من باز وس کتگ کہ مہ بیت گَـم مہ بیت گِلگ
خنجـر دل ءَ جنان اِنـت تئی ترانگ دل ءِ تب ءَ

گوں مـن سَهڑگ ءَ اِنـت کـہ بچکندگے بہ جنت
گوں مـن نـہ جنزگ ءَ اِنـت زمـانگ دل ءِ تب ءَ

===============================

من خیلی سعی کردم که نه غمی بماند نه گله‌ای،
اما خاطراتت به میل خود بر قلبم خنجر می‌زند

با مــن آرام نمی‌گیرد که لبخندی به لب بیاورد،
زمانه، بر وفق مراد با مـــن همراهی نمی‌کند

@houtbased

شائر: باسد هوت
گشنده: شبیر سید

بے  وپائیانی    شهر ءَ   سبر ءُ  اوپار اِنت ءُ من
ناشناسیں    میتگے ءَ   درد ءِ   پجّار اِنت ءُ من

ناگتہ  پگرے  منی  دستونک ءِ  بند ءَ آس دنت
ناگتہ  گنداں  گُل ءِ  سینگارگ ءِ جار اِنت ءُ من

دل  زدگ  بوتّگ  گمانی   کَهریں  گیابان ءِ  لَد ءَ
تئی کهیبانی بهشت ءَ زُلپ ءِ سیہ مار اِنت ءُ من

ساهتے چاڑ ءَ نہ دار اِیت واهگ ءِ بے چاڑیں زِر
دَه سری چوالانی پُشت ءَ مهر ءِ یَدّار اِنت ءُ من

شپ وتی ساهار پوشیں شار ءِ ستر ءَ پیچگ اِنت
آ کہ نشتگ تئی ودار ءَ  بام ءِ استار اِنت ءُ من

کوش هوں لَڈّ اِت گوش ئے چہ دیدگانی جنگل ءَ
بس  هیالانی  کهیر ءِ پرُشتگیں دار اِنت ءُ من

دیدگے،  ارسے،   کَلَمّے، کاروانے  راهی اِنت
کاگدے،  دستے، شرابے، هُورکیں بازار اِنت ءُ من

کِسّهے   بے آسر اِنت ءُ   اُمرے  ارمان  دیدگاں
باسد ءِ ایر اِنت  جنازه  گُڈّی دیدار اِنت ءُ من

باسد هوت
@houtbased

چو مگوش پرچا شُت ئے ءُ جَلّگ ءِ جُست ءَ مکن
زانتگ اَت تئــی مهــــــر ءِ ٹپّاں واد پِر بوتیں اگاں

اے وڑیـں بد اهدے ءَ گوں سَهتُکـے مهتل نہ بیت
تئـی گِس ءِ پُشــت ءِ شریش ءَ پاد پِر بوتیں اگاں

===============================

حرف رفتنم را نزن سوال ماندنم را نپرس،
می‌دانستی اگر به زخم‌های عشقت نمک پاشیده می‌شد!

با این بدقولیِ تو یک ساعت هم معطل نمی‌شد؛
درخت «شریش» پشت خانه‌ات اگر پای رفتن داشت...
@houtbased

تئی زیبایی ءِ کسّہ همک یات ءِ تہ ءَ نکش اِنت
تــوئے کہ بلبلاں آواز ءُ پُلّاں نــ‍ـاز پرماتگ

باسد هوت
@houtbased

هما نگـاه ءِ اَسر اَنگت چیدگ اِنت چمّـاں
اے دل تئی دیدگاں درُشتگ ترا هیال گور اِنت؟

باسد هوت
@houtbased

شائر: باسد هوت
گشنده: گپار هوت

کدی هوری رگامے کیت، کدی شنزے بہ جنت پُلّاں
بہ سینگار اِیت وت ءَ موسم، بہ سھڑین اِیت دل ءِ هُلّاں

کدی اے کاروان جُنز اِیت کدی پتّو رهادگ بـاں
من ءَ پندے سر ءَ داتگ تئی گندم گونگیں گُلّاں

اگاں گاراں، تئی مهر اِنت من ءَ را راه ءَ پِرّین اِیت
اگاں کوراں، بلے انگت تئی شوهازگ ءَ رُلّاں

جهان ندر اِنت تئی باسد همے گپ ءَ کہ تو گوشتگ
نلوٹاں من، بهشتـانی گلاب اندامیـں گرانمُلّاں

باسد هوت
@houtbased

گوش ئے مَرچاں زَرّ بوتگ دل ءُ جان مردمانی
من ءَ دوست نہ بوگ ءَ اِنت اے جهان مردمانی

#باســد_هوت

@houtbased

پہ شیرکنیں درهباتے ءَ سک باز دْیر ءَ اتکگ ئے
ما پاتیا ونتگ دل ءِ، ما پُرس ارسانی جتگ

روچے اگاں پہ تو زر اِت، زِرد ءَ وتی آس ءَ کناں
ٹپّیگ هما هجبر نہ بیت کہ واد ٹپّانی جتگ

باسد ھوت
@houtbased

شائر: باسد هوت
گشنده: شبیر سید

زمستان ءَ کتگ هلوت، منی تهنائی ءِ رنگ ءَ
نگاهاں شیر شَنز اِیت شپ، تئی زیبائی ءِ رنگ ءَ

تئی دیدگ منی ارواه؛ دوئیں دیدار ءِ بندوک اَنت
تئی مهر اِنت کہ آباد اِنت دگہ دنیائی ءِ رنگ ءَ

هما یاد ءُ هما ترانگ، هما نوکیں گم ءِ کسّہ
چتور من انسراں روچے، شموشاں آئی ءِ رنگ ءَ

ترا دوداں کتگ گِستا، من ءَ بهت ءَ پکیری ءِ
تئی سُهبے ملور اِنت هم، منی بیگاهی ءِ رنگ ءَ

باسد هوت
@houtbased

پارسی رجانک(ترجمه‌ی فارسی)

زمستان مثل تنهایی من با خودش خلوت کرده است،
از نگاہ من در تاریکی شب رنگِ زیبایی تو می‌بارد

روح من و چشمان تو هردو در انتظار دیدار هستند
مهر تو در قلبم مثل دنیای دیگر(بهشت) آباد است

همان یاد و خاطره‌ی همیشگی همان قِصّه‌ی تازه‌ی غم،
من چطور آروم باشم و تصویر او را فراموش کنم؟

رسم های کُهن از تو و بخت نداری از من، بین ما فاصله انداخته است
صبح‌های تو هم مثل غروب‌های من غم انگیز است.
@houtbased

بیا دگہ دابے جھان ءَ سَر کنیں
پرشتگیں اَهداں پَد ءَ باور کنیں

تو منی یَل داتگیں دست ءَ بگر
من ترا چاراں گَماں آسَر کنیں...

باسد هوت
@houtbased

بہ سِند زمزیل ءَ تگدیر ءِ، وت ءَ آزات بہ کن انسان
کجام بھت ءُ کجام کِسمت؟ ترا هرچے رس اِیت دروگے!
هُدا ءَ دین ءُ دنیا تئی بنا کُت مھر ءِ بنیاد ءَ
کہ بے مھر ءَ بزان باسد دل ءَ هرچے تَپ اِیت دروگے.

باسد هوت
@houtbased

مردین ءِ میان استمانی روچ مُراد بات
روز جهانی مرد مبارک♥️🌱
@houtbased

بیا کہ دوشی هیال ءِ دریگ ءَ پد ءَ
کنجلیں  دیدگاں  تئی کیامت کُتگ

دِل وَ ناسرپدے، جَنت پروش اِیت وت ءَ
بیا دمانے! گوش ئے تو هوں کُنّت کُتگ!!

باسد ھوت
@houtbased