《#停播戰毒 行動報捷？》

大約喺兩個鐘前， ViuTV 宣佈2月22號2130時段將會播放新劇《上司實習生》，似乎有意取代原本播到3月19號嘅《戰毒》，換言之 #停播戰毒 行動似乎已經報捷，而喺聆聽民意方面，ViuTV又跑贏咗CCTVB幾條街。

雖然改播韓劇都係會令部份觀眾失望，但ViuTV拍劇速度追唔上都無辦法，大家唯有鼓勵多啲人睇Viu、鼓勵多啲廣告商過檔，令佢哋有足夠資源對撼CCTVB喇。

最後，對於有部份人之前認為，點解我哋唔搞掂咗CCTVB先，再去搞ViuTV，我哋嘅回應係，我哋從來無意搞死ViuTV，做得唔好就要批評。如果ViuTV同TVB播嘅嘢無分別，又唔聆聽民意，我哋團隊仲有咩理由說服人過檔睇ViuTV？到時更加打唔贏CCTVB。