بیا کہ دوشی هیال ءِ دریگ ءَ پد ءَ
کنجلیں  دیدگاں  تئی کیامت کُتگ

دِل وَ ناسرپدے، جَنت پروش اِیت وت ءَ
بیا دمانے! گوش ئے تو هوں کُنّت کُتگ!!

باسد ھوت
@houtbased

اے شھر ءَ کَس من ءَ وتی گُمان ءِ ساهگ ءَ نہ بارت
من پگرے آں درآمدیں، نہ ونتگیں کتابے آں

گمے، گَلے، مھبّتے یا کینگے بہ بیت، گوز اِیت
درُشاناں زند ءِ گَلّہ ءَ، من انچیں آسیابے آں

باسد هوت
@houtbased

شائر: باسد هوت
گشنده: وهید ترکش

سُچات شاری، که مهناز ءِ تِلاھیں شار بُن گِپتگ
هسدّ ءُ کینگ ءِ آس ءَ، دْرهیں بازار بُن گِپتگ

کُج اِنت بُلبل؟ که پُر بیت اَنت گُلاب ءُ آسُمی هر دو
چمن تَبد ءَ جتگ، پُلّانی بَیرک‌دار بُن گِپتگ

هما روچ ءَ که سردارے سَر اَت گوں بْرات ءِ گْورجیگ ءَ
هما روچ ءَ چه پد، مئے تالِھ ءِ استار بُن گِپتگ

ترا نامے نسیب ءَ نیست وتی زَگریں زبان ءَ چه
بلوچی! تو کُجا گار ئے؟ تئی پَجّار بُن گِپتگ

چِه پیم ءَ اِے سپر مارا وتی سَر منزل ءَ سر کنت؟
منی سَبر ءِ سَما سُتکگ، تئی اوپار بُن گِپتگ
‌
په من وائے وتن تهنا سر آتکگ، وائے نازانتی!
که دشت ءِ شیشّمیں دْرچکانی هُشکیں دار بُن گِپتگ
‌
گْوزان‌ اِنت واجه ءِ بند ءَ گُلام ءِ زندگی، باسد!
گُش ئے که چاکر ءِ شاهی تبیں دربار بُن گپتگ

باسد هوت
@houtbased

ترجمه‌ی آھنگ «تِلاھیں شار»(دامانِ پاک)
به قلم: سنا محمد عزیزی

الهی که «شاری» به خاک سیاه بنشیند، که از وجود او، دامان پاکِ «مهناز»، آلودهٔ تهمت بدخواهان شده؛ دریغا که همهٔ آبادی، از آتشِ حسادت و کینه، شعله‌ور است.

بلبل کجاست؟ که گُل سرخ و یاسمن، هر دو سوختند و خاکستر شدند؛ چمن از باد سوزان، پژمرده و پرچمدارِ گُلها، سوخته و نابود شده است.

از همان روزی که یک بزرگِ قوم، با برادرش دست به گریبان بود، از همان روز، ستارهٔ بخت ما سوخت و ما رنگ سعادت ندیدیم.

ای بلوچ! تو از زبان ناب و شیوای خود، یک اسم هم بهره نبرده‌ای؛ ای زبان بلوچی! تو کجا ناپدید شده‌ای؟ دریغا که نشان هویّت تو، سوخته و از بین رفته است.
‌
این سفر، چگونه ما را به سرمنزل مقصود خواهد رساند؟ وقتی که در من، حسّی از صبوری و در تو، نشانی از بردباری نیست.

(اشاره به ضرب المثل «وائے وتن ھُشکیں دار») یعنی: وای بر این نادانی! که برای من، تنها این باقی مانده که ضرب المثل «وطن با درختان خشک هم زیباست» را بگویم؛ در حالیکه چوب خشک درختان محکم و استوارِ دشت هم، سوخته و خاکستر شده است.

ای باسط! زندگیِ برده، در زندانِ ظلمِ حاکم، در گذر است؛ گویا که دیگر بارگاه پادشاهی «چاکر»، آتش گرفته و اثری از آن نیست.

@houtbased

دور اوشت انت ءُ نہ شنز اَنت درد ءِ جمبر بستگیں
هچ رنگ ءَ پَچ نہ بنت اے واهگ ءِ دَر، بستگیں

هر دم ءَ کسّے مئے سِتکانی گوش ءَ بانگ دنت
هو کہ ما آجوئی ءِ جُنز ءَ چہ پیسر، بستگیں

یک دمانے اچ وتی کاڑانی کُلّ ءَ در نئیت
بندیاں موک اِیت چہ پیم ءَ اهد ءِ کمبر، بستگیں

تو وتی پیریں پِت ءِ نام ءَ نہ کرز ئے بچّی ءَ!
پہ ترا تاوان بوتگ ماتے ءِ سَر، بستگیں

گوانزگ ءِ لَمب ءَ بگر داں کبر ءِ پادین ءَ در آ
پہ کے ءَ رهن اِنت منی بِندات ءُ آسَر، بستگیں

گیرت ءِ چمانی دیم ءَ نَنگ ءِ کِسّہ پدّر اِنت
نی کجام کار ءَ کیت تئی میان ءِ خنجر، بستگیں

باسد هوت
@houtbased

دروت ھمبلاں
چنل ءِ لینک ءَ شنگ کن اِت بلّے باز بہ ایں، شمئے مھرانی منتوار❤️

شائر: باسد هوت
گشنده: گپار هوت

کوش تئی زُلپانی سارتیں، بوه ءُ باس ءَ دست جنت
روچ سَنجے سمبھین اِیت، جیگ ءِ لاس ءَ دست جنت

من هَلاهوش آں بلے، پہ شیشگے کاپِر نہ باں
گوات هم پہ مکسدے کیپ ءِ گلاس ءَ دست جنت

بلکنا تئی اِشک ءِ پاهار، روچے رَکّین اِیت من ءَ
هو هُدا پَرمان کنت، موسّا هوں آس ءَ دست جنت

وش نہ بیت باسد من ءَ، اے تیھُر ءِ بومو بلے
مردمے مجبور بیت الّم وتاس ءَ دست جنت

باسد ھوت
@houtbased

ترجمه‌ی آھنگ اشک ءِ پاهار(آتشِ عشق)

نسیم صبحگاه بوی خنکِ زلفانت را نوازش می‌کند
شفق خورشید به آیینه‌های لباست دست می‌کشد

من مدهوشم ولی با یک تُنگِ بلورین کافر نمی‌شوم
باد با هدف خاصی به جامِ شرابم دست می‌زند

شاید آتشِ عشقت روزی مرا از این گرفتاری نجات بدهد
بله اگر دستور خداوند باشد موسی هم به شراره‌های آتش دست می‌زند

باسد این سنگر کوهستان جای خوش‌گذرانی نیست
اما انسان اگر مجبور باشد حتما دست به تفنگ خواهد شد

باسد ھوت
@houtbased

کائے   شراب    گونگیں   زُلپاں   در ءَ  مکن
مرچاں   هراب   گندگ آں   بازار ءِ  نیّت ءَ

باسد هوت
@houtbased

ما دیگر ءَ گوں رولہ ءِ کمار ونت ءُ در نہ بُرت
نیاتکگیں شپ ءِ تئی کرار، ونت ءُ در نہ بُرت

ناں کھر آس جنت دل ءَ، ناں مھر بکش اِیت لزّتے
ما دوشی دانکہ بامسار ءَ یار ونت ءُ در نہ بُرت

باسد ھوت
@houtbased

شائر: باسد هوت
گشنده: شبیر سید

برو  برو  کہ  ما  تئی  گماں  گوں  پیسلہ کُتگ
میا  میا  کہ  دیدگاں   اے   زندگی    یلہ کُتگ

گمانی   آس ءِ  توسگ ءَ  پہ شوانگی دراتکگاں
گلاس   شال ءِ  دامن ءَ  شراب   چاگَل ءَ کُتگ

اے سرڈگار ءِ نام داں  کہ زندگاں، بدل نہ بیت
سَتر  چہ  وت  جِتا  من ءَ بَدانی پَندل ءَ کُتگ

تو هوت مهر ءِ کسّہ ءَ کے ءَ گوں هلوت ءَ کن ئے
تو  کئی نگاهاں کپتگ ئے کے ءَ ترا دل ءَ کُتگ

باسد هوت
@houtbased

شیر چکیں گلاب ءِ  پُل  بیا  ترا  من  امبازاں
بِلّے میتگ ءَ شِنگ اِیت بوه ءُ باس مئے نام ءَ

باسد هوت
@houtbased

شائر: باسد ھوت
گشندہ: گپار ھوت

مھپرانی نکاب


گوں تئی بچکندگاں شپ دو پاس ءَ کُتیں
هون ماں  شیشگاں   دل  گلاس ءَ کُتیں

روچ ءِ    دیم ءَ  جتیں   مهپرانی   نِکاب
دهر  رُژنا   تئی   جیگ ءِ    لاس ءَ کُتیں

ترانگے   بَکش اِتیں  تو  من ءَ   من  ترا
گم   شَموشتیں  پَدا    درد  آس ءَ کُتیں

نوش اِتیں  داں سباه  یات ءِ  کَدّه  وتی
سارتیں  آهے جبین ء َ چہ  تاس ءَ کُتیں

سر   بِداتیں    تئی   جیگی ءِ    مهلباں
مارا   ریٹا   تئی   بوه ءُ   باس ءَ  کُتیں

تو  برو  گار بئے  بَلکیں  مهتل بہ بیت
انچیں دَزبندی یے گوں سواس ءَ کُتیں

بے هساب ءَ  جَتیں  پیک  باسد   شپی
دیدگانی    نشہ   بے   کساس ءَ کُتیں

باسد ھوت
@houtbased

شنزے زمین ءَ ایر بئیت جمبر سر ءَ بہ بیت
بچکندگانی پیسلہ اوں پیسر ءَ بہ بیت

اے اِشک چی مزاکے کہ چیر اِنت ماں میتگ ءَ
دو دل کہ گوں وت ءَ اِنت گڑا زاهر ءَ بہ بیت

نودانی نرمیں شنز سمار اِیت تئی مهپراں
بچکندگاں گوں لُنجمیں شپ روشنا بہ بیت

دست ءِ دل ءَ کوپگ ءَ یا کوهیں سینگ ءَ
نوں تو بگوش دوست تئی سر کجا بہ بیت

نو پتّو گپ گپ بہ اَنت شَیر شَیر بنت
نوں باید اِنت کہ شائری ءِ هک اَدا بہ بیت

کیپانی تاس بینگیں لُنٹانی شهدیں تام
هرچے کہ بیت بهشت ءَ اِد ءَ اوں هما بہ بیت

باسد ما سنگتی ءَ پہ جان ءَ فدا کنیں
«هرکس گوں مارا کیت گڑا مئے وڑ ءَ بہ بیت»

باسد هوت
@houtbased