❗️Nihoyat, kutilgan qonun qabul qilindi: ayrim turdagi shaxsiy ma’lumotlarni O’zbekistondan tashqarida saqlashga ruxsat berildi

Shavkat Mirziyoyev imzolagan qonun bugundan kuchga kirdi.

Qonunga ko’ra, shaxsiy ma’lumotlar 2 ta toifaga ajratilmoqda. Birinchi toifadagi shaxsiy ma’lumotlar O‘zbekiston hududida saqlanishi shart, uni xorijga chiqarish taqiqlanadi. Bu toifaga shaxslarning biometrik, genetik ma’lumotlari, mahalliy telekommunikatsiyalar operatorlaridan foydalanuvchi jismoniy shaxslarning ma’lumotlari kiradi.

Mana shu 3 xil shaxsiy ma’lumotdan tashqari boshqa barcha ma’lumotlar ikkinchi toifaga kiradi. Ikkinchi toifadagi shaxsiy ma’lumotlarni quyidagi holatlarda O‘zbekistondan tashqarida saqlash va ishlov berish mumkin:

🔹 chet davlatni shaxsga doir ma’lumotlarning bir xil himoya qilinishini ta’minlovchi davlat sifatida tan olish (ushbu ro’yxat Vazirlar Mahkamasi tomonidan belgilanadi);

🔹 operator tomonidan vakolatli davlat organi tasdiqlaydigan talablarga javob beruvchi standart shartnomaviy shartlar yoki majburiy korporativ qoidalar qabul qilinishi va ularga rioya etilishi;

🔹 ro‘yxati vakolatli davlat organi tomonidan tasdiqlanadigan shaxsga doir ma’lumotlarni boshqarish va saqlash sohasidagi xalqaro standartlarga operator tomonidan rioya etilishi.

ℹ️ Ma’lumot uchun, mazkur qonun O’zbekistonga xalqaro to’lov tizimlari (PayPal, Apple Pay va Google Pay kabilar) kirib kelishiga yo’l ochishi kutilmoqda.

👉@xushnudbek👈