#تداخل_دوائي
#كلاريترومايسين
بالتداخل الدوائي الكل بضيع
لحتى ماتضيع في شروط الشرط الأول و الأهم أنه لما بينذكر اسم بعض الأدوية فإنت لازم تقول لحالك أنا مابتحرك أي حركة بدون ماأدرس الأدوية المرافقة حصراً
أحد هالأدوية هو الكلاريترومايسين
الكلاريترومايسين بيتداخل معكن بطريقين ...
الأول : تثبيطه لأنزيمات الاستقلاب الكبدي 3A4 و هالأنزيمات ياشباب بتستقلب أكتر من تلت الأدوية
التاني هو تطاول زمن QT و التسبب بلانظمية بطينية قاتلة
لذلك لما بينذكر كلاريترومايسين بندور عالأدوية يلي بتتداخل معه إما على مستوى الاستقلاب أو على مستوى الـ QT
أبو سمرة هون شرب سيلدينافيل و هو بيتناول كلاريترومايسين ... وصار تداخل على مستوى الاستقلاب
قال ممكن تركيز السيلدينافيل يطلع لحتى 11 ضعف عند بعض الناس... يعني القصة مو لعبة
لذلك إنتو كصيادلة مجتمع لما بتعرفوا أنه مريض بيتناول تادالافيل أو سيلدينافيل و فاردينافيل والوصفة فيها كلاريترومايسين تنصحوا المريض بتخفيض الجرعة للربع
مابدي أحكي أكتر من هيك هلق ... بس بدي نبه على شغلة أنه في عنا تداخلات دوائية بالآلاف غير مؤثرة سريرياً و كتير بشوف مكتوب عنها بالنت ... لازم تنتبهوا أنه تحذروا من التداخلات الجدية فقط و ليس التداخلات غير المؤثرة .
إلى اللقاء أصدقائي
#كلاريترومايسين
بالتداخل الدوائي الكل بضيع
لحتى ماتضيع في شروط الشرط الأول و الأهم أنه لما بينذكر اسم بعض الأدوية فإنت لازم تقول لحالك أنا مابتحرك أي حركة بدون ماأدرس الأدوية المرافقة حصراً
أحد هالأدوية هو الكلاريترومايسين
الكلاريترومايسين بيتداخل معكن بطريقين ...
الأول : تثبيطه لأنزيمات الاستقلاب الكبدي 3A4 و هالأنزيمات ياشباب بتستقلب أكتر من تلت الأدوية
التاني هو تطاول زمن QT و التسبب بلانظمية بطينية قاتلة
لذلك لما بينذكر كلاريترومايسين بندور عالأدوية يلي بتتداخل معه إما على مستوى الاستقلاب أو على مستوى الـ QT
أبو سمرة هون شرب سيلدينافيل و هو بيتناول كلاريترومايسين ... وصار تداخل على مستوى الاستقلاب
قال ممكن تركيز السيلدينافيل يطلع لحتى 11 ضعف عند بعض الناس... يعني القصة مو لعبة
لذلك إنتو كصيادلة مجتمع لما بتعرفوا أنه مريض بيتناول تادالافيل أو سيلدينافيل و فاردينافيل والوصفة فيها كلاريترومايسين تنصحوا المريض بتخفيض الجرعة للربع
مابدي أحكي أكتر من هيك هلق ... بس بدي نبه على شغلة أنه في عنا تداخلات دوائية بالآلاف غير مؤثرة سريرياً و كتير بشوف مكتوب عنها بالنت ... لازم تنتبهوا أنه تحذروا من التداخلات الجدية فقط و ليس التداخلات غير المؤثرة .
إلى اللقاء أصدقائي
#شرابات_التحسس
باختصار شديد
سيتريزين من عمر ست أشهر
ديسلوراتادين من عمر سنة
لوراتادين من عمر سنتين
أسماء تجارية مقترحة
سيتريزين... سيترين ألفا
ديسلوراتادين... ايريوس يونيفارما
لوراتادرين... كلاريتين يونيفارما
#مرة_واحدة_يوميا
باختصار شديد
سيتريزين من عمر ست أشهر
ديسلوراتادين من عمر سنة
لوراتادين من عمر سنتين
أسماء تجارية مقترحة
سيتريزين... سيترين ألفا
ديسلوراتادين... ايريوس يونيفارما
لوراتادرين... كلاريتين يونيفارما
#مرة_واحدة_يوميا
#كيف_يتفاجأ_الباحثون
#سوالف_صيدلانية
قد ماانحكى بقصة عصير الكريفون صار الصيادلة و من لف لفيفهم من صغار الكسبة يشوفوا الكريفون بمنامن
يلي عبيغرق بكاسة العصير و يلي ضاع ببستان كله كريفون و عبيصرخ لدكاترته بالجامعة يساعدوه و يلي و يلي
بس طالما شفتوا منامات و شفتوا قلت لحالي لامانع تسمعوا سوالفي كمان.... بدي احكي منام جديد شوي... غمضوا عيونكن...
هاد ياجماعة بالعام ١٩٨٩ كان في عالم بجامعة اونتاريو عبيعمل تجربة متل تجاربنا بلا تشبيه و مثال عن التداخل بين الكحول و الفيلودبين يلي هو حاصر قنوات الكالسيوم
حاول يخبي طعم الكحول بالكريفون و إذ بيرتفع معه التوافر الحيوي للفيلودبين ٣ أضعاف فجأة
درسوا الموضوع بالمختبر طلع الكريفون بثبط أنزيمات السيتوكروم 3A4
قال معناها الكريفون ثبط أنزيمات 3A4 في الكبد و هاد سبب التداخل... و عقدت حلقات الدبكة و الرقص الشعبي... بس طلعوا غلطانين... فتح لي أدنيك... طلعوا غلطانين...
قوم غسل وشك ورجاع نام...
لما عطوا الدوا بالوريد و شربوا الواحد كاسة عصير... ماصار تداخل... لذلك لما قعدوا ينكشوا بجسم الانسان طلع الكريفون بثبط 3A4 بالمرور الاول المعوووووووي فقط.... و هون مكان التداخل الحقيقي مو بالكبد...
ماخلصنا...
بالامعاء في مضخات... في منها بترفس متل بغليكو P Glycoprotein و في منها مضيافة متل عواتب OATP
يعني بغليكو كل ماامتص دوا بترجع بتطالعه... بينما عواتب على العكس... شفاطة
قال شافوا انه اغلب الادوية يلي بتثبط 3A4 بتثبط بغليكو... لذلك قالوا الكريفون بثبط بغليكو... وعقدت حلقات الدبكة و الرقص الشعبي... بس طلعوا غلطانين.... ولك إش طلعوا... غلطاااااانيييين...
لما عطوا فكسوفينادين ياشباب لمواطن و شربوه كاسة عصير انخفض التوافر الحيوي للفيكسوفينادين بشكل ضخم.... المفروض تتثبط الرفاسة بغليكو و يرتفع التركيز... بس هالشي ماصار
قوم اصحى حاجتك نوم....
الكريفون ببساطة ياجماعة طلعت عينه زايغة و بثبط عواتب الحنونة الشفاطة و بيمنعها تشوف حبيبها الفيكسوفينادين تحت ضوء الزغابات و نتيجة العشق الممنوع رح يقل الامتصاص و ينخفض تركيز الفيكسوفينادين بشكل ضخم
وهيك صار الكريفون اله سلاحين سلاح بثبط انزيمات الاستقلاب و بيرفع التركيز و سلاح بثبط عواتب الشفاطة و بقلل التركيز
صباحكن سوري...
#سوالف_صيدلانية
قد ماانحكى بقصة عصير الكريفون صار الصيادلة و من لف لفيفهم من صغار الكسبة يشوفوا الكريفون بمنامن
يلي عبيغرق بكاسة العصير و يلي ضاع ببستان كله كريفون و عبيصرخ لدكاترته بالجامعة يساعدوه و يلي و يلي
بس طالما شفتوا منامات و شفتوا قلت لحالي لامانع تسمعوا سوالفي كمان.... بدي احكي منام جديد شوي... غمضوا عيونكن...
هاد ياجماعة بالعام ١٩٨٩ كان في عالم بجامعة اونتاريو عبيعمل تجربة متل تجاربنا بلا تشبيه و مثال عن التداخل بين الكحول و الفيلودبين يلي هو حاصر قنوات الكالسيوم
حاول يخبي طعم الكحول بالكريفون و إذ بيرتفع معه التوافر الحيوي للفيلودبين ٣ أضعاف فجأة
درسوا الموضوع بالمختبر طلع الكريفون بثبط أنزيمات السيتوكروم 3A4
قال معناها الكريفون ثبط أنزيمات 3A4 في الكبد و هاد سبب التداخل... و عقدت حلقات الدبكة و الرقص الشعبي... بس طلعوا غلطانين... فتح لي أدنيك... طلعوا غلطانين...
قوم غسل وشك ورجاع نام...
لما عطوا الدوا بالوريد و شربوا الواحد كاسة عصير... ماصار تداخل... لذلك لما قعدوا ينكشوا بجسم الانسان طلع الكريفون بثبط 3A4 بالمرور الاول المعوووووووي فقط.... و هون مكان التداخل الحقيقي مو بالكبد...
ماخلصنا...
بالامعاء في مضخات... في منها بترفس متل بغليكو P Glycoprotein و في منها مضيافة متل عواتب OATP
يعني بغليكو كل ماامتص دوا بترجع بتطالعه... بينما عواتب على العكس... شفاطة
قال شافوا انه اغلب الادوية يلي بتثبط 3A4 بتثبط بغليكو... لذلك قالوا الكريفون بثبط بغليكو... وعقدت حلقات الدبكة و الرقص الشعبي... بس طلعوا غلطانين.... ولك إش طلعوا... غلطاااااانيييين...
لما عطوا فكسوفينادين ياشباب لمواطن و شربوه كاسة عصير انخفض التوافر الحيوي للفيكسوفينادين بشكل ضخم.... المفروض تتثبط الرفاسة بغليكو و يرتفع التركيز... بس هالشي ماصار
قوم اصحى حاجتك نوم....
الكريفون ببساطة ياجماعة طلعت عينه زايغة و بثبط عواتب الحنونة الشفاطة و بيمنعها تشوف حبيبها الفيكسوفينادين تحت ضوء الزغابات و نتيجة العشق الممنوع رح يقل الامتصاص و ينخفض تركيز الفيكسوفينادين بشكل ضخم
وهيك صار الكريفون اله سلاحين سلاح بثبط انزيمات الاستقلاب و بيرفع التركيز و سلاح بثبط عواتب الشفاطة و بقلل التركيز
صباحكن سوري...
#بي_بي_آي
كل البي بي آي تعطى قبل الطعام بنصف ساعة و الافضل قبل الافطار بنصف ساعة
تعبير بي بي آي حبة على الريق هو تعبير خاطئ
#عدا_١
أوميكربونات فهو بي بي آي يعطى في أي وقت وغير مرتبط بالوجبة
أوميكربونات سريييييع التأثير وغير ملبس معويا
#عدا_٢
ديلاستوم فهو بي بي آي يتحرر على مرحلتين ممايوسع زمن تأثيره كثيرا
ديلاستوم ليس سريع التأثير لأنه ملبس معويا
#ينطبق
على باقي الاسماء التجارية المماثلة في التركيب على الامثلة التي ذكرتها
الى اللقاء...
كل البي بي آي تعطى قبل الطعام بنصف ساعة و الافضل قبل الافطار بنصف ساعة
تعبير بي بي آي حبة على الريق هو تعبير خاطئ
#عدا_١
أوميكربونات فهو بي بي آي يعطى في أي وقت وغير مرتبط بالوجبة
أوميكربونات سريييييع التأثير وغير ملبس معويا
#عدا_٢
ديلاستوم فهو بي بي آي يتحرر على مرحلتين ممايوسع زمن تأثيره كثيرا
ديلاستوم ليس سريع التأثير لأنه ملبس معويا
#ينطبق
على باقي الاسماء التجارية المماثلة في التركيب على الامثلة التي ذكرتها
الى اللقاء...
#فاست_فيكس
#لونغاس
#ملازمة
كتير ناس بترجع لعندك لتشتكي انه الفاست فيكس مااشتغل منيح او اللونغاس... كمان مااشتغل
لحتى تنصح مريضك صح لازم ترجع تأكد عليه ماياخد الفاست فيكس بعد عشا دسم... و خلي يأجل البروستد شوي أو يقضيها على سلطة الفواكه
أما بالنسبة للونغاس ففي كتير ناس بيشربوها مع الفاست فيكس قبل نص ساعة من الجماع
لازم نأكد على المريض ياخد اللونغاس قبل ساعة على الاقل و اذا كان قبل ساعتين فكتير منيح
اذا بيشرب كاردورا فممكن يدوخ بشكل كبير مع الفاست فيكس و الفياغرا عموما
اما مع التامسوماكس فهالتأثير جدا ضئيل
اخر شي اذا الطبيب وصفله بأي وقت كلاسيد او ايتراكونازول فالمفروض يختصر جرعة الفاست فيكس او الفياغرا للنص على الاقل
الى اللقاء اصدقائي
#لونغاس
#ملازمة
كتير ناس بترجع لعندك لتشتكي انه الفاست فيكس مااشتغل منيح او اللونغاس... كمان مااشتغل
لحتى تنصح مريضك صح لازم ترجع تأكد عليه ماياخد الفاست فيكس بعد عشا دسم... و خلي يأجل البروستد شوي أو يقضيها على سلطة الفواكه
أما بالنسبة للونغاس ففي كتير ناس بيشربوها مع الفاست فيكس قبل نص ساعة من الجماع
لازم نأكد على المريض ياخد اللونغاس قبل ساعة على الاقل و اذا كان قبل ساعتين فكتير منيح
اذا بيشرب كاردورا فممكن يدوخ بشكل كبير مع الفاست فيكس و الفياغرا عموما
اما مع التامسوماكس فهالتأثير جدا ضئيل
اخر شي اذا الطبيب وصفله بأي وقت كلاسيد او ايتراكونازول فالمفروض يختصر جرعة الفاست فيكس او الفياغرا للنص على الاقل
الى اللقاء اصدقائي
#مضمضة
من أكتر الشغلات يلي بنبيعها في الصيدلية هي المضمضة ، لكن للأسف معلوماتنا عنها بتشبه معلوماتنا عن بريل للغسيل مافيش مستحيل ... يعني ... دائما شرحنا للمريض بيحمل عبارات متل ... مضمضة ممتازة ... فخامة ... رائعة إلى آخره
إذا بدك تغير هالمصطلحات شوي ... امشي معي إذا بتريد ...
قال الكلورهيكسيدين ياجماعة هو كلمة السر في معظم المضامض الفموية ، لما يمتلكه من تأثير مهم في منع تشكل اللويحات السنية و الوقاية من نخر الأسنان و تشكل القلح ...
بس الكلورهيكسيدين بيفقد فعاليته بسبب مكونات معجون الأسنان و بصير بدون فعالية ، لذلك يجب استعمال المضمضة بعد نصف ساعة على الأقل من استعمال الفرشاة ... و مابصير المريض يستعمل المضمضة فوراً بعد الفرشاة ....
هلق ممكن يظن الشخص أنه تأثير الكلوهيكسيدين آني ... بس هالكلام مو دقيق ... هالمضمضة بيستمر تأثيرها حوالي 12 ساعة بسبب ارتباط الكلورهيكسيدين بالأنسجة الفموية و تحرره منها ببطء ... لذلك كمان مابصير المريض يستخدم الفرشاة بعد المضمضة ..
يعني بدك ياني أفرشي سناني و أروح نص ساعة بعدين استعمل المضمضة ... إي هيك بدي ياك ...
تاني شي قال مابصير تستعمل المضمضة و بعدين تاكل ... لأنه الأكل كمان بيوقف مفعول الكلورهيكسيدين ... و خاصة الطعام يلي فيه شوارد متل الحديد و الكالسيوم .
تالت شي قال مين قلك لازم تغسل بالمي بعد المضمضة ... بتمضمض و بس ... مابترجع بتغسل بالمي ...
آخر شي ... في ناس مفكرة المضمضة شي إله علاقة بالاستعمال اليومي ... قال لأ ... الكلورهيكسيدين بالاستعمال الطويل ممكن يعمل كتير مشاكل من بينها تلون الأسنان بالأصفر... و هاي مصيبة ... لذلك دير بالك ...
خلص الكلام لهون ... صار عنا بقجة كلمات جديدة ننصح المريض فيها ... شفنا شلون المضمضة بتخرب بالمعجون و أنه تأثيرها بيصل لـ 12 ساعة و أنه حتى الأكل بيخربها ، و شفنا شلون بتعمل تلون للأسنان ... سلام ياجماعة الخير ...
من أكتر الشغلات يلي بنبيعها في الصيدلية هي المضمضة ، لكن للأسف معلوماتنا عنها بتشبه معلوماتنا عن بريل للغسيل مافيش مستحيل ... يعني ... دائما شرحنا للمريض بيحمل عبارات متل ... مضمضة ممتازة ... فخامة ... رائعة إلى آخره
إذا بدك تغير هالمصطلحات شوي ... امشي معي إذا بتريد ...
قال الكلورهيكسيدين ياجماعة هو كلمة السر في معظم المضامض الفموية ، لما يمتلكه من تأثير مهم في منع تشكل اللويحات السنية و الوقاية من نخر الأسنان و تشكل القلح ...
بس الكلورهيكسيدين بيفقد فعاليته بسبب مكونات معجون الأسنان و بصير بدون فعالية ، لذلك يجب استعمال المضمضة بعد نصف ساعة على الأقل من استعمال الفرشاة ... و مابصير المريض يستعمل المضمضة فوراً بعد الفرشاة ....
هلق ممكن يظن الشخص أنه تأثير الكلوهيكسيدين آني ... بس هالكلام مو دقيق ... هالمضمضة بيستمر تأثيرها حوالي 12 ساعة بسبب ارتباط الكلورهيكسيدين بالأنسجة الفموية و تحرره منها ببطء ... لذلك كمان مابصير المريض يستخدم الفرشاة بعد المضمضة ..
يعني بدك ياني أفرشي سناني و أروح نص ساعة بعدين استعمل المضمضة ... إي هيك بدي ياك ...
تاني شي قال مابصير تستعمل المضمضة و بعدين تاكل ... لأنه الأكل كمان بيوقف مفعول الكلورهيكسيدين ... و خاصة الطعام يلي فيه شوارد متل الحديد و الكالسيوم .
تالت شي قال مين قلك لازم تغسل بالمي بعد المضمضة ... بتمضمض و بس ... مابترجع بتغسل بالمي ...
آخر شي ... في ناس مفكرة المضمضة شي إله علاقة بالاستعمال اليومي ... قال لأ ... الكلورهيكسيدين بالاستعمال الطويل ممكن يعمل كتير مشاكل من بينها تلون الأسنان بالأصفر... و هاي مصيبة ... لذلك دير بالك ...
خلص الكلام لهون ... صار عنا بقجة كلمات جديدة ننصح المريض فيها ... شفنا شلون المضمضة بتخرب بالمعجون و أنه تأثيرها بيصل لـ 12 ساعة و أنه حتى الأكل بيخربها ، و شفنا شلون بتعمل تلون للأسنان ... سلام ياجماعة الخير ...
#منامات_شتوية
حلمت مبارحة اللهم اجعله خير إني قاعد بمحاضرة و سرحان عبعدّ نيونات السقف و سمعت صوت مدري من جوا المدرج مدري من برا المدرج ماني متأكد بصراحة بيقول " لا تُعط حاصرات بيتا لمريض سكري معتمد على الأنسولين لأنها و خاصة غير الانتقائية ( تقنّع ) أعراض انخفاض السكر " ....
أنا كلمة تقنّع خلتني أصحى من غفوتي و أتعوذ من الشيطان الرجيم بعدين إرجع كمل نومتي بسرعة لعل و عسى أعرف شرح كلمة تقنّع بالجزء التاني ...
المهم ...
لما بينخفض السكر ياجماعة بصير عنا تنبيه ودي لحتى يحاول يوقف تدهور تركيز الغلوكوز ... هالتنبيه بيعطي أمر من خلال B2 بشكل خاص لانحلال الغليكوجين و تحرر الغلوكوز لمحاربة تأثير الأنسولين ... طيب لما بيجي البروبرانولول وبيحصر B2 ... قال مارح يصير انحلال غليكوجين و رح يصير احتمال الدخول بغيبوبة أسهل و أسرع ....
لذلك صحيح البروبرانولول بيقنّع الأعراض الشكلية أو الظاهرية لانخفاض السكر الناجمة عن التنبيه الودي لكن هناك في الداخل يكمن ماهو أكثر خطورة .
طيب و مريض السكري غير المعتمد على الأنسولين ... شو بيعمل معه حاصر بيتا ... قال غالباً بيرفعلوا قيمة غلوكوز الدم و في عدة دراسات حديثة بتستثني النبيفولول من هالتأثير الشنيع ...
و هيك صار عنا حاصر بيتا إله قصتين بالقصة الأولى بيكتف الجسم عن محاولته لمقاومة الدخول بغيبوبة ... و بالقصة التانية أو النمط التاني بيرفع من السكر لأسباب غير واضحة تماماً قد يكون أحدها خفضه لحساسية الأنسولين
كل التحية و السلام ... لكم و لأحلامكم
حلمت مبارحة اللهم اجعله خير إني قاعد بمحاضرة و سرحان عبعدّ نيونات السقف و سمعت صوت مدري من جوا المدرج مدري من برا المدرج ماني متأكد بصراحة بيقول " لا تُعط حاصرات بيتا لمريض سكري معتمد على الأنسولين لأنها و خاصة غير الانتقائية ( تقنّع ) أعراض انخفاض السكر " ....
أنا كلمة تقنّع خلتني أصحى من غفوتي و أتعوذ من الشيطان الرجيم بعدين إرجع كمل نومتي بسرعة لعل و عسى أعرف شرح كلمة تقنّع بالجزء التاني ...
المهم ...
لما بينخفض السكر ياجماعة بصير عنا تنبيه ودي لحتى يحاول يوقف تدهور تركيز الغلوكوز ... هالتنبيه بيعطي أمر من خلال B2 بشكل خاص لانحلال الغليكوجين و تحرر الغلوكوز لمحاربة تأثير الأنسولين ... طيب لما بيجي البروبرانولول وبيحصر B2 ... قال مارح يصير انحلال غليكوجين و رح يصير احتمال الدخول بغيبوبة أسهل و أسرع ....
لذلك صحيح البروبرانولول بيقنّع الأعراض الشكلية أو الظاهرية لانخفاض السكر الناجمة عن التنبيه الودي لكن هناك في الداخل يكمن ماهو أكثر خطورة .
طيب و مريض السكري غير المعتمد على الأنسولين ... شو بيعمل معه حاصر بيتا ... قال غالباً بيرفعلوا قيمة غلوكوز الدم و في عدة دراسات حديثة بتستثني النبيفولول من هالتأثير الشنيع ...
و هيك صار عنا حاصر بيتا إله قصتين بالقصة الأولى بيكتف الجسم عن محاولته لمقاومة الدخول بغيبوبة ... و بالقصة التانية أو النمط التاني بيرفع من السكر لأسباب غير واضحة تماماً قد يكون أحدها خفضه لحساسية الأنسولين
كل التحية و السلام ... لكم و لأحلامكم
#فلسفة_وشوية_علم
أغلب بوستات الفيسبوك تبعون الغدر و الخيانة و الدموع الحارة بتركز على الكف يلي بيجيك من الطرف يلي مأمنله و عاطيه ضهرك متل مابقولوا ... و يلي بتحلف براسه كمان ...
تعودنا نفتّح عيوننا على التتراسكلينات و الفلوروكينولونات لأنن غدارين و بيتفاعلوا مع الشوارد و بوقف امتصاصهن ... بس اليوم الضربة أجتنا من الحبايب ... أحد أعضاء فرقة السيفالوسبورينات للدبكة و الرقص الشعبي ... سيفدينير ...
سيفدينير ياجماعة بيتفاعل مع الحديد و بيعمل معقد بخليه غير قابل للامتصاص ... إذا عندك 60 مغ حديد حر بقل التوافر الحيوي للسيفدينير أكتر من 80% ...
مو بس هيك قال السيفدينير بيعمل علاقة غير شرعية مع الألمنيوم و المغنزيوم كمان ...
طيب شو الحل ... قال لازم تبعد السيفدينير عن هالشوارد ساعتين قبل أو ساعتين بعد ...
سألت حالي سؤال ياترى شوارد الكالسيوم كمان بتعمل مشاكل معه ... مالقيت حدا عبيحكي بموضوع الكالسيوم مع السيفدينير ...
مرة في ولد شرب سيفدينير قام طلع عنده البراز أحمر متل الدم ... الأم و الأب خافوا و ارتعبوا و راحوا عالمشفى و طالعوا عينة البراز ... بالمشفى خافوا وارتعبوا و بعتوا العينة عالمخبر ... بالمخبر خافوا و ارتعبوا و صاروا يحللوا و يصفنوا بهالعينة ... بالأخير أجا واحد فهمان و قلن .... هاد الولد و اسألوا أهله عبيشرب فيتامينات فيها حديد قام مع السفدينير تفاعلوا مع بعضن و طلع هاللون الأحمر ليكشف ماهو مخبأ خلف الكواليس ...
سلام ياجماعة ....
أغلب بوستات الفيسبوك تبعون الغدر و الخيانة و الدموع الحارة بتركز على الكف يلي بيجيك من الطرف يلي مأمنله و عاطيه ضهرك متل مابقولوا ... و يلي بتحلف براسه كمان ...
تعودنا نفتّح عيوننا على التتراسكلينات و الفلوروكينولونات لأنن غدارين و بيتفاعلوا مع الشوارد و بوقف امتصاصهن ... بس اليوم الضربة أجتنا من الحبايب ... أحد أعضاء فرقة السيفالوسبورينات للدبكة و الرقص الشعبي ... سيفدينير ...
سيفدينير ياجماعة بيتفاعل مع الحديد و بيعمل معقد بخليه غير قابل للامتصاص ... إذا عندك 60 مغ حديد حر بقل التوافر الحيوي للسيفدينير أكتر من 80% ...
مو بس هيك قال السيفدينير بيعمل علاقة غير شرعية مع الألمنيوم و المغنزيوم كمان ...
طيب شو الحل ... قال لازم تبعد السيفدينير عن هالشوارد ساعتين قبل أو ساعتين بعد ...
سألت حالي سؤال ياترى شوارد الكالسيوم كمان بتعمل مشاكل معه ... مالقيت حدا عبيحكي بموضوع الكالسيوم مع السيفدينير ...
مرة في ولد شرب سيفدينير قام طلع عنده البراز أحمر متل الدم ... الأم و الأب خافوا و ارتعبوا و راحوا عالمشفى و طالعوا عينة البراز ... بالمشفى خافوا وارتعبوا و بعتوا العينة عالمخبر ... بالمخبر خافوا و ارتعبوا و صاروا يحللوا و يصفنوا بهالعينة ... بالأخير أجا واحد فهمان و قلن .... هاد الولد و اسألوا أهله عبيشرب فيتامينات فيها حديد قام مع السفدينير تفاعلوا مع بعضن و طلع هاللون الأحمر ليكشف ماهو مخبأ خلف الكواليس ...
سلام ياجماعة ....
#أسرار
#حجر_جهنم
تأخير القذف من المواضيع يلي بينحكى فيها مع الصيدلي بشكل كتير كبير ، طبعاً ممكن يكون ورا الموضوع حالة مرضية ، التهاب بروستات مثلاً ، و ممكن لأ ...
أحد الأساليب الموضعية لعلاج هالحالة هي المخدرات الموضعية ، لكن بكتير من الأحيان بنلاقي مرضى بصروا على نوع معين بالذات و نحن بنقول لحالنا ... شو السر ورا الفعالية الكبيرة لهالمستحضر ياترى ... !
السر ياجماعة ( غالباً ) هو إضافة نترات الفضة للمستحضر و بشكل غير معلن ... متل الخرتيت العجيب و غيره و غيره ... معناها القصة مو قصة مخدر موضعي ... قال لأ القصة مو قصة مخدر موضعي ...
نترات الفضة مادة كاوية ... لما بتنحط عالجلد بتعمل تخريش بيأدي إلى غياب الإحساس ...
أول مين استخلص نترات الفضة كان جابر بن حيان من خلال الإنبيق يلي اخترعه أو جهاز التقطير على أيامنا ... و سماه حجر جهنم ... نسبة للمكان يلي كان يستخرجوه منه بالقدس ... نترات الفضة ممكن نلاقيها بوصفات أطباء الجلدية لكي الثآليل ... بس بتركيز عالي ...
في ناس بجيبوا حجر جهنم بحاله و بيستخدموه لعلاج سرعة القذف ... بحطوه بشوية مي و بيدهنوا بهالمي و بعدها بيغسلوا ...
نترات الفضة بيعمل حرقة شديدة عند الأنثى و تهيج و أذى ... لذلك كان ( معلمين ) الصنعة بقلولك تحط الخرتيت قبل 3 ساعات على الأقل و تغسل بالمي بشكل كتير كبير لتتجنب أذى الشريك .. و ماتكتر ... لأنه إذا كترت بيلتغى عندك الاحساس تماماً
هاي قصة حجر جهنم و الخرتيت العجيب و نترات الفضة و الإنبيق و جابر بن حيان و سر من أسرار العطارين.... إلى اللقاء
#حجر_جهنم
تأخير القذف من المواضيع يلي بينحكى فيها مع الصيدلي بشكل كتير كبير ، طبعاً ممكن يكون ورا الموضوع حالة مرضية ، التهاب بروستات مثلاً ، و ممكن لأ ...
أحد الأساليب الموضعية لعلاج هالحالة هي المخدرات الموضعية ، لكن بكتير من الأحيان بنلاقي مرضى بصروا على نوع معين بالذات و نحن بنقول لحالنا ... شو السر ورا الفعالية الكبيرة لهالمستحضر ياترى ... !
السر ياجماعة ( غالباً ) هو إضافة نترات الفضة للمستحضر و بشكل غير معلن ... متل الخرتيت العجيب و غيره و غيره ... معناها القصة مو قصة مخدر موضعي ... قال لأ القصة مو قصة مخدر موضعي ...
نترات الفضة مادة كاوية ... لما بتنحط عالجلد بتعمل تخريش بيأدي إلى غياب الإحساس ...
أول مين استخلص نترات الفضة كان جابر بن حيان من خلال الإنبيق يلي اخترعه أو جهاز التقطير على أيامنا ... و سماه حجر جهنم ... نسبة للمكان يلي كان يستخرجوه منه بالقدس ... نترات الفضة ممكن نلاقيها بوصفات أطباء الجلدية لكي الثآليل ... بس بتركيز عالي ...
في ناس بجيبوا حجر جهنم بحاله و بيستخدموه لعلاج سرعة القذف ... بحطوه بشوية مي و بيدهنوا بهالمي و بعدها بيغسلوا ...
نترات الفضة بيعمل حرقة شديدة عند الأنثى و تهيج و أذى ... لذلك كان ( معلمين ) الصنعة بقلولك تحط الخرتيت قبل 3 ساعات على الأقل و تغسل بالمي بشكل كتير كبير لتتجنب أذى الشريك .. و ماتكتر ... لأنه إذا كترت بيلتغى عندك الاحساس تماماً
هاي قصة حجر جهنم و الخرتيت العجيب و نترات الفضة و الإنبيق و جابر بن حيان و سر من أسرار العطارين.... إلى اللقاء
#ديكلوفيناك
#كلمتين_نضاف
الديكلوفيناك ياجماعة نصف عمره قصير يادوب ساعة ... بس لما قعدوا يحسبوا فترة تأثيره شافوها أطول من هيك أرقام ... سألوا حالن ياترى عنده مستقلبات فعالة .. قال لأ ... لما دوروا وبحبشوا لقوا أنه الديكلوفيناك بيبقى موجود في السائل الزلالي بين المفاصل و بيمارس عمله على رواق كمضاد التهابي ...
طيب ... غيرو
قال كلنا شفنا بوستات الترهيب و التخويف من إبرة الديكلوفيناك و يلي صار يتمسخر و منن أنا بطبيعة الحال و منن صار يدافع و تحولت المعركة من تأثير ضار لدواء إلى حرب بين يلي بحب بكل مناسبة ينال من الصيادلة كونهم مصاصي دماء و من يدافع عن نفسه من الصيادلة المتحمسين ...
المهم ... الأثر الضار للدواء ياجماعة للأسف حقيقي و سيحصل ... وموضوع أنه شخص تجيه جلطة بإبرة ديكلوفيناك هو أمر وارد و حقيقي ... و كل أثر ضار له أرقام و إحصائيات ... و معترف به ...
لذلك أغلب بوستات الدفاع يلي حاولت تستند على التفسير العلمي .. كانت موصحيحة ..
في عنا 8 من كل مية ألف مثلا بيجيهن ضرر كبدي من الديكلوفيناك ... هاد ماله مهرب ... المهرب بكون بتقليل عدد الناس يلي بتعرضوا للأدوية بشكل عام .
طيب منين عبتجي الجلطة ...
قال الديكلوفيناك انتقائيته لـ COX2 عالية و مشابهة للسيليكوكسيب تقريباً وهالانتقائية و بدون ماندخل بالتفاصيل بتعمل خلل في عمل البروستغلاندينات برجح ارتصاص الصفيحات ...
يمكن بالحقن بنعمل توافر حيوي أسرع أو بنكون أنجح في إيصال الدواء من الشكل الفموي لذلك بتكون التأثيرات الضارة أكبر على مايبدو ... رغم ذلك فالجرعة الفموية العالية خطرة أيضاً ...
الختايرة متلي بيتذكروا الروفيكوكسيب يلي انسحب من الأسواق بعد ازدياد حوادث الجلطات يلي عملها ...
هدول الكلمتين يلي بدي إحكين طولت بالي فترة طويلة لوقت ماشفت الوقت المناسب لأكتب هاد البوست ... بأمان الله ياجماعة ...
#كلمتين_نضاف
الديكلوفيناك ياجماعة نصف عمره قصير يادوب ساعة ... بس لما قعدوا يحسبوا فترة تأثيره شافوها أطول من هيك أرقام ... سألوا حالن ياترى عنده مستقلبات فعالة .. قال لأ ... لما دوروا وبحبشوا لقوا أنه الديكلوفيناك بيبقى موجود في السائل الزلالي بين المفاصل و بيمارس عمله على رواق كمضاد التهابي ...
طيب ... غيرو
قال كلنا شفنا بوستات الترهيب و التخويف من إبرة الديكلوفيناك و يلي صار يتمسخر و منن أنا بطبيعة الحال و منن صار يدافع و تحولت المعركة من تأثير ضار لدواء إلى حرب بين يلي بحب بكل مناسبة ينال من الصيادلة كونهم مصاصي دماء و من يدافع عن نفسه من الصيادلة المتحمسين ...
المهم ... الأثر الضار للدواء ياجماعة للأسف حقيقي و سيحصل ... وموضوع أنه شخص تجيه جلطة بإبرة ديكلوفيناك هو أمر وارد و حقيقي ... و كل أثر ضار له أرقام و إحصائيات ... و معترف به ...
لذلك أغلب بوستات الدفاع يلي حاولت تستند على التفسير العلمي .. كانت موصحيحة ..
في عنا 8 من كل مية ألف مثلا بيجيهن ضرر كبدي من الديكلوفيناك ... هاد ماله مهرب ... المهرب بكون بتقليل عدد الناس يلي بتعرضوا للأدوية بشكل عام .
طيب منين عبتجي الجلطة ...
قال الديكلوفيناك انتقائيته لـ COX2 عالية و مشابهة للسيليكوكسيب تقريباً وهالانتقائية و بدون ماندخل بالتفاصيل بتعمل خلل في عمل البروستغلاندينات برجح ارتصاص الصفيحات ...
يمكن بالحقن بنعمل توافر حيوي أسرع أو بنكون أنجح في إيصال الدواء من الشكل الفموي لذلك بتكون التأثيرات الضارة أكبر على مايبدو ... رغم ذلك فالجرعة الفموية العالية خطرة أيضاً ...
الختايرة متلي بيتذكروا الروفيكوكسيب يلي انسحب من الأسواق بعد ازدياد حوادث الجلطات يلي عملها ...
هدول الكلمتين يلي بدي إحكين طولت بالي فترة طويلة لوقت ماشفت الوقت المناسب لأكتب هاد البوست ... بأمان الله ياجماعة ...
#تداخل_دوائي
#كلوبيدوغريل_بيوغليتازون
لما بيحكيلك واحد عن تداخل دوائي.. أول سؤال لازم يخطر على بالك ياترى هالتداخل مؤثر أو تافه
تاني سؤال لازم تسأله بعدها مباشرة ... شو لازم نعمل هلق
اغلب ردود الفعل يلي بلاحظها جاية من القناعة بالمثل القائل بعيد عن الشر وغنيله... طبعا هالمبدأ هون غلط
في تداخل مهم كتير بين كلوبيدوغريل و بيوغليتازون بريدكن تعرفوه ...
الكلوبيدوغريل ببساطة بثبط انزيمات استقلاب الغليتازون... النتيجة ارتفاع تركيز الاخير بشكل كبير...
الحل... الحد الأقصى للبيوغليتازون المستعمل ١٥ مغ... و إلا...
مابدها و إلا... سلام ياجماعة...
#كلوبيدوغريل_بيوغليتازون
لما بيحكيلك واحد عن تداخل دوائي.. أول سؤال لازم يخطر على بالك ياترى هالتداخل مؤثر أو تافه
تاني سؤال لازم تسأله بعدها مباشرة ... شو لازم نعمل هلق
اغلب ردود الفعل يلي بلاحظها جاية من القناعة بالمثل القائل بعيد عن الشر وغنيله... طبعا هالمبدأ هون غلط
في تداخل مهم كتير بين كلوبيدوغريل و بيوغليتازون بريدكن تعرفوه ...
الكلوبيدوغريل ببساطة بثبط انزيمات استقلاب الغليتازون... النتيجة ارتفاع تركيز الاخير بشكل كبير...
الحل... الحد الأقصى للبيوغليتازون المستعمل ١٥ مغ... و إلا...
مابدها و إلا... سلام ياجماعة...
#مشروبات_الطاقة
#_هل_هي_غير_آمنة_ولماذا
#لماذا_لايستطيع_حسام_شرب_القهوة_عند_الضيوف
صرت قد الشنتير و لسه باكل هم كل ما ضيفوني قهوة بشي زيارة ... مابحبا و الله ... يعني إش بدي قلن ... في الحقيقة بنحصر و بدق قلبي ! ...
طيب أنا ليش هيك بصير معي .... طبعا ماكنت أعرف رغم إني صيدلي ... لأني ماأخدتها بالجامعة ببساطة ... أو ممكن نكون أخدناها بس أنا كنت بوقتها غايب لأني طالب مستهتر ... هيك المخرج بده ... المهم
قال ياجماعة القهوة بتحتوي على كزانتينات ... و هالكزانتينات بتثبط مستقبلات اسمها مستقبلات الأدينوزين ... هالأدينوزين الملعون إله مستقبلات و هل المستقبل إله عدة subtypes ... حلوة هاي subtypes
بتجي الكزانتينات و منها الكافئين بيحصر مستقبل الأدينوزين و بعاكس عمله ... هالشي بيأدي إلى فعل مدر للبول ... منبه مركزي ... موسع قصبي ... و مقبض لعضلة القلب ... و زيادة ضربات القلب أيضاً ....
الشي المهم يلي بدي أحكيه أنه الأدينوزين الملعون إله دور بتوسيع الشرايين الإكليلية ... لذلك فالكافئين ممكن يقبض الشرايين الإكليلية و يقلل الوراد الغذائي لعضلة القلب ... طيب شلون بزيد القلوصية و ضربات القلب و بقلل الوارد الغذائي ... متل ماعبقلك ...
لذلك في كتير منتجات بتحتوي على الكزانتينات نحن بنبيعها للتنحيف وزيادة حرق الدهون ... بنقول لمستهلكها أنه ياخدها قبل التمرين لزيادة الفائدة ... هالكلام مانه صح بصراحة لأنه القلب بيحتاج للدم بشكل كبير عند التمرين ولازم الشب أو الصبية يلي رايحة التمرين ماتاخد منبهات قبل التمرين أبداً ...
طبعا هالحكي بينطبق على مشروبات الطاقة يلي بتتاخد قبل التمرين و ممكن تؤدي إلى توقف القلب و الوفاة بهذه الآلية .
أنا خلصت كلامي لهون كتير بتشكركن على المتابعة ... هلق صرنا كصيادلة نعرف ليش المنبهات خطر على التمرين و بالآلية العلمية و نعرف شلون نوصف المتممات يلي بتحتوي منبهات ... الحمد لله رب العالمين الذي علمنا مالم نكن نعلم ...
#حسام_خواتمي
#_هل_هي_غير_آمنة_ولماذا
#لماذا_لايستطيع_حسام_شرب_القهوة_عند_الضيوف
صرت قد الشنتير و لسه باكل هم كل ما ضيفوني قهوة بشي زيارة ... مابحبا و الله ... يعني إش بدي قلن ... في الحقيقة بنحصر و بدق قلبي ! ...
طيب أنا ليش هيك بصير معي .... طبعا ماكنت أعرف رغم إني صيدلي ... لأني ماأخدتها بالجامعة ببساطة ... أو ممكن نكون أخدناها بس أنا كنت بوقتها غايب لأني طالب مستهتر ... هيك المخرج بده ... المهم
قال ياجماعة القهوة بتحتوي على كزانتينات ... و هالكزانتينات بتثبط مستقبلات اسمها مستقبلات الأدينوزين ... هالأدينوزين الملعون إله مستقبلات و هل المستقبل إله عدة subtypes ... حلوة هاي subtypes
بتجي الكزانتينات و منها الكافئين بيحصر مستقبل الأدينوزين و بعاكس عمله ... هالشي بيأدي إلى فعل مدر للبول ... منبه مركزي ... موسع قصبي ... و مقبض لعضلة القلب ... و زيادة ضربات القلب أيضاً ....
الشي المهم يلي بدي أحكيه أنه الأدينوزين الملعون إله دور بتوسيع الشرايين الإكليلية ... لذلك فالكافئين ممكن يقبض الشرايين الإكليلية و يقلل الوراد الغذائي لعضلة القلب ... طيب شلون بزيد القلوصية و ضربات القلب و بقلل الوارد الغذائي ... متل ماعبقلك ...
لذلك في كتير منتجات بتحتوي على الكزانتينات نحن بنبيعها للتنحيف وزيادة حرق الدهون ... بنقول لمستهلكها أنه ياخدها قبل التمرين لزيادة الفائدة ... هالكلام مانه صح بصراحة لأنه القلب بيحتاج للدم بشكل كبير عند التمرين ولازم الشب أو الصبية يلي رايحة التمرين ماتاخد منبهات قبل التمرين أبداً ...
طبعا هالحكي بينطبق على مشروبات الطاقة يلي بتتاخد قبل التمرين و ممكن تؤدي إلى توقف القلب و الوفاة بهذه الآلية .
أنا خلصت كلامي لهون كتير بتشكركن على المتابعة ... هلق صرنا كصيادلة نعرف ليش المنبهات خطر على التمرين و بالآلية العلمية و نعرف شلون نوصف المتممات يلي بتحتوي منبهات ... الحمد لله رب العالمين الذي علمنا مالم نكن نعلم ...
#حسام_خواتمي
#قطرة_ملحية
في 3 أنواع للقطرات الملحية... بالسوق السورية عنا نوعين منها فقط ...
الأول فيزيودلتا و أخواتها بتركيز 0.65% وهاد ضغطه الحلولي بكون hypotonic
التاني سي سيروم وأخواته بتركيز 0.9% وهاد ضغطه الحلولي بكون isotonic
بيبقى النوع التالت يلي ماعنا منه و يلي بكون 3% و ضغطه الحلولي hypertonic
لما بكون عندك شخص مرشح و إفرازاته المخاطية رطبة و حبيت تعطيه قطره hypotonic فإنت طبعا حطيته بموقف مضحك لأنك عبترطب في وقت لازم تجفف و رح يتسكر أنفه بزيادة ... بينما إذا كان أنفه جاف فهالقطرة مثالية لإله .
القطرة الملحية بتساعد في غسل المفرزات و تسهيل إخراجها ، طبعا التركيز الأقل بحاول يكون مرطب أكتر من التركيز المعادل ... كمان ممكن يحاول يكون أقل إحداثاً للإحساس بالحرقة .
لذلك نحن بحاجة في السوق لقطرة ملحية hypertonic لتكون بديل آمن لقطرة الرشح المقبضة ، لعل و عسى حدا من الشركات يسمعنا
الصورة بتوضح الفرق بالتركيز بين القطرتين ، طبعا في خطأ طباعي بإحداها ...
بتمنى نكون تعرفنا بشكل صحيح على الفرق بين أكتر أدوية بنستخدمها في الصيدلية لنقدر نجاوب على أي استفسار بهالخصوص ... ألقاكم على خير ...
#حسام_خواتمي
في 3 أنواع للقطرات الملحية... بالسوق السورية عنا نوعين منها فقط ...
الأول فيزيودلتا و أخواتها بتركيز 0.65% وهاد ضغطه الحلولي بكون hypotonic
التاني سي سيروم وأخواته بتركيز 0.9% وهاد ضغطه الحلولي بكون isotonic
بيبقى النوع التالت يلي ماعنا منه و يلي بكون 3% و ضغطه الحلولي hypertonic
لما بكون عندك شخص مرشح و إفرازاته المخاطية رطبة و حبيت تعطيه قطره hypotonic فإنت طبعا حطيته بموقف مضحك لأنك عبترطب في وقت لازم تجفف و رح يتسكر أنفه بزيادة ... بينما إذا كان أنفه جاف فهالقطرة مثالية لإله .
القطرة الملحية بتساعد في غسل المفرزات و تسهيل إخراجها ، طبعا التركيز الأقل بحاول يكون مرطب أكتر من التركيز المعادل ... كمان ممكن يحاول يكون أقل إحداثاً للإحساس بالحرقة .
لذلك نحن بحاجة في السوق لقطرة ملحية hypertonic لتكون بديل آمن لقطرة الرشح المقبضة ، لعل و عسى حدا من الشركات يسمعنا
الصورة بتوضح الفرق بالتركيز بين القطرتين ، طبعا في خطأ طباعي بإحداها ...
بتمنى نكون تعرفنا بشكل صحيح على الفرق بين أكتر أدوية بنستخدمها في الصيدلية لنقدر نجاوب على أي استفسار بهالخصوص ... ألقاكم على خير ...
#حسام_خواتمي