أحس أكو بدلات كلش خادشة للحياء

يعني شلون تلبسيها وتكعدين كدام النسوان والشابات والأطفال

أحسها مو لائقة

خاصة بالبنت الملتزمة

لعد شلون والله حرام هيج وين نطي وجوهتنه نعرس ثاني يوم يجوز ملكي نفسنه منشورين لاسامح الله 😂

هههههه بعيد الشر
بس صدك واحد ميأمن، كلشي يتوقع

هو حتى لو نلبس لبس مستور لابد الاظافر تتصور والمسكة تتصور وينشرون وهاي زينة العروس الكل شافها
انا ما احب هذا الشي واكول الهم لو صارت خطوبتي اخلي بس اثنين يصورون الكوشة او الصينية مال عقد يعني القران و الورد فقططط
ماكو غيره والتصوير بتلفوني واللي تريد صور انا اختار الصور اللي ينشروهن

كون ما بيهم زينتي طالعة
وهذا رأيي

نفس الحالة

بس ماحجيت لاتكولون عقدتي الموضوع

يعني حتى أكو بنات يصورون طارف البدلة مالهم وينشرونهه

زين هذوله إلي دينشرون مو اكو رجال متابعيهم

من يضمن مراح يتخيل شكل البدلة ويتخيل شكل العروس بيهه

فـ اي هو بصراحة هواي أمور دتصير عدنا بالزواج مو صحيحة

فكون تكونون حذرات يابنات بخصوص حشمتكم شكد ماتكدرون

هو مو مسئلة تعقيد او شي
لكن الموضوع بما فيه انه الاخوات اذا نشروا واتساب مثلا راح يشوف الستوري الاخوا والابوا والعم والخال
واللي ما يعرف انه الرجال يكون صاحب خياااال واسع يجي يتخيل انتي بالفستان من طرف الفستان اللي شافه
لهذا السبب نكول لا تصورون الملابس ولا الادين
الا بتلفوناتكم انتوا فقط

أحسنتم

بالفترة الفاتت الحمدلله كثير من صديقاتي تزوجوا وانخطبوا وهواي منهم راسلوني على استفسارات معينة بس ولا وحدة رادت كتب أو عناوين محاضرات أو حتى وصايا من الروايات عن المرحلة الجديدة الي دخلوا بيها....
بصراحة
بناء عقلية سليمة أفكار صحيحة عن دورج ک زوجة ...وكيفية أدارة وضع الحياة الزوجية بما يضمن صفوها واستقرارها
أهم بهوااااااي من تحضير الملابس وشراء المستلزمات وحجز الصالونات وغيرها

كل الأمور المادية اذا ما توفرت بفترة ما قبل الزواج فهمي ممكن جدا تتوفر بعده.
لكن الوعي والثقافة الصحيحة بهذا الجانب اذا ما أنبنى قبل الزواج صعب ينبني بعد الزواج وراح يأثر جدا على حياتهم.
لأنه بأختصار :أنتِ راح تعيشين وي انسان متعرفينه، انت تكونت ونشأت ببيئة تختلف عن بيئته وانبنت عندج افكار نختلف عن أفكاره فبالتالي هو انسان مختلف كليا عنج
وهذا الإنسان المفروض يكون أقرب الناس الج
فلازم تكون عندج مرونة بتقبل جزء من أفكاره الصحيحة أو رفض الأفكار غير الصحيحة وهكذا

من ناحية أخرى
كل مرحلة نعيشها بيها تكليف الهي خاص

فأنت كک زوجة لازم تكون عندج معرفة بواجباتج الشرعية والأخلاقية حتى تعرفين تكليفج .

هدف الزواج عظيم جدا
(رَبَّنَا هَبۡ لَنَا مِنۡ أَزۡوَٰجِنَا وَذُرِّيَّٰتِنَا قُرَّةَ أَعۡيُنٖ وَٱجۡعَلۡنَا لِلۡمُتَّقِينَ إِمَامًا )

وهذا الهدف العظيم يستحق نكرّس كل حياتنا (ک امهات) لتحقيقه.

الأم الصالحة الواعية هي التي تكون الأسرة الصالحة.

_ سـجى

فعلاً البنت بعد الزواج ماتلحك على شي لهذا ننصح دائمًا بزيادة الجانب الثقافي والمعرفي والفقهي قبل الزواج (سواء بقراءة الكتب أو الاستماع للمحاضرات والمشاركة بالورشات والدورات المفيدة) حتى تكدر تبني أسرة صحيحة بعد الزواج بإذنِ الله . .

ע تحذفين الكلام الي بالقناة نرجعله من تخلص امتحانات

جنت منتظرة اتفرغ واكعد اصفي الكلام المفيد من الما مفيد🫠

المهم ان شاء الله خير وربي يسهل امتحاناتكم

البقية انتظر جوابكم حتى اذا صارلي مجال بالليل ان شاء الله نكمل سوالف