【三年前今日，香港人半夜起身撲口罩】
李家超拒絕成立獨立調查委員會檢討過去三年疫情應對，回想三年前香港人四圍撲口罩，政府正實施蒙面法，小編寫下呢段「 雷霆881 在晴朗的一天出發 」烽烟，立場新聞影大家半夜排口罩相。此情此景，不要忘記。
1. 有個衛生署護士踢爆政府醫護用緊的口罩是2016及2017年批次，但懲教署每天製造新口罩，意味政府囤積了幾年的貨量，「口罩有效期為五年，政府不去統計自己的口罩存貨，不用來派發給市民應急，靠屈臣氏啲小商店來救濟。」
2. 有個做代購生意的男人話，最近不斷上網從外國訂購口罩，試過在一個南韓網站落完單過埋數，對方傳來一個訊息，話香港實施蒙面法不准口罩入境，將佢的訂單取消，「佢哋可能到報關時先受阻撓，唔知係咪香港海關玩嘢。」
3. 有個患有小兒麻痺症的女人在食環署做外判看更，但政府大樓也不向看更派發口罩，之前日日返工冇得買口罩，終於放假可以去屈臣氏排隊，「但我排唔到咁耐，雙腳企得耐會痛，排完又未必有，好多老人家都要咁排先慘。」
4. 有個醫生話以前政府門診不要求使用手術口罩，到肺炎肆虐又冇指引要提高口罩標準，有同事驚到自備全副武裝返工，怕自己放工傳染屋企人。「政府覺得我哋醫人係天職，道德挾持我哋，要求我哋服務香港人又服務大陸人。」
5. 有個女人琴日在阿布泰國生活百貨排了五個鐘得個吉，今朝去黃大仙屈臣氏排口罩，五點去到已有90人排隊，「政府搞到我哋為咗一個口罩咁卑微，咁凍一早排隊冇病都變有病，呢個政府垃圾都不如，林鄭真是最毒婦人心。」
6. 有個女人要求晴朗不要再訪問陳肇始，「我聽佢講嘢嬲到想打爆收音機，如果佢一早封關，點會有咁多確診個案，如果最後有香港人感染，佢哋墊屍底都冇用，醫護罷工一定全城響應，街上幾咁斯文的人講起呢個政府都會爆粗。」
https://facebook.com/support.hkmedia.propaganda/posts/pfbid02n7z3Prbqg8nLpLY7gcaiDKvZX3ZtH2ZQofC6JWsQV9hqGP3mkZGTyZPuqjErn3UYl
李家超拒絕成立獨立調查委員會檢討過去三年疫情應對，回想三年前香港人四圍撲口罩，政府正實施蒙面法，小編寫下呢段「 雷霆881 在晴朗的一天出發 」烽烟，立場新聞影大家半夜排口罩相。此情此景，不要忘記。
1. 有個衛生署護士踢爆政府醫護用緊的口罩是2016及2017年批次，但懲教署每天製造新口罩，意味政府囤積了幾年的貨量，「口罩有效期為五年，政府不去統計自己的口罩存貨，不用來派發給市民應急，靠屈臣氏啲小商店來救濟。」
2. 有個做代購生意的男人話，最近不斷上網從外國訂購口罩，試過在一個南韓網站落完單過埋數，對方傳來一個訊息，話香港實施蒙面法不准口罩入境，將佢的訂單取消，「佢哋可能到報關時先受阻撓，唔知係咪香港海關玩嘢。」
3. 有個患有小兒麻痺症的女人在食環署做外判看更，但政府大樓也不向看更派發口罩，之前日日返工冇得買口罩，終於放假可以去屈臣氏排隊，「但我排唔到咁耐，雙腳企得耐會痛，排完又未必有，好多老人家都要咁排先慘。」
4. 有個醫生話以前政府門診不要求使用手術口罩，到肺炎肆虐又冇指引要提高口罩標準，有同事驚到自備全副武裝返工，怕自己放工傳染屋企人。「政府覺得我哋醫人係天職，道德挾持我哋，要求我哋服務香港人又服務大陸人。」
5. 有個女人琴日在阿布泰國生活百貨排了五個鐘得個吉，今朝去黃大仙屈臣氏排口罩，五點去到已有90人排隊，「政府搞到我哋為咗一個口罩咁卑微，咁凍一早排隊冇病都變有病，呢個政府垃圾都不如，林鄭真是最毒婦人心。」
6. 有個女人要求晴朗不要再訪問陳肇始，「我聽佢講嘢嬲到想打爆收音機，如果佢一早封關，點會有咁多確診個案，如果最後有香港人感染，佢哋墊屍底都冇用，醫護罷工一定全城響應，街上幾咁斯文的人講起呢個政府都會爆粗。」
https://facebook.com/support.hkmedia.propaganda/posts/pfbid02n7z3Prbqg8nLpLY7gcaiDKvZX3ZtH2ZQofC6JWsQV9hqGP3mkZGTyZPuqjErn3UYl
【覺今是而昨非】 #20230131
星島：
#專訪譚耀宗話當年在城市論壇譴責六四鎮壓，因為透過香港媒體了解北京狀況而資訊不全面，佢唔介意網民每年六四重提但未必有參考價值。由於呢個係從政生涯專訪，星島同一角度蹺手唔蹺手、戴唔戴口罩都影張相曬冷。
#移英港人擔心英國修訂《#公共秩序法案》#威脅他們示威權利，從英國移居香港40年的江樂士諷刺移英港人「跳出了煎鍋卻又跌入火坑」。
文匯報：
#全世界報道八間大學離職率 達7.4%，文匯報話因為退休、約滿同轉工而不提移民，再寫入職率有9.4%，標題為「#港八大學人才流動提速」。
#劉德華隨《#流浪地球2》#去廣州路演，佢粉絲話戲中最感動係鏡頭掃到了零件細節上的Made in China，呢個睇戲角度令小編搲晒頭。
大公報：
#國泰新CEO話要重建國泰，包括在蛇口碼頭設國泰貴賓室讓內地旅客經香港出國，財務後勤工作交由廣州中心處理，同可能聘請大灣區機組人員。
東方：
#A1寫264億簡約公屋住幾年就拆如燒錢做實驗，社評寫政府要立法會加快撥款方法是「用孩子的成長來作情緒勒索」。
#黃定光話新田購物城執笠是他做立法會時最大遺憾，只怪驅蝗行動和踢喼呀令邊境購物城嚴重虧損要關閉。
https://facebook.com/support.hkmedia.propaganda/posts/pfbid031w3JGRajGUbLbp2oNo2PJfc2w4YLdtK2W4AnAq1zdR2JJEVbSSCjCSob31cgWN6Dl
星島：
#專訪譚耀宗話當年在城市論壇譴責六四鎮壓，因為透過香港媒體了解北京狀況而資訊不全面，佢唔介意網民每年六四重提但未必有參考價值。由於呢個係從政生涯專訪，星島同一角度蹺手唔蹺手、戴唔戴口罩都影張相曬冷。
#移英港人擔心英國修訂《#公共秩序法案》#威脅他們示威權利，從英國移居香港40年的江樂士諷刺移英港人「跳出了煎鍋卻又跌入火坑」。
文匯報：
#全世界報道八間大學離職率 達7.4%，文匯報話因為退休、約滿同轉工而不提移民，再寫入職率有9.4%，標題為「#港八大學人才流動提速」。
#劉德華隨《#流浪地球2》#去廣州路演，佢粉絲話戲中最感動係鏡頭掃到了零件細節上的Made in China，呢個睇戲角度令小編搲晒頭。
大公報：
#國泰新CEO話要重建國泰，包括在蛇口碼頭設國泰貴賓室讓內地旅客經香港出國，財務後勤工作交由廣州中心處理，同可能聘請大灣區機組人員。
東方：
#A1寫264億簡約公屋住幾年就拆如燒錢做實驗，社評寫政府要立法會加快撥款方法是「用孩子的成長來作情緒勒索」。
#黃定光話新田購物城執笠是他做立法會時最大遺憾，只怪驅蝗行動和踢喼呀令邊境購物城嚴重虧損要關閉。
https://facebook.com/support.hkmedia.propaganda/posts/pfbid031w3JGRajGUbLbp2oNo2PJfc2w4YLdtK2W4AnAq1zdR2JJEVbSSCjCSob31cgWN6Dl
今日施永青在AM730專欄寫了篇〈動如脫兔是甚麼意思〉。
佢話脫兔趁有自由時，明知處境不妙又大勢已去，自然迅速脫逃，仲話呢種特色值得香港人學習，因為國際環境變化，香港處境越來越危殆，呢個時候要謀定後動，先會令主人措手不及。
小編見特區而家又大刀會又搶人才有啲措手不及，想問施生呢篇文是暗示移民潮嗎？😅
https://facebook.com/support.hkmedia.propaganda/posts/pfbid02hM8uRKzG6ib4ko6g6czsNLvhPSyBuq116Jf2oV4AWs7pJCiwmynwfH4iktuLQVNMl
佢話脫兔趁有自由時，明知處境不妙又大勢已去，自然迅速脫逃，仲話呢種特色值得香港人學習，因為國際環境變化，香港處境越來越危殆，呢個時候要謀定後動，先會令主人措手不及。
小編見特區而家又大刀會又搶人才有啲措手不及，想問施生呢篇文是暗示移民潮嗎？😅
https://facebook.com/support.hkmedia.propaganda/posts/pfbid02hM8uRKzG6ib4ko6g6czsNLvhPSyBuq116Jf2oV4AWs7pJCiwmynwfH4iktuLQVNMl
67歲旁聽師因為在法庭拍手同嗌「呢個係法庭嚟咩」，今日被判發表煽動文字罪成判監3個月。
但楊明一而再醉駕兼拒絕吹波波，只坐18日。
https://facebook.com/support.hkmedia.propaganda/posts/pfbid0iMtkqawAzV8hiyXBVCC1CvNMMp8gLNGiV8GxhJ1h4vPJMa1iyJWJZhdzyWMrcVfgl
但楊明一而再醉駕兼拒絕吹波波，只坐18日。
https://facebook.com/support.hkmedia.propaganda/posts/pfbid0iMtkqawAzV8hiyXBVCC1CvNMMp8gLNGiV8GxhJ1h4vPJMa1iyJWJZhdzyWMrcVfgl
今日黨媒冇乜新聞，最精彩係星島報道李家超話好快全面通關，星島幫佢諗到條題叫「防疫限制快清零」。
清唔到零就動態清零。
病毒清唔到零就防疫限制清零。
你今日清唔到零遲早都會清到零。
#20230201
https://facebook.com/support.hkmedia.propaganda/posts/pfbid02KoSqRSCJc2nTqPBjYNfv1RggPPKaRy4oW9LFQe3DnpmgrgfXALso1W3DeFc2Au9nl
清唔到零就動態清零。
病毒清唔到零就防疫限制清零。
你今日清唔到零遲早都會清到零。
#20230201
https://facebook.com/support.hkmedia.propaganda/posts/pfbid02KoSqRSCJc2nTqPBjYNfv1RggPPKaRy4oW9LFQe3DnpmgrgfXALso1W3DeFc2Au9nl
【史上最短遊行路線 未行已難產】
楊永杰議員今朝在881晴朗話會申請遊行反對響啟德起簡約公屋，點知傍晚已撤回申請，齊來重溫佢今朝有幾熱血。
主持：點解唔坐低同局長傾，就已公佈要遊行集會抗議？
楊：我覺得要表達我哋嘅聲音，遲啲都會約局長傾，如果局長冇清晰答案，居民唔可以唔發聲。
主持：你申請集會還是遊行？
楊：集會加遊行，遊行路線係由啟德站行去世運道商場，一個較簡單路線。
主持：一條直路咋喎（小編目測不過100米），你哋係居民，自己落樓下行去商場都要申請咩？
楊：要㗎要㗎，所有集會都要申請不反對通知書，否則會變非法集會。
主持：居民點同你講？
楊：九個屋苑將會商討一系列行動，我應佢哋要求辦遊行集會。
主持：遊行有乜作用？
楊：希望表達居民聲音，居民要有渠道表達聲音。
主持：你期望警方會批准嗎？
楊：所有限聚令都幾乎解除，我有信心會批畀我哋。
主持：要召集商界去遊行集會嗎？
楊：我哋歡迎所有人參與，但我係應業委會同居民要求去辦遊行。
https://facebook.com/100066673983883/posts/pfbid028YNQFUt2xJjyH5ycdMVNfte1GyyFjJXXvehfemMpks7ZiwuNHNekv8Ee441dNPxVl/
楊永杰議員今朝在881晴朗話會申請遊行反對響啟德起簡約公屋，點知傍晚已撤回申請，齊來重溫佢今朝有幾熱血。
主持：點解唔坐低同局長傾，就已公佈要遊行集會抗議？
楊：我覺得要表達我哋嘅聲音，遲啲都會約局長傾，如果局長冇清晰答案，居民唔可以唔發聲。
主持：你申請集會還是遊行？
楊：集會加遊行，遊行路線係由啟德站行去世運道商場，一個較簡單路線。
主持：一條直路咋喎（小編目測不過100米），你哋係居民，自己落樓下行去商場都要申請咩？
楊：要㗎要㗎，所有集會都要申請不反對通知書，否則會變非法集會。
主持：居民點同你講？
楊：九個屋苑將會商討一系列行動，我應佢哋要求辦遊行集會。
主持：遊行有乜作用？
楊：希望表達居民聲音，居民要有渠道表達聲音。
主持：你期望警方會批准嗎？
楊：所有限聚令都幾乎解除，我有信心會批畀我哋。
主持：要召集商界去遊行集會嗎？
楊：我哋歡迎所有人參與，但我係應業委會同居民要求去辦遊行。
https://facebook.com/100066673983883/posts/pfbid028YNQFUt2xJjyH5ycdMVNfte1GyyFjJXXvehfemMpks7ZiwuNHNekv8Ee441dNPxVl/
【移英港人去盧旺達】 #20230202
文匯報：
#全版寫移英港人悲歌，包括示威收緊、收入減少同不敢煲湯，#社評話英國可以將港人當難民送去盧旺達，又話港人子女雖可讀公立中學，卻要負擔高昂大學學費，唔知以為在香港讀大學唔駛錢。
大公報：
#屈穎妍專欄寫每20分鐘就有騙案發生，#令佢聯想佔中同黑暴都是高學歷人士墮入政治騙案，證明這個社會病得不輕，明明大陸海關騙案騙得最多係居港內地生囉。
星島：
正當文匯同大公社評都寫港人移英悲歌，#星島地產版報道倫敦新盤 One Clapham Junction SW11在香港發售，面積462呎售463萬港幣，仲話係中產專業人士聚居地。
東方：
#警方話對東網嘲笑警員強烈不滿，#東方回應報道如實反映社會現象，理大學者陳偉強話警員用公帑，如今不勝任及力有不䢖，還要畏懼真相，本專頁希望東方同陳偉強不要畏懼強權，繼續直諫令香港由亂入治。
https://www.facebook.com/100066673983883/posts/pfbid0w63a5tU5XF3fzCRYrUdqh7HEAD57HjCUXUU4f2xiD4XBsqxsjiK8qyS12dnDkGY5l/
文匯報：
#全版寫移英港人悲歌，包括示威收緊、收入減少同不敢煲湯，#社評話英國可以將港人當難民送去盧旺達，又話港人子女雖可讀公立中學，卻要負擔高昂大學學費，唔知以為在香港讀大學唔駛錢。
大公報：
#屈穎妍專欄寫每20分鐘就有騙案發生，#令佢聯想佔中同黑暴都是高學歷人士墮入政治騙案，證明這個社會病得不輕，明明大陸海關騙案騙得最多係居港內地生囉。
星島：
正當文匯同大公社評都寫港人移英悲歌，#星島地產版報道倫敦新盤 One Clapham Junction SW11在香港發售，面積462呎售463萬港幣，仲話係中產專業人士聚居地。
東方：
#警方話對東網嘲笑警員強烈不滿，#東方回應報道如實反映社會現象，理大學者陳偉強話警員用公帑，如今不勝任及力有不䢖，還要畏懼真相，本專頁希望東方同陳偉強不要畏懼強權，繼續直諫令香港由亂入治。
https://www.facebook.com/100066673983883/posts/pfbid0w63a5tU5XF3fzCRYrUdqh7HEAD57HjCUXUU4f2xiD4XBsqxsjiK8qyS12dnDkGY5l/
【話遊行又唔遊行 楊永杰烽烟解畫】
為反對興建啟德簡約公屋而申請史上最短遊行路線嘅楊永杰議員，今朝在881晴朗講述點解半日後就取消遊行申請。
主持：你收到咩訊息所以取消？
楊：房屋局局長約禮拜日同我哋當區三位區議員交換意見，佢好有心，中國情人節都抽空見我哋。
主持：你琴日話局長會同你一同視察替代選址，去邊度視察？
楊：未有細節，要等局長安排。
主持：咁你又話局長會同你去視察？
楊：我哋反映希望去現場視察，但要睇局長決定。
主持：即所有嘢未落實，就放棄申請遊行？
楊：我哋覺得局長咁善意提出見面⋯⋯
主持： 局長剛話啟德選址不會變，而選址係發展局覓地，唔關房屋局事，所以唔會落去視察。
楊：（停頓兩秒）OK，就算佢唔落去都冇所謂，我哋可以攞展板落去，畀佢知我哋想要咩位置。
主持：居民對你哋放棄申請係咪收貨？（編按：楊永杰昨日話佢係應居民要搞遊行）
楊：居民有自己選擇，我哋團隊有自己策略。
主持：你哋而家經放棄咗，居民有乜反應？
楊：我哋唔係放棄，見完局長後會再商討下一步行動。
主持：如果見完唔滿意，就再入紙申請遊行呀？
楊：我哋會商討下一步行動。
https://www.facebook.com/100066673983883/posts/pfbid02ungvUpoRWmQSJA7TcKZpgbBDxRQz7CykGv87q4GoR2SpGWBRtttSJJS3kLkXn3Y1l/
為反對興建啟德簡約公屋而申請史上最短遊行路線嘅楊永杰議員，今朝在881晴朗講述點解半日後就取消遊行申請。
主持：你收到咩訊息所以取消？
楊：房屋局局長約禮拜日同我哋當區三位區議員交換意見，佢好有心，中國情人節都抽空見我哋。
主持：你琴日話局長會同你一同視察替代選址，去邊度視察？
楊：未有細節，要等局長安排。
主持：咁你又話局長會同你去視察？
楊：我哋反映希望去現場視察，但要睇局長決定。
主持：即所有嘢未落實，就放棄申請遊行？
楊：我哋覺得局長咁善意提出見面⋯⋯
主持： 局長剛話啟德選址不會變，而選址係發展局覓地，唔關房屋局事，所以唔會落去視察。
楊：（停頓兩秒）OK，就算佢唔落去都冇所謂，我哋可以攞展板落去，畀佢知我哋想要咩位置。
主持：居民對你哋放棄申請係咪收貨？（編按：楊永杰昨日話佢係應居民要搞遊行）
楊：居民有自己選擇，我哋團隊有自己策略。
主持：你哋而家經放棄咗，居民有乜反應？
楊：我哋唔係放棄，見完局長後會再商討下一步行動。
主持：如果見完唔滿意，就再入紙申請遊行呀？
楊：我哋會商討下一步行動。
https://www.facebook.com/100066673983883/posts/pfbid02ungvUpoRWmQSJA7TcKZpgbBDxRQz7CykGv87q4GoR2SpGWBRtttSJJS3kLkXn3Y1l/
【1’04”片段 李家超大頭佔過半】
為咗搶企業、搶人才再搶旅客，特首在「你好，香港！」粉墨登場，佢在片中用100%力度講完英文，再以200%力度講普通話，全片1分04秒，佢大頭佔咗33.5秒。
呢股莫名嘅自信令小編五體投地，佢真心相信憑自己副尊容會誘惑到人同佢講哈囉。
https://www.facebook.com/100066673983883/posts/pfbid0w6vGak9NnaWssySk7aVKPjo67T2QNLnDC7RahBbr5sk1wUdm1Lxab5cNoDsJ3wqQl/
為咗搶企業、搶人才再搶旅客，特首在「你好，香港！」粉墨登場，佢在片中用100%力度講完英文，再以200%力度講普通話，全片1分04秒，佢大頭佔咗33.5秒。
呢股莫名嘅自信令小編五體投地，佢真心相信憑自己副尊容會誘惑到人同佢講哈囉。
https://www.facebook.com/100066673983883/posts/pfbid0w6vGak9NnaWssySk7aVKPjo67T2QNLnDC7RahBbr5sk1wUdm1Lxab5cNoDsJ3wqQl/
〈Hello，Hong Kong〉除特首尊容大特寫外，亦有由郭富城、陳慧琳同鄭秀文合拍嘅明星版，片中郭富城響中環石板街出現，陳慧琳響茶餐廳上菜，仲有鄭秀文響山頂跑過。
小編越睇越唔對路，全條片冇人戴口罩，萬一旅客來港有樣學樣就犯口罩令，到時位位罰五千，一邊送機票畀人，一邊焗人進貢我哋庫房，呢條橋幾好。
https://www.facebook.com/100066673983883/posts/pfbid0FZWMgiiD2bNaeXE4417Qa3ABx3RzP8SeXF521gK3W3wdVdaqWPbYLPuwofXtwqKZl/
小編越睇越唔對路，全條片冇人戴口罩，萬一旅客來港有樣學樣就犯口罩令，到時位位罰五千，一邊送機票畀人，一邊焗人進貢我哋庫房，呢條橋幾好。
https://www.facebook.com/100066673983883/posts/pfbid0FZWMgiiD2bNaeXE4417Qa3ABx3RzP8SeXF521gK3W3wdVdaqWPbYLPuwofXtwqKZl/
小編每日摘錄黨媒至今三年，今日睇東方真係睇到好激動！
事緣東網視頻前幾日評論警隊表現，換來警方致函鬧東方偏頗，東方今日以「警察不思己過 屈傳媒偏頗」為標題，紀錄警隊近年一堆知法犯法醜聞，包括：
偷影裙底、同網友開房再偷竊、迫兒子睇色情片自瀆、偷竊襲擊、醉駕炒車、光顧賭檔、男警提供性服務等等，又重提2019年東方女記者在銅鑼灣被警察小老母。有啲小編本來唔記得，好彩東方提返我咋！
東方訪問新舊議員，齊齊向警方插一刀，包括葛珮帆話有人質疑警員訓練不足，王國興撐東方講事實，話：「無論有沒有《蘋果日報》，正義公義就如此。」社評寫：「連從來都是幫親不幫理的香港記者協會也罕有為《東網》發聲。」
社評痛斥警方誰大誰惡誰正確，碰不得、罵不得、責不得，話人必自侮而後人侮之，「警方不反躬自省反怪罪傳媒，有可能贏得市民尊重嗎？」
東方可能預咗大限已到，在社評問：「難道反中亂港的《蘋果日報》被掃入墳墓後，警方連愛國愛港的東方也要滅聲？」
大家一齊為東方集氣，撐佢頂住惡勢力！
https://facebook.com/support.hkmedia.propaganda/posts/pfbid0cxMP7S1XAG5tf8xgPQKahmoSZfHGoqiSApvq4WtEi4Mpasio9w7gJa9GtFtPkJckl
事緣東網視頻前幾日評論警隊表現，換來警方致函鬧東方偏頗，東方今日以「警察不思己過 屈傳媒偏頗」為標題，紀錄警隊近年一堆知法犯法醜聞，包括：
偷影裙底、同網友開房再偷竊、迫兒子睇色情片自瀆、偷竊襲擊、醉駕炒車、光顧賭檔、男警提供性服務等等，又重提2019年東方女記者在銅鑼灣被警察小老母。有啲小編本來唔記得，好彩東方提返我咋！
東方訪問新舊議員，齊齊向警方插一刀，包括葛珮帆話有人質疑警員訓練不足，王國興撐東方講事實，話：「無論有沒有《蘋果日報》，正義公義就如此。」社評寫：「連從來都是幫親不幫理的香港記者協會也罕有為《東網》發聲。」
社評痛斥警方誰大誰惡誰正確，碰不得、罵不得、責不得，話人必自侮而後人侮之，「警方不反躬自省反怪罪傳媒，有可能贏得市民尊重嗎？」
東方可能預咗大限已到，在社評問：「難道反中亂港的《蘋果日報》被掃入墳墓後，警方連愛國愛港的東方也要滅聲？」
大家一齊為東方集氣，撐佢頂住惡勢力！
https://facebook.com/support.hkmedia.propaganda/posts/pfbid0cxMP7S1XAG5tf8xgPQKahmoSZfHGoqiSApvq4WtEi4Mpasio9w7gJa9GtFtPkJckl
工聯會口號創作比賽，令小編重拾小學回憶🤭
冠軍（$5000）：心繫職工、關注社群，工聯精神
亞軍（$3000）：凝心聚力、開創未來
季軍（$1000）：助勞工、撐行業、護權益、建和諧
https://facebook.com/support.hkmedia.propaganda/posts/pfbid0qrmauYr97pEtXDhV4vzXC9pUJ9CVMiZD2c5fBHn5gWBts4hwBpD7gSYjB1HxHG86l
冠軍（$5000）：心繫職工、關注社群，工聯精神
亞軍（$3000）：凝心聚力、開創未來
季軍（$1000）：助勞工、撐行業、護權益、建和諧
https://facebook.com/support.hkmedia.propaganda/posts/pfbid0qrmauYr97pEtXDhV4vzXC9pUJ9CVMiZD2c5fBHn5gWBts4hwBpD7gSYjB1HxHG86l
【支持東方抗惡勢力】 #20230204
東方：
#報道詳述東方曾捐款給殉職水警及讚揚兩代一哥，#結果換來警方致函施壓還將副本抄送其他部門是製造寒蟬效應，結論係「本報仁義廣施，愛國愛港，伐無道，卻遭如此不公平對待⋯⋯不如歸去深山靜聽松子落好過！」
文匯報：
民建聯執委李家良成立的香港圖書關注組揭發《#去過北韓50次你問我答》#抹黑內地，書中話去過大陸旅行就唔會唔慣北韓冇坐廁，連寫「大灣區商機係銀河系之最」諷刺都屬播毒。文匯報向康文署查詢後，康文署半個鐘即落架。
大公報：
#屈穎妍專欄支持啟德簡約公屋，話2019年黑暴撬爛的路磚可鋪200個大球場、拆掉的60公里欄杆長過港珠澳大橋，#用260億建簡約公屋有意義過修理理大。
#大公報與港鐵搞新春派禮，換領處大排長龍，徐先生話由小學一直讀大公報，劉伯伯話由五元一份時就開始看，讚報道中肯。
星島：
#山頂超級豪宅 Mount Nicholson四房大宅以3.9億 #易手，原業主持貨4年勁蝕1.4億，貶值26%，蝕讓金額夠買14伙太古城2房則王單位，為近年最矚目蝕讓個案，生意好呀！
#鄭若驊 離職後以自僱形式擔任大律師、#聶德權 在中大任榮譽教授，前經商局政治助理 #馮海容 任李寶椿聯合世界書院（香港）董事。
https://www.facebook.com/100066673983883/posts/pfbid037iD4hphfU7FS9vAztz9cR4u6mNdSftk94pxJLRCQNZdFUmJ4LDLg3gr9EzgcyZjel/
東方：
#報道詳述東方曾捐款給殉職水警及讚揚兩代一哥，#結果換來警方致函施壓還將副本抄送其他部門是製造寒蟬效應，結論係「本報仁義廣施，愛國愛港，伐無道，卻遭如此不公平對待⋯⋯不如歸去深山靜聽松子落好過！」
文匯報：
民建聯執委李家良成立的香港圖書關注組揭發《#去過北韓50次你問我答》#抹黑內地，書中話去過大陸旅行就唔會唔慣北韓冇坐廁，連寫「大灣區商機係銀河系之最」諷刺都屬播毒。文匯報向康文署查詢後，康文署半個鐘即落架。
大公報：
#屈穎妍專欄支持啟德簡約公屋，話2019年黑暴撬爛的路磚可鋪200個大球場、拆掉的60公里欄杆長過港珠澳大橋，#用260億建簡約公屋有意義過修理理大。
#大公報與港鐵搞新春派禮，換領處大排長龍，徐先生話由小學一直讀大公報，劉伯伯話由五元一份時就開始看，讚報道中肯。
星島：
#山頂超級豪宅 Mount Nicholson四房大宅以3.9億 #易手，原業主持貨4年勁蝕1.4億，貶值26%，蝕讓金額夠買14伙太古城2房則王單位，為近年最矚目蝕讓個案，生意好呀！
#鄭若驊 離職後以自僱形式擔任大律師、#聶德權 在中大任榮譽教授，前經商局政治助理 #馮海容 任李寶椿聯合世界書院（香港）董事。
https://www.facebook.com/100066673983883/posts/pfbid037iD4hphfU7FS9vAztz9cR4u6mNdSftk94pxJLRCQNZdFUmJ4LDLg3gr9EzgcyZjel/
【東方疑似投降】 #20230205
東方：
小編揭晒成份東方，#再搵唔到一篇文講警隊，令人擔心仁義東方就咁低頭，你要挺起胸膛對抗惡勢力呀！
文匯報：
#無線播《#香港飯局》，由曾鈺成、程介南、石禮謙做主持，第一集同馬時亨及民建聯區議員幾個人食飯講時事。
大公報：
#李家超在社交網站話家中桃花長出幾個果實，他會繼續抱着「以結果為目標」的理念，帶領香港結出更多好果子。
星島：
小紅書流傳明日開始為內地人辦理即時港澳通行證，星島頭條為 #滬深自由行大軍壓境。
#入境處昨日開通官方微博，處長區嘉宏第一則帖文話入境處肩負維護國家安全責任同要為國家守好南大門。
https://facebook.com/support.hkmedia.propaganda/posts/pfbid02RuchbdMpfcKttGn5xznwW2U9W981gsyVy2iEH7u5a8g9CTYwTrwGPnFtsLouPyvrl
東方：
小編揭晒成份東方，#再搵唔到一篇文講警隊，令人擔心仁義東方就咁低頭，你要挺起胸膛對抗惡勢力呀！
文匯報：
#無線播《#香港飯局》，由曾鈺成、程介南、石禮謙做主持，第一集同馬時亨及民建聯區議員幾個人食飯講時事。
大公報：
#李家超在社交網站話家中桃花長出幾個果實，他會繼續抱着「以結果為目標」的理念，帶領香港結出更多好果子。
星島：
小紅書流傳明日開始為內地人辦理即時港澳通行證，星島頭條為 #滬深自由行大軍壓境。
#入境處昨日開通官方微博，處長區嘉宏第一則帖文話入境處肩負維護國家安全責任同要為國家守好南大門。
https://facebook.com/support.hkmedia.propaganda/posts/pfbid02RuchbdMpfcKttGn5xznwW2U9W981gsyVy2iEH7u5a8g9CTYwTrwGPnFtsLouPyvrl
2022年6月，有三次交通定罪案底的玻璃朱再撞傷菲律賓男子，認罪後被判200小時社會服務令同罰款停牌。
辯方求情指朱庭萱朱庭萱願意參與戒酒服務。
小編相信呢杯係蘋果汁，同埋你響中日交惡時去日本，因為好似汽球咁有不可抗力誤入日本領土。🤗
https://facebook.com/support.hkmedia.propaganda/posts/pfbid028a1YAhQA5M75ywpn6tAnXSVGVo7a7ebJZhm3Qo3vua7TWGQNuAHXHFTuS3hRtunyl
辯方求情指朱庭萱朱庭萱願意參與戒酒服務。
小編相信呢杯係蘋果汁，同埋你響中日交惡時去日本，因為好似汽球咁有不可抗力誤入日本領土。🤗
https://facebook.com/support.hkmedia.propaganda/posts/pfbid028a1YAhQA5M75ywpn6tAnXSVGVo7a7ebJZhm3Qo3vua7TWGQNuAHXHFTuS3hRtunyl
【張婉婷在881晴朗向阿聆及李慧詩道歉】
主持：對事件發展有甚麼睇法？
張：令到啲女仔咁困擾，我要在這方面道歉。我都有少少愕然，我哋識咗十年以為好friend，佢哋想接廣告，我有幫佢哋搵；佢哋想租地方做聯校活動，我幫佢哋搵免費場地，我以為咁多年我哋有聯繫，但顯然要做多啲。
主持：你頭先講嘅有冇包括阿聆？
張：有 。
主持：幾時知佢不想公映？
張：我同啲女仔講公開放映時，所有當事人在場，有個女仔話不想拍走了，繼續留響度的，我理解為佢哋贊成發行。
主持：聆期間有冇表達唔想？
張：佢睇完校內放映話唔想公開放映，之後八個月大家研討，佢覺得可以包場或做電影節，但對公開放映有保留，唔想有咁多公眾。其實我唔係好理解，包場都有好多觀眾，呢樣嘢我想而家同佢傾。
主持：六個女仔只有聆後來冇簽同意書，點解最終公開放映？
張：包場的反應好好，我哋覺得可以再進一步，2011年的同意書也包埋戲院公映，我們的感恩大會，佢父母和細佬也出席，便以為佢已解開心結。
主持：如果佢取態不變，會否唔上畫或剪走聆部分？
張：（大笑）我剪咗三年，真係好攞命，未諗，要同學校同發行公司研究。
主持：想跟聆說甚麼？
張：我對佢受的困擾，我非常唔好意思，我對佢唔住。我希望十年積累的情，佢仲會記得，我對佢的困擾，我好唔好意思。阿聆，你開心返啲啦，我哋而家唔做啦。
主持：坊間話電影裏安排拍廣告？
張：我幫一個大牌子拍廣告，阿佘能歌善舞，我請佢做特約演員，佢可以賺錢又可以帶男朋友，幾好㗎，拍咗兩日，賺咗啲錢，唔係做出來㗎，係真㗎。
主持：李慧詩呢？
張：當日同佢領隊講在拍學校紀錄片，片中有個女仔正參加青少年組比賽，就想李慧詩分享點平衡比賽同讀書，因為女仔阿媽好大矛盾。李慧詩唔知情，我想同佢道歉。
主持：好多人攻擊你，有乜感受？
張：我係導演，大家要攻擊應該都係攻擊我，我盡量安靜面對，睇自己有乜改進。
主持：你情緒有冇受困擾？
張：我不講自己情緒，這問題不在我身上，在受困擾的女仔身上。
主持：李校長呢？
張：我哋今日會見面或通話，我同學校是一個團隊，在這件事上會互相幫助。
https://facebook.com/support.hkmedia.propaganda/posts/pfbid075qx3FTEs8PjARgbB6Q3xFh1S4si22gBtLFSq585RSFm9iBVqP7kfv3rWVLxbvv6l
主持：對事件發展有甚麼睇法？
張：令到啲女仔咁困擾，我要在這方面道歉。我都有少少愕然，我哋識咗十年以為好friend，佢哋想接廣告，我有幫佢哋搵；佢哋想租地方做聯校活動，我幫佢哋搵免費場地，我以為咁多年我哋有聯繫，但顯然要做多啲。
主持：你頭先講嘅有冇包括阿聆？
張：有 。
主持：幾時知佢不想公映？
張：我同啲女仔講公開放映時，所有當事人在場，有個女仔話不想拍走了，繼續留響度的，我理解為佢哋贊成發行。
主持：聆期間有冇表達唔想？
張：佢睇完校內放映話唔想公開放映，之後八個月大家研討，佢覺得可以包場或做電影節，但對公開放映有保留，唔想有咁多公眾。其實我唔係好理解，包場都有好多觀眾，呢樣嘢我想而家同佢傾。
主持：六個女仔只有聆後來冇簽同意書，點解最終公開放映？
張：包場的反應好好，我哋覺得可以再進一步，2011年的同意書也包埋戲院公映，我們的感恩大會，佢父母和細佬也出席，便以為佢已解開心結。
主持：如果佢取態不變，會否唔上畫或剪走聆部分？
張：（大笑）我剪咗三年，真係好攞命，未諗，要同學校同發行公司研究。
主持：想跟聆說甚麼？
張：我對佢受的困擾，我非常唔好意思，我對佢唔住。我希望十年積累的情，佢仲會記得，我對佢的困擾，我好唔好意思。阿聆，你開心返啲啦，我哋而家唔做啦。
主持：坊間話電影裏安排拍廣告？
張：我幫一個大牌子拍廣告，阿佘能歌善舞，我請佢做特約演員，佢可以賺錢又可以帶男朋友，幾好㗎，拍咗兩日，賺咗啲錢，唔係做出來㗎，係真㗎。
主持：李慧詩呢？
張：當日同佢領隊講在拍學校紀錄片，片中有個女仔正參加青少年組比賽，就想李慧詩分享點平衡比賽同讀書，因為女仔阿媽好大矛盾。李慧詩唔知情，我想同佢道歉。
主持：好多人攻擊你，有乜感受？
張：我係導演，大家要攻擊應該都係攻擊我，我盡量安靜面對，睇自己有乜改進。
主持：你情緒有冇受困擾？
張：我不講自己情緒，這問題不在我身上，在受困擾的女仔身上。
主持：李校長呢？
張：我哋今日會見面或通話，我同學校是一個團隊，在這件事上會互相幫助。
https://facebook.com/support.hkmedia.propaganda/posts/pfbid075qx3FTEs8PjARgbB6Q3xFh1S4si22gBtLFSq585RSFm9iBVqP7kfv3rWVLxbvv6l
【九唔搭八法庭報道】 #20230206
文匯報：
#前日有人因在西九裁判法院拍照及拍片而以藐視法庭罪拘捕，文匯標題同第一段九唔搭八提47人案開審前夕，刻意將兩件事扯埋一齊，但過去法庭偷影案被捕的好多內地人囉。
東方：
#東方傳媒民意調查 訪問402名市民，53%受訪者直指 #不如加快興建傳統公屋；32%斥浪費時間金錢，同警隊對陣皮已收。
陳國基領導「#共創明Teen」計劃為一個中學生做師友配對，配對到的導師係民建聯顏汶羽，但學生明明想從事醫護而不想從政，顏汶羽叫政府改善下配對方法。
大公報：
#記者跟特首去沙特說好香港故事，半版副稿大讚佢幾馬不停蹄，結論係「#難怪隨團的港商都讚嘆特首實幹，今次零距離看到了良政善治新風貌！」
星島：
#楊永杰見完房屋局局長何永賢話氣氛良好，接受局方給予的退場時間表，但其他訴求未獲回應，計畫在立法會工務小組表決時棄權，明明之前誓神劈願投反對票。
https://facebook.com/support.hkmedia.propaganda/posts/pfbid0jfFX25BNSdHpPc6ZVucJKCiYTwAksHv2aoF9wkQz3bbPaSuPXPmiA87hXEijmzzfl
文匯報：
#前日有人因在西九裁判法院拍照及拍片而以藐視法庭罪拘捕，文匯標題同第一段九唔搭八提47人案開審前夕，刻意將兩件事扯埋一齊，但過去法庭偷影案被捕的好多內地人囉。
東方：
#東方傳媒民意調查 訪問402名市民，53%受訪者直指 #不如加快興建傳統公屋；32%斥浪費時間金錢，同警隊對陣皮已收。
陳國基領導「#共創明Teen」計劃為一個中學生做師友配對，配對到的導師係民建聯顏汶羽，但學生明明想從事醫護而不想從政，顏汶羽叫政府改善下配對方法。
大公報：
#記者跟特首去沙特說好香港故事，半版副稿大讚佢幾馬不停蹄，結論係「#難怪隨團的港商都讚嘆特首實幹，今次零距離看到了良政善治新風貌！」
星島：
#楊永杰見完房屋局局長何永賢話氣氛良好，接受局方給予的退場時間表，但其他訴求未獲回應，計畫在立法會工務小組表決時棄權，明明之前誓神劈願投反對票。
https://facebook.com/support.hkmedia.propaganda/posts/pfbid0jfFX25BNSdHpPc6ZVucJKCiYTwAksHv2aoF9wkQz3bbPaSuPXPmiA87hXEijmzzfl
黨媒幾個月來不斷報道英國收緊示威法例，仲引述江樂士話移英港人跌入火坑，唔知以為香港好大示威自由。
結果今日小編經過啟德，見到一條反對在區內興建簡約公屋嘅橫額靜靜雞借雪糕筒樹立地上，拉都拉唔直。
繼當區立法會議員楊永杰呢頭申請史上最短程遊行又即日取消申請後，連當區業主都唔敢當眾維護自己權益。
小編就唔會嘲笑呢班業主，畢竟2019年區議會選舉，鄰近世運道嘅「啟德中及南選區」選區，46.5%已投票選民係投畀民主派。
本專頁祝福所有仍勇敢發聲嘅人。
https://www.facebook.com/100066673983883/posts/pfbid0SapooK8Nu5WZUEUC7RYXBZ1mcF4cdV5VjaJU71gqum5jkreZEass1cXxWfBDdPNal/
結果今日小編經過啟德，見到一條反對在區內興建簡約公屋嘅橫額靜靜雞借雪糕筒樹立地上，拉都拉唔直。
繼當區立法會議員楊永杰呢頭申請史上最短程遊行又即日取消申請後，連當區業主都唔敢當眾維護自己權益。
小編就唔會嘲笑呢班業主，畢竟2019年區議會選舉，鄰近世運道嘅「啟德中及南選區」選區，46.5%已投票選民係投畀民主派。
本專頁祝福所有仍勇敢發聲嘅人。
https://www.facebook.com/100066673983883/posts/pfbid0SapooK8Nu5WZUEUC7RYXBZ1mcF4cdV5VjaJU71gqum5jkreZEass1cXxWfBDdPNal/