【港共再禁晚間堂食 街邊食飯無尊嚴畫面重現】

武漢肺炎已經唔知第幾波爆發，港共繼續「頭痛醫頭」，先將關口大開，再封門關舖，玩死大量飲食、零售、旅遊、美容、健身等行業。港共識得發停業令，但又無視停業期間工人薪酬問題，高官一於懶理，繼續坐冷氣房，諗下聽日又拉邊個，又屈佢邊條罪好。

有傳今日將會再度收緊限眾令措施，將禁堂食再度改為晚上6點鐘，恐怕一眾工人夜收工後通街跪地食飯情況又會出現。黑警集結就三五成群，朝早搭車都迫迫埋埋幾十人，但原來武漢肺炎真係會「六點後」先出沒，五點五十九分都仲可以堂食又無事，真係諗極都諗唔明。

港共早前再將限聚令惡法增加刑罰，將罰款金額上調為一萬蚊，好多人質疑係為咗打壓集會自由，用防疫之名凌駕人權，否則犯職安法又唔見港共罰咁重？香港地工時長問題咁鬼嚴重，試問仲有乜嘢工可以返朝九晚五，係咪所有返夜班嘅人都注定要無尊嚴？

#六點武肺準時出沒 #防疫揩施 #政治目的