အဆင်ပြေစဉ်က ကိုယ်ပေးခဲ့၊ ကျွေးခဲ့ဖူးတဲ့သူတွေက ကိုယ့်ကို မမြင်ချင်ယောင်ဆောင်သွား၊ ရှောင်သွားတဲ့အခါ နာကျင်ရပါတယ်။

ဒါပေမဲ့ ဒါတွေက အဆုံးမဟုတ်သေးဘူး။ ခဏပဲ။ ငါပြန်ထရမယ်။ ကျွန်တော်ကြိုက်တဲ့ စာသားလေးရှိတယ်။ "စစ်တော်မူခြင်းကို ခံပြီးမှ ရွှေကဲ့သို့ ငါပြန်လာမယ်" တဲ့။ ဒါက ဘုရားက ငါ့ကို ဘယ်လောက်ခံနိုင်လဲ စမ်းသပ်နေ‌တာ။ "ငါအရှုံးပေးလို့ မရဘူး" ။ "ဘယ်နည်းနဲ့မှ ငါ လဲကျမသွားဘူး". "မရရအောင်ပြန်ထမယ်" စိတ်ပိုင်းဖြတ်ထားတယ်။

တန်ဖိုး - ၁၀၀၀၀ ကျပ်
#sintnyi
#hope

မေရီရှယ်လီ (Mary Shelley) ရဲ့ Frankenstein (ဖရန်ကင်စတိန် ) ဟာ ၁၈၁၈ ခုနှစ်ကတိုင် ရေးသားခဲ့တာမို့ နှစ်ပေါင်း ၂၀၀ ကျော်တဲ့အထိ လူသားတွေရဲ့ စိတ်အစဥ်ကို လွှမ်းမိုးထားနိုင်တဲ့ ရှားပါးဂန္ထဝင်စာရင်းထဲမှာ ထိပ်ဆုံးက ပါဝင်တဲ့ ဝတ္ထုဖြစ်ပါတယ်။

"Frankenstein" လို့ ကြားလိုက်တာနဲ့ ကျွန်တော်တို့ရဲ့ စိတ်ထဲမှာ ပုံပန်းသဏ္ဍာန် အကျည်းတန်၊ ကြောက်မက်ဖွယ်ကောင်းတဲ့ သတ္တဝါကြီးတစ်ကောင်ကို ချက်ချင်း ပြေးမြင်ယောင်မိကြပါလိမ့်မယ်။

ဒါပေမဲ့ ... Frankenstein ဆိုတာ အဲဒီသတ္တဝါကြီးရဲ့ အမည် မဟုတ်ခဲ့ပါဘူး။

Frankenstein ဆိုတာ "အသက်" ကို ဖန်တီးဖို့ ကြိုးစားခဲ့တဲ့၊ မာနကြီးပြီး စိတ်အားထက်သန်မှု ပြင်းပြတဲ့ သိပ္ပံပညာရှင် ဗစ်တာ ဖရန်ကင်စတိန် (Victor Frankenstein) ရဲ့ အမည်သာ ဖြစ်ပါတယ်။

ဒီဝတ္ထုဟာ သရဲတစ္ဆေပုံပြင်တွေလို ထိတ်လန့်သည်းဖို ဖြစ်ဖို့ထက် "အတွေးအခေါ်" ကို ဦးတည်ထားတဲ့ စာပေလက်ရာတစ်ခုပါ။ ဒါကြောင့်လည်း နှစ်ပေါင်းရာချီ ဂန္ထဝင်လက်ရာအနေနဲ့ တည်ရှိနေခြင်းဖြစ်ပါတယ်။

• လူသားတစ်ယောက်ဟာ ဖန်ဆင်းရှင် (ဘုရားသခင်) ရဲ့ နေရာကို အတိုင်းအဆမဲ့ သိပ္ပံပညာနဲ့ ဝင်ယူဖို့ ကြိုးစားတဲ့အခါ ဘာတွေ ဖြစ်လာနိုင်မလဲ။

• မိမိ "ဖန်ဆင်း" လိုက်တဲ့ အရာအပေါ်မှာ ဖန်ဆင်းသူဟာ ဘယ်လို တာဝန်ယူမှုမျိုး ရှိသင့်သလဲ။

• လူ့အသိုင်းအဝိုင်းရဲ့ ပစ်ပယ်ခြင်း၊ ရုပ်ဆင်းအင်္ဂါကြောင့် ခွဲခြားဆက်ဆံခံရခြင်းတွေက "နှလုံးသား" တစ်ခုကို ဘယ်လောက်အထိ မာကျောသွားစေနိုင်သလဲ။

ဗစ်တာ ဖရန်ကင်စတိန်ရဲ့ လက်ထဲကနေ "မွေးဖွား" လာပြီး ၊ နာမည်တောင်မှ မရှိခဲ့တဲ့ အဲဒီ "သတ္တဝါ" (The Creature) ရဲ့ အထီးကျန်ဆန်စွာ အသက်ရှင်နေရမှု၊ ချစ်ခြင်းမေတ္တာကို တောင့်တမှု၊
ပြီးတော့...
အဆုံးမဲ့ နာကြည်းမှုတွေကို ဖတ်ရှုရတဲ့အခါ "တကယ့် မကောင်းဆိုးဝါး (Monster) အစစ်" ဟာ ဘယ်သူဖြစ်မလဲဆိုတာကို စာဖတ်သူတို့ မိမိကိုယ်မိမိ ပြန်လည် မေးခွန်းထုတ်မိကြပါလိမ့်မယ်။

ကမ္ဘာ့သိပ္ပံစိတ်ကူးယဉ် (Sci-Fi) စာပေရဲ့ ရှေ့ပြေးလို့ အသိအမှတ်ပြုခံရတဲ့၊ လူသား၊ ကျင့်ဝတ် နဲ့ ဖန်ဆင်းခြင်းတရားတို့အကြောင်း နက်နက်ရှိုင်းရှိုင်း ရေးဖွဲ့ထားတဲ့ ဒီကမ္ဘာကျော် ဂန္ထဝင်လက်ရာ Frankenstein ကို ကံ့ကော်ဝတ်ရည် စာပေတိုက်ကနေ မြန်မာဘာသာပြန်အဖြစ် ထုတ်ဝေလိုက်ပါပြီ။

ဒီစာအုပ်ဟာ ကံကော်ချစ်သူတို့ကို သည်းထိတ်ရင်ဖိုရသအပြင် အတွေးအခေါ်ပိုင်းဆိုင်ရာ ရသများစွာကို ခံစားရရှိစေနိုင်ပါလိမ့်ယ်။

အဲ .. မူရင်းစာရေးသူ Mary Shelley ကတော့ ကမ္ဘာကျော် ကဗျာဆရာကြီး ( Percy Bysshe Shelley) ရဲ့ ဇနီးဖြစ်ပြီး အခုဝတ္ထု Frankenstein ကိုတော့ ' လေထန်ကုန်း ' ကိုဘာသာပြန်ခဲ့တဲ့ ဆရာကျော်လှိုင်ဦး က ' ဖရန်ကင်စတိန် ' အမည်နဲ့ မူရင်းအတိုင်း အပြည့်အစုံ ဘာသာပြန်ထားပါတယ်။

ဝတ္ထုထွက်ချိန်နဲ့ တိုက်တိုက်ဆိုင်ဆိုင်ပဲ Frankenstein ရုပ်ရှင်လည်း နိုဝင်လဘာလ ထဲမှာ Netflix မှာ ပြမှာဖြစ်လို့ ဇာတ်လမ်းအပြည့်အစုံသိရလေအောင် စာအုပ်လေးတော့ ကိုင်ထားကြတာ ကောင်းပါလိမ့်မယ်။

#ကျော်လှိုင်ဦး
#MaryShelly
#Frankenstein

🔲 ကျော်လှိုင်ဦး - ဖရန်ကင်စတိန်
(Mary Shelly - Frankenstein ဘာသာပြန်)
🔲 တန်ဖိုး - ၁၄၂၀၀ ကျပ်
🔲 စာမျက်နှာ - ၂၆၄

🔲 ဘဝကို အောင်ပွဲခံနိုင်ဖို့ “အာဏာစက်-မောရိသျှ" စာအုပ်မှ မဟာဗျူဟာများ

“ဘဝဆိုတာ တိုက်ပွဲတစ်ခုပါပဲ” အလုပ်အကိုင်၊ စီးပွားရေး၊ လူမှုဆက်ဆံရေး၊
ဒါမှမဟုတ် ကိုယ်ပိုင်ရည်မှန်းချက်တွေပဲဖြစ်ဖြစ်၊ လူတွေအားလုံးဟာ
နေ့တိုင်း စိန်ခေါ်မှုတွေနဲ့ ရင်ဆိုင်နေရတာချည်းပါပဲ။ ဒီလို မလွဲမသွေ ရင်ဆိုင်ရမယ့်
တိုက်ပွဲတွေအတွက် သင်ဘယ်လိုပြင်ဆင်ထားလဲ?


အဲဒီအဖြေကို ရှာဖွေနေသူတွေအတွက် "အာဏာစက် - မောရိသျှ" စာအုပ်က ပေးမဲ့
ဗဟုသုတတွေဟာ အင်မတန် အဖိုးတန်ပါတယ်။ ဒီစာအုပ်ဟာ ခေတ်သစ်ခေါင်းဆောင်မှုနဲ့ စီမံခန့်ခွဲမှုပညာအတွက် မရှိမဖြစ်လိုအပ်တဲ့ "အာဏာပိုင်ဆိုင်မှု လမ်းညွှန်ကျမ်း" လို့တောင် တင်စားခေါ်ဝေါ်နိုင်ပါတယ်။

ဒီစာအုပ်ရဲ့ အကြီးမားဆုံး အားသာချက်ကတော့ ရှေးဟောင်းပညာရှင်ကြီးတွေရဲ့
အတွေးအခေါ်တွေကို ဖုန်ခါပြီး လက်ရှိခေတ်နဲ့ ချိတ်ဆက်ပေးနိုင်တာပါပဲ။

🔺မာခီယာဗဲ့လီ (Machiavelli)ဟာ သူရဲ့ အာဏာကို ဘယ်လိုရယူ၊ ဘယ်လို ထိန်းသိမ်းရမလဲ
ဆိုတဲ့ လက်တွေ့ကျပြီး တစ်ခါတစ်ရံ ကြမ်းတမ်းတဲ့ သဘောတရားတွေကို အဖွဲ့အစည်းနဲ့
လုပ်ငန်းခွင်ထဲမှာ ဘယ်လို အသုံးချရမလဲဆိုတာ လေ့လာရပါလိမ့်မယ်။


🔺ဆွန်ဇူး (Sun Tzu) ဟာ စစ်မြေပြင်က သင်ခန်းစာတွေဟာ စီးပွားရေးနယ်ပယ်မှာ
ဘယ်လို မဟာဗျူဟာ ဖြစ်လာလဲ။ ပြိုင်ဘက်ကို အနိုင်ယူဖို့၊ မိမိရဲ့ အားသာချက်ကို အသုံးချဖို့ နည်းလမ်းကောင်းတွေကို ဒီစာအုပ်က ထုတ်နုတ်ပြသပေးပါတယ်။


🔺ကားလ် ဗွန် ခလော့ဇ်ဝစ် (Carl von Clausewitz) ဟာ စစ်ပွဲရဲ့ နက်နဲတဲ့ သဘောတရားများနဲ့
နိုင်ငံရေးကို ဆက်စပ်ကြည့်ရင်း၊ ခေါင်းဆောင်မှုဆိုတာ ရိုးရှင်းတဲ့ စွမ်းအင်တစ်ခုတည်း မဟုတ်ဘဲ
ရှုပ်ထွေးတဲ့ ဆုံးဖြတ်ချက်တွေရဲ့ ရလဒ်ဖြစ်တယ်ဆိုတာ နားလည်လာပါမယ်။

ဒီစာအုပ်ဟာ သီအိုရီအကြောင်းချည်းပဲ ပြောနေတာ မဟုတ်ပါဘူး။ စာဖတ်သူရဲ့ လက်တွေ့ဘဝမှာ တွေ့ကြုံရမယ့် အခက်အခဲတွေ၊ စိန်ခေါ်မှုတွေအတွက် အဖြေရှာနိုင်မယ့် လမ်းညွှန်ချက် တွေကို
တိတိကျကျ ပေးထားပါတယ်။
ဥပမာအားဖြင့် သင်ဟာ အလုပ်ခွင်မှာ အဆင့်အတန်း မြင့်မားဖို့ ကြိုးစားနေသူ၊ ဒါမှမဟုတ် ကိုယ်ပိုင်စီးပွားရေးမှာ ကြီးထွားဖို့ မဟာဗျူဟာချနေသူ ဖြစ်ရင်...

🔻ဘယ်လိုအချိန်မှာ တင်းမာတဲ့ ဆုံးဖြတ်ချက် ချရမလဲ။
🔻ဘယ်လိုအချိန်မှာ အလျှော့အတင်းလုပ်ပြီး အပေးအယူလုပ်ရမလဲ။
🔻အနိုင်ရဖို့အတွက် ဘယ်လို "ဘဝလမ်းညွှန် မဟာဗျူဟာ" ကို အထိရောက်ဆုံး သုံးရမလဲ။
ဒီမေးခွန်းတွေရဲ့ အဖြေတွေကို သင်ကိုယ်တိုင် ပြန်လည် ဆန်းစစ်သုံးသပ်နိုင်ဖို့ "အာဏာစက်-မောရိသျှ" စာအုပ်က လှုံ့ဆော်ပေးပါလိမ့်မယ်။

အကယ်၍ သင်ဟာ ခေါင်းဆောင်ပိုင်း၊ မန်နေဂျာ၊ စွန့်ဦးတီထွင်သူ တစ်ယောက်ဖြစ်ပြီး၊ လူတွေရဲ့ စိတ်နေစိတ်ထားနဲ့ အာဏာရဲ့ လည်ပတ်ပုံကို နားလည်ချင်တယ်ဆိုရင် ဒီစာအုပ်ကို မဖြစ်မနေ ဖတ်သင့်ပါတယ်။ ဒီစာအုပ်ဟာ ရာထူး၊ အာဏာကို ဘယ်လိုရယူပြီး ထိရောက်စွာ အသုံးပြုရမယ်ဆိုတဲ့ အသိဉာဏ်ကို ပေးစွမ်းနိုင်မယ့် စစ်မှန်သော သုတေသနကျမ်း တစ်အုပ် ဖြစ်တဲ့အတွက်မဖတ်မဖြစ် ဖတ်ကြည့်ဖို့ရန် အကြံပြုလိုက်ရပါတယ်။

BYO - Burmese Youth Organization
“𝐄𝐦𝐩𝐨𝐰𝐞𝐫𝐢𝐧𝐠 𝐘𝐨𝐮𝐭𝐡 𝐕𝐨𝐢𝐜𝐞𝐬"

────୨ৎ────

📝Content - Khin Khin
🎨Graphic - Macaaron

🔗Contact us on:
💌Email -
burmeseyouthorganization@gmail.com
🌐Facebook
https://www.facebook.com/share/1F9LHSXEQU/...
🖇️Telegram channel
https://t.me/burmeseyouthorganization

──── ✦ ⋆ ࣪.────

#BYO #Burmese_youth_organization #အာဏာစက် #မောရိသျှ