بفلسين الغصن مادام عندي جناح

سنة ماشايفك بس انتَ موجود
لهسة اشتم عطر من شوفة العام

تعال وكل جرح بالروح طايحلك

بعدها عيونك احلى عيون بعيوني

الليل تاريخ الحنين وانتَ ليلي .

الله لغيري لا ينطيك .

عيوني ماتهوى الكحل
كحلني انتَ بشوفتك

انتَ شايف هالمطر شگد غزير؟
عندي لهفة بهالغزارة لشوفتك

شاغل كل فراغي
وبالي وياك

مشهد غيابك خرابة
و صوتي مبحوح شيصيح؟
الشوارع كلها مسكونة
وصفير وصوت ريح
والجماجم ملحمة والناس
كل الناس ميتة
ووحدي اعثر واطيح
"ولو خبر منك يجيني
الناس تعدل من جديد
ضوة يبين من بعيد
مطر ينزل شمس تضحك
والمشانق تنصب مرجوحة
لأطفال الشهيد
الورد يطلع بالجماجم لو تجيني
واقدملك اعتذاري وانكساري
وكل حنيني
لو گلت هذا خطية
و ياما گتلك من ايدية تروح
بس مو من ايدية
وياما گتلك شوفتني جنازة امي
من ثگل وجهك علية" .

بكل ضياع الروح اريدك
انا كل دروبي احسها خطوط ايدك

وياك اشوف الدرب لو اغمض عيوني

إنتَ ربحي
ولو رحت هم تبقى ربحي
عيب أسَميك الخسّارة

انا بلياك متمرض
تعال الصور شتعوض؟

وعلمتـني
كل وطن أشطب عله أسمه
بـحجة عيونك هويـتي

توها بردت وانتي مريتي رصاصة
خايف تروحين واذبل والعطش يترس مكاني
وخايف اشرب روحتچ واخذلي ليل وما اتاني
هاي الية سنين بارد محد بملگاه چواني
شلون ما طگت عشگ بية الثواني؟
ويخلص الليل ويخضّر ليل ثاني
بية واهس كافر وربچ هداني
والتسافر عينه بترابچ حرام
شوفي منچ وين اغضه
يا مسافة البيها جدمچ وما توضة
ويا طريق الما مشيته وماعبر ظهري وتشضه
ويا ندة المنطيچ عمرة شكبر حظه
فكي شباك الوجع وانطيني روح
يالمشيتي لغير ديرة
السما صغيرة على عيني وروحي اسيرة
الما يشبهونچ شاگلهم؟ هي حيرة
كل بعيد بعيني يصغر وانتِ بعيوني جبيرة
چنها حال الغيمة تلهث بالجزيرة
الوحشة ناس بغيبتچ ماعدها غيرة
شلون اسده يالفراغچ وين حده؟

- علي رشم

حتى الليل احن منك
مادري السواد البيك من يا لون !

ليش خليت الشوارع
كلها بعيوني سجن

وع گولة اهلنه
لا تهزك چلمة الماعنده راي
وخل گعدتك عوجه بس سولف عدل

الظلام الي سكن روحي يحن لضواك