Hamma startapchi bo‘lib ketyapti

So‘nggi vaqtlarda Vatanimizda ajib tendensiya rivojlanib boryapti. Ya’ni trendda nima bo‘lsa hammamiz shuni qilamiz.

Deylik, SMM’dan dars berish, SMM xizmatlarini ko‘rsatish trendga chiqdi hamma shu ishni qildi bilsa-bilmasa. Ingliz tilidan onlayn darslar o‘tish trendga chiqdi yana shu gap hamma shu ishni qildi bilsa-bilmasa. Treyderlar erasi boshlandi yana doimgidek hamma shu ishni qildi bilsa-bilmasa.

Navbat startaplarga keldi mana. Hozir hamma shu ishni qilyapti, bilsa-bilmasa. O‘zbek startap dunyosida MVP’gacha o‘ylanadi shu sabab ham. Hamma "CEO" lar hayolida MVP’ni qilish, venchurlardan soqqani olish va surish.

Nega bunaqa deyapman? Chunki ko‘plab startaplarda ortiqcha pafos bor. Hali bozorga tuzuk-quruq moslanmagan MVP bo‘lsa-da, “uch yil ichida MDH bozorini egallaymiz”, degan gaplarni eshitib hayron qolasan.

Albatta, bunday narsalar sohaga jiddiy yondashayotgan mutaxassislarning ensasini qotiradi. “Qo‘ying, o‘ynayversinlar” deyish mumkin, biroq bu jarayon umumiy ekotizimning obro‘siga va sifatiga sezilarli ta’sir qilayotganini ko‘rib, dil og‘riydi.

@hisperspective

ChatGPT biram dastyorda shu

Avvallari elektron pochtamga keladigan xabarlarni doim ham ochib o‘qishga vaqt topa olmas edim. Shu sabab ko‘plab muhim narsalarni ko‘zdan qochirib yuborardim.

Masalan, juda qimmatli domen nomimni uzaytirish haqida kelgan bildirishnomalarni ko‘rmay qolganim bois, domenimni boshqa birov olib qo‘ygan edi.

Ko‘p izlanib, oxir-oqibat yechimni topdim: ChatGPT’ni shunchaki har 12 soatda, kuniga 2 marta elektron pochtamni tekshirib, muhim xabarlarni alohida belgilashga va umumiy xabarlardan qisqa xulosa chiqarishga sozlab qo‘ydim.

Hozircha natija juda yaxshi tizim muntazam har 12 soatda tekshiryapti. Eng muhimi, o‘ta shaxsiy xabarlarni ochmaydi, bu esa xavfsizlik nuqtai nazaridan juda qulay.

Foydalanib koʻring.

@hisperspective

Formula 1 filmi haqida

Bugun ushbu filmni tomosha qilib tugatdim. Ko‘plab taqrizlarda filmni Formula 1 poygasining mohiyatini ochib bergan ajoyib asar sifatida ta’riflashgan ekan.

Ammo menimcha, bu film ko‘proq insonning hayotida oxirigacha yechilmay qolgan “geshtaltlari” haqida hikoya qiladi. Balki men shunday his qildim, tagʻin bilmadim.

Ayniqsa shu sahna meni oʻylantirib qoʻydi. Film yoqdi.

@hisperspective

Yil oxirigacha 5 ta

“Been” degan dastur bor. Dasturda visit qilgan davlatlaringizni belgilab borasiz. Tipa checklist.

Menda hozircha shunaqa rasmdagidek ekan. Koʻngil yil soʻngiga qadar dasturda 5 ta davlat belgisini koʻrmoqchi.

Reja ham tayyor, dekabr boshida Istanbul/Anqara, yangi yil oldi esa Parij deb turibman.

Ishqilib niyat bor, vaqt va sharoit mos kelsa bas endi.

@hisperspective

Marketing va PR mutaxassislari Oʻzbekistonda qancha maosh olishadi?

Haqiqatga yaqinroq statistika ekan, CMOʼlar odatda bu yerda koʻrsatilgandan 1.5x koʻp topishadi.

Manba

@hisperspective

Meta Ai faoliyati yoʻlga qoʻyildi

Uzoq kechikishlar-la boʻlsa-da Meta kompaniyasi nihoyat oʻz Ai ni taqdim etdi.

Bu Ai ham xuddi akalari GPT va Geminidek chatda suhbatlashadi, rasm hamda video tayyorlab bera oladi.

Havola: meta.ai

@hisperspective

Yanglishmasam kelajakda ai tomonidan create qilingan kontentlar uchun alohida platforma boʻlsa kerak bu tarmoq, chunki, sahifada oʻzingiz yaratgan Ai video/rasmlarni ulashish mumkin ekan.

@hisperspective

Uber bosh direktori ta’kidlashicha, yaqin 20 yil ichida avtomobillar to‘liq avtonom boshqaruvga o‘tadi

Uning fikriga ko‘ra yaqin yillarda avtomobil boshqarish uchun olinadigan haydovchilik guvohnomasi zaruriyati yoʻqoladi.

Direktor bu jarayonni ot minishning bugungi kunda tarixiy va romantik an’ana sifatida qolgani bilan qiyoslab, avtomobil haydash ham vaqt o‘tishi bilan klassik, biroq kundalik ehtiyojdan holi ko‘nikmaga aylanib borishini aytgan.

Bunga sabab sifatida sunʼiy intellekt texnologiyalari rivojlanishini asos qilib keltirgan.

P/s: Haydovchilik guvohnomasini olish qiyin boʻlgan zamonlar haqida nabiralarimizga aytib beramiz chogʻi bu ketishda🥲.

@hisperspective

Sora endi android tizimida ham ishlaydi

Oldin ushbu sun’iy intellekt modeli faqat iOS foydalanuvchilari uchun mavjud edi. Endilikda esa android foydalanuvchilari ham uni mobil telefonlariga yuklab olishlari mumkin. Play marketdan yuklab olish uchun havola.

Bilmaganlar uchun Sora bu ChatGPT ichida qurilgan video va foto genaratsiya intellekti boʻlib OpenAi kompaniyasiga tegishli hisoblanadi.

Bu sunʼiy intellekt bilan reallikga yaqinroq videolarni ovozi bilan ishlash mumkin. Koʻrgan boʻlsangiz kerak qari bobo, buvilar zamonaviy maslahatlarni bergan videolarni shular masalan Google veoda qilingan Sora esa undan yaxshiroq talqinda generatsiya qila oladi.

@hisperspective

Apple endilikda Gemini sunʼiy intellektidan foydalanish uchun Googlega yiliga $1 mlrd toʻlashi kutilyapti

Bu haqda Bloomberg manbalariga tayanib xabar tarqatdi.

Aytilishicha, shartnoma Siri ovozli yordamchisini modernizatsiya qilish, unga kontekstni chuqurroq tushunish va murakkab savollarni qayta ishlash imkoniyatini berish uchun tuzilmoqda.

Bundan avval Apple OpenAi’ning ChatGPT modeli hamda Anthropic’ning Claude modelini ham sinovdan o‘tkazgan. Biroq test natijalari bo‘yicha kompaniya yakunda Gemini modelida to‘xtagan.

Ishqilib dunyo sunʼiy intellektlashib ketyapti, man boʻlsa obedga osh yeyishni oʻylayapman hozir)

@hisperspective

Lekin, iOSʼning ayni damdagi versiyasida ChatGPT bilan integratsiya turibdi, qizigʻi ChatGPT akkauntingizni ulab qoʻysangiz ham boʻladi.

Bunda Siri oʻzi yaxshi javob bera olmaydigan soʻrovlarga oshnasi, hamkasbi ChatGPTʼdan yordam soʻraydi. Qizigʻ-a, endi bu oshna Applening azaliy raqobatchisi Googlening sunʼiy intellekti boʻladi😁.

@hisperspective

Toʻqilgan 3D effektli rasm/videolarni qanday yasash mumkin?

Juda oddiy, hozir shuni oʻrganamiz.

Instagramda ilova qilganimdaqa video va shunga oʻxshash rasmlarni koʻrgan boʻlsangiz kerak. Bunaqa generativ rasm/videolar Seedream 4.0 sunʼiy intellekt bazasida ishlab chiqilmoqda.

Foydalanish juda ham oson seedream-4.com saytiga kirasiz, rasmni ilova qilgan holda quyidagi promptni berasiz:

Transform the input image into a highly detailed 3D embroidered artwork. The entire scene must look hand-stitched using colorful threads, yarn, and textile textures. Convert all objects into needle-felted miniature forms with layered embroidery. Replace all surfaces with thread patterns, soft wool textures, and stitched outlines. Use thick yarn for trees and foliage, satin-stitch texture for shiny surfaces, and dense needlework for ground and landscapes. Add subtle handcrafted imperfections characteristic of textile art. Maintain the original composition and shapes, but fully convert the visual style into a cozy, handcrafted embroidery diorama with macro-photography sharpness.

Maʼlumot oʻrnida free talqinda atigi 2 credit beradi va bunda 1 ta rasm generatsiya qilish mumkin. Sifatli va yaxshiroq kontent ishlash uchun minimalida $13.9ʼlik tarifni olishni maslahat beraman.

@hisperspective

O‘zi yozgan postga o‘zi layk bosish qanchalik to‘g‘ri?

2014-yildan buyun internetdan faol foydalansam doim shu savol meni qiynagan. Inson oʻzi post yozib, oʻzi birinchi layk bosishi umuman oʻzini fikrini oʻzi maʼqullashi qanchalik toʻgʻri? deb koʻp oʻylayman.

Bunaqa holatlarni asosan instagram, facebook, twitter yoki shunga oʻxshash boshqa tarmoqlarda uchrataman.

Biroz research qildim bu mavzuda. Maqolalarni oʻqidim. Oʻrganishlar shuni koʻrsatdiki odatda oʻziga nisbatan ishonchi past odamlarda bu holat kuzatilar ekan. Ular oʻzini fikrini oʻzi maʼqullab qaysidir maʼnoda oʻziga ishonch oladi.

Bu ham tarmoqlarning o‘ziga xos psixologiyasi, o‘zini namoyon qilish ehtiyoji. Soddaroq aytganda bu xuddi ilova qilgan rasmimdagi holatdek gap)

@hisperspective