Source: SocREC 社會紀錄頻道

已經有好多人inbox問呢題點做，大家可以唔使再inbox住，我地會解答下。

圖中有一名男子(黃色遮面)被另一名戴頭盔嘅人士扯左落地再箍頸。例子嘅背景、雙方身分一概不評論，只從物理角度分析，因為下一次可以係任何身分嘅壞人對你咁做，所以大家點都要識。

答：

當一個人訓低左，而有外力壓住上半身時，係無辦法就咁企返起身。當無辦法正面對抗阻力個陣，呢個時候要考慮向唔同嘅方向發力。

例如好似以上case咁，對腳向逆時針方向行，或者向後行係有機會解除到控制(手要同時拉或者推手肘之類)，或者至少可以將個人面向返地下，同時壓喺敵人上面，咁樣要走會簡單好多。

好似捉棋咁，一步唔會成功，但可以先行對自己有利嘅一步先。

另外有人提議捉手指，呢個都係拆從後被捉住嘅百搭方法之一。

後記：好多時如果進入地戰狀態，大家都唔係好習慣。當然最好報班學下mma/巴西柔術，但如果無錢/時間的話，都可以自己練下啲地戰基本功，了解一下人訓低或者趴低時可以點樣移動身體：

拱橋、彈蝦動作解說
https://t.me/hk_self_defense/44
各種單人練習
https://t.me/hk_self_defense/81
熱身動作(初階)
https://t.me/hk_self_defense/173
熱身動作(進階)
https://t.me/hk_self_defense/174

另外就係核心肌肉同下肢力量都係要重點咁訓練，因為好多地戰動作都需要核心肌肉同下肢嘅爆發力。

<Bridge Turns>

<Side Control>

<Scarf Hold>

呢2個考試會考架，遲啲再解。

<Side Control Escape 1>
1. 拱橋製造空間，讓手擠進自己與敵人頸至心口中間的空位
2. 做Shrimp動作，單邊膝頭頂住敵人的腰，手同時推住敵人肩部，防止敵人靠近
3. 進一步將雙腿移向敵人，此時可以改為踢開敵人

<Side Control Escape 2>
1. 拱橋製造空間，一隻手攝到敵人腋下，同時轉動身體至趴低的狀態
2. 捉住敵人腰、腳，以敵人為重心順/逆時針爬行，直至搶佔到上位

<Side Control Escape 3>
1. 拱橋製造空間發力
2. 拱橋後與敵人下墜時，順勢推敵人的上臂向敵人頭部的方向
3. 手繼續推敵人上臂，同時往自己頭部方向爬出

Side Control 逃脫簡介

Side control係一種控制位置，施壓者喺被壓者嘅側邊，以上半身壓住被壓者嘅心口，令佢無法逃脫。

教學片：
https://t.me/hk_self_defense/45

Gif：
https://t.me/hk_self_defense/444
https://t.me/hk_self_defense/445
https://t.me/hk_self_defense/446

教學片頭3個方法嘅順序同Gif嘅順序一樣，第4個方法因為少見同較難上手，所以唔特別教。各方法的中文解說可以睇Gif下面段文字。

如果大家細心少少，就會留意到方法1同方法3係向兩個唔同嘅方向逃脫。呢2個方法可以交替使用，如果敵人同你鬥力，就改用順住佢發力個方向嘅招。例如用方法1個陣，敵人向你施加壓力嘅話，就順便送佢一程改用方法3。

放喺實戰應用上，其實大家唔需要等敵人完全壓住心口先開始逃脫。當敵人已經喺側面，準備壓落黎個時，大家可以先將手放喺心口前(預備可以推開敵人嘅動作)，等佢無咁易做到心口壓心口，如果可行嘅話用埋膝頭擋住敵人。

#地戰 #逃脫 #袈裟固
https://youtu.be/Zyz3YY00n14

袈裟固(Scarf Hold)係另一種壓制上半身嘅方法。短片介紹左5種逃脫方法，初學者揀其中2、3個黎練都好夠。

#Admin隨筆

Q：話說呢度有咁多教學片，同一個情況都有超過一種拆法，到時實戰應該點揀好？
A：如果係一啲比較難搞嘅情況，我會建議主力練其中一種拆法，要練到唔使諗即刻用到，另外再加一至兩個後備方案。

至於揀邊一種主要拆法，就視乎你自己覺得邊種用落最順手最易記，因為每一個人嘅身體質素、領悟力同喜好都唔同，同一種招式對唔同人黎講都會有唔同嘅體會。

另外再加一至兩個後備方法，係因為你嘅主要拆法有機會因為環境問題或者對手預測到而唔work (例如前面有牆就做唔到前滾)，所以要即刻轉招。

有咩問題想問都可以隨便問：
@hk_self_defense_bot

各位同學，臨近學生會選舉，小心校園惡霸！

重溫一下拳腳攻防技巧：
https://t.me/hk_self_defense/253

基本逃脫技巧：
<捉手>
https://t.me/hk_self_defense/251
<捉衫、捉頭髮>
https://t.me/hk_self_defense/127
<熊抱>
https://t.me/hk_self_defense/129
<鎖頸>
https://t.me/hk_self_defense/160

#admin投稿

近日有好多新嘅同學仔加入，可能大家見到咁長嘅教學目錄(無計，呢度嘅教學內容係咁豐富😁)，會覺得無從入手，唔知由邊度開始睇同練。

容我簡介一下，呢度嘅教學主要分為3類：
1. 反擒拿/逃脫
2. 拳腳攻防
3. 武器應對

先講逃脫篇，動作難度同目錄次序大致相同，愈落就愈難。Admin認為可以由上而下咁去學習，如果本身識嘅就skip左佢，直到見到唔識嘅，由個度開始練。

如果你係完全新手，可以先由捉手嘅拆法開始練起，個方法係相對易上手，女仔都容易做到。

學完捉手拆法，之後再順次序學捉衫、捉頭髮、熊抱、鎖頸...最後先學地戰逃脫。(如果有涉及摔嘅動作，請先同partner掌握好拍蓆/受身:
https://t.me/hk_self_defense/206)

至於另外嘅拳腳攻防同武器應對，你地可以當係獨立嘅單元，可以同逃脫篇同時學。拳腳方面，先學好站姿同步法，之後再學防拳、防腳。之後會再加入更多訓練方法。

可以搵個fd試下
叫佢有咁大力得咁大力咁捉住你

捉手(另一邊)
其實原理同捉同一邊一樣，都係向手指公指向嘅方向走，因為個grip係最弱。

如果想諗埋後續，其實另一隻手可以一邊攻擊對方或者捉返人地捉你嘅手，被捉嘅手同時做擺脫。

捉雙手
原理相同，左右手同時做或者做完一邊再做另一邊。

捉雙手
原理相同，左右手同時做或者做完一邊再做另一邊。

雙手捉單手
用另一隻free hand輔助，拉返隻手出黎。

快啲搵個fd試下啦😉