#武漢肺炎 #外地返港防疫措施 #唔好掉以輕心啊

【武漢肺炎肆虐期間 外地返港防疫措施】

武漢肺炎肆虐全球，唔少國家都建議民眾居家抗疫，盡量避免外出，但若果係無可避免底下，必需要出入境嘅話，可以跟隨以下防疫措施以減低患病既風險。

一、去機場前
帶齊預防裝備
準備眼鏡，建議用護目鏡；帶備足夠口罩，消毒噴霧，酒精搓手液，抗菌濕紙巾，以及手套以作清潔座位空間。

係屋企食咗野先，以減低除口罩嘅次數，如果係機上用餐就要盡快食，減少口鼻曝露係空氣中既時間，用餐之後記得更換口罩。

二、到達機場後
盡量減少人與人既接觸，可以俾其他乘客先登機，盡量分批辦理，避免聚集過多人群。

三、起飛前
戴手套，用酒精清潔座位空間，尤其係雙手觸碰到既地方，例如扶手、機上瑩幕、遙控器、餐桌、安全帶、頭頂上面既出風口等等。

如果情況許可，盡量選擇坐窗口位，減低人群經過會觸碰到身體或座位既機會。

打開通風口，增加周圍既空氣流動。

四、起飛後
進行靜態活動，例如訓覺、睇書等等，避免同不論朋友屋企人陌生人交頭接耳，減少人與人近距離接觸。

使用鼻噴劑，以防鼻黏膜變得乾燥，增加對預防呼吸道病毒既防禦能力。
避免飲含有咖啡因或酒精類既飲品，減少出入廁所既次數同避免脫水以致免疫力下降。

顧己及人，落機之後記得自行將用完既口罩同紙巾揼落有蓋垃圾桶，減少機艙服務人員嘅負擔同佢地患病嘅風險。

五、返港後

幫行李消毒
拎完行李之後，用酒精幫行李消毒或者用酒精消毒紙巾抹一抺行李。

遵守十四日檢疫令
翻屋企後要全身徹底消毒，係十四日檢疫期間，唔好出街。
係屋企隔離檢疫，要避免同屋企人一齊用膳，係屋企都要帶翻口罩。

以上係外地返港嘅防疫措施建議，機場危險四伏，一定要做足準備，絕對唔可以掉以輕心！

@cityu_imdemo