زملائي وزميلاتي الاعزاء
السلام عليكم ورحمة الله

طريقة مجربة لحفظ المواد الي تقروهن وماتنسوهن ابد
تتوضأ قبل لا تفتح اي ملزمة او كتاب
تقرأ ( ربِ اشرح لي صدري - ويسّر لي أمري - وأحلل عقدة من لساني - يفقهوا قولي )
وتگول 3 مرات ( سنقرأك فلا تنسى )

وتتوكلون على الحي الذي لايموت وان شاءالله تترسخ المادة بعقولكم الى يومٍ يبعثون 🫶🏻

واهم شي اللي تقراه اكتبه ✌🏻👌🏻

لاتنسوني من خالص دعواتكم دمتم بخير ❤️

”‌‏ڪل هذه المُقاومة لأجل أحلامنا ، ستڪون انتصارٌ عظيم“ 💜✨🥺

مستقبلك وحياتك ولهفة اهلك وتعبهم عليك، وتعب سنين انت صارلك تدرس حتى وصلت لهالمرحلة، مرحلة تحديد مستقبلك..

ما تستاهل تضيعها بسوالـــــــــــف مالي واهس، مالي خلك، بعدين ابدي، وما الحك وماكو وقت وغيرها من الاعذار اللي تخلقها لنفسك حتى تبرر تسخيتك!

ابدا مو راهمة وعيب على طالب يحجي ويكول  مالي واهس!  الك واهس تفتح نت، وتنشر ستوريات، وتفرفر بالانستا والفيس وغيرها، بس ما الك واهس تمسك كتابك هالشهر وتضغط على نفسك وتطلع بمعدل زين وتشوف نفسك وصلت وخلصت من شي اسمه إعدادي!

الك واهس تطلع للأسواق، الك واهس تسهر للصبح، الك واهس تشوف مسلسلات ٥ ساعات، بس ما الك واهس تنتبه لدراستك وتدير بالك عليها  هالشهر!

مو كلام هذا ابدا، انسوا شي اسمه واهس، ادرس انت وضايج، انت وتبجي، انت ومريض، انت ومالك خلك، دوس على ظروفك كلها، لأن الوقت يمرررر، والوقت ما يرجع، بعد كم شهر راح تتحسر ع دقيقة.. َادرس انت وبكل حالاتك واترك سالفة مالي واهس!

-
لا تستسلم أبداً حقق أهدافك واسعى لأحلامك حفز نفسك دائماً لتصل وتستمر✊📚.

وَكُلُّ سعيٍ سَيَجزي اللهُ ساعِيَهُ ᰔᩚ .

‏مساء الخير , ليس بالضُرورة أن تكون إنجازاتك كبيرة كي تحتفي بها , أي شيء رائع تفعلهُ يعد إنجازاً مهما كانت بساطتُه 💗⛅️.

أيَمُوت الأمَلّ فينا و نحّنُ من زرعنا في غيّرِنا أمـالاً💜🌸🌿

.

وَكُلُّ سعيٍ سَيَجزي اللهُ ساعِيَهُ ᰔᩚ .

.

ملاحظة(1): ليلة الامتحان، تنامون اوك؟

اياكم ثم اياكم ثم اياكم... تروحون عالامتحان ما نايمين و سهرانين للصبح أكبر غلط هالشي أقل شي ناموا 5ساعات.


ناموا زين حتى من تحلون، يكون بتركيز بعيداً عن النسيان و الأخطاء إلي تكسر الدرجات
الدماغ ما راح يسترجع المعلومات إذا ما تنامون.
انت قريت المادة بالمراجعة بتركيز و حليت وزارياتها هاهية يعني نخزنت المعلومات بالذاكرة الطويلة الأمد يعني انت ما ناسيها بس يحتاجلك استذكار بسيط الها. اوك؟

#لا_تخافون

ملاحظة(2): ليلة الامتحان ابتعدوا عن القنوات و الاشخاص الي، يبيعوكم الاسئلة على اساس انو هي اسئلة الامتحان و مسربة

ذولة الأشخاص يستغلون خوفكم علمود مصلحتهم فلا توكعون بمصيدتهم، و انتو عقولكم كبيرة و تعرفون الصح من الغلط
فما معقولة بعدكم تصدكون بهالشي..

و تذكروا لكل مجتهد نصيب يعني انتو درستوا و تعبتوا و الله تعالى وياكم ما راح يعوفكم فما يحتاج نلجأ لهالأساليب 👆

ملاحظة(3): كعدت الصبح راح تروح للأمتحان الخطوات إلي تسويها.

اول شي تتريك لا تروح بدون ما تاكل شي نصيحة من محب الكم، حتى يزداد تركيزكم، و اهم من الريوك هو شرب الماي لا تطلع من بيتك الا ما تشرب ماي .

قبل ما تطلع من البيت تتأكد من البطاقة أو الباج مالت الامتحان، و تتأكد من القرطاسية مالتك و تكول بسم الله و تطلع.
ركبت الخط أو السيارة لا، تحجون عن شي يخص الامتحان كل واحد يكعد بوحدة ساكت و يذكر الله و لا تتكلمون عن شي يخص الامتحان لان هالشي راح يخربط معلوماتكم

ملاحظة(4): وصلت المركز الامتحاني قبل الدخول للقاعات
بهالأثناء، لا تراجع شي ابد ابد ابد لان ما راح تفيدك شي المراجعة بهالوقت عن تجربة جاي
احجي وحتى اذا شفت الاستاذ مالتك جاي يشرحلكم قبل الامتحان هم لاتراجع لان هالشي خطأ
المختصر لا تراجعون قبل ساعة من الامتحان، و لا تحجون وي اي احد

#لا_تخافون

ملاحظة(5): أجاك الدفتر الامتحاني همه اللجنة راح يعلمونك شلون تكتب اسمك و هاي الأشياء...فلاتهم بهالموضوع ابد

اجتك ورقة الاسئلة.. أول شي تسويه تصل على النبي و تبدي تحل سؤال سؤال بالتسلسل،ديربالك تقره الاسئلة كله هذا اكبر خطأ. لأن راح يوترك كلش

خلي الدفتر أو ايدك على ثاني سؤال و ابدأ حل اول سؤال كملته تنتقل على ثاني سؤال و هكذا..

قد يصادفك فرع أو سؤال ما تعرف تحله أو نسيت قانونه لا تضيع وقتك بيه عوفه و حل باقي الاسئلة و بعدين ارجع عليه، لان اذا بقيت تحاول بيه اولا راح تتوتر و ما راح تتذكره، و ثانياً راح تأثر على بقية الاسئلة و يزداد توترك و همات ما راح تعرف تحلهن
فالاحسن تعوف هالفرع و تحل الباقي و بعدين ترجع عليه موتنساه
من ترجع عليه صل عالنبي و حاول ترجع بذاكرتك اتذكر الورقة الي بيهه السؤال او موقف معين صار وياك او حجي الاستاذ
وحتى لو ماواصت بنتيجه فكر بأي موقف
وابقى لاخر الوقت ميهمك بالطلاب ولا المراقبين. بعدين من تذكره تحس بشعور لايوصف من الفرحه
وتكمل وتسلم دفترك وتاخذ اقلامك وتنسه الامتحان هذا نهائيا

ملاحظة(6): بعد كملت الاسئلة راجع كل سؤال بتركيز اخاف ناسي إشارة، اعراب، فرع، سؤال، ركز و لا تستعجل لا تسلم الدفتر إذا ما تتأكد من كلشي، ابتداءاً من اسمك و انتهاءاً بأخر سؤال، لأن غلطة واحدة تبعدك عن الاوائل ممكن فيديربالك و لا تستعجل هذا مستقبل...

نقطة ثانية كل سؤال من الاسئلة، بالدفتر الامتحاني إله صفحتين و مكتوب عليهن السؤال الأول، الثاني، الخ... فمن تحل مثلا السؤال الاول، تحله بالصفحتين الخاصه بيه بالدفتر و الي مكتوب عليهن السؤال الأول و ديربالك تتجاوز و تحل بصفحات السؤال الثاني.

لان المصححين من يصححون همه عبارة عن لجنة و كل واحد منهم راح يصحح سؤال فمثلا المصحح الأول مهمته يصحح السؤال الأول، فكبل يفتح الدفتر على صفحات السؤال الاول و يصححه و ما يگلب عالسؤال الثاني، يعني اذا كملت حلت السؤال الاول بصفحات السؤال الثاني راح يعتبر جوابك ناقص و بهالحالة راح يتخربط الدفتر كوليته فديربالكم من هالشي و التزموا بترتيب الدفتر.


نقطة ثالثة، السؤال الي مقرر تتركه اكتب على صفحاته الخاصه بيه كلمة (ترك بخط كبير،) يعني لا تخلي صفحات هالسؤال إلى راح تتركه فارغة
و إنما أكتب عليهن ترك حتى المصحح يشوف زين. تمام؟

‏{فَاسْتَجَبْنَا لَهُ}

‏أنت لا تعرف ڪيف سيغير الله المشهد لأجلك، وڪيف سيُعيد ترتيب الأقدار لأجل نداءك ورجاءك.. "فاستجبنا له" هذه لوحدها ڪفيلة أن تجعل من المستحيل ممڪنًا، ومن الصعب سهلًا، ومن البعيد قريبًا، فأبشر يامن لجأت لمن إذا أراد شيئًا قال له ڪن فيڪون🥺♥️

#طلابنا_الاعزاء
هاي المراجعة القديمة المركزة مالت العام اللي يريدهه
سووف ننشر لكم المراجعة المركزة الافضل للطالب
المراجعة المركزة للاستاذ هاشم الغرباوي السادس العلمي بفرعيه الاحيائي والتطبيقي حسب تقليص 2022..على اليوتيوب وعلى التيليكرام ..
مراجعة الفصل الاول
https://t.me/Chemistry6the/52
اختبار الفصل الاول
https://t.me/Chemistry6the/55?single
مراجعة الفصل الثاني
https://t.me/Chemistry6the/56
اختبار الفصل الثاني
https://t.me/Chemistry6the/59
https://t.me/Chemistry6the/60
مراجعة الفصل الثالث
https://t.me/Chemistry6the/62
https://t.me/Chemistry6the/63
اختبار الفصل الثالث
https://t.me/Chemistry6the/65
https://t.me/Chemistry6the/66
مراجعة الفصل الرابع
https://t.me/Chemistry6the/67
اختبار الفصل الرابع
https://t.me/Chemistry6the/69
مراجعة الفصل الخامس
https://t.me/Chemistry6the/70
اختبار الفصل الخامس
https://t.me/Chemistry6the/72
مراجعة الفصل السادس
https://t.me/Chemistry6the/73
اختبار الفصل السادس
https://t.me/Chemistry6the/75
مراجعة الفصل السابع
https://t.me/Chemistry6the/76
https://t.me/Chemistry6the/77
الاختبار الشامل للكيمياء
https://t.me/Chemistry6the/83