中共竊國至今，每逢初一十五，內外交困，就會以「外國勢力」命題作文，攞香港人岀氣。篇文入面，天朝屢戰屢勝，義正詞嚴，語無倫次，好不威風。

事實係，港共就好似個唔識交差嘅妹仔咁。佢明知自己搞唔掂香港人，就搞蘋果，搞阿布泰，搞區議員，搞市民，希望唔知邊下搞得掂。

不過邊有咁易。今日嘅香港人，一步一淚，歷盡艱辛，對暴政有入骨之恨。當揸電單車都坐監，扯旗都畀人打，獻花都畀人逗，你就知你嘅荒謬，激嬲幾多人。

所以我話你知，你把賤嘴口中嘅「外國勢力」，就係你同一架巴士返工個OL，就係你隔離屋個四眼仔，就係你樓下街市個豬肉佬，就係地鐵企你左近個西裝友。當人民覺醒，你一係整死哂我哋，唔係我哋只會繼續做啱嘅事，止於至善。

#欲加之罪何患無辭
#外國勢力
#美帝亡華之心不死
#蘋果日報


圖片來源：蘋果日報