#手足投稿 #你還記得嗎
故事純屬虛構
#理大 #理大圍城 #毋忘 #黎明行動 #黑警 #催淚彈

【記憶的抗爭】 by Gear噏

-- 記憶嘅責任 --
哲學家Avishai Margalit提出厚關係則會衍生出倫理責任，因為我哋有共同經歷同感受，所以我哋有倫理責任去記住關於呢段關係嘅大事件，例如香港人要記住7.21、8.31、中大保衛戰、理大圍城等等。

-- 你有責任記住嗎？ --
記憶嘅責任係視乎你想唔想建立某種 #厚關係。如果你選擇做一個港豬，背棄香港人呢個身份，你大可以忘記呢啲重要日子同人物。

-- 要點樣記住？ --
共享記憶係記憶嘅交流，唔需要好多人親身經歷過，但要當事人互相分享呢段記憶，將事件嘅全貌呈現。

-- 淨係記住就夠？ --
淨係記住係唔夠，我哋仲要透過記念活動、歷史存檔、教育下一代，將過去香港發生嘅事由共同記憶昇華成共享記憶。

-- 記憶共同體 --
喺過去一年，手足齊上齊落、同喜同悲，共同嘅經歷孕育出偉大嘅香港共同體。政權想盡辦法要摧毀我哋，記憶嘅抗爭就係守護共同體嘅抗爭。為咗難以忘懷嘅苦難、犧牲嘅手足、未竟嘅光復之路，希望香港人堅守住呢份記憶嘅責任，直至最後一人。

#中大 #中大保衛戰 #二號橋 #二橋之役 #理大 #理大圍城 #毋忘 #黎明行動 #毋忘 #不能忘