Orzular haqida

“Vino ichib ko‘rdingmi, yoqdimi?” — deb so‘radi bir gruzin. “Men ichmayman”, dedim. “E qo‘y, bilaman, hamma o‘zbeklar ichadi-ku”, dedi u ishonmay. “Yo‘q, ishonaver, men boshqacharoq o‘zbekman”, deb jilmaydim.

Shu zaylda boshlangan suhbatimiz hayotdan qanday qilib toʻgʻri lazzat olish mumkinligi haqida davom etdi. Eshitib turib, u mendan: “stressli vaziyatlarda nima qilasan?” deb so‘radi. “Orzularim haqida o‘ylayman, ulardan kuch va motivatsiya olaman”, dedim.

Chindan ham, inson o‘z orzularini amalga oshirish uchun yashasa, uning umr yoqilg‘isi ham o‘sha orzular bo‘ladi. Qanaqadir alkogol yoki tutun emas. Hozir men ham shu gaplarni yozayotib, ko‘chadagi o‘rindiqda o‘tiribman, ikki koʻzim rasmdagi manashu oppoq uyga qadalgan. Shunaqa uyim bo‘lishini butun umr orzu qilganman, qilyapman.

Qachondir ushalishiga esa shunchaki ishonaman va shundan kuch olib yashayman. Hayot shu, umr shu.

@hisperspective

Hamma startapchi bo‘lib ketyapti

So‘nggi vaqtlarda Vatanimizda ajib tendensiya rivojlanib boryapti. Ya’ni trendda nima bo‘lsa hammamiz shuni qilamiz.

Deylik, SMM’dan dars berish, SMM xizmatlarini ko‘rsatish trendga chiqdi hamma shu ishni qildi bilsa-bilmasa. Ingliz tilidan onlayn darslar o‘tish trendga chiqdi yana shu gap hamma shu ishni qildi bilsa-bilmasa. Treyderlar erasi boshlandi yana doimgidek hamma shu ishni qildi bilsa-bilmasa.

Navbat startaplarga keldi mana. Hozir hamma shu ishni qilyapti, bilsa-bilmasa. O‘zbek startap dunyosida MVP’gacha o‘ylanadi shu sabab ham. Hamma "CEO" lar hayolida MVP’ni qilish, venchurlardan soqqani olish va surish.

Nega bunaqa deyapman? Chunki ko‘plab startaplarda ortiqcha pafos bor. Hali bozorga tuzuk-quruq moslanmagan MVP bo‘lsa-da, “uch yil ichida MDH bozorini egallaymiz”, degan gaplarni eshitib hayron qolasan.

Albatta, bunday narsalar sohaga jiddiy yondashayotgan mutaxassislarning ensasini qotiradi. “Qo‘ying, o‘ynayversinlar” deyish mumkin, biroq bu jarayon umumiy ekotizimning obro‘siga va sifatiga sezilarli ta’sir qilayotganini ko‘rib, dil og‘riydi.

@hisperspective

ChatGPT biram dastyorda shu

Avvallari elektron pochtamga keladigan xabarlarni doim ham ochib o‘qishga vaqt topa olmas edim. Shu sabab ko‘plab muhim narsalarni ko‘zdan qochirib yuborardim.

Masalan, juda qimmatli domen nomimni uzaytirish haqida kelgan bildirishnomalarni ko‘rmay qolganim bois, domenimni boshqa birov olib qo‘ygan edi.

Ko‘p izlanib, oxir-oqibat yechimni topdim: ChatGPT’ni shunchaki har 12 soatda, kuniga 2 marta elektron pochtamni tekshirib, muhim xabarlarni alohida belgilashga va umumiy xabarlardan qisqa xulosa chiqarishga sozlab qo‘ydim.

Hozircha natija juda yaxshi tizim muntazam har 12 soatda tekshiryapti. Eng muhimi, o‘ta shaxsiy xabarlarni ochmaydi, bu esa xavfsizlik nuqtai nazaridan juda qulay.

Foydalanib koʻring.

@hisperspective

Formula 1 filmi haqida

Bugun ushbu filmni tomosha qilib tugatdim. Ko‘plab taqrizlarda filmni Formula 1 poygasining mohiyatini ochib bergan ajoyib asar sifatida ta’riflashgan ekan.

Ammo menimcha, bu film ko‘proq insonning hayotida oxirigacha yechilmay qolgan “geshtaltlari” haqida hikoya qiladi. Balki men shunday his qildim, tagʻin bilmadim.

Ayniqsa shu sahna meni oʻylantirib qoʻydi. Film yoqdi.

@hisperspective

Yil oxirigacha 5 ta

“Been” degan dastur bor. Dasturda visit qilgan davlatlaringizni belgilab borasiz. Tipa checklist.

Menda hozircha shunaqa rasmdagidek ekan. Koʻngil yil soʻngiga qadar dasturda 5 ta davlat belgisini koʻrmoqchi.

Reja ham tayyor, dekabr boshida Istanbul/Anqara, yangi yil oldi esa Parij deb turibman.

Ishqilib niyat bor, vaqt va sharoit mos kelsa bas endi.

@hisperspective

Marketing va PR mutaxassislari Oʻzbekistonda qancha maosh olishadi?

Haqiqatga yaqinroq statistika ekan, CMOʼlar odatda bu yerda koʻrsatilgandan 1.5x koʻp topishadi.

Manba

@hisperspective

Meta Ai faoliyati yoʻlga qoʻyildi

Uzoq kechikishlar-la boʻlsa-da Meta kompaniyasi nihoyat oʻz Ai ni taqdim etdi.

Bu Ai ham xuddi akalari GPT va Geminidek chatda suhbatlashadi, rasm hamda video tayyorlab bera oladi.

Havola: meta.ai

@hisperspective