Qo‘llarda — mo‘jiza, qalblarda — orzu!

⚡️Ba’zan birgina qo‘l mehnati ortida katta iste’dod, kuchli iroda va go‘zal orzular yashirinadi.

📌23-avgust kuni Urganch shahridagi “Yoshlar markazi”da O‘zbekiston Respublikasi Mustaqilligining 35 yilligi munosabati bilan “Bizning qo‘llarimiz — mo‘jiza!” nomli inklyuziv bayram va ko‘rgazma tadbiri bo‘lib o‘tdi.

📊Tadbir “Iroda” xalq hunarmandchiligi va kasb-hunarga o‘rgatish inklyuziv markazi rahbari, mohir kulol Sadullayeva Iroda Ollanazarovna tashabbusi bilan tashkil etildi.

🎨 Ko‘rgazmada imkoniyati cheklangan bolalarning o‘z qo‘llari bilan yaratgan ijodiy ishlari namoyish etildi. Har bir asarda ularning iste’dodi, mehnati va o‘ziga xos dunyoqarashi aks etdi.

🌍Mazkur tadbir yoshlarning ijodiy qobiliyatlarini namoyon etish, hunarmandchilikka qiziqishini oshirish va ularni qo‘llab-quvvatlashga qaratilgani bilan alohida ahamiyat kasb etdi.

📊 Qo‘llar yaratadi, hunar birlashtiradi, e’tibor esa qanot beradi!

📊Tadbir davomida yosh ishtirokchilarning ijodiy ishlari munosib baholanib, ularning hunarmandchilik sohasidagi iste’dodi va salohiyati e’tirof etildi.

🤝 Tadbir tashkilotchilari va hamkorlari:

▪️ “Iroda” xalq hunarmandchiligi va kasb-hunarga o‘rgatish inklyuziv markazi
▪️ O‘zbekiston Nogironlar assotsiatsiyasi Xorazm viloyati bo‘limi
▪️ Yoshlar ishlari agentligi Xorazm viloyati boshqarmasi

Avlodlar davomiyligi — hunarga sadoqat va fidoyilik timsoli!

⚡️Xorazm zaminida qadimdan rivojlanib kelayotgan kulolchilik san’atining munosib davomchilaridan biri — Sadullayeva Iroda Ollanazarovna. U kulollar sulolasining 7-avlod vakili sifatida ajdodlaridan meros bo‘lib kelayotgan noyob hunar an’analarini davom ettirib kelmoqda.
Iroda Ollanazarovnaning milliy kulolchilik san’atini asrab-avaylash, uni yosh avlodga yetkazish va rivojlantirish borasidagi mehnati munosib e’tirof etildi.
U “MY BEE” ilm-ma’rifat markazi tomonidan “O‘z kasbining fidoyisi” ko‘krak nishoni bilan taqdirlandi.

🎖Bu e’tirof — nafaqat bir ustaning, balki avlodlardan-avlodlarga o‘tib kelayotgan kulolchilik maktabi va milliy hunarmandchiligimizning qadrlanayotganidan dalolatdir.

🏅Iroda Ollanazarovnaga mustahkam sog‘lik, ijodiy ilhom va hunar yo‘lida yanada katta zafarlar tilaymiz!

✅ Faсebook| ✅ Instagram
✅ Youtube  | ✅ Murojaat yo'llash