Сталі вядомы падрабязнасці пра сумесны беларуска-кітайскі праект "На векі вечныя"

1) Сюжэт распавядзе пра каханне, сяброўства студэнта з Беларусі і студэнткі з Кітая. Прычым больш за палову пазней будзе адбывацца ў Кітаі, а не Беларусі

2) Стужка хутчэй за ўсё будзе нагадваць турыстычную паштоўку, каб завабіць у краіну турыстаў. З беларускага боку будуць здымаць Мінск і Брэст, з кітайскага - правінцыі Ухань, Сычцань і іншыя

3) Магчыма ў праекта будзе некалькі рэжысёраў. Раней казалі, што стужку будзе здымаць размеркаваны на студыю выпускнік БДАМ Кірыл Халецкі ("Культурны код", "Кіношнікі"). Цяпер кажуць, што галоўным рэжысёрам стане Лэй Хань, які падпісаў дамову з беларускай студыяй. Магчыма Хань і Халецкі будуць сумесна працаваць над стужкай, проста пазіцыя Заняў будзе вышэйшая

https://youtu.be/BikQ3Wa76n0?si=6fkI87Pp3G3iyhq2

В эту среду в Варшаве состоится вечер белорусского кино

Будут показаны три фильма с Фестиваля белорусского кино Bulbamovie:

🔸 "Раскиданное гнездо" / реж. Валерий Нескарадецкий, документальный, 27’, Словакия, 2024/

🔸 "Мара. Белорусская мечта" / реж. Саша Кулак, документальный, 62’, Франция, Великобритания, 2022/

🔸 "Последняя ночная смена" / реж. Максим Швед, документальный фильм, 19’, Польша, 2023/

👁 Гостями вечера станут Януш Гаврилюк, инициатор и организатор Варшавского фестиваля белорусского кино BULBAMOVIE, а также Максим Швед, режиссер документального фильма "Последняя ночная смена".

Событие пройдет в рамках III Летнего кинофестиваля "Под общим небом", по адресу Foksal 11 в 20:00, 28.08.2024

Дзясяткі мастакоў са ўсяго свету выказаліся ў падтрымку зняволенага Андрэя Гнёта

Сярод падпісантаў ліста значацца Жусцін Трые, Йоргас Ланцімас, Бела Тар, Агнешка Холанд, Жульет Бінош і іншыя. Кампанію "Мастакі за Андрэя" зарганізаваў актор Міця Савелаў і прадзюсарка, рэжысёрка Воля Чайкоўская.

Андрэй Гнёт — беларускі рэжысёр рэкламы, журналіст. Мужчыну арыштавалі ў Сербіі ў 2023 годзе, пасля запыту на пошук праз Інтэрпол ад ураду Беларусі. Нягледзячы на тое, што Інтэрпол пазней адмяніў запыт, Сербія не вызваліла Андрэя.

Заўтра апеляцыйны суд вырашыць, ці вызваліць Гнёта з-пад варты, ці экстрадваць яго у Беларусь.

https://belfilmacademy.com/be/news/20240825112142_artists-for-andrei

Сёння ў мяне эксклюзіў — напісаў рэцэнзію на яшчэ не трапіўшую ў пракат ідэалагічную стужку "Культурны код"

Караткаметражны фільм распавядае пра здымкі студэнтамі Акадэміі мастацтваў фільма пра дзяржаўныя сімвалы Беларусі: герб, сцяг, гімн.

Фільм пачнуць паказваць у Беларусі з 5 верасня, акурат перад дзяржсвятам Дня народнага адзінства.

https://euroradio.fm/sacrealizm-rodnay-dyktatury-shto-pakazali-u-idealagichnay-stuzhcy-kulturny-kod

Паралімпіец і прапагандыст Аляксей Талай здымаецца ў масоўцы ў расійскім фільме пра вайну

І грае там, па-ба-ба-бам, ахвяру вайны -- чырвонаармейца, пацярпеўшага ад абстрэлаў.

Гаворка пра фільм "У спісах не значыўся" па аднайменным рамане Барыса Васільева. Сярод стваральнікаў прапагандысцкай карціны — расійскі акцёр і прапагандыст Уладзімір Машкоў.

Стужку здымалі ў Мінску, у Верхнім горадзе, а цяпер працягваюць працу ў Брэсцкай крэпасці.

Таксама пра Талая здымаецца дакументальны фільм на "Беларусьфільме", які яшчэ пару год таму ніхто з дакументалістаў студыі не хацеў здымаць.

Цікава, што сам Талай пазбавіўся рук і ног, бо падлеткам падарваўся на міне часоў Вялікай Айчыннай.

Апошнім часам спартовец знакаміты наведваннем прарасійскіх і пралукашхнкаўскіх падзей, таксама яго фонд займаецца дэпартацыя дзяцей з Украіны ў Расію і Беларусь.

Экс-купалавец і зорка праекта "Чынчынчэнел" Дзмітры Ясеневіч распавёў як эвакуяваўся з Беларусі

Стрым рабіў фонд "Байсол".

Актор распавёў, як яго затрымалі ў пачатку лета, як правёў 14 сутак арышту і як з'ехаў з краіны ўрэшце.

Кінааналітык Максім Жбанкоў запусціў перадачу "100 год беларускаму кіно"

Яна выходзіць на яго ютуб-канале "ШокінгКульт". У ім аўтора у форме эсе распавядае пра этапы станаўлення беларускага кіно і знакавыя фільмы розных часоў.

Першы выпуск прысвечаны 1920-ым — стужкам "Прастытутка", "У вагні народжаная", "Кастусь Каліноўскі" і стварэнню ў Ленінградзе студыі "Белдзяржкіно" (прататыпа студыі "Беларусьфільм").

https://youtu.be/oT5GDIIv7mw?si=xQ2ExaBRrInxxs4r

Студыя "Майстэрня Уладзіміра Бокуна" зняла фільм пра аніматара Леаніда Шварцмана

Пастаноўкай займалася Кацярына Шарамет. Тэледакументальная стужка мае назву "Леанід Шварцман. Казка пра мальчыка ў старым горадзе". Яе паказа адбудзецца 11 верасня ў Мінску, у кінатэатры "Беларусь" у 18:30.

Шварцман — народжаны ў Мінску савецкі аніматар габрэйскага паходжання. За гады працы ён стварыў мноства мультфільмаў, сярод якіх: "Аленький цветочек", "Чебурашка", "Золотая антилопа", "38 попугаев", "Котёнок по имени Гав" і г.д. Памёр летам 2022 года ва ўзросце 101 года.

На мінулым тыдні пайшоў з жыцця актор Георгі Маляўскі

Акцёр памёр ва ўзросце 77 год.

Маляўскі доўгія гады працаваў у Купалаўскім тэатры і пакінуў яго трупу ў 2020 годзе.

Актор нарадзіўся ў 1946 годзе ў Мінску. У 1970-м скончыў акцёрскі факультэт Беларускага тэатральна-мастацкага інстытута (сёння — Акадэмія мастацтваў). Працаваў у Магілёўскім абласным тэатры драмы і камедыі ў Бабруйску. З 1971 года — у Купалаўскім тэатры.

Сярод яго найбольш значных роляў: А.А. ("Эмігранты" Мрожака) і Ян Дабровіч ("Ідылія" Дуніна-Марцінкевіча). Таксама сыграў дзясяткі іншых роляў на Купалаўскай сцэне. Актыўна здымаўся ў кіно і серыялах: "Чарнобыль", "Мухтар", "Падвышая градус" і інш.

Кітайскія партнёры расчараваны магчымасцямі па супрацы з "Беларусьфільмам"

Узніклі праблемы з пошукам актораў да сумеснага беларуска-кітайскага праекта "На векі вечныя". Як сцвярджаюць крыніцы з атачэння нацстудыі, "Беларусьфільм" не можа знайсці артыстаў для здымак, напружваючы пры гэтым ўсе свае сілы.

Справа простая — большасць прафесійных актораў знаходзіцца ў чорных спісах праз нелаяльнасць да ўлады, з'ехалі ў эміграцыю ці проста не гатовыя здымацца ў ідэалагічным кіно. "Беларусьфільм" падключыў нават прыватныя кампаніі і кастынг-студыі для пошуку, але ніхто не адклікнуўся. На пробы прыходзілі студэнты, масоўка, пачынаючыя акторы, але патрэбных людзей адшукаць не атрымалася. У выніку кітайскія сябры з вялікім расчараваннем з'ехалі дадому.

Пакуль незразумела ці працягнуцца здымкі праекта. Пакуль ён знаходзіцца ў падвешаным стане.

Нагадаю, што праект "На векі вечныя" — першы сумесны беларуска-кітайскі праект, дамову аб стварэнні якога ганарова падпісалі ў канцы жніўня падчас афіцыйнага візіта кітайскай дэлегацыі ў Беларусь. Ён будзе распавядаць пра сяброўства і каханне беларускіх і кітайскіх студэнтаў, здымкі пройдуць у Беларусі і Кітаі, прычым большасць падзей (70% хранаметражу) адданы менавіта пад кітайскія лакацыі. Размовы аб здымках сумеснага кітайска-беларускага праекта ідуць з канца 2010-х гадоў, але дагэтуль так нічым і не скончыліся.

Для наведвання ідэалагічнага фільма "Культурны код" уключылі адмінрэсурс

Сення стартуе рэспубліканскі паказ фільма "Культурны код" — ідэалагічнай стужкі "Беларусьфільма", знятай маладым рэжысёрам Кірылам Халецкім. Як піша выданне Hrodna.life, у адным з гродзенскіх кінатэатраў цалкам выкупілі тры шэрагі месцаў.

Па стане на вечар 4 верасня ў гродзенскіх кінатэатрах не прадалі ніводнага квітка на прэм’еру фільма "Культурный код". Яго паказваюць у кінатэатрах "Космас", "Чырвоная зорка" і "Кастрычнік". Але ў дзень прэм’еры здарылася цуда: выкупілі тры шэрагі месцаў.

Выданне лічыць, што пасля іх публікацыі чыноўнікі пабеглі выкупляць білеты цэлымі шэрагамі.

Нагадаю, што я ўжо паглядзеў гэты фільм і напісаў пра яго тэкст для выдання "Еўрарадыё".

Напісаў пра пяць дакументальных фільмаў, якія тлумачаць умовы жыцця ў сучаснай Беларусі

У спіс трапілі стужкі:

"Звычайны прэзідэнт" Юрыя Хашчавацкага
"Вакол Беларусі на роварах з маторамі" Барыса Нікалайчыка
"Смеласць" Аляксея Палуяна
"Радзіма" Аляксандра Міхалковіча і Ганны Бадзякі
"Чыстае мастацтва" Максіма Шведа

Па спасылцы ніжей не толькі тэкст, але і спасылкі на прагляд дзвух з пяці фільмаў:

https://euroradio.fm/pyac-belaruskikh-filmau-yakiya-tlumachac-zhyccyo-va-autarytarnay-belarusi

2 верасня памёр савецкі алімпійскі чэмпіён Аляксандр Мядзьведзь. Яму было 86 год.

З гэтай нагоды "Беларусьфільм" апублікаваў дакументальны фільм пра спартоўца, зроблены яшчэ ў 2013 годзе на базе Белвідэацэнтра рэжысёрам Генадзем Рабцэвым.

Запрашаю ўсіх ахвочых на прагляд

https://youtu.be/_DuyWdIp4iA?si=VS_EIDowuOC_DNRU

Пераможцы беларускага анімацыйнага фестывалю "Анімаёўка" змогуць вучыцца ў расійскім ВНУ

Ад гэтага года пераможцы фэсту атрымоўваюць дадатковыя балы пры паступленні ў Маскоўскі дзяржаўны інстытут культуры. «Анімаёўка» ўключана ў адмысловы пералік творчых конкурсаў для талентаў (названага ВНУ) нароўні з кіна- і анімацыйнымі фестывалямі ў Маскве, Яраслаўлі, Хабараўску, так званай Рэспубліцы Крым, заўважыла выданне Reform.news.

У адрозненне ад Мінскага міжнароднага кінафестывалю "Лістапад", які пасля 2020 года згубіў сваю рэпутацыю ў Еўропе, фестываль анімацыйных фільмаў «Анімаёўка» захаваў свае пазіцыі для замежных аніматараў. У апошнія гады заяўкі на ўдзел у падзеі дасылаюць мастакі з самых розных краін свету, і ў прыватнасці, у гэтым годзе арганізатары атрымалі 317 заявак з 47 краін.

"Упершыню ў конкурсах прымаюць удзел такія краіны, як Вьетнам і Трынідад і Табага", — адзначае каманда «Анімаёўкі». Але таксама сярод патэнцыйных краін-удзельніц называюцца, скажам, Аўстралія, Бельгія, Вялікабрытанія, Данія, Польшча, ЗША, Іспанія, Італія, Чэхія, Нідэрланды, ды нават Украіна. Падобна на тое, што аніматары не ў курсе той грамадска-палітычнай сітуацыі, што зараз у Беларусі.

Сёлета на прыкладзе, здавалася б, дадатковых магчымасцяў для ўдзельнікаў фэсту за "Анімаёўкай" відавочна замацавалі курс на Усход.

Трэба зазначыць, што і раней на магілёўскім фэсце прысутнічаў «расійскі ўплыў» — выступленні артыстаў і аніматараў савецкага і расійскага кіно, заўважная прысутнасць расійскай анімацыі, але да 2020 года яна ў пэўным сэнсе «разбаўлялася» і гасцямі з Польшчы, Украіны, Эстоніі, Латвіі, Літвы, Бельгіі.

За апошнія ж чатыры гады гэта дамінанта расійскай прысутнасці стала, так бы мовіць, натуральнай, той, якая сама сабой зразумела. Хоць у склад журы і ўваходзяць творцы, скажам, з Казахстана, Ірана, Кітая.

Аднак у гэтым годзе аргкамітэт падзяліўся яшчэ адным "дасягненнем" "Анімаёўкі" — пераможцы магілёўскага форуму атрымаюць дадатковыя балы пры паступленні ў Маскоўскі дзяржаўны інстытут культуры. У кірунку падрыхтоўкі "Народная мастацкая культура" патэнцыйны лаўрэат здолее атрымаць прафесію ў названай ВНУ па профілі "Кіраўнік студыяй анімацыйнай відэатворчасці. Выкладчык" нароўні з пераможцамі кіна- і анімацыйных фестываляў з расійскіх гарадоў: Златауст, Самара, Масква, так званай Рэспублікі Крым. "Анімаёўка" прыраўніваецца да іх статусу.

Серыял "Працэсы" трапіў ў фіналісты конкурса Prix Italia

Cерыял праходзіць у секцыі Digital — Fiction

Prix ​​​​Italia - назва міжнароднага конкурсу, які арганізуецца ў Італіі і прысуджае найстарэйшыя і самыя прэстыжныя міжнародныя ўзнагароды для радыё, тэлебачання і інтэрнэт-творцаў, якія называюцца "Радыё Оскар". Узнагароды ўручаюцца падчас штогадовага фестывалю, які праводзіцца ў адным з буйнейшых гарадоў Італіі.

Прэмія была заснавана ў 1948 годзе RAI (тады Radio Italiana) на Капры.