رازے کہ دیم ءَ پَدّر اِنت، دردے کہ دل اوپار کنت
تو یاد کائے سرشپ ءَ، شَھمے  کہ هر اِستار کنت

اے وازمندی مئیگ ءُ تئی، مھر ءِ مدامی کِسّہ اِنت
هُسنے کہ درپش اِیت بیگہ ءَ، چَمّے کہ راه ءَ گار کنت

اُمیت  تئی  واترّگ ءِ،  انچو   گُباراں پوش اِتگ
انچو کہ تھنائیں دل ءَ گوں، چرس کنت سیگار کنت

مُرواردیں مھکانی ءَ مِسکیں مہ شنگین مھپراں
مهر ءِ  ملنگیں شاعر ءَ بِل کہ دمے ساسار کنت

مهرانی پُرّیں سالے ءَ، ما دوست داشتگ دیدگاں
نامھروانی  انگت ءَ، مارا  گوں  پرچا یار کنت

ما   بِھ   نزانتگ  آسَر ءَ  آس ءَ  کپیں  تھنائی ءِ
ما گْوَه نہ کُت تئی کاروان، هلک ءَ چہ لڈّ ءُ بار کنت

دیوانگ ءِ  باسد  وتی  مَهلہ  سر ءَ  گِر  اشکتگ
انسرتگیں  پاساں تئی  نام ءَ گر اِیت کوکار کنت

باسد هوت
@houtbased

من مِهر کِشتگ پہ ترا ءُ کَهر سرچِتگ پہ وت
گناه ءِ دامن ءَ کپ اَنت منی سواب داں کدی؟

باسد هوت
@houtbased

شائر: باسد هوت
گشنده: گپار هوت

سَر نہ بنت ایرَهت زند ءَ داں بهارے زندگ اِنت
کمبر ءِ اوبادگاں چہ شَهسوارے زندگ اِنت

چاکر ءِ کوٹ ءُ کلاتاں داں کدی بندیگ بیت
هانل ءِ زرد ءَ دگہ کول ءُ کرارے زندگ اِنت

شپ کجا جُنز اِیت وتی بام ءُ سهاریں منزل ءَ
مئے دل ءِ بیوانکے ءَ نشتگ ودارے زندگ اِنت

دل تئی روباهی مکراں گوں کدی ایمن نہ بیت
مکران ءِ گریشگاں دانکہ مزارے زندگ اِنت

همل ءِ مرگ ءَ زر ءِ چولانی دل باور نہ کنت
اَچ من ءَ سستگ شُتگ دوریں دیارے زندگ اِنت

هو منی وائے وتن وائے وتن وائے وتن
زندگاں من دانکہ تئی یک هُشکیں دارے زندگ اِنت

شائری باسد منی ارواه ءِ گپ انت سرجم ءَ
من اگاں مُرت آں منی یک رازدارے زندگ اِنت

باسد هوت
@houtbased

دمانـے بنــــد کــں وتـــــی دیـــدگانـــــی پریات ءَ
دل ءَ چـــــہ کش زهیـــــرانــــــی کُچلیـــں یات ءَ

دو ترمــپ ارس وتـــی تَـــرّیــــں دیدگاں پِر دئے
شپ ءَ بہ سوچ ءُ شپ ءِ کسّهاں بہ دئے گوات ءَ
____

یک لحظه ارام کن فریاد بی صدای چشمانت را
بیــــرون بریــز خاطرات تلخ گذشته را از قلبت

با دو قطره اشک چشم های خیست را بپوشان
شب را رها کن و داستان شب را به باد بسپار

باسد هوت
@houtbased

دور چـــــہ اے جهــــــان ءِ بدواهــاں
دیــــم ءَ سِتــــرے لگوش بیــــا پَمّـاں

هرکس ءَ هرچے دوست بیت بہ بیت
مئے دل ءِ هست ءُ نیست تئـی چمّاں
___

دور از چشم بدخواهان این دنیا
نقابی به چهره بزن و بسویم بیا

هرکس هرچه را دوست دارد دوست بدارد
تمام دار و ندار قلب من چشمهای تو است

باسد هوت
@houtbased

هانُلے بستگ پدا گوں مَکر ءِ مُهریں سانکلاں
شَیهے ءِ دیوانگے ءَ دست مان اِنت چاکر ءِ

باسد هوت
@houtbased

کجام اوسـت ءِ لالچ ءَ چہ دوستــاں شمُشتگ ئے
گوں دژمناں هورتگ ئے، گوں رستراں سلہ کُتگ؟

اے  گُنگدامیــں  دلوتانی  تو بُگش گنہ چی اِنت
کہ  آزمان ءِ  جمبراں  سِتم گوں جنگل ءَ کُتگ؟..

باسد هوت
@houtbased

جهان ءِ گُنـگی ءَ مانـا بکنت شپ
من ءَ تئی زلپ ءِ زندان ءَ بکنت شپ

کجا من درد ءِ پاهار ءَ بہ توساں؟
اگاں روچے من ءَ تهنا بکنت شپ

باسد هوت
@houtbased

زندگی روچے وڑے مارا دَج اِیت
کے گُش اِیت کہ ڈنگ جَنْتیں مار بس؟

باسد هوت
@houtbased

من گام گام ءَ تئی شوهاز ءَ پہ ترس جنزاناں منزلے ءَ
تو انچو بیمناکیں جنگلے ئے، من شپ تهاریں مسافرے آں

باسد هوت
@houtbased

درد ءِ آیـاتـاں نبیـس ایـت کِسّهــاں وانــــی گــم ءِ
شـائــــــر ءَ آبـــــاد کُـرتــگ دل گَیــابــانــــی گــم ءِ

گوں من ءَ چوں کنت باریں تئی زلیخائیں نسیب
بادشا مهــــر ءِ بیاں مــــن یـا کــہ زندانــی گــم ءِ
_

آیه های درد را می سراید داستان غم را بیان می کند
شاعر بیابان دلش را به آبادی بدل کرده است

بخت زلیخائی تو نمیدانم با من چکار خواهد کرد
پادشاه عشق خواهم شد یا که زندانی غم ها

باسد هوت
@houtbased

مـا وتـارا جنگلــے ءَ دور زندانـــی کتگ
چہ من ءَ بیزار دنیا چہ من ءَ بیزار دل

باسد هوت

@houtbased

من تئی جتائی ءَ چہ پد دست ءِ کلم چار اِت نہ کُت
دوشی داں بام ءِ آسگ ءَ درد ءِ هتم چار اِت نہ کُت

بـے تو همائیں نشتگاں لبـزانی ارسـاں پهک کناں
تو کہ شُت ئے من گوشتگیں گالانی چم چار اِت نہ کُت

باسد هوت
@houtbased

داں دوسَد سال ءَ بہ ودّ اِیت زندگی سرجم نہ اِنت
یک دمانے بس ترا دیدگ بہ گند اَنت کم نہ اِنت

من تئی لُنٹاں چہ زند ءِ بھر گپتگ انشپی
نی توری دنیا بہ کُٹ اِیت ھم من ءَ ھچ گم نہ اِنت

باسد ھوت
@houtbased

دل گمان ءَ چہ شُتگ یار گمان ءَ چہ شتگ
واهگ ءِ  سرجمیں  بازار گمان ءَ چہ شتگ

مهر ءِ  پجار  نہ منتگ  دل ءِ  دمکانی تہ ءَ
اشک ءِ بے هاسلیں دیدار گمان ءَ چہ شتگ

باسد هوت
@houtbased

من زاناں مرچی تیاب نندانی شپ نہ کُٹیت
کہ روچ دریا ءِ گُڈی دیدار ءَ واب کپتگ
____

میدانم اینبار شب ساحل نشینان سحر نخواهد شد
چون خورشید در دیدار اخرش با دریا به خواب رفته است

باسد هوت

@houtbased

اِشک چمــاں بئیت ءُ جـا بہ گِـر ایت؟
ما  نوں  توبہ کُتگ  هُدا بہ گِر اِیت😁

باسد هوت
@houtbased

من بے تو باز جیڑ اِتگ ابیتکیانی ساهَتاں
اے دل گُش اِیت برو بلے، سپر هوں گوں من ءَ نہ بیت

گوں ترانگانی لزّتاں چہ کیپ مِتْکَگ ئِے شپ ءَ
تئی مهر انچیں کودکے کہ سَر هوں گوں من ءَ نہ بیت

باسد هوت
@houtbased

کوش ءِ زیمـــرے تالان، جَنگلـــے ءِ بیـوانکـــی، شانتلــے ءِ شیـزارگ
یات بیـت مـن ءَ انگــت تـو کـہ اتکگ ئـے پمّـن هَـور گوارگ ءَ بوتگ

دل چہ شادهاں سرریچ گم چہ باتن ءَ گستا شپ گوں کندگاں رُژنا
اے هــوں وهدے اَت گندئے؟ آ دنیگتـہ مارا دوســـت دارگ ءَ بوتگ

باسد هوت

@houtbased

دیدگ ءِ ارسانــی موســـم کُٹ اِتگ
پروش وارتگ تئـــی گمانی لشکر ءَ

مئـے دل ءِ شادانی ءَ مَرچـی مچار
اے گــــم ءِ گیـابـان بیتگ پیسـر ءَ

باسد هوت

@houtbased