【楊潤雄鑽研打壓教師 教育局公然鼓勵非法扣薪】

返咗工就要有糧出，天公地義，勞工法例亦嚴格杜絕非法扣薪行為，以「懲罰」為由尅扣人工，就係嗰啲無良僱主常見嘅非法行為。

但無奈，港共教育局局長楊潤雄今日大放厥詞，表示正研究緊應該如何侵犯香港嘅學術自由以及如何打壓教職員，甚至明言以「不發工資或扣減工資等措施」作為懲罰手段。

楊潤雄今日響教育局嘅記招表明，會以教席以及老師薪酬作為威脅，對所有老師進行禁聲，同時希望以「更多老師被處分作為目標」。

教育局局長雖然高薪厚職，但無去研究改善學生學習環境，教識學生去判斷對錯，反而全力去打壓教育真相嘅一班老師。

「違反國安法」已經實實在在成為一個政治打壓工具，不論任何行業甚至專業，都只可以響呢條惡法陰影下求存，今日教師，聽日就可能到自己。

#國家機械全力啟動 #殺死所有生存空間 #嚇到你唔夠擔講