#轉載
黃絲獨女舉家移民英國，藍絲老父：臨老無人養，無人收屍，好陰功！

Nancy get lose 真係陸續有來。

前幾日深夜，客人 C 小姐 whatsapp call 我，話一家到左英國，同我報個平安。

C 小姐四十出頭，係一名教師，先生係醫護，有個仔，一家三口都係黃絲，有層樓，典型中產。

C 小姐母親已去世，父親係的士司機，做過裝修、酒樓、保安等藍領工作，係一個藍絲，覺得黃絲搞亂社會：「警察對付暴徒有咩問題？最好打死哂佢地！」「黃絲搞亂香港，累到好多人失業！」

C 小姐係家中獨女，出身基層，母親做兼職維生，父親係家中經濟支柱。小時候，父親爛賭，生活清貧。中學時，父親去左大陸工作，包埋二奶，另有家室。

過幾年，C 小姐讀大學，父親老來得子，為左二奶和兒子可以取得身份證，就同母親離婚。

C 小姐出來工作後，父親不時搵佢飲茶，當然係為左家用啦。每次見面時，父親就話：我養到你咁大，依家你孝順返我好應該呀！你搵多 d 錢，我先有面丫！

母親重病彌留之際，父親只係探左一次：因為果個大陸女人唔鍾意。

母親去世，父親都無去送，C 小姐眼泛淚光，話：個大陸女人到我媽死左，都要霸住老豆，送一程都唔俾……阿媽跟左佢幾十年，到死連少少尊重都無！

父親反對 C 小姐同先生來往，仲成日話：阿女，揀老公梗係揀差佬啦！又搵到錢，又有宿舍住，又有面，無人敢恰我地！有個差佬女婿，我威好多架！

C 小姐無理父親，同做醫護既先生結婚生子，靠自己努力，過中產生活。

至於父親，佢位大陸老婆拎左身份證就同佢離婚，阿仔都跟阿媽再嫁。呢幾年，父親自己一個住單人公屋，揸的士維生。

呢兩年，父親成日向 C 小姐訓話：「你同你個「黑醫護」老公唔好搞事，有咩事我唔會幫你地！」「好心你地醒下啦！俾人利用左都唔知！」

C 小姐搵我批八字後，決定舉家移民英國，仲一直暪住父親。上機前，C 小姐打電話俾父親，父親先知呢件事。

父親聲都震埋：阿女，老豆年紀大啦……你可唔可以……唔好走呀？

C 小姐冷笑一聲：對唔住，我要為我個仔着想。

父親喊住話：我……臨老無人養……我死左之後點呀？無人幫我收屍……好陰功架！

C 小姐：放心啦，老豆。依家香港無哂你口中既「暴徒」同「垃圾」，好左好多架啦！你有事咪報警囉，警察會幫你。

父親：我養到你咁大，你點可以……

C 小姐：喂喂……我上機啦，拜拜！

呢幾日，打哂兩針科興既父親 whatsapp 打過好多次俾 C 小姐，C 小姐都無理，直到依家。

講到呢度，C 小姐語帶哽咽：我終於可以離開呢個藍絲老豆啦！由佢拋棄我同阿媽，同個大陸女人一齊，佢就預左有今日。

C 小姐補多句：依家我呢個黃絲女走左，唔使篤眼篤鼻，佢開心都黎唔切啦！

我：依家你老豆「求仁得仁」，你應該係英國同佢用 zoom 開香檳慶祝呀！

藍絲們，唔好怕。反正黃絲去英國做「二等公民」者，對香港無乜影響。香港有你地建設就夠啦，係咪？

文章重溫：
藍絲表哥被黃金阿仔 block whatsapp，痛苦怒吼：我做錯 d 咩？點解要咁對我！
https://m.facebook.com/story.php?story_fbid=10157755191516987&id=724396986

#黃絲 #藍絲 #英國 #BNO #LOTR #機場
#致一直在堅持的人 #良知 #香港人
#八字 #命理 #批命 #算命 #風水 #改名 #流年 #姻緣 #財運 #事業 #移民 #夾八字 #轉運 #擇日 #占卦
#黃店 #黃色經濟圈 #馮老師風水命理服務 #怪壇 #HKIG