منی شعرانی چینل ءَ وش اتک اِت
ادا شمارا منی وتی شعرانی نبشتانک ءُ پارسی رجانک(ترجمه) ویڈیو ءُ هما شعر کہ گوشندهاں ونتگ اَنت دست کپ اَنت
امیت اِنت کہ شمارا پسند بہ بنت

شائر: باسد هوت
گشنده: گپار هوت

اوپار ءِ ساهگ

دیدار  وهد ءِ  جنتر ءَ درُشتگ نیاتکگ ئے
ارساں   گُبار   باتن ءِ   شُشتگ نیاتکگ ئے

ما  باز  رندا  نشتگیں  اوپار ءِ  ساهگ ءَ
تو  باز  رندا    مارا    شمُشتگ نیاتکگ ئے

داں ماه ءِ روژنائی  شپ ءِ بالواں پِر اَت
ما هم چراگ ءِ وٹ نہ کُشتگ، نیاتکگ ئے

ناں  ما  ودار ءِ  دامن ءَ  دمبُرتگیں تئی
ناں  تئی وپا ءِ  رنگ لَگُشتگ، نیاتکگ ئے

باسد مں کایاں روچے تئی گندگ ءَ زرور
اے گپ مارا هردیں تو گُشتگ نیاتکگ ئے

باسد هوت
@houtbased

موزیک ویدیو اوپار ءِ ساهگ
ویڈیو: نمیران کمانچر بلوچ
@houtbased

ترجمه :
سایه‌ی صبر

آسیابِ روزگار لحظه‌ی دیدار را به تاراج باد سپرد، اما نیامدی
اشک‌ها غبار باطنِ غم آلوده را شستشو داد، اما نیامدی

ما بارها زیر سایه‌ی صبر منتظرت مانده‌ایم
تو هم بارها مارا به دست فراموشی سپردی، اما نیامدی

تا روشناییِ مهتاب بر بال شب تاب‌ها می تابید
ما هم سوی چراغ امید را کم نکردیم، اما نیامدی

نه ما از نشستن در دامان انتظارت خسته شدیم،
نه وفای تو رنگ تازه به خود گرفت، اما نیامدی

باسد من یک روز حتما به دیدنت خواهم آمد
این حرفت را بارها تکرار کردی، اما نیامدی

@houtbased

من باز وس کتگ کہ مہ بیت گَـم مہ بیت گِلگ
خنجـر دل ءَ جنان اِنـت تئی ترانگ دل ءِ تب ءَ

گوں مـن سَهڑگ ءَ اِنـت کـہ بچکندگے بہ جنت
گوں مـن نـہ جنزگ ءَ اِنـت زمـانگ دل ءِ تب ءَ

===============================

من خیلی سعی کردم که نه غمی بماند نه گله‌ای،
اما خاطراتت به میل خود بر قلبم خنجر می‌زند

با مــن آرام نمی‌گیرد که لبخندی به لب بیاورد،
زمانه، بر وفق مراد با مـــن همراهی نمی‌کند

@houtbased

شائر: باسد هوت
گشنده: شبیر سید

بے  وپائیانی    شهر ءَ   سبر ءُ  اوپار اِنت ءُ من
ناشناسیں    میتگے ءَ   درد ءِ   پجّار اِنت ءُ من

ناگتہ  پگرے  منی  دستونک ءِ  بند ءَ آس دنت
ناگتہ  گنداں  گُل ءِ  سینگارگ ءِ جار اِنت ءُ من

دل  زدگ  بوتّگ  گمانی   کَهریں  گیابان ءِ  لَد ءَ
تئی کهیبانی بهشت ءَ زُلپ ءِ سیہ مار اِنت ءُ من

ساهتے چاڑ ءَ نہ دار اِیت واهگ ءِ بے چاڑیں زِر
دَه سری چوالانی پُشت ءَ مهر ءِ یَدّار اِنت ءُ من

شپ وتی ساهار پوشیں شار ءِ ستر ءَ پیچگ اِنت
آ کہ نشتگ تئی ودار ءَ  بام ءِ استار اِنت ءُ من

کوش هوں لَڈّ اِت گوش ئے چہ دیدگانی جنگل ءَ
بس  هیالانی  کهیر ءِ پرُشتگیں دار اِنت ءُ من

دیدگے،  ارسے،   کَلَمّے، کاروانے  راهی اِنت
کاگدے،  دستے، شرابے، هُورکیں بازار اِنت ءُ من

کِسّهے   بے آسر اِنت ءُ   اُمرے  ارمان  دیدگاں
باسد ءِ ایر اِنت  جنازه  گُڈّی دیدار اِنت ءُ من

باسد هوت
@houtbased

چو مگوش پرچا شُت ئے ءُ جَلّگ ءِ جُست ءَ مکن
زانتگ اَت تئــی مهــــــر ءِ ٹپّاں واد پِر بوتیں اگاں

اے وڑیـں بد اهدے ءَ گوں سَهتُکـے مهتل نہ بیت
تئـی گِس ءِ پُشــت ءِ شریش ءَ پاد پِر بوتیں اگاں

===============================

حرف رفتنم را نزن سوال ماندنم را نپرس،
می‌دانستی اگر به زخم‌های عشقت نمک پاشیده می‌شد!

با این بدقولیِ تو یک ساعت هم معطل نمی‌شد؛
درخت «شریش» پشت خانه‌ات اگر پای رفتن داشت...
@houtbased

تئی زیبایی ءِ کسّہ همک یات ءِ تہ ءَ نکش اِنت
تــوئے کہ بلبلاں آواز ءُ پُلّاں نــ‍ـاز پرماتگ

باسد هوت
@houtbased

هما نگـاه ءِ اَسر اَنگت چیدگ اِنت چمّـاں
اے دل تئی دیدگاں درُشتگ ترا هیال گور اِنت؟

باسد هوت
@houtbased

شائر: باسد هوت
گشنده: گپار هوت

کدی هوری رگامے کیت، کدی شنزے بہ جنت پُلّاں
بہ سینگار اِیت وت ءَ موسم، بہ سھڑین اِیت دل ءِ هُلّاں

کدی اے کاروان جُنز اِیت کدی پتّو رهادگ بـاں
من ءَ پندے سر ءَ داتگ تئی گندم گونگیں گُلّاں

اگاں گاراں، تئی مهر اِنت من ءَ را راه ءَ پِرّین اِیت
اگاں کوراں، بلے انگت تئی شوهازگ ءَ رُلّاں

جهان ندر اِنت تئی باسد همے گپ ءَ کہ تو گوشتگ
نلوٹاں من، بهشتـانی گلاب اندامیـں گرانمُلّاں

باسد هوت
@houtbased

گوش ئے مَرچاں زَرّ بوتگ دل ءُ جان مردمانی
من ءَ دوست نہ بوگ ءَ اِنت اے جهان مردمانی

#باســد_هوت

@houtbased

پہ شیرکنیں درهباتے ءَ سک باز دْیر ءَ اتکگ ئے
ما پاتیا ونتگ دل ءِ، ما پُرس ارسانی جتگ

روچے اگاں پہ تو زر اِت، زِرد ءَ وتی آس ءَ کناں
ٹپّیگ هما هجبر نہ بیت کہ واد ٹپّانی جتگ

باسد ھوت
@houtbased

شائر: باسد هوت
گشنده: شبیر سید