好多人都可能有個疑問，係關於我地自由工作者服務工會籌委會所籌辦的興趣班/ Workshop，究竟係社會同行業裏面可以發揮到乜嘢嘅作用？呢篇文宣，可以解釋俾你地知我地嘅理念。

[擴大黃圈網絡]
推動成為一個連結既黃圈網絡。除自己本身可以透過舉行Workahop擴大客源；接觸不同行業擴闊範疇，增加合作空間及聘用機會；同時間亦可以連結其他導師、學員、分享對象，協助其他夥伴一齊提升競爭力，籍此擴大屬於我哋嘅商業活動範圍，互相幫助、學習、成長，達至Win-Win。


[提升黃圈質素]
以高質Workshop，突顯我哋獨特、多元化及專業嘅特質，因為社會道德價值將會成為新嘅營商趨勢，我哋開Workshop教授及分享，以社會責任，提升我哋Freelancers嘅專業形象、服務、產品質素，以獲得更高顧客忠誠度。不時虛心收集同樂意聽取意見，並加以持續改善。


[推廣黃圈文化]
以道德同社福為大前提，改良現有商業營運文化。由以往嘅價值觀及既定嘅階級分野建制方式，轉化爲以良知、開放嘅思想、實踐民主自由嘅理念去做實事、教學同分享。

自由工作者行業眾多，若以身作則，透過不同嘅Workshop，接觸其他Freelancers，甚至非Freelancers，感染業內人士以致業外，實踐大家共同理念，效果會比同業更附有影響力！


[Walk Our Own Path]
最後亦最重要!

相比外國情況，Freelancers喺香港並未受廣泛認知及保障，我哋以唔同行業嘅專業人士身份舉行Workshop，進行分享及教授，運用Social Media，增加自由工作者嘅曝光率，扭轉大眾嘅固有觀念，推廣自由工作者行業 - 因為哩嗰係未來工作模式嘅趨勢。



============================
各位同路Freelancer，請緊貼我地既Channel，會不時發出我地籌備工會既最新資訊。黎緊都會不斷有唔同既活動，希望大家多多投入參與，同我地一齊携手創立更好既Freelance之路💪🏻💪🏻

自由工作者服務工會籌委會
TG group:
t.me/freelancerunion

TG Channel:
https://bit.ly/2uHyZKW

另外，籌委小組想做一個入會意向調查同時招募義工（尤其文宣手足），有興趣請填左張form佢。感謝大家支持！

https://forms.gle/a4AQ1xXVJsZEXHGRA
============================

#自由工作者服務工會籌委會
#勿忘初心
#團結

送終惡法借屍還魂
普選自由永冇你份？

大家請緊記，香港從來都係國際上十分重要嘅城市，熱騰騰嘅中美貿易戰，香港當然係其中一個主戰場。

中共全面攻陷香港之後，下一步就邁向統治世界，呢個計劃，大部份人都心知肚明，不過⋯⋯

香港過分豐盛嘅物質、豐厚嘅人均收入、花多眼亂嘅消費娛樂，大部份香港人由細到大都只被教育「工作及消費」，而我哋認識嘅自由，大多只係建立於資本主義嘅金錢消費上。

我哋以為財力或消費能力嘅強弱，就等於自由嘅程度，可以選擇點生活，甚至喺邊生活。呢種概念同時亦造就大財團認為只要合乎法律，就可以為所欲為，因此市場壟斷、外判、剝削，喺香港無處不在。

自由嘅定義比資本市場扭曲左。

我哋重新回顧一下自由嘅定義：
1.人人享有言論和信仰自由並免於恐懼和匱乏；

2.自由即有權做一切無害於他人的任何事情。

就以上兩點定義嚟睇，資本主義嘅壟斷、外判，同埋剝削，正正就係違背咗自由嘅定義，只不過現代法律追唔上資本主義嘅進攻，立法嘅程序費時失事，加上官商勾結越見明目張膽，所以無論以往普遍香港人認為嘅「自由」，定今時今日香港嘅處境，自由喺當今嘅香港已經被侵蝕得體無完膚。

重奪自由的基本第一步：普選

以往我哋反對壟斷、剝削嘅聲音無從申訴，甚至被滅聲，一直以嚟只能逆來順受；如今面對整體社會嘅自由空間被壓縮得只剩狹縫，被打壓得喘不過氣，我哋需要嘅就係確確切切實行普選呢一步！

普選嘅最大作用係能夠彰顯少數派想法，得出嘅結果可以完全地反映民意。我哋要重奪自己表達意見嘅權利同能力，唔再需要任何人代表我哋發聲！真正嘅自由先會更近我哋一步。

當窮凶極惡嘅猛獸唔容許我哋從正途獲取應有嘅投票權，我哋就需要發揮香港人嘅逆流而上嘅精神及能力。

民間公投正正係其中一個方法，作出一個具民意嘅真實反映，比對政府嘅施政合唔合乎香港人嘅意向。尤其我哋共同係香港重要嘅勞動力一員，無我哋，公司、社會，延伸至香港，都無可能咁暢順運作，所以你一定要參加公投，表達你重要嘅意見，話俾政府知你要乜嘢、唔要乜嘢！

工會聯合公投，你絕對有份！

#自由工作者服務工會籌委會
#反國安法