HGT eksklyuziv huquqga ega emas-ku, hamma dasturchilar paynet yoki Hududgaztaʼminotdan api olsa boʻladi

Bu yerda HGT faqat oqilona strategiya tanlagan: u to‘lov tizimi bozoridan emas, kommunal to‘lovlarga ixtisoslashgan segmentdan o‘rin egalladi. Shu sababli o‘z auditoriyasiga aniq qulaylik taklif qilyapti. Va buning uchun 5000 so‘m to‘lash hech nima emas oʻzi, chunki odamlar Telegram Premium uchun ham bundan ko‘proq to‘lashadi. Qolaversa, premium obuna olinganda to‘lovlarda 0,2% dan 2% gacha keshbek berilib, obuna narxi qisman yoki to‘liq qoplanishini ham inobatga olsak premium obuna foydalanuvchi uchun kerakli narsa aslida.

Lekin, Alisher akaning hissiyotlarga boy holda javob berishini yoqlab boʻlmaydi. Nu bir tarafdan tushunish mumkin. Katta jamoa, katta xarajat va sani nooʻrin ayblavorilsa tegadi-da.

Nima ham deymiz startaplar rivojlansin, yashasin, tushunmovchiliklar tezda barham topsin.

@hisperspective

DeepSeek va boshqa sunʼiy intellektlar muvaffaqiyatidan soʻng ChatGPTʼda “qizil kod” eʼlon qilinibdi

Bu haqda Financial Times va bir qancha xorijiy nashrlar kechadan beri yozyapti. Sam Altman xodimlariga yuborgan korporativ maktubida: “ChatGPT uchun hal qiluvchi palladamiz,” deya ta’kidlagan ekan.

Bunga asosiy sabab sifatida raqobatchilarning oʻz sunʼiy intellekt modellariga mlrdlab dollar mablagʻ yoʻnaltirishi hamda bu orqali yuqori natijalarga erishayotgani koʻrsatilmoqda. OpenAi da esa hozircha vaziyat rasvo. Kompaniya mavjudligidan to ayni damgacha zarar bilan ishlamoqda.

Yaʼni OpenAiʼda raqobatchilari Google, Meta, Amazon kabi moliyaviy barqarorlik mavjud emas. Bu esa ulardan ortda qolib ketishiga asosiy sabablardan biri boʻlmoqda.

Maʼlumot uchun so‘nggi baholashda OpenAi qiymati 500 mlrd dollarga yetgan (o‘tgan yil 157 mlrd edi).

Ishqilib sunʼiy intellekt bozorida kelgusi 2-3 oy juda hal qiluvchi palla boʻlsa kerak, kim yashab qolsa oʻsha oxirigacha bozorda hukmron boʻladi. Kuch-qudrat jihatidan bu tahminan Gemini boʻlsa ajab emas.

@hisperspective

Telegram akkauntga kirish uchun passkeydan foydalanish imkoniyati qo‘shilmoqda

Quvonarlisi, bu funksiyani Google, Apple, Samsung va boshqa qurilmalarning parol menejerlari qo‘llab-quvvatlaydi.

“Passkey nima o‘zi?” degan savol sizda tugʻilgan boʻlsa, passkey bu parolsiz kirish texnologiyasi, ya’ni akkauntga kirish uchun an’anaviy SMS-kod emas, balki Face ID, barmoq izi yoki qurilma paroli kifoya bo‘ladi.

Oddiy aytganda, endi Telegram akkauntga kirish uchun shaxsni Face ID, barmoq izi yoki qurilmaning o‘z paroli orqali tasdiqlash kifoya bo‘ladi.

Bu funksional hozirda mavjud akkauntga kirish muammolarini bartaraf etishi mumkin. Hozir masalan akkaunt qaysidir devaysda aktiv boʻlsa boshqa bir devaysga uni ulash biroz muammo. Biroz emas oʻta muammo.

@hisperspective

Tokbor oʻzining raqobatchisini sotib olibdi

Kompaniyaning rasmiy bayonotida BEON aksiyalarining nazorat paketini sotib olish bo‘yicha bitim 2025-yil sentyabr oyida yakunlanganini ma’lum qilgan. iHamkor maʼlumotlariga koʻra, Tokbor BEONning 95% ulushiga egalik qiladi.

E’tiborga molik jihati shundaki, BEON bozordagi elektrostansiyalar marketpleysi bo‘lib, uning ichida Tokbor ham, boshqa raqobatchilar ham faoliyat yuritadi.

Shunday ekan, BEON’ning sotib olinishi ortidan Tokbor barcha raqobatchilarini qora tuynukdek yutib yuborishga eng katta qadamni tashladi deb hisoblasak boʻladi.

@hisperspective

YouTube 2025-yil trendlari boʻyicha yillik hisobot chiqaribdi

Hisobotga koʻra, Amerikada eng mashhur trek Bruno Mars, Lady Gaga - Die With A Smile, eng ommabop podkast The Joe Rogan
Experience, top kontent muallifi MrBeast boʻlibdi.

Batafsil ushbu havola orqali tanishish mumkin.

@hisperspective

Samarqandda qoʻy boqib yurgan bola “humanoid”larni boshqaradigan platforma yaratish uchun $2.5 mln sarmoya olgan

Rasmdagi yigit Sanjar Otamurodov. U hozir jahon robototexnikasi sohasidagi eng ambit­si­yali loyihalardan biri Humanola platformasini yaratmoqda.

Humanola — robotlarni masofadan boshqarish uchun mo‘ljallangan, fizik ma’lumotlarni yig‘ish, qayta ishlash va tahlil qilishga qaratilgan to‘liq infratuzilmali platforma. Uning yechimi robototexnika kompaniyalariga rivojlanishni tezlashtirish imkonini beradi.

Platforma haqida batafsil ma’lumotni quyidagi havola orqali o‘qishingiz mumkin.

Quvonarli tomoni shundaki, Sanjarning ushbu loyihasiga sarmoya kiritganlar orasida bir qator xalqaro venchur fondlari bilan birga o‘zbekistonlik texnotadbirkor, Express 24, MyTaxi va Workly loyihalari asoschisi Akmal Payziyev ham borligi aytilmoqda.

@hisperspective

Yandex Go Toshkent ichida dori vositalarini tez yetkazib berish xizmatini ishga tushiribdi

Aytishlaricha endilikda ilovaning do‘konlar (shops) bo‘limida dori mahsulotlarini buyurtma qilish mumkin. Hozircha OXYmed va Savii tarmoqlaridagi dorilarni tanlash, xaridni uyga buyurtma qilish imkoni mavjud.

Insayderlarga koʻra, yetkazib berishning o‘rtacha vaqti mahallaga qarab 25 daqiqadan boshlanar ekan.

@hisperspective

Afrosiyob poyezdiga bilet olganda ovqat tanlash va buyurtma berish imkoniyati qo‘shilibdi

Tez yurar poyezdga eticket.railway.uz saytidan chipta xarid qilish vaqtida, joyni tanlagandan so‘ng pastki qismdagi ovqat tanlash menyusini belgilab davom etish tugmasi bosilganda, ilova qilgan rasmimdagidek oyna ochiladi.

Ushbu oynadan taomni tanlab, oldindan buyurtma berib qo‘yish mumkin. Foydalanib ko‘ring,

@hisperspective

Oʻzbekistondagi eng yaxshi ish beruvchilar aniqlanibdi

Eng yaxshi ish beruvchilar — Uzum, Click, Payme, TBC Bank, Yandex Uzbekistan, EPAM, Alif, Anorbank, Hamkorbank ekan.

Aytishlaricha, bu kompaniyalarda kuchli korporativ madaniyat, ochiq kommunikatsiya, qulay mehnat sharoitlari va professional rivojlanish imkoniyatlari hamda yuqori maosh mavjud emish.

Taʼkidlash joizki bu kompaniyalarning aksarida tanishlarim ishlashadi va rostdan ham bu eʼtirofga loyiq deb oʻylayman (*imho).

Hammasiku mayli, menga qiziq tuyulgan jihati kompaniyalarning barchasi fintek va axborot texnologiyalari yoʻnalishida. Ishlab chiqarish yoki qurilish sohasidagi gigant kompaniyalar yoʻq.

Tadqiqotni ECOPSY Consulting kompaniyasi oʻtkazibdi.

@hisperspective

Cloudflare yana quladi va buning natijasida bir qancha saytlarga kirishda muammo yuzaga kelmoqda

Jumladan, Linkedin, Cloudflarening rasmiy sayti va tarmoqlar qulagani haqida maʼlumot berib turuvchi downdetector saytiga ham kirmayapti.

@hisperspective

TBC Uzbekistan Oasis Creditga 24 mlrd soʻmlik sarmoya kiritibdi

Oasis Credit har qanday maqsad uchun 1 kunda garovsiz kreditlar ajratadigan mikromoliya tashkiloti hisoblanadi.

TBC Uzbekistan avvalroq, Payme, BillZ, Olx kompaniyalarini xarid qilgan edi.

Bu ketishda oʻzbek moliya bozori toʻlaqonli gruzin birodarlarimiz qoʻl ostiga oʻtib ketadi chogʻi. Mayli, yaxshilikka boʻlsin.

P/s: sarmoya deb oldim lekin, maʼlum shartlar asosida berilgan kredit bu.

@hisperspective

Kelgusi yil 1-yanvardan kriptovalyutalarda to‘lov qilish mumkin bo‘lar ekan

Bu haqda davlat rahbarining tegishli qarori imzolanibdi.

Unga ko‘ra, 2026-yil 1-yanvardan boshlab stablecoinlar (Bitcoin, Ether va.b) bilan to‘lovlarni tartibga solishga qaratilgan maxsus “tartibga solish qumdoni” rejimi joriy etiladi.

Ushbu rejim doirasida yangi to‘lov tizimlari sinov tariqasida yo‘lga qo‘yiladi.

Shuningdek, 2026-yil 1-yanvardan boshlab O‘zbekiston rezidenti bo‘lgan yuridik shaxslarga tokenlashtirilgan aksiyalar va obligatsiyalarni chiqarishga ruxsat beriladi.

Soddaroq qilib aytganda, 1-yanvardan boshlab moliyaviy to‘lov operatsiyalarida kripto-aktivlardan foydalanish jarayonlariga bosqichma-bosqich o‘tish boshlanadi.

Foto: Illustrativ.

@hisperspective

Faraz qiling, 1-yanvar, osh markaziga bordingiz, choyxona palovni yedingiz, girgittondan hisobni berishini so‘radingiz va kassaga borib bitcoinda to‘lov qildingiz, ajoyib-a?)

Foto: Illustrativ.

@hisperspective

Ijtimoiy himoya agentligi “Baraka” kartasi haqida

“Baraka” — ijtimoiy nafaqalarni olish va boshqarish uchun mo‘ljallangan rasmiy karta hamda mobil ilova hisoblanadi. Kartalar “Aloqabank” va “Xalq bank” tomonidan emissiya qilinib, Visa to‘lov tizimida ishlaydi.

Karta 15 toifadagi fuqarolarga bepul beriladi. Kartaning old tomonida rekvizitlar, orqa tomonida esa shaxs ma’lumotlari joylashtirilgan.

“Baraka” kartasi orqali quyidagi ijtimoiy to‘lovlar toʻlab beriladi.

BTW, karta yil boshida chiqarilgan ekan, men yaqinda ukam stipendiya olishni boshlaganida bildim. Qulay ekan.

@hisperspective

Humans nega bunaqa ogʻir ahvolga tushib qoldi?

2022-yilning 24-may sanasida Humans UPay toʻlov tizimini sotib oladi va oʻzining ekosistemasi tarkibiga qoʻshadi. Hamma balo shundan boshlanadi.

Markaziy bank 2024-yil oktabr oyida UPay to‘lov xizmati faoliyatini olti oyga chekladi. Insayderlarga koʻra, oʻshanda cheklovlarning asosiy sababi totalizatorlarga pul toʻldirish uchun UPay toʻlov tizimi apilaridan foydalanilganida boʻlgan.

Humans ilgari barcha toʻlov tizimlaridan balansga pul qabul qilar edi. UPay sotib olinishi ortidan esa ekosistemaga tashqaridan pul kirishi cheklanadi. UPay faoliyati toʻxtatilishi esa toʻgʻridan-toʻgʻri Humans aloqa operatori foydalanuvchilari oʻz hisoblarini toʻldirishda muammoga duch kelishiga olib keldi.

Qolaversa, kompaniya Humans visa kartalaridagi pullarni aynan UPay apilaridan foydalangan holda xalqaro oʻtkazma shaklida olib chiqgani ham Octobank tomonidan aytilmoqda va bankga koʻra ayni damda Humans visa kartalaridagi pullar shunchaki sonlar emish.

Gapni qisqa qilsa, 2 mlndan ortiq foydalanuvchiga ega aloqa operatori hozirgi vaqtda tahminan $60 mln qarz yukiga ega va buni toʻlay olmaydi.

Xulosa qilsak, Humans aloqa operatoriga tegishli raqamingizni mnp.uz orqali boshqa aloqa operatoriga olib oʻting. Humans appga ulangan kartalaringiz sms-xabarnomasini bir marotaba oʻchirib yoqing, shunaqa qilsangiz appda kartalar avtomatik yechilishi kerak.

Moddiy aktivlaringiz va asablaringizni sizniki boʻlmagan muammodan himoya qiling.

@hisperspective

Oʻzbekistonda Telegram Walletʼning rasmiy ochilish marosimi boʻlib oʻtibdi

Toshkent markazidagi JW Marriott mehmonxonasida boʻlib oʻtgan marosimda, Telegram Wallet maʼsullari ishtirok etib hamyonning imkoniyatlari haqida aytib berishibdi.

Ta’kidlash joizki, Telegram Wallet (@wallet) xizmatiga 2025-yil 21-iyul kuni TGHamyon MChJ bergan ariza asosida NAPP tomonidan litsenziya rasmiy ravishda taqdim etilgan va ushbu sanadan boshlab xizmat O‘zbekiston hududida qonuniy faoliyat boshlagan.

Amalda esa Telegram Wallet ishga tushirilgan ilk kunlardan boshlab O‘zbekiston hududida faoliyat yuritib kelgan. Xususan, Hamster Combat yoki unga o‘xshash o‘yinlarni o‘ynagan aksariyat foydalanuvchilar ushbu hamyonni hech bo‘lmaganda bir marta ishlatgan.

Xulosa qilsak, Telegram Wallet orqali kripto valyutalarni endilikda erkin oldi-berdi qilish mumkin. Avvalroq, Oʻzbekistonda 2026-yil 1-yanvardan kripto oʻtkazmalar va toʻlovlarga rasman ruhsat berilishi haqida yozgan edim.

Surat: Kapital nashri.

@hisperspective

Yandex O‘zbekiston Allplay videokontent platformasini sotib oldi

Bu haqda Yandex O‘zbekiston rahbari Izzat Shukurov ma’lum qildi.

Ushbu bitim bilan Yandex O‘zbekiston ikkinchi o‘zbek texnologik kompaniyasini xarid qilmoqda.

Bungacha kompaniya Express24 servisini sotib olib, uni o‘z ekotizimiga to‘liq integratsiya qilgan va shu bilan ovqat yetkazish bozoridagi yirik raqobatchisini yo‘q qilgan edi.

@hisperspective

Xarid summasi anʼanaga ko‘ra ochiqlanmayapti. Biroq, iHamkor ma’lumotlariga tayanadigan bo‘lsak, Allplay 2024-yil davomida 44 mlrd so‘mdan biroz ko‘proq daromad topgan. Shundan kompaniya daromadining qariyb uchdan bir qismi sof foyda bo‘lib, 13 mlrd 392 mln so‘mni tashkil etgan.

Xulosa sifatida aytish mumkinki, bozor metrikalari va moliyaviy ko‘rsatkichlardan kelib chiqib, kelishuv qiymati taxminan 5–10 mln dollar diapazonida bo‘lgan bo‘lishi mumkin. Albatta bu *imho.

@hisperspective

Yandex Go haydovchilari 15-dekabrda ish tashlashadi

Bir necha kun oldin instagram tarmogʻida Yandex Go ning rus haydovchisi xizmat komissiya foizlari oshgani hamda boriladigan masofaga nisbatan taksi narxlari keskin arzonlagani yuzasidan video joylagan.

U oʻz videosida Qozogʻiston, Qirgʻiziston, Oʻzbekiston va boshqa bir qancha davlatlar haydovchilariga murojaat yoʻllab 15-dekabr kuni bir kun ishga chiqmaslikni soʻragan.

Natijada uning bu murojaati virusdek tarqadi va oʻzbek segmentidagi haydovchilar ham unga qoʻshilib chorlov videolarini qilishni boshlashdi. Koʻramiz, kuzatamiz, nima boʻlar ekan.

@hisperspective