Hsu's Gallery

▸ လူတွေဟာ စိတ်လုံခြုံမှုကို လိုလားတောင့်တကြတယ် .. စိတ်လုံခြုံမှုကို ဘာလို့ ခုံခုံမင်မင် လိုက်ရှာနေကြသလဲဆိုရင် ရှင်သန်နေရတဲ့ ပတ်ဝန်းကျင်ဟာ စိတ်လုံခြုံမှုကို မပေးနိုင်လို့ပဲ။ မိသားစုထဲမှာပဲဖြစ်ဖြစ်၊ ကိုယ့်ရဲ့ချစ်သူ ရည်းစား အိမ်ထောင်ဖက်ကပဲ ဖြစ်ဖြစ်၊သူငယ်ချင်း မိတ်ဆွေတွေကပဲ ဖြစ်ဖြစ် လူမှုအသိုင်းအဝိုင်းထဲမှာ စိတ်မလုံခြုံမှုတွေကို မသိလိုက် မသိဘာသာ ဖန်တီးပေးနေကြတယ်။

▸ ကိုယ့်ရဲ့ခံစားချက်တွေကို လှောင်ပြောင်တာ ၊ အလေးမထားတာ ၊ ခန္ဓာကိုယ်သွင်ပြင်နဲ့ ပတ်သက်လို့ ၊ မျက်နှာနဲ့ပတ်သက်လို့ ဝေဖန် စနောက်တာ ၊ အားနည်းချက်တွေကို အကျပ်ကိုင်တာ ၊ ကိုယ့်ရဲ့ အရည်အချင်းတွေ ၊ ဖြစ်တည်မှုတွေနဲ့ ပတ်သက်ပြီး သိမ်ငယ်စေတာ .. ဒီလိုအပြုအမူတွေ ၊ အပြောအဆိုတွေကို ကျွန်မတို့ အများကြီး ကြုံဖူးကြမှာပါ။ စိတ်လုံခြုံမှာဆိုတာ ဘေးမှာ လိုက်ရှာနေရမဲ့ အရာမဟုတ်ဘဲ ကျွန်မတို့ရဲ့ အတွင်းစိတ်နှလုံးသားထဲမှာ ပြန်ရှာရမဲ့ အရာတစ်မျိုးပါ။

▸ ဘယ်အရာတွေက ကိုယ့်ကို စိတ်မလုံခြုံစေသလဲ ၊ ဘယ်လိုအရာတွေက ကိုယ့်ကို ကြောက်ရွံ့စေသလဲ ၊ မကုစားရသေးတဲ့ ဒဏ်ရာလေးတွေများ ရှိလား စသဖြင့် ကိုယ့်အတွင်းမှာ ကိုယ်ပြန်ရှာရပါမယ်။ ကိုယ့်ကို စိတ်လုံခြုံမှုတွေပေးမဲ့ ရပ်ဝန်းငယ်လေးဟာ ကိုယ်ကိုယ်တိုင်ပါပဲ။

▸ ဒီစာအုပ်လေးဖတ်ပြီးရင်တော့ မိမိကိုယ်ကို ချစ်မြတ်နိုးမှု (self-love) ရနိုင်သလို၊ တခြားလူတွေအပေါ်မှာ ခွင့်လွှတ်စိတ်နဲ့ ပူပင်သောကတွေကို လွှတ်ချလာနိုင်ပါလိမ့်မယ်။ ဘဝကို ဘယ်လိုပျော်ရွှင်ချမ်းမြေ့အောင်နေရမလဲ၊ မိမိရဲ့ စိတ်နေသဘောထားတွေကို ဘယ်လိုပြုပြင် ပြောင်းလဲ နေထိုင်ရမလဲဆိုတဲ့ အချက်တွေလဲ ဖော်ပြထားလို့ စာဖတ်သူတွေအတွက် တကယ့်ကို ‘စိတ်လုံခြုံမှုရပ်ဝန်းလေး’ ဖန်တီးပေးပါလိမ့်မယ်။ လူငယ်တစ်ဦးအနေနဲ့ ကိုယ်တိုင်ကြုံတွေ့ ခံစားရတာလေးတွေနဲ့ နှိုင်းယှဥ်ရေးသားပြတဲ့အတွက် လူငယ်ထုအတွက်လဲ အတုယူကာ၊ မိမိစိတ်ကို ပြုပြင်ပြောင်းလဲနိုင်ဖို့အတွက် စိတ်ခွန်အားတွေပေးတဲ့ စာစုလေးတွေအဖြစ် မြင်တွေ့ရပါတယ်။

❤5

61 views02:07