【大家咩身份？我唔知呀】

係我地籌備至今，已經就住"freelancer是甚麼"同職工會登記局有幾次爭論。係遞交完工作證明後，登記局再再再再再再再次針對我地籌委的受僱身份而提出質疑，就話佢地既合約定明無僱傭關係，點樣做僱員工會呀？


我地多次解釋過，高等法院多次講過一份合約既標籤是不能作為判斷該人身份的唯一元素，講完登記局就話『咁呢度又唔係法庭。』喂呀姐，唔係法庭你又死咬freelancer係僱主？跟據僱傭條例定義，僱主( employer )指已訂立僱傭合約僱用他人為僱員的人。做Freelancer個個都請人番來做野？咁佢直頭係老闆啦！但唔係個個都開公司請人做野，你登記局死都要逼我地做老闆，為咩？


最後爭持不下，登記局就掉底一句：我地要拎法律意見啦！有趣，原來去到2020年，政府連自由工作者是甚麼都講不出，更甚者因為無呢個概念，更直接阻止和剝奪大家組織工會既權利，逼大家承認自已是一個僱主。如果我地做Freelancer係僱主，咁我唔去搞商會？


我地重申，點解要咁著重籌組一個"僱員工會"，就係要該大家正視自由工作者依然是一個勞工，而唔係大家眼中既老闆。自由工作者過去面對極多欠薪拖糧走數，就正正是社會從不正視大家既勞動價值，更沒有承認大家既存在。勞工界個一票，講真，唔太志在，我地企硬既位係要以正視聽，而不是為個一票。


所以籌委會盡最大能力處理籌備事宜。無論結果我地係僱員工會還是被逼成為僱主僱員混合會，都不應改變自由工作者是勞工的事實。請大家繼續留意我地資訊，如大家更有意日後成為會員甚至理事，歡迎大家聯絡我們留名！

#香港自由工作者服務工會籌委會
#我係自由工作者
#唔好迫我做僱主
#自由工作者都係勞工之一