#國安法 #港版國安法 #打壓 #言論自由 #新聞自由 #自由 #人權 #一國一制 #中美 #懶人包 #時間表 #秋後算帳 #清算 #香港人反抗 #立法會 #vpn #團結 #文宣_其他111

✉️ 文宣戰最前線 @mansuenfrontliners
✉️ 文宣、連儂作品投稿 @msfllennon_bot

【死的終歸要死 淺談留守「攞資源論」】

今日，我想討論「現實」問題。即所謂「資源」問題。有一派現實論者，認為留守議會只為「攞資源」，皆因「議員背後有政黨，政黨有幾百人要養」。好，我地試分析下，接受共任命下，「留守派」未來可能面對甚麼局面：

情況Ａ：留低一年，下年中共繼續DQ，無曬錢
情況Ｂ：留低一年，下年香港人杯葛選舉，要你末日，無曬錢
情況Ｃ：留低一年，下年香港人熱衷選舉，但決定讓本土成為主流，泛民全滅，無曬錢
情況Ｄ：總辭，下年DQ埋你，無曬錢
情況Ｅ：總辭，下年香港人欣賞你，拎返失去既選票，有錢

其實細心分析，就會發覺，所謂「攞資源」，只不過係將本來都無你份，而係落到初選大勝既抗爭派手上資源，偷多一年。而呢一年既薪津，隨時賠上整個政黨既公信力及政治生命。何謂因小失大？呢個就係因小失大。

我只想問，呢啲本來就唔屬於你既薪津，因為中共DQ同選舉延期而偷雞攞多一年既薪津，係咪真係非攞不可？過去二十年，泛民拎左數以億計既薪津，又培養左啲咩人才，為香港達成左啲咩豐功偉業？

不如話，每次選舉，能夠令香港政局有所突破之人，由最開始既社民連三子，到梁天琦，到本民青、到抗爭派，呢班人，從未收過「泛民資源」一分一毫。梁天琦，朱凱迪，甚至要向民間眾籌選舉經費。泛民拎左好多資源，養住好多人，但每屆後進都捉襟見肘自食其力。咁點解佢地又可以為時代一步步帶黎改變？

所謂「資源」，從來只係偽命題。本來，舊泛民就會喺正式選舉上被覺醒後既香港人大規模淘汰，本來，佢地所「養緊」既「幾百人」，就要面對經濟危機。苟延殘喘，從來唔係一個有說服力既借口。

其實泛民去留問題，所謂「熱烈」討論，仍離不開政圈中人。普羅大眾如我，對於現屆議員去留，實在無感。當初35+，稍有正常智力，都知道其目的在於用選票彰顯民意，既可顯示香港人對民主熱情未減，又可從新劃分民主陣營版塊。議會內抗爭？心底裡都不過當花生食下。

如此前提下，大義名份早被抗爭派詳述百次，例如無民意授權下，泛民議員擅自延任尤如強姦群眾，助長極權。又例如初選勝出的素人要食閉門羹，無得參與老屎忽閉門造車會議等等等等，不勝枚舉，另文再議。

筆者其實非要泛民總辭不可，但不問自取是為「賊」，中共既事還比中共，民意授權就請交返比民意。我認為此即為政客最基本道德。

#立法會

#立法會 #立法會選舉 #港共 #港人治港 #借疫情打壓異己 #民主制度 #荒謬香港 #牆紙

《牆紙》 第44期
https://t.me/WallPaperENews/1574

#立法會 #議會 #重光 #立法會選舉 #牆紙

《牆紙》 第44期
https://t.me/WallPaperENews/1574

【去留懶人包（1）：拗緊嘅到底係邊啲議員？】
　
//有關去留民調明天展開，民意研究所會以電話隨機抽樣方式，訪問2,400名參與民調的15名民主派議員支持者，若逾半人支持或反對議員留任，民主黨、公民黨、工黨、毛孟靜及邵家臻等15名議員稱會服膺結果。//
　
去留問題日前拗得好熱烈，但到底大家知唔知道到底係講緊邊啲議員？
　
呢個懶人包有24個議員，包括埋被裁定為非妥當當選嘅范國威同區諾軒。

24人當中13人有參與初選，11人勝出，落敗為民主黨黃碧雲及衛生服務界李國麟。有4人被DQ，分別為公民黨楊岳橋、郭榮鏗、郭家麒及會計界梁繼昌。
　
24人當中有14人曾被捕，當中公民黨陳淑莊及邵家臻已執行刑期。罪行方面主要為一地兩檢／511逃犯條例法案委員會衝突，及64／71等非法集結有關，不少議員涉及超過三條控罪，包括街工梁耀忠、朱凱廸、民主黨許智峯、尹兆堅及林卓廷。
　
資料來源多自立法會網站及網上新聞。

#泛民 #去留 #立法會 credit:黃文萱 Facebook