بوست مجمع لكل ما يخص طلاب الدراسات العليا بحقوق_عين_شمس :

* السؤال الاول :
عايز اعرف نظام الدراسة فى حقوق عين شمس ؟

الاجابة :

نظام الدراسات العليا بحقوق عين شمس ، كل دبلوم يشمل 5 مواد بتمتحن فيهم تحريرى وشفوى ومادة اضافية عبارة عن قاعة بحث وحضرتك تختار الدكتور اللى يمضى على خطة البحث بتاعتك بشرط يكون من ضمن الدكاتـرة اللى بيدرسوا الخمس مواد بتوع الدبلوم اللى انت مسجل فيها ، نظام الحضور فى اى دبلوم انت مش ملزم فى اى مـادة تحضرها ممكن تتابـع وتعرف المهـم والمحذوف وتدخل الامتحانات بدون حضور ، مجموع درجات المواد على بعض 220 درجة فى كل دبلوم مقسمة إلى تحريرى وشفوى وبحث كل مادة 20 درجة 100 درجة تحريرى و 100 شفوى و 20 مادة بحث ودرجة النجاح من 14 فى اى مادة .. مواعيد الامتحانات ترم واحد عبارة عن دورين الأول بيبقى فى شهر مايو والتانى ميعادة فى شهر أكتوبر والطالب مخير انة يدخل اى دور فيهم يعنى ممكن يغيب فى دور مايو ويمتحن فى دور أكتوبر بدون اى مصاريف ولو دخل دور مايو ومحبش يكمل أو نزل فى مادة لا قدر الله بيشيل كل المواد ويدخل يمتحنهم تانى فى دور أكتوبـر ولو نجح تحريرى فى مايـو بعد النتيجة بـأسبـوع يمتحن شفـوى نفس الخمس مواد مع تغيير بسيط فى المناهج امتحان التحريرى زى امتحانات الليسانس بالظبط اما امتحان الشفوى عبارة عن مجموعات تدخل تمتحن فى مكتب دكتور المادة وأقل مجموعه بتكون من خمس طلاب واكتر مجموعه عددها عشرين طالب حسب نظام الدكتور ، نظام المذاكرة بتاعك انت اللى تحدده بس أفضل حاجة تذاكر من الكتاب ، اى دبلوم مع المذاكرة سهل لكن لو استهترت هتشيل الدبلوم لدور أكتوبر وعين شمس مفهاش دلع وهزار الموضوع محتاج تنظيم وقت وتركيز مش اكتر .

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

*السؤال الثانى :
كام دبلوم فى الدراسات العليا والمواد بتاعتهم اية لأنى معرفش حاجة عنهم ؟

الاجابة :

عندنا 11 دبلوم
الحصول على دبلومتين يعادل الحصول على درجة الماجستير
عندنا دبلوم القانون العام و دبلوم القانون الخاص
و دول لازم تحصل منهم على واحد على الاقل من ضمن الدبلومين اللي هتاخدهم
او عاوز تاخد الاتنين ماشي الاختيار راجعلك
وعندنا دبلومات القانون المدني و القانون الجنائي و القانون الاداري و القانون الدولي و القانون الاجرائي و الشريعة الاسلامية و التجارة الدولية و العلاقات الدولية و الاقتصاد
كل دبلوم 5 مواد نسردهم كدة مع بعض بسرعة
___________

{1} القانون العام
او ابو الدبلومات زي ما بيقولوا المواد كلها اجباري
1- القانون العام المقارن
2- القانون الاداري
3- القانون الدستوري
4- المالية العامة و التشريع الضريبي
5- نظام الحكم في الاسلام
يبقى دبلوم القانون العام يتيح لك تسجيل الدكتوراه في قسم القانون العام او قسم الاقتصاد يعني قسمين فقط
واخر مادة دي قد يخيل للبعض انها تابعة لقسم الشريعة و بيحصل خطأ ان خريج القانون العام بناء على كد يعتقد انهيحق له تسجيل دكتوراه في قسم الشريعة انما ده اعتقاد خاطئ هي تعتبر مادة تأصيلية للقانون الدستوري و بيقوم بشرحها و تصحيحها دكتور قانون عام و بالتالي دبلوم العام مافيش فيه مواد شريعة
دبلوم العام بيحتاج شغل وفيه عدد من كبار الاساتذة في الكلية و بصراحة اللي مش ناوي يذاكر بجد مايدخلش عام
طبعا بيناسب موظفي الحكومة و اعضاء الهيئات القضائية الادارية و الطموحين في شغل الوظائف دي
نسبة النجاح في دور مايو السنة دي كانت 42%
___________

{2} القانون الخاص
4 مواد اجباري و مادة اختياري من مادتين
الاجباري :
1- فلسفة القانون و تاريخه
2- القانون المدني
3- القانون التجاري
4- الشريعة الاسلامية
5- و بالنسبة للاختياري بتختار مادة واحدة من قانون المرافعات و التحكيم
يبقى دبلوم القانون الخاص يتيح لك التسجيل للدكتوراه في اقسام القانون المدني و القانون التجاري و تاريخ القانون و الشريعة الاسلامية و يحق لك التسجيل في المرافعات او الدولي الخاص حسب المادة اللي اخترتها و لو انه عمليا بيتم التغاضي عن الموضوع ده و بيسمح لك بالتسجيل في اي قسم منهم بغض النظر عن مادتك الاختيارية
دبلوم الخاص يناسب كل الناس المحامين و اعضاء الهيئات القضائية و الضباط و المهن الحرة و ربات البيوت لانه بيمتاز بنوع من التسهيلات بيقدمها بعض الاساتذة بالاضافة لان مقرراته مش طويلة و تقدر تلمها بمجهود اقل من العام وبيديك شهادة لها وزنها صحيح لكن مش بيديك الا استفادة محدودة جدا
نسبة النجاح في مايو كانت 67%
___________

{3} دبلوم القانون الجنائي
مواده كلها اجباري :
1- السياسة الجنائية
2- الفقه العقابي
3- التشريع الجنائي المقارن
4- الاجرام و العقاب
5- الاجراءات الجنائية
بيناسب اللي داخل الدبلوم كأنه داخل ثانوية عامة و حيقدر يصد معاه لان مقرراته طويلة و تقيلة و القسم عموما شبه متفق على ان ضعف نسب النجاح مش عيب و الامر ده مش بيفرق معاه . بنشوف فيه سنويا رسوب في الشفوي و احيانا في البحث
دبلوم يناسب اللي ناوي يكمل دكتوراه في الجنائي فقط لانه فعلا من اقوى دبلومات الجنائي على مستوى الجامعات و بتدرس فيه فعلا كل حاجة ممكن تعرفها عن الجنائي في حياتك . وصل في سنة من السنين 20 كتاب مابين شفوي و تحريري
نسبة النجاح في مايو كانت 13%
___________

{4} دبلوم القانون المدني
المواد كلها اجباري :
1- قانون مدني مقارن
2- حقوق شخصية
3- حقوف عينية
4- تشريعات اجتماعية(عمل و تأمينات)
5- فقه معاملات في الشريعة الاسلامية
الدبلوم ده كان من الدبلومات التقيلة لكن السنة اللي فاتت انضم لاسرته احد السادة الاساتذة من ذوي النظرة الابوية و كان مسئول عن تدريس 3 مواد و بالتالي كان دبلوم مفاجأة في يسر مقرراته و حجمها المحدود و نتيجته فلو تكرر الوضع السنة دي حيكون برضه من الدبلومات المرشحة للناس اللي مجهودها محدود او اللي عاوزة تنهي مسيرتها في الدراسات العليا باسرع وقت و اقل مجهود
نسبة النجاح في مايو 85% و القسم وجه تهنئة للطلبة كلهم بنجاحهم في الشفوي قبل حتى ماتظهر نتيجة الشفوي رسمياً
___________

{5} دبلوم القانون الدولي
5 مواد اجباري :
1- القانون الدولي العام
2- القانون الدولي الخاص
3- القانون الدولي الانساني
4- القانون الدولي الاقتصادي
5- المنظمات الدولية
نقدر نسميه دبلوم اولى مكيفة بلغة السكة الحديد مالوش دخل بالمحاماة و لا القضاء و لا شغل داخلية و لا حكومة و لا اي حاجة
يناسب اللي فعلا بيشتغل في حاجة مناسبة له او ضامن انه يشتغل فيها لكن هو لوحده كدة ماظنش كافي بخلق فرصة عمل
استاذنا الدكتور حازم عتلم له 3 او 4 مواد في الدبلوم ده يعني هو الدبلوم ولو عرفت تتعامل مع امتحاناته و افكاره يبقى مبروك الدبلوم بتقدير
نسبة النجاح فيه كانت 40%
___________
{6} دبلوم القانون الاجرائي
ده برضه من الدبلومات اللي فيها مادة وبنعتبره من الدبلومات اللي اخدت من كل قسم مادة و بقى دبلوم (ودي ميزة كبيرة طبعا)
الاجباري :
1- قانون الاجراءات الجنائية
2- قانون الاجراءات الادارية و الدستورية
3- قانون الاجراءات المدنية و التجارية
4- اجراءات التقاضي في الفقه الاسلامي
5- و الاختياري بتختار مادة من التحكيم او اجراءات القضاء الدولي
اذا كنت محامي حقيقي و بتمارس المهنة و مستقبلك فيها يبقى حرام عليك لو سبت الدبلوم ده و حشرت نفسك في اي دبلوم تاني
اذا كان منتظر تجلس على منصة القضاء العادي او الاداري في يوم برضه الدبلوم ده حيفرق معاك كتير
اذا كنت قاعد في مدرجات الدرجة التالتة زي حالاتي ومالكش دعوة بالقانون يبقى سيبك منه و سيبه لاهله لان الدبلوم ده بالذات باحثيه كلهم بيفهموا قانون و ممارسين حقيقيين و كونك مش كدة ده حيحسسك انك حشرت نفسك في جو مش بتاعك
نسبة نجاحه كانت 36%
___________
{7} دبلوم العلاقات الدولية
دبلوم رايق برضه زي الدولي 5 مواد اجباري منهم 3 مشتركين مع دبلوم الدولي في مقرراته ولو انهم لهم اسم تاني في العلاقات الدولية
1- الجنسية ومركز الاجانب
2- العلاقات الدولية في الاسلام
3- العلاقات السياسية الدولية
4- العلاقات القانونية الدولية
5- العلاقات الاقتصادية الدولية
الدبلوم ده مفتوح لخريجي حقوق و شرطة و شريعة و قانون و تجارة و اقتصاد وعلوم سياسية و معهد التعاون و لكل الحاصلين على مؤهل عالي من موظفي وزارة الخارجية
دبلوم كويس مش صعب و مختلط فيه من كل التخصصات ومناسب للحصول على شهادة كويسة مع تمضية وقت مش صعب و عمل علاقات ممكن تنفع في توظيف او بيزنس كويس
نسبة النجاح في مايو 66%
____________
{8} دبلوم التجارة الدولية
5 مواد اجباري :
1- قانون التجارة الدولية
2- عمليات مصرفية ذات طابع دولي
3- التحكيم
4- عقود التجارة الدولية
5- القانون الخاص الدولي
دبلوم كويس جدا و سهل و اسمه بينفع لو بتشتغل او عندك سكة في بنوك او شركات خاصة كويسة
نسبة النجاح في مايو 92%
___________

{9} دبلوم القانون الاداري

او العلوم الادارية زي ما اصحابه بيحبوا يسموه
5 مواد اجباري :
1- القانون الاداري المقارن
2- القانون الاداري مع التعمق
3- الادارة المحلية
4- الادارة العامة
5- الوظيفة العامة
دبلوم تقيل و محترم و يستحق كل ساعة بتقضيها فيه و عليه اقبال كبير من راغبي التقدم للنيابة الادارية او مجلس الدولة و اعضاء الهيئات القضائية الادارية عموما
محتاج مجهود برضه يعني مافيش لعب و لا حظ فيه ده دبلوم شغل و اللي مش بيشتغل مايشوفش فيه نور
غالبا اللي اخد قانون عام بيكمل بالاداري و كدة يبقى مافيش كبيرة و لا صغيرة في قسم القانون العام فلتت منه و يبقى جاهز تماما للدكتوراه في الاداري
نسبة النجاح كانت 44%
___________

{10} دبلوم الشريعة الاسلامية
طبعا واضح جدا من اسمه انه يناسب خريجي شريعة و قانون اكتر لكن ده مايمنعش ان لنا زملاء من خريجي كليات الحقوق قدروا يحصلوا على الدبلوم ده زيهم زي الشريعة
5 مواد اجباري :
1- اصول الفقه مع التعمق
2- المذاهب المقارنة
3- الفقه المقارن بالقانون
4- الفقه الجنائي الاسلامي
5- نظريات الفقه الاسلامي
الدبلوم يضم نخبة من الاساتذة فعلا و ناس سنويا بتسافر مؤتمرات دولية و لهم مؤلفات تم توزيعها في دول العالم الاسلامي ومنها المؤلفات اللي حتدرسها كمقررات للدبلوم
دبلوم مالوش شبه زي مابيقولوا و عاوز ناس صاحية من اول يوم في السنة
والحاصلين عليهم لهم وضعهم في اوساط الدراسات العليا
اذا كنت من اللي بيخططوا للسفر لدولة عربية قالدبلوم ده حيكون سلاح كويس جدا في ايدك هناك خاصة لو سفرك كان للسعودية
نسبة النجاح فيه كانت 32%
___________

{11} دبلوم الاقتصاد
ده برضه رغم انه دبلوم مختلط بين خريجي حقوق و تجارة الا ان الاقبال عليه لا يليق بمكانته يعني لو كمل 30 طالب بيبقى زحمة انما معروف طبعا ده بيرجع لأيه
الدبلوم 5 مواد محترمين محترمين يعني
1- النظرية الاقتصادية
2- التاريخ الاقتصادي
3- التنمية الاقتصادية
4- العلاقات الاقتصادية الدولية
5- الاقتصاديات و السياسات المالية
نسبة النجاح كانت 58% .

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

*السؤال الثالت :
اية المطلوب من مستندات عشان اسجل فى اى دبلوم ؟

الاجابة :

الأوراق المطلوبة لدبلوم الدراسات العليا للطلاب المصريين والوافدين .

للطلاب المصريين :

بتقدم بصورة الشهادة فقط وتنتظر فترة زمنية ولما يتم قبولك بتقدم اصول المستندات بتاعتك عبارة عن :

1 - شهـــــــــــادة الليسانس لو من خارج عين شمس لازم تبقى متوثقة من مكتب امين الجامعة المتخرج منها والتوثيق مختلف عن اختام شئون الطلاب للكلية التابع لها
2 - شهـــــــــــادة الميلاد
3 - 4 صور شخصيــــــــة
4 - صورة بطاقة الرقم القومي
5 - صورة كارنية النقابة لو كنت محامى
6 - موافقة جهة العمل لو كنت موظف
المصاريف الدراسية لكل دبلوم غير شاملة الكتب حوالى 2200 جنية مصرى بنسبة تقريبية

ولو حاصل على دبلوم من عيـن شمس بتقـدم صورة الكارنية وتنتظر فتــرة زمنية حتى يتم قبولك و الاوراق المطلوبة منك عند القبـول صورة الكارنيـة وصــور شخصيـة من غير مستندات جديدة والمصاريف بنسبة تقريبية
نفس المبلغ المذكور اعلاة .

للطلاب الوافدين :

1- شهـــــــــــادة الليسانس
2- معادلتها من المجلس الأعلى للجامعات
3- شهـــــــــــادة الميلاد
4- 6 صور شخصيـــــــــة
5-.صورة جواز السفر كاملة

6- ترسل جميع الأوراق موثقة باسم أ.د. عميد الكلية عن طريق السفارة + خطاب السفارة
المصاريف الدراسية : لأول دبلوم 6000 دولار بنسبة تقريبية
عبارة عن : 1500 دولار رسم قيد لأول مرة
4500 دولار مصروفات دراسية سنوية
ملحوظة : المصاريف الدراسية للمصريين والوافدين خاصة بالعام الماضى و قابلة للزيادة

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

*السؤال الرابع :
اية هما التلات رغبات اللى اكتبهم فى طلب التقديم ؟

الاجابة :

طبعا اغلب الناس محتارة تكتب اية فى الرغبات يارب اقدر اساعدكم بالكلام دة وربنا يجعل لكل طالب فى الدراسات العليا معانا نصيب فى القبول بالدبلوم اللى يتمناه هنبدأ بالترتيب 👇 :

1 - دبلوم القانون العام مفيش اتنين يختلفوا على الدبلوم دة انه يبقى الرغبة الاولى .

2 - دبلوم القانون الخاص وراه على طول من غير تفكير .
لحد كدة الكلام خاص بالطلاب المستجدين واللى دة اول دبلوم ليهم اما

لو طالب حاصل على دبلوم خاص او عام قبل كدة متكتبش اى واحد فيهم

واكتب الدبلومات اللى تختارها بعيد عن الدبلومتين دول عشان متخدش مكان طالب محتاج فعلا للمكان دة فى ظل شرط ال 500 طالب

وعندك 9 دبلومات
مستنينك اعمل اللى انت عايزة فيهم محدش هيقولك لا ... وحتى لو الشرط المذكور لم يتم تطبيقة على الحاصلين على الدبلومة الاولى ومش هتكون مرتبط بحكاية العدد وقتها هقول لحضرتك ان ماجستير التخصص احسن بكتير من ماجستير عام وخاص .

3 - نيجى بقى للرغبة التالتة احتمال بنسبة كبيرة تجيلك الا لو درجاتك هتساعدك تحسم الرغبة الاولى او التانية من اول جولة 👇 :

ونتكلم هنا عن معيار الاختيار للطالب الجديد و الحاصل على دبلوم فى اللى يناسبة مع الوضع فى الإعتبار انك لو طالب جديد وهتاخد الدبلوم الأول تخصص من عين شمس والتاني من جامعه تانى لازم الدبلوم الاول يكون معتــرف بيه فى الجامعة التانية والا مش هتعادل الماجستير .

- طيب نتكلم فى اهم حاجة : حضرتك شغال اية 👇 ؟

محامى : يبقى من غير تفكير اكتب القانون الاجرائى .
موظف : علوم ادارية طبعا وما خفى كان اعظم .
ست بيت : اختارى حاجة خفيفة مدنى او دولى او علاقات دولية .

- شغال إدارى او محامى فى شركة قطاع أعمال او خاص او بنك او أى أعمال مصرفية 👇 :

دبلوم التجارة الدولية يـا بشر بس خلى بالك لازم الدبلوم التانى يكون من عين شمس برضو لان مفيش جامعة هتعترف بيه لعدم وجود القسم دة فيها ولة اسم مشابة فى الجامعات التانية اسمة تجارة واستثمار .

- نيابة عامه او ظابط شرطة 👇 :

العلوم الجنائية طبعا بس خلى بالكم الجنائى مفهوش هزار دبلوم تقيل ولة وزنة .

- مجلس الدولة و النيابه الاداريه و هيئة قضايا الدولة 👇 :

علوم ادارية .

- عايز حاجة ليها مستقبل وفيها عجز فى الدكاترة 👇 :

عليك (( بدبلوم الإقتصاد )) دبلوم جميل وعددة قليل وبسهولة تلاقى دكتور يشرف فية على رسالة الدكتوراه .

- خريج أزهر او شريعة و قانون وعايز دبلوم حلو ولايق عليك وأنت مغمض عينيك اكيد (( دبلومه شريعة اسلامية )) .

- طيب خريج حقوق ومش شغال حاجة وعايز دبلوم يفتح نفسك على الشغل و يكون دافع ليك تشتغل بية #محامى فى أى شركة يبقى عليك (( بدبلوم القانون الإجرائي )) هيفيدك فى اى شغل قانونى فى الشركات .

- كـل ما سبق ذكرة لإختيار الدبلوم لأزم يبقى معاه راحة نفسية لان هو دة الأهم لأنك لو دخلت حاجة مش حاببها مش هتديهـا اى مجهود من عنـدك والله الموفق .

- ملحوظه هامه 👇 :

أي جامعة هتلاقيها بتعترف بدبلومات معينة و ترفض دبلومات معينة يعني #عين_شمس بتعترف بدبلومات (( العام ، الخاص ، شريعة ، اقتصاد ، جنائي ، اداري ، دولي )) فقط 7 دبلومات ، و أي دبلوم غيرهم مش معتمد في عين شمس .

#جامعه_القاهرة بس الوحيدة اللي وقفت كله (( يعنى بتعتمد دبلوماتها فقط ، يعنى لأزم تحصل على الدبلومتين منها علشان تعتمدلك ماچستير )) .

-منقول

تحياتي Dr/ Mohamed

"إقرأوا كهفًا، وصلّوا على رسول اللّٰـه ألفًـا.

الجُمعة للجُمعة كفّارةٌ لما بينهما إذا اجتُنبت الكبائـر."🤍

المركز الجامعى للتتطوير المهني بكلية الهندسة – جامعة طنطا
بيقدم دورات تدربية مجانية معتمدة من جامعة طنطا بالتعاون مع الجامعة الامريكية.
المركز بيخدم طلبه كليات مجمع سبرباى ( هندسه – حقوق – زراعة – آداب – تربيه رياضية – حاسبات و معلومات )
و كمان فيه مركز مماثل في كليه التجاره بيخدم باقى كليات جامعة طنطا .
متاح لكل طالب في اخر سنتين دراسيتين كورس واحد في العام الدراسي للكليات الي بيخدمها المركز بالاضافة لكورس
EST مهارات التوظيف
يقدر يحضره مره واحده سواء في السنه الأخيرة او قبل الأخيرة

و الدورات التدريبة الممكنة حتى الان .
A- EST "Employability Skills Training"
برنامج تدريبي مكثف على مهارات التوظيف، مدته خمس ايام متصلين ، يركز على المهارات الي سيكتسبها الطلاب الاتصال و التخطيط و حل المشاكل و العروض التقديمية و بالإضافة لتطوير الوعي الذاتي و التحليل و الابتكار ، و من ميزات التدريب الانشطة التفاعلية و احتياجاتك و نموك الحسي و مهاراتك.
للتسجيل : https://forms.gle/c2dimFh61h4h9kNs9
B-Technical trainings:
دورات الغرفة التجارية الامريكية American chamber of commerce
الطالب بيختار كورس واحد من الكورسات دي
Hr
https://forms.gle/mzGDmeZ19SWWFLya7
Marketing
https://forms.gle/nBXUrxtF84zHm7KA9
Customer Service
https://forms.gle/mzGDmeZ19SWWFLya7
Supply chain
https://forms.gle/7fhsVpq5YNdf4T7YA
Business modeling
https://forms.gle/NWKudF7MLzYhc9vG7
Sales
https://forms.gle/wjBWjooJF5WyRzze6
Digital Marketing
https://forms.gle/ihG2gvTdcqPrtnm7A
2- دورات ESS
School Of Engineering
-Quality Control
https://forms.gle/s7JU75z8qiwZuFAu8
-Project Management
https://forms.gle/LehgU5JrFhxkvZkHA
-Health and Safety
https://forms.gle/AHeCV7SZ2LAbxczPA

3- School Of contuining education
English course -English for business
English for Engineering level B2
ودي بيتم تحديد ميعاد لعمل إمتحان تحديد المستوى اللى من خلال النتيجه بيتم التواصل مع الطلبه بالمستوى المتوسط و فوق المتوسط لحضور الكورس

نظام القبول للدورات , ان كل فترة بينزل بوست على صفحة الفيس بوك فيه دورات مختلفه و بيتم التقديم من خلال فورم الطالب بيملى البيانات فيها على الصفحة و فيه تفاصيل الكورس و الكورسات بتتغير كل فترة ، الكورس المهتم بيه قدم عليه
بعد التقديم على الكورس تقدر تشرفنا في المركز لعمل الأنترفيو موجودين من الحد للخميس من 10 ل 4
او تقدر تتابع الصفحة و اعملها
See First
، علشان ميفوتكش حاجه، و ميفوتش عليك بوست الكورس الي انت مهتم بيه او معاد الانترفيوا.
و بعد القبول و النجاح في الانترفيوا , بيتم الرجوع و التواصل بيه مره تانيه علشان نعرفه انه اتقبل في الدورة التدربية
و بيحضرها مجانا ..
جميع الدورات مقدمة و معتمدة من الجامعة الامريكية

متاح لكل طالب في اخر سنتين دراسيتين كورس واحد في العام الدراسي
بالاضافة لكورس
ESTمهارات التوظيف
يقدر يحضرة مره واحده سواء في سنه 3 ام 4
و كورس اللغة بيعتبر من الكورسات التكنيكال المحسوبة على الطالب في حالة اجتياز لامتحان تحديد المستوى و دخوله الكورس

بالنسبه لورش العمل :
متاحة لكل الطلبه والخريجين بتكون لمده يوم واحد حوالي ساعتين
بتعرف بيهم خبرات و مهارات كتير تساعدك في سوق العمل بعد التخرج

ورش العمل :

متاحة لكل الطلبه و الخريجين

بالنسبه لورشة العمل بتكون لمده يوم واحد
حوالي ساعتين
بتعرف بيهم خبرات و مهارات كتير تساعدك في سوق العمل بعد التخرج

عندنا في شهر فبراير و مارس
ورشه عمل كتابه السيره الذاتيه Resume Writing
بتتكلم فيها ازاي تكتبي سيره ذاتيه بطريقه احترافيه و تعرف ايه اللي مفروض تكتبيه و ايه اللي ماتكتبيهوش
و الفرق بين ال cv و ال resume
https://chat.whatsapp.com/LfNNKuxz4VR0GU5FnpMP64
و كمان ورشه عمل مهارات المقابله الشخصية INTERVIEW TECHNIQUES
و بتعرف فيها تجهز نفسك ازاي قبل الانترفيو ... و تلبس ايه و انت رايح المقابله ... ترد علي الاسئله ازاي
و كمان نوعيات الاسئله اللي تتسأل
و كمان ازاي تتابع مع الشركه بعد ما تخلص المقابله الشخصيه

https://chat.whatsapp.com/GIMoCwhsGO70fPqWIOsSUP
او تقدر تتواصل معانا في المركز من خلال
أرقام المركز من خلال الواتس
01555351523
01211452757
Facebook: https://www.facebook.com/UccdEngTanta
LinkedIn: https://www.linkedin.com/in/uccd-tanta-eng/
Instagram: https://www.instagram.com/uccdeng/
Telegram Group : https://t.me/+11SXNFzXwcNlYTg0
Telegram Channel: https://t.me/+2qV3MGMcDvxhYWY0

أنا أتشارك 'القضايا في الخلاصة' معك

القانون التجاري (الامتحانات).pdf