قال انا لازم ألاقي حاجة فيه وحشة أبدأ أقول عليها، فوقف أستنى النبي من الصبح لغاية بليل فوق جبل كده مبيجيش،

فبيقول: فإذا بي وأنا أنصرف رأيته يأتي من بعيد وشفته وحاولت ادقق فيه، بعد كده راح أخد الفلوس واداها لقريش وقالهم انا مش حهجو محمد فقالوا: لمَ يا حسان؟ فقال: أما أنا فأشهد أن لا إله إلا الله وأشهد أن محمداً رسول الله، فقالوا: يا حسّان ما دهاك؟ ما لهذا أرسلناك !

فقال :
فلما رأيت أنواره سطعت وضعت من خيفتي كفي على بصري
خوفا على بصري من حسن صورته فلم أكن أنظره إلا على قدر
روح من النور في جسم من القمر كحليه نُسجت من الأنجم الزُهر

*يقول جابر بن ثمرة: خرجت في ليلة اضحيات (ليله القمر فيها مكتمل يعنى بدر )وجعلت أنظر إلى القمر، فإذا برسول الله يأتي من بعيد فجعلت أنظر إليه وإلي القمر ووالله هو أجمل وأحلى من القمر 💗
*سيدنا يوسف ربنا اداله شطر الجمال وأعطى سيدنا محمد الجمال كله، سيدنا يوسف النسوة قطعن أيديهن لما شافوه، لكن سيدنا محمد ربنا ألقى عليه هيبة فمحدش يقدر يحُدُّ النظر إليه ولا يُفتَن بيه 💗
*طيب شكله إيه !!

سيدنا الحسن بن عليّ بن أبى طالب لما كبر بدأت ملامح الرسول تروح من دماغه لأنه مات وهو عنده 7 سنين، فراح لواحد إسمه هند بن أبي هاله (ابن زوج خديجة الأول) قاله: يا خال، صفلي شيئا من حلية رسول الله أتمسك به، فوصفله الوصف اللي حقولهولك ( انا مش حقولكم نص الحديث لأنه فيه كلام صعب شويه ) فقال : كان فخماً مفخماً وكان ليس بالطويل البائن ولا بالقصير (يعنى ولا قصير اوى ولا طويل اوى)لكن كان أقرب إلى الطول.

نبدأ من أول رأسه إلى قدمه، قال: كان وجهه أبيض مُشرب بحمرة فاض الجبين، دقيق الحاجبين أزجّ سوابغ في غير قرن (بيقولك حواجبه كانت رقيقة كلمه أزجّ يعني رفيعه ومقوسه، سوابغ يعني الحاجب ممتلئ مش فاضي، في غير قرن يعني مفيش شعر فوق ولا تحت حاجبه)، واسع العينين شديد سوادهما في شده بياضهما (يعنى السواد اسود اوى والبياض ابيض اوى)، أكحل وما هو بأكحل (يعنى كأنه حاطط كحل)، أهدب الأشفار (الأشفار : الرموش، وأهدب يعني طويلة ومن كتر ما هي طويلة متنية .
🔅🔅🔅🔅

#لو_عرفتموة
#حياتي_دعوة

✍️🌅✅ لو عرفتموة ✅🌅

(( وصف النبي عليه الصلاة والسلام ))

🔅الحلقة الرابعة 4🔅

يلا صلوا على النبى 🙂
اخر مرة قلنا شوية من حديث هند بن أبى هالة وشرحنا معناه، يللا نكمل باقى وصف حبيبنا صلى الله عليه وسلم 🙂

كان أسيلُ الخدين (يعني خدوده ناعمه لا فيها حبوب ولا حته خشنة ولا فيه شعر لأن لحيته بادئة من تحت) وكان أقنى العرنين (يعنى الأنف وأقنى يعني مناخيره رفيعه صلى الله عليه وسلم زى ما بنسميها احنا الأنف الأرنبية) ممتلئ الشفاه ( بقه مش كبير لكن شفايفه ممتلئه)..
مثلج الأسنان كأنها نظْم لؤلؤ (سنانه بتلمع وكل سنه جنب التانية )..
واذا تكلم خرج النور من بين ثناياه وكانت في لحيته كثوفة وكانت تصل إلى صدره، كانت ناعمه ومهذبة، ورقبته صلى الله عليه وسلم كأنها جِيدُ فضة (يعنى كأنها مصبوبة زى الفضة كده)،
أنور متجرد (يعني جسمه اللي متغطي ده منور فعائشة كانت بتقول إنه مثلا لو عمل أي حركة وحته من جسمه ظهرت فيه نور يخرج من تحت العباية) بعيد ما بين المنكبين، عاري الصدروالذراعين من دونهما (يعني معندهوش شعر في صدره وذراعه وعنده شعر خفيف جدا من الكوع لحد الكتف وعنده خط خفيف من الشعر من السرة لتحت شويه، طيب الصحابه عرفوا ده ازاي قالك يوم الحج لما كان بيفتح الرداء عشان يطلع ايده اليمين في اللقطة دي هم شافوه) أسيل القدمين ينئو عنهما الماء كأنهما اسطوانة فضه (يعني ناعمه جدا لدرجة إن لما تصبي الميه تجري عليها)

وكان شعره أسود من الليل وكان ناعم جدا وأوقات يصل شعره تحت أذنه وأوقات الى الكتف وأغلب الأحيان في منتصف الظهر وكان يضعه خلف أذنيه اذا فرق عقيقته فرق (يعني لما بايده كده يفرق شعره يثبت شعره ميرجعش تاني) وكأن شعره طوعاً له وكانت رقبته طويلة كأنها جيد دُميه وكان سواء الصدر والبطن (معندهوش كرش) وكان بادر متماسك (معندهوش ترهلات) وكان إذا مشى كأنما ينحط من صبب (كأنه نصه اللي فوق مسابق نصه اللي تحت وهو ماشي) يقول الراوي: ما رأيت أجمل منه ولا رأيت أحسن منه صلى الله عليه وسلم...

تقول آمنه (امه): ما رأيت حملا أخف منه ولا أيسر ّ منه ورأيت حين حملت به نورا يخرج مني تضئ به أعناق الإبل ببصرة ولم يقع كما يقع الصبيان .. وقع معتدلا جالس واضعا كفيه إلى الأرض رافعا وجهه إلى السماء ...وكان ال

صِّبيانُ يُصبِحون رُمْصًا شُعْثًا (شعرهم منعكش)، ويُصبِح محمدٌ دَهِينًا كَحِيلًا.
صلوا عليه وسلمو تسليما 😍
نكمل بكره ان شاء الله 🙂

🔅🔅🔅🔅
#لو_عرفتموة
#حياتي_دعوة

☂
#تأملات_قرآنية

۞وَمَا نُرْسِلُ بِالْآيَاتِ إِلَّا تَخْوِيفًا۞

قال قتادة رحمة الله: إن الله تعالى يخوف الناس بما شاء من آياته لعلهم يرجعون،

اللهم اغفر لنا وارحمنا وتب علينا..

...✍

🔹▫️ الباقيات الصالحات ▫️🔹

‏#وصول_اليقين_إلى_القلب>

قال الإمام ابن القيم (رحمه الله):

"ومتى وصل اليقين إلى القلب امتلأ نورًا وإشراقًا. وانتفى عنه كل ريب وشك وسخط، وهم وغم. فامتلأ محبةً لله. وخوفًا منه ورضا به، وشكرًا له، وتوكلًا عليه، وإنابة إليه. فهو مادة جميع المقامات والحامل لها".

مدارج السالكين (2/ 413).