عبد يمه عبد يمه

رد أبـوك وعـيـنه حـمـره
.. ماعرفت شصـايـر
رد عليـه ودمـعـه سـايـل
.. ابـو الاكـبـر حـايـر
مايـسـولف دمعه يحجي
.. ولا يگـلي الـصايـر
راح سگته ورجع سگـتـه
.. وبالوجـه هـم دايـر

سكته الحسين رجعته وتسيل عيـــونـه
احجـي ويـاه وأخــافـن أيــتـغـيـر لـونـه
خاف أسئله عبد وين رجـعـت بـدونــه

ردلي الحـسين .. والعـيـون .. دمـع مـتـروسـه
دمعــه بالعـين .. الحسـيـن .. عـبد مـا أبوسـه
،،،،،،،،،،،،،،،،،،،،،،،،،،،،،،،،،،،،،،،،،،،
خاف أسئله وخايـفه انـه
.. مـن جــوابـه و رده
صوتي ضاع وضاع لونـي
..وصرت مثل الـورده
عبد وينه حسـين فـدوه
.. كلـبي راح تـمـرده
راح اموت أمن السگوت
.. مـو گـلتـلي تـرده

ابني عطشان وذبلان خذيته تشربـه
گـلي الحسين عبـد مات وراح الـربه
عيني سالت والحسـين ضـيـع دربـه

روحـي نـاحـت .. وطاحـت .. لمــــن گـلالـي
رحـت أداويــه .. وأثـاريــه .. سهم جـتـالـي
،،،،،،،،،،،،،،،،،،،،،،،،،،،،،،،،،،،،،،،،،،
شفته مذبوح يلوجع هوايه
.. سهم صـايب نحـره
ريت سهمـك بيـه هــذه
.. يـلي روحـك خضره
راد ابوك يجره سهمك
.. وخاف خاف يـجره
خـاف نـحـرك يـلـجـم
وصرنه احنه بحـيره

حيره يبـني عبـد لـيـش رحـت يـولـيــدي
ياعطش ليش يجتال خذيـتـه أمـن ايـدي
رحت عطشان ييمـه ومتـت هــم بـيـدي

هـا يعـطشـان .. يـذبـلان .. تــَفـز يـاروحـي
العطش خوان .. يتـعـبان .. يبعد جـروحـي
،،،،،،،،،،،،،،،،،،،،،،،،،،،،،،،،،،،،،،
حيره بيك أهـواي حيــره
.. يالمتعبنه بسگوتـك
مـا مـتـت مــن الــعـطش
.. بسهم صاير مـوتـك
مــتـت يـا تــعـبي ودلالـي
.. ماتِسولف وين صوتك
أنه أگبر للسهام وللخيول
.. وتعبي صار بخـوتـك

بيك أحيرن لو ببوك ولـو بحـالي
ضل ابوك بحيره ودمـوعـه تـلالـي
غالي ويودعله كل ساعه ويه غالي

هـا يـغالـي .. ودلالـي .. متت سگـتاوي
يجـتالـي .. وياحلالي .. يلي نحرك ضاوي
،،،،،،،،،،،،،،،،،،،،،،،،،،،،،،،،،،
#اللهم_عجل_لوليك_الفرج
#خادمكم_سيد_حسن_الياسري

عودتني
وتعبتني
*
لا تحبني اليله اموت وخاف اتعبك من تحبني
انت اعـز واحــد يخـــويه وعندي اعـز من ابني
أطشرت روحي برحيلگ فـــــــدوا گوم ولمني
انا اخيـك يالتحبني ضهري عگبك صار محني
فوگ طولك طولي طاح
وياك كلشي خـــويه راح
ضحگتي وكلشي بحياتي
وصوتي راح أمن الصياح
*
مرا اعثر مرا اگـــوم أبين كل الــــناس اجيت
يمك الوادم تگول حسين شو وحـــدك بقيت
هسه اليه تگوم هسه والله مـــاصدك مشيت
تحبني انته هواي اعرفك وانه احبنك بجيت
تحبني وانا هــــواي اريدك
گــــــــــوم لتبجي عضيدك
الخاطر ام عــــــون العزيزه
اشبكي خويه وضمني بيدك
*
اليـــــله مو مثل اليالي تختلف ياخـــويه حيل
الهــوه ياخذني ويردني وكلشي ببن امك يعيل
الخاطر اختك گوم فدوا وامسح دموعي التسيل
الـــيل صار وانته گمره تضوي لــو مر بينه ليل
اليــــــــل اضلم وانته نور
الجيـش ضل فوگي يدور
حيــلي ضاع ومالي حيـل
وطــش خبر موتك بخور

*
عگب عيــنك باجر انه بوحدي اضل بحيره
وزينب تعاين علــــــــيه وبيها حسره جبيره
تضيگ بيها الدنيا حيل من يلموني بحصيره
ومـن بعدها مجتفه تمشي اخيتنه اســـــيره
عالهزل وعيونها تصد عالرمح
منين ماتندار يلجمها جرح
الهزل كلساع وتميل أوي الهوه
الحادي مايرحم خوات المذبح
*
راح ارد للخيـــــم وحــــدي وراح يـــگثر وني
كسرتك صعبه وجبيره وضهري عگبك محني
أثنين گسرن كلبي خويه فراگ وجـهك وأبني
گمت اجر بروحي گوه وأنهدل ياخــويه متني
امشي وســـهام العـــــده تاذيني
ومــــــن اصد الــزينب تــبجيني
انته اعز من روحي عندي هوايه
وعگبك انه تضيع كــــل سنيني
،،،،،،،،،،،،،،،،،،،،،،،،،،،،،،،،،،،،،،،،،،،
#اللهم_عجل_لوليك_الفرج
#خادمكم_سيد_حسن_الياسري
شور كعديه

محتاره ضلت زينب… محتاره ضلت زينب
،،،،،،،،،،،،،،،،،،،،،،،،،،،،،،،،،،،،،،،،،،،،،،
ياهـو التلمـه مـن السحك
ويـاهـو التشـيـلـه مـوذر
عبــدالله گطـعو مـنحـره
وحسين جسمه مطــشـر
ومات شكثر من السحـك
والــراس صــــار مـطـبـر
وكل هذا مر عليها ... عگب الكمر واليها
،،،،،،،،،،،،،،،،،،،،،،،،،،،،،،،،،،،،،،،،،
مرت مصايب عالكـلب
وزينب بحـيره وهـمـه
وحسين ضل الوحـده
ومن راسه ينزف دمه
بنتك اجت يم راسـك
تحب بالنحر وتشـمـه
وماعدنه شي لله بعد
هذا الحسين نـقدمـه
ومن بعدك يشتموها ….. گبال الغرب يسبوها
،،،،،،،،،،،،،،،،،،،،،،،،،،،،،،،،،،،،
بالطف اجن كلهن سوه
ضيم وحرگ والمجزره..
مستعجل الذبـاح اجـه
وعتز تراهو بـخـنصـره
وكل ماتمر خيل وتـهـد
وادعي الله بلكي تعبره
الخيل تركض والسحك
وعيالـنــه مــطــشـــره
هذا الي مر عليها …… زينب تعب ماذيها
،،،،،،،،،،،،،،،،،،،،،،،،،،،،،،،،،،،،،
حسيــن ضـل عـالــتـرب
وعباس ياهو يــشــيلــه
ومامش ولا واحد يصد
ليه انه حتـه احـجـيـلـه
فرهدت خيمـتنه الـزلـم
وحسين ماهو اشگيـلـه
وعباس طاح عـالـتـرب
والراس غربه تـشـيـلـه
ياهو اليجي ويحميها … حبال العده تاذيها
،،،،،،،،،،،،،،،،،،،،،،،،،،،،،،،،،،،،،

#اللهم_عجل_لوليك_الفرج
#خادمكم_سيد_حسن_الياسري
شور كعديه

أگثر موقف تعب زيـــــنب
حال حسين أبلا عبـــــاس
ردلي ومامش شوف بعينه
حاير گوه يجر أنفـــــــاس
خانگته العبره بنـص كلـبه
طب للخيمه مدنگ الراس
راح الهيبه يگلي أم عــون
راح أحتار أبين النــــــاس

طــــاح گبالــي وصــاح حســــــين
گـــــومني انــه أبلا جـــفـــــــــــين
*********
ذاك الطول وذيج الهـيبه
شفته موذر خويه بعــيني
اول مره وياي تصــــــــير
گافل ضعني انه يبجيـني
مو هوه الــميت لا انــــــه
طاح وماتت كلِ سنيـــني
وي طوله تمددت بطـولي
وگال لزينب لتـــوديـــنـي

گتله أشلــون وهــــيه أتـــانــــــــي
غـــيرك مامـــش گافــــــــل ثانـي
******
گتله عيـــونــــك لا تفــتحـن
خـــايف سهمك يلجم عينك
گـــوم الخاطر زينب خـــويه
الخـــاطر زينب مو لحسينك
عينك مــــو لسهامك عينك
تدري احنه شكد محتاجينك
يمبجيني گبــــــال الـــــغربه
انـــــه بعازت ناصـــر وينــك

گـــــــــوم حـــسينك يـبجي گـبـالـك
كلـهـا تـــــــــريــدك حتــــه أطفالـك
*******
تعبــت روحي وذبلت روحه
ومامش راي وضــاع الــراي
بجسمه أسهام بگد أجروحي
وذيج عيونه الحلوه أهــواي
ذبلت كل الــــدنيه بعـــينـي
من كلي اخذلهم بـس مــاي
وگتله شلــون وزينب تـنـطر
انته الگافل وانـتــه أفــيــاي

گلـي أم عــــــــون وغمض عــيــنـه
الخاطر عينج ضــــــــحه يــمــيــنـه
،،،،،،،،،،،،،،،،،،،،،،،،،،،،،،،،،
#اللهم_عجل_لوليك_الفرج
#خادمكم_سيد_حسن_الياسري
شور كعديه

يايمه يايمه يايمه .. يايمه يايمه يايمه
،،،،،،،،،،،،،،،،،،،،،،،،،،،،،،،،،،،،،،
اخبرج يم حسنَ مـَن نحـره حـبـيـتـه
شبگتِ حسـين يـمـهَ بصدري ضميته
مخنوك شكـثـر مـامـشْ هوه بـريـته
مابيه حيل يمه يگوم جا وياي رديته

مـامـش عنـده ابـد حـيـل
فــوكـاه شــكــثـر خــيــل
مـامـش سـتـر بــس لـيـل
دمه على ألثــره يــسـيــل..
((( دمه وهدومه وصلن للمخيم)))
،،،،،،،،،،،،،،،،،،،،،،،،،،،، ،،،،،،،،
وصلته ودمه سايل من عله جـبـيـنـه
متعوب شكثر يـايـمـهَ ابَــو أسكـيـنه
حاجيـتـه ونـضَـرِلـي وزاد بــونيــنــه
زيـنـه بـشـوفـتـك ياتعبي وسـنـيـنـه

زينه بشوفت عـيونـك
ولو هن ضاعن سنينك
اموت بكثرة أونـيـنـك
أدور عـليك جا ويـنـك
(( وصرت أدورنه أبين الخيل اخوي ))
،،،،،،،،،،،،،،،،،،،،،،،،،،،،،،،،،،،،،،
يـيمه وجـرحـه مـاضنـه بعـد يـلـتم
الهوه تغير صبح دخان بس يشتـم..
راح وحـيلـي گـله بـروحـتـه تـثـلـم
ميت منهـم وبــهـدومــه مايــسلــم

جروحه هوايه يايمـه
ماخلونـي اضـل يَـمِـه
طريح وسابح بـدمـه
مطشر جسمه شيلمه
(( وگلي شيلمه ضاع وي الحرافر ))
،،،،،،،،،،،،،،،،،،،،،،،،،،،،،،،،،،،،،،،،
صارت ضلمه حيل واحنه نسوان
وانه هواي حيل بـعـازت اخـوان
مانشتم هوه الله نشـتم الدخـان
وراح يطر فجرنه وندخل الديوان

انه بـعـازت أخـوانـي
أريـدنـهـم يــردونــي
احجي وما يحاجونـي
وحـدي المن تخـلوني
(( وحدي خلوني ماتو كل اخوتي ))

،،،،،،،،،،،،،،،،،،،،،،،،،،،،،،،،،
#اللهم_عجل_لوليك_الفرج
#خادمكم_سيد_حسن_الياسري

يعين كلبج يــــــم حسن هل ليله
اليله راس حســــــين غربه تشيله
،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليله ام حســـــين ماهي بخير دوم
تشوف ابنها عالتـــــرب وبلا هدوم
وباجــــر يضل نايـــــم بحر السموم
ماكو يمه أخـــــــــــوان واتجيله
اليله راس حســـين غربه تشيله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ينسحك بالحافر وهيــــــه تشوف
الخيل عميه وبالصــدر كله تروف
ينگطع راسه ويضل بـــــلا جفوف
حـــــيل ماضل بيه رايح حيله
اليله راس حسـين غربه تشيله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تگابلن زينب وامها عـــــــله الذبيح
عيني عميه ولا شفت ابـــني جريح
اليله كل الدنيه فوگانه تطــــــــيح
ميته ريـــــــت ولا شفت هليله
اليله راس حسـين غربه تشيله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شـــــــــلون يبني تخلي زينب حايره
خيـــــــــــول والغربه عليها دايـــــره
هـــــــــــاي صعبه وعدنه لا ماصايره
باجر الغربـه تــــــــــرد بالعيله
اليله راس حسين غربه تشيله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،

نزال
#اللهم_عجل_لوليك_الفرج
#خادمكم_سيد_حسن_الياسري

اليلـــه زينب ضلت أبــــلا رايـــه
عگب بـــوفاضل وعگب أفيايـــه
،،،،،،،،،،،،،،،،،،،،،،،،،،،،،،،،،،،،،،،،
اليله ماتــگـضــي وتفض اليــــله
نگسر ضهر حســــين ونهد حيله
الگمر طاح وياهــــو الـي يتجيله
تــــمدد گبالــــــــه وگعد يبجيله

روحي تعبت والله انــه أهـــوايه
عگب بــوفاضل وعگب أفيايـــه
،،،،،،،،،،،،،،،،،،،،،،،،،،،،،،،،،،،،،،،
حسـين رد وضهره محني گبالي
دمعه يجري وتعبالـي أحــــوالي
دم على ثيابــــــــه وفـطر دلالي
يگلي زينب راح اخـوي الـــغالي

الخيمه طاحت بعد مامش ثايـــه
عگب بـــوفاضل وعگب أفيايــــه
،،،،،،،،،،،،،،،،،،،،،،،،،،،،،،،،،،،،،،،
طــيـــــح الخيمه وبجـــينه أثنينه
وگال زينب يــاهـــــو عگبه يعينه
تعبــانــي وزاد حـــــــيـــل أونـينه
گـال مــــاتت عگبه كــــل أسنينه

طــــــاح عباس وبقيت أحجـــايه
عگب بـــوفاضل وعگب أفيايــــه
،،،،،،،،،،،،،،،،،،،،،،،،،،،،،،،،،،،،،،،
نـــــايـم أعــله الــترب انـــه لكيته
لـيـــش عفت حسـيـنــك و بجيته
بعيني سولفت شــكــثـــر حاجيـته
دمه تــارس وجــــه غـطــه الحيته

النهر مـــا يروينه ابــــــد من مايه
عگب بـــوفاضل وعگب أفيايــــه

،،،،،،،،،،،،،،،،،،،،،،،،،،،،،،،،
نزال
#اللهم_عجل_لوليك_الفرج
#خادمكم_سيد_حسن_الياسري

يعباس گــــــوم شوف احوالي
،،،،،،،،،،،،،،،،،،،،،،،،،،،،،،،،،،،،،،،،،،،
اليــــــــله اخيتك حايره ومشتاگه
وباجر أوي الغرب تصعد نـــــــاگه
تلگه وجهك واللــــــه ماني فراگه
وبعد يــــــا عباس مـــــــــا نتلاگه

تدري خدري عليك كلش غالي
يعباس گـــــــــوم شوف احوالي
،،،،،،،،،،،،،،،،،،،،،،،،،،،،،،،،،،،،،،،،،،
يالطحت وحسين حـــــدب ضهره
كلبه شاب وشاب اشـــوفن شعره
مختنك وبصدره احســــــن عبره
گــــــسرتك مامنها صحت كسره

دمعته بخده اجاني تـــــــــــلالي
يعباس گــــــــــوم شوف احوالي
،،،،،،،،،،،،،،،،،،،،،،،،،،،،،،،،،،،،،،،
بـــــــده الجيــش يستعد لخيامي
والحسين حـــــــــيل كلش ضامي
خاف يروح وهم يردلـــــــي دامي
وانه شلون بحيره اضــــل بيتامي

يحرگون كــــــــــل خيمنه گبالي
يعباس گــــــــــوم شوف احوالي
،،،،،،،،،،،،،،،،،،،،،،،،،،،،،،،،،،،،،،،،
طاح حســــــــين والخيم حركوها
والحــــــــــــبال بيدنه شــــــدوها
والاطــــــــــفال بسوطهم طگوها
رقــــــــــــــيه تبجي مـــــا خلوها

يرد ليــــــش ضعني باجر خالي
يعباس گـــــــــوم شوف احوالي
،،،،،،،،،،،،،،،،،،،،،،،،،،،،،،،،،،،،،،،،
اخيتك تـــــــــــدري بيها جبيره
اخيتك راح اضـــــــــــــل بحيره
يفرون ضعني انـــــــه بكل ديره
ويــــــــــــردون بيه بـس أيسيره

ولا عـــــــــــــون باجر الـيبغالي
يعباس گـــــــــوم شوف احوالي
،،،،،،،،،،،،،،،،،،،،،،
#اللهم_عجل_لوليك_الفرج
#خادمكم_سيد_حسن_الياسري

خــــــويـه يحســـين
خـــــويـه يحســــين
*********
حيـــــل ما بيها التحبك
حايره وما عــــــدها راي
الخيمه طاحت وأعتنيك
عــــــــــود أدورلي فياي
جيت يمك استــــــــراح
حسين ماجيت عله ماي
هواي فوگك حجر صاير
شلون ليله حســين هاي
اليـــله يبن امي التحبها بلايه راي وحايره
گبالي بس شمات خويه هاي ابد ماصايره
وحيره .. وجبــــيره .. زينب أبين الغرب محتاره
ماصايره ..ولا دايره .. التمت علينه يخويه الغاره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مدوهنه ومحتاره اجيت
بس اريـــــــــدنك تگوم
يلــــــوم بيه الكلب حيل
وشـوگي الك كلش يلوم
يحوم يبن امي اليذبحك
فوگ راس اختك يحـوم
يـــــــم بناتك واليذبحك
واگـــــــف بحيله ويسوم
كلـش حسـين تعبنه وجينه يمك نستراح
راح كلشي وياك خويه والدلال وياك راح
ياحيلي .. وياليلي .. دونك انصير احنه خويه بهيمه
متعوبه ..ومسلوبه ..التراجي تسلبت بالخيمه

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الخيمه طاحت والــدلال
حسين طاح وكلشي راح
انته طايــح وانــــه أبجي
شلــون يبن امي أستراح
كلشي طـاح حسين مني
حـــته كلبي حسين طاح
مــــــــال اموتن يمك انه
حسـين هد حيلي الصياح
فـــدوه فگ عينك وكلي شلون تگضي اليله
حســـــين گوم وسوي حل شلون بيها العيله
حاجيني ..دليني .. وكول زينب خلي زينب تستراح
حيرانه..وبمجانه .من وگعت حسين كلبي وياك طاح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كـــــون اموتن يمك انـه
ولا ارگب يحســين نوگ
باجر يـــــــمرون ضعنك
غربه ونطب خويه سوگ
احنه مـــــو مالت هزيله
ولا سبي علينه يلـــــوگ
السوگ كله عيــون باجر
الماهو زلمه يضل يبوگ
كلشي ينباگ يخويه وينعرض بالسوك باجر
هدومك يعرضوها يمنه ويجي يسوم التاجر
مشتاگه .. وعالناگه .. راح اطب مجتوفه باجر انه
وعيونك .. من دونك .. راح اضل كل العمر تعبانه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هسه المك لـــو المهن
خـــــويه حيرني البنات
أطشرينه ومــــاكو راي
نلوذ يمك خــــــايفات
اليوم كل نسوان هاشم
عالنهـــــــزل ومگيدات
ماكـو راحه ولا اكو ماي
حسيــــن بالهيمه نبات
غــــــربه يحدون بعضنكم يا ال هاشم وينكم
گومو ردو ضعون زينب طاح اخوها وشيخكم
ترضوها .. يبجوها .. زينب الغربه عگب عباسكم
طگوها .. وضروبها .. ناس غربه وهوست بخيامكم

،،،،،،،،،،،،،،،،،،،،،،،،،،،،،،،،،،،،،
#اللهم_عجل_لوليك_الفرج
#خادمكم_سيد_حسن_الياسري

ياخويه
اخ ياخويه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يختي اذا تردين راحــــــــت بالي
فدوه لاتبچيـــن دوم گبــــــــــالي
يختي والله من الذبح مابيه حيل
وحيـــــــــل متغير يزيـــنب حالي
يالغريبه فدوه ماعايز تعب عوفيني
يالغريبه يمي لاتبچيــــن وتلچميني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خويه أرجعي الخيمتج وانسي الدلال
ولـحد يگــلي يـبو أسگـينه تعــــــــال
فوكي كومه حجار وسهام ونبـــــــال
خايف عليجن يختي وعل ألاطفــــال
والمصيبه خايف أنه عليج كلش خايف
والمصيبه مثل صبرج انه ابد ماشــايف
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الخيل اجت تسحگني خويه لامحال
وداعتج كلشي أنسحك حته الخيال
شرد أسويلج وانـا الفوگي جــــــبال
خيل عميه وماتحب أبـــن الحـــلال
أعتـابـج ودمـعـج ورگضتها العيــال
يالحبيبه ضمي دمعج لو رگبتي الناگه
يالحبيبه ولا تبينيلي شكثر مشتـــاكــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حيلي يمك طاح وانته أدره يحـيــد
انه ما أگـدر أعــوفــنــك وحــــيـــد
وانته جسمك فـَي يبعد اختك يريد
وصار جسمك كلش عليه بعــــيـــد
ياتعبنه وين اروح من الشمر حاچيني
ياتعبنه الشمر كلساع وعلي يبـــچيني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تدري بيه حسين متعوده علـيك
وانه من أتعب أنامن بـيـن اديـك
حيرتي بجسمك وهــاي الـــوادم
شرد اسوي وامنع الخيل التجيك
والهضيمه شما أعاين ليك انه يضربونــي
والهضيمه گبال عينك خويه و يهضموني
،،،،،،،،،،،،،،،،،،،،،،،،،،،،،،،،،،،،،،،،،
#اللهم_عجل_لوليك_الفرج
#خادمكم_سيد_حسن_الياسري

يبن امي ها يحسين
يبن امي ها يحسين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بهيمه طشن بناتك ياحســـــــــــــين بهيمه
ماكـــــو رايه تفيي يمنه ومابقت كل خيمه
غيره ماعدها يـــــخويه الناس مامش شيمه
گون كلبي تشوفه وحده أحتار حـيل بضيمه
يـــخــــويـــــه..
أبين غـــربه تعوفني
الناس كلها تشوفني .. تالي عگبك عيونك
الخـــيل جهبت لينه
گــــــوم بس حامينه .. ضعنه خويه أبدونك
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
أحتارت الـــــــــروح وأجيتك جايبه بنياتك
أحســــــين كلش تعبنه اي وحگك شيباتك
نــدور عليك نعرفك تالي مــــــــــن وناتك
لمه صــــــــــــارت علينه وفرهدو خيماتك
يـــخــــويـــــه..
التمت الـــناس علينه
عگب ماطـــــاح ولينه .. وصارت الما صارت
بلگت تگــــــوم تجينه
وتسمع حسين حجينه .. الــدنيه كلش دارت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الخيمه شبت يخـــــــــويه بس حرگها بكلبي
حســــــين دخان المخيم عمه عيوني ودربي
حبي الك مو مثل كل حب وانته تعرف حبي
عليك مامتعوده اعوفك وحگ امـــــي وربي
يـــخــــويـــــه..
عليك خــــــويه معوده
والشمر بيــــــــنـه حده .. مــن عگب جفينك

الروح تعبت من جفاك
امده المـــــوت الخذاك .. واحنه محتاجينك
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كلشي طــــــــــاح وجيت ادورك بلكت تگوم
گمت الـــــمن بيك تالي والشمر فوگي يحوم
گاض راسك خـــــــويه بيده والكلب بيه يلوم
أمن الذبح خلص وأجاني گبالي ياخويه يسوم
يـــخــــويـــــه..
بيك الم وحـــــايره
هــــــاي لا ما صايره ..گبالي ويسحگونك
بيده راسك جـــــابه
ودمـــــك عله أثيابه .. يمي طگ سنونك

،،،،،،،،،،،،،،،،،،،،،،،،،،،،،،،،،،،
#اللهم_عجل_لوليك_الفرج
#خادمكم_سيد_حسن_الياسري

وين اخــــــــــوي اليوم ينضر ليه
خـــــل اگله اختك مشت مسبيه
،،،،،،،،،،،،،،،،،،،،،،،،،،،،،،،،،،،،،،،،،،،،
جينه لرض الطف يبن حامي الحمه
گــــــــــوم شوف الگاع متروسه دمه
يلي من وجهك خذو لــــــون السمه
شـــــــوف يم الخيمه صارت ملحمه

بعينك انضــــــــر زينبك محنيه
خــــل اگله اختك مشت مسبيه
،،،،،،،،،،،،،،،،،،،،،،،،،،،،،،،،،،،،،،،،،،،
طايــح انته وروحـي محتاره شگثر
ما اميز بالجثث صــــــــــــــاير وذر
امشي خطوه وخطوه اوگف وبحذر
ومـــــن وصلتك ماشفت منـك اثر

ضيمي ضل ياخويه كله اعلــــيه
خــــل اگله اختك مشت مسبيه
،،،،،،،،،،،،،،،،،،،،،،،،،،،،،،،،،،،،،،،،،،،
خيم ماضـــل راح كلشي و جيتك
مرمي بسهام ورمـــــــــاح ألكيتك
زينــــــــب تحشمك اجت ناخيتك
گــــــــــــوم لمنه دخيلك بجفيتك

حرگو الخيمه وخــــــــذو ترجيه
خــــل اگله اختك مشت مسبيه
،،،،،،،،،،،،،،،،،،،،،،،،،،،،،،،،،،،،،،،،،،
سولف وياها اخوها مــــــن النحر
صوبانه بسهمه ياخــــــــويه الدهر
عالنهر جفـــــــيني طاحن عالنهر
ومن بعد عيني يــــمر ليج الخطر

عگبك اتماشي الغرب عـــــلويه
خــــل اگله اختك مشت مسبيه
،،،،،،،،،،،،،،،،،،،،،،،،،،،،،،،،،،،،،،،،
جابو النــــــــــوگ وبقيت محيره
يابوفاضل انهض وعــــــوف الثره
تالي اخت عـــباس تمشي ميسره
وانته تدري اختك يخويه مخدره

مايضل اسمي تـــــــــــره العلويه
خــــل اگله اختك مشت مسبيه
،،،،،،،،،،،،،،،،،،،،،،،،،،،،،،،،،،،،

#اللهم_عجل_لوليك_الفرج
#سيد_حسن_الياسري

ياخويه ..ها يگافل ضعني
ياخويه ..ها يگافل ضعني
،،،،،،،،،،،،،،،،،،،،،،،،،،،،،،
خــــــــويه عباس تــرانـــي بعازتك
وحيل صعبه أعلــــــه زينب حالتك
تدري بحســـــــــين يحب أحجايتك
فوگي ماشوف تـرف شــــــــو رايتك
ياخويه .. احجايه منك انه اريد أحجايه
ياخويه .. بعد جا ياهـــــو اليشيل الرايه
،،،،،،،،،،،،،،،،،،،،،،،،،،،،،،،،،،،،،،
الـــــزحمه شمات تـبـــــــــاوع ليه
گــــــــوم يــــاخـــــــوي ورد علـيه
گبــــــــل لاگــــــول جنت مگضيه
بــهــــــــــــــذا وضعك وتجرح بيه
ياخويه .. دمعتي تسيل واناطر تگعد
ياخويه .. عني لتـــروح يخويه وتبعد
،،،،،،،،،،،،،،،،،،،،،،،،،،،،،،،،،،،،،،
حسينك أحــــتار أبين أجروحك
خــــــــويه عباس ويلجم نوحـك
كلها صاحت تلَــــم مذبــــــوحك
شلــــــــون المك واشيلن روحك
ياخويه .. حيرتني بهذا وضعك حــــيره
ياخويه .. روحتك حــــــيل عليه جبيره
،،،،،،،،،،،،،،،،،،،،،،،،،،،،،،،،،،،،،،
ضهري حــــــــدب يگاسر ضهري
خــــــــــويه عباس تطشر عمري
دمعتي تســــــيـل ولا جن تجري
مدري جا ويــــــن اروحن مدري
ياخويه .. للخيم گــــــوم نرد يعضيدي
ياخويه .. مــــــا أصدك واشيلك بيدي
،،،،،،،،،،،،،،،،،،،،،،،،،،،،
#اللهم_عجل_لوليك_الفرج
#سيد_حسن_الياسري

خويه حسين جا عدمن عفتنه
يريت المـوت مرنه وكلنه متنه
***
حـــــرگوها الخيام ولمو العيال
وردو كلهم النه
يبن امي السبي والرگض والنار
ماهنـه بمحلنه
تنشدني رقيه تگلي جــــا ليش
ماتو گل اهلنه
يبنيتي المنيه وكربله تـــــــريد
وراحو وشيلمنه
ياهـــو يلمنه غيرك طاح عباس ... وسايل ضل دمعنه
بس اشــر بصبعك وارجع وموت ... گربت خيـــل يمنه
***
عشره بعشره گـــامو يمي يدنون
يحســـــين الگتايب
اباوع وين وانطي الــــوجه لاوين
واحنه بنص حرايب
الما جايب بدينه اطفال لــــو نار
سـوط وخيل جايب
باجر نمشي عنك خويه يحسين
ونگعد بــــالخرايب
الما هد من جنت موجود يحسين…هد هسه وضربنه
گـــــــــــوم وردهم الخياله ياخويه… موش انته تحبنه
***
اول تالي هيج تصير يحســــين
جتـــــــالك يسبني
گــــــــوم وردهم ادنولي برماح
موش انته التحبني
ذباحك يريته حســــين هل يوم
عد راسك ذبحني
هسه تگوم احسب هسه وتگوم
غيرك مـن يلمني
شسولفلك وعگبك تاهت الــروح ... وحرگو كل خيمنه
غيرك ماكو عندي واحجي الجروح ..وغيرك من يلمنه
***
مامش عندي غيرك ها يمذبوح
اكعـــــد يا تجوتي
اكعد خل اسولفلك عالجـــــروح
كوم اسمع نـخوتي
صاحو بسمي يمك وانته مطروح
شيسگت دمــعتي
كلش حالي تعبت ملت الــــروح
من حزني وغربتي
هــــذا الصار يمنه وانته مطروح .. شــــوف شگد تعبنه
الحجي ماينحجي يحسين گالوه ... كلشي احنه سمعنه
*
#اللهم_عجل_لوليك_الفرج 💔
خادمكم سيد حسن الياسري
'" ثـــكـيـل ""

ها يخوتي
ها يخوتي
'''''''''''''''''''''''''''''''
من كربله للكوفــــه صارت رحلتي
ومن دخلت يخواني نزلــت دمعتي
موقف لجمني وحيل زيـــد لوعتي
گلمن خذه نسوانــه وانــــه بغربتي
أتلفت أيمين شمـــــال
انطــــر يجيـني الكفال
،،،،،،،،،،،،،،،،،،،،،،،،،،،،،،،،،،،،،،،
النسوان صاحت والاهل حاجوها
وگبالي ردت كـــــل مــره ردوها
وانه اختك المحد اجـه وحاجاها
ضلت تلفت والغــرب بجـــوهـــا
بجوها اختكـم يحسين
وضلت تدير الـكم عين
،،،،،،،،،،،،،،،،،،،،،،،،،،،،،،،،،،،،،،،
عيوني انه صارت عالرمح يعيوني
يخوانـــــي زينب انـــه متحاجوني
تشوفون يمكم صاحـــــو وطگوني
أبين الغرب وحـــدي انه لتخلوني
ياوحـــــدتي وياغـربتي
يخـــواني نزلت دمعتي
،،،،،،،،،،،،،،،،،،،،،،،،،،،،،،،،،،،،،،،
طگونه وگـبال الغرب بجـــونـــه
نلوذ وحـــــده بوحـده ما راعونه
من السوك خـويه للقصر ودونـه
يسمونه غربه أخلافك يسمونــه
حالي انه تعبت يخوان
وياي بـــس النـــسوان
،،،،،،،،،،،،،،،،،،،،،،،،،،،،،،،،،،،،،،،
#اللهم_عجل_لوليك_الفرج
#خادمكم_سيد_حسن_الياسري