بداية الدفتر

و كتابة القصائد بالوان متعدده لتمييز الانتقالات حين القرائة 👍👍


#استاذة_الدرس_خادمة_الزهراء_ام_كوثر

#اکادیمیة_مهدویات_الهوی_لتعلیم_الأطوار_الحسینية

https://t.me/academy_mahhdawyat_allhawa

طريقه رسم و الكتابه في الفهرس او القائمة


الي تساعدنا بمعرفة القصايد المكتوبة و النقص الموجود بالقصائد حتي نكتبها و ننقل القصائد الي نحتاجها للدفتر 🌹🌹

#استاذة_الدرس_خادمة_الزهراء_ام_كوثر

#اکادیمیة_مهدویات_الهوی_لتعلیم_الأطوار_الحسینية


https://t.me/academy_mahhdawyat_allhawa

 اليوم الثامن من شهر شوال

في مثل هذا اليوم من سنة 1344 هجرية قام الوهابيون بهدم قبور الأئمة المعصومين عليهم السلام في البقيع الغرقد

، و كذلك هدموا قبر حمزة سيد الشهداء عليه السَّلام و قبور شهداء أحُد

--------------
اليوم مهدومه البقيع أكبورها
أوينمنع كلمن يجيها أيزورها
---------------
ينمنع كلمن أجاها أوزارها
ثامن أبشوال من أخبارها
ماجت الدنيه أوخجل مقدارها
من نفذ حكم الوهابي أبنورها
----------------
من نفذ حكمه أوهدم بنيانها
فزعت آفات الرده أوغربانها
أتريد تنهش من لحم جثمانها
لوله رحمت ربك أومكدورها
-----------------
لوله رحمه خالق السبعه العلي
جان ذاك اليوم صاير ما يلي
حتى أبو القاسم محمد يبتلي
قبره والأصنام تاخذ دورها
-----------------
قبره والأصنام ترجع من جديد
تنعبد والدين يتهاوه أويبيد
يعني لا أسلام لا حجاج أكيد
عاشرن وجه البسيطه أوغورها
---------------
عاشرن وجه الجعل حيدر يقين
دمعه وحزان الطفل منها أوجنين
أيشيب راسه أويندعي ربه أبحنين
عجل أبطلعة أمام أدهورها
----------------
عجل أبطلعة أبن فارس مضر
خل يجرد صارمه أبوجه الخطر
صرنه ياربي بشر ياكل بشر
والضغينه أتمادت أبمنشورها
-----------------
الضغينه أتمادت أبكل ترجمه
أتكفر الماعنده نيه أمسممه
شيعة الغصبو فدك من فاطمه
سلط المهدي على منحورها
---------------
خادم أهل البيت
الشاعر : اسماعيل الجوراني




قصاید تجمع مهدویات الهوی
قناة لنشر القصايد الحسينيه
لخدمة المنبر الحسيني .
https://t.me/mahdawyaat_alhaawaa

قصيدة لذكرى 💔تهديم قبور البقيع الطاهرة💔

يهدموها البقيع شلون الاشرار
قبور مهدمة يا ويلي لأطهار
الحزن خيم علينة
عزينة نبينة
قبور مهدمة يا ويلي لأطهار
♠️♠️♠️♠️♠️♠️
من ذاك الزمن واضح حقدهم
همة بكل زمن همة نفسهم
موروث الحقد هذا نهجهم
ودار الزهرة من هاجم صنمهم
نفس الزمن ينعاد
جدد بيهم احقاد

ميكدرون ابد يمحوها الاثار 1
قبور مهدمة يا ويلي لأطهار
✍️#ام علي الحسني
♠️♠️♠️♠️♠️♠️

شهل الاحقاد ياويلي الدفينه
عالاطهار من عترة نبينه
بيا مله گبر ومهدمينه
لوالدهم علي هاي الضغينه
ثار ابدر وحنين
قائم بعده للحين

يستوفوه من شيعة الكرار
قبور مهدمه ياويلي الأطهار
✍️#ام محمد علي الشيباني 2

♠️♠️♠️♠️♠️♠️

نطب ارض البقيع تهل الدموع
ما ننسة الزجية وكسر الضلوع
يويلي بالحزن والگلب مفجوع
وظلم اهل الردة ابدن مو مشروع

گبر الحسن مولاي
هدمة يعمي عيناي
عجل بالفرج يا صاحب الثار
قبور مهدمة يا ويلي لأطهار
✍️#علوية ام فاضل 3

♠️♠️♠️♠️♠️♠️

گبرة للحسن يا راعي الجود
ويلي منهدم ماهوة موجود
احفاد السقيفة ردوا اردود
ولشوگة جرى دمعي علة الخدود
شبل العسكري نريد
يشيد القبر ويعيد

نتنطر يجينة وتشبح انظار
قبور مهدمة يا ويلي لأطهار 4
✍️#ام بتول
♠️♠️♠️♠️♠️♠️

اي حرمة لمحمد ما رعوها
قبور اهل النبي من هدموها
الترابة والرصايف هشموها
عدهم كربلا همة احسبوها

وحال المهدي شيگول
بدمع العين مذهول

باجر صارمة يشهرة بالأمصار
قبور مهدمة يا ويلي لأطهار 5
✍️#خادمة ابي الفضل
♠️♠️♠️♠️♠️♠️
رغم بغض النواصب والنذاله
تضل گبور أهل بيت الرساله
مهبط وحي أملاك الجلاله
وتراب الجنه ريحتها وجمالة 6
الهادم هاي الگبور
حرگ خيام عاشور

انتصار الحق على أحقاد الاشرار
قبور مهدمة يا ويلي لأطهار

✍️#رؤى السلامي
تمت بحمد الله باقلام 💜شاعرات مهدويات الهوى💜
💜💜💜💜

قصاید تجمع مهدویات الهوی
قناة لنشر القصايد الحسينيه
لخدمة المنبر الحسيني .
https://t.me/mahdawyaat_alhaawaa

قصيده بحق ائمة البقيع عليهم السلام

من البعد اهل البقيع انزورهم
حته لو جانت ترابه گبورهم
ظنهم ينسونه
وعنهم يمنعونه
من البعد اهل البقيع انزورهم
➖➖➖➖➖➖➖➖➖➖
اگبور هدمها ويظن ننساهم
وكل فريضه الواجبه بذكراهم
والصلاة ما. تقبل بلياهم
وعل أيدين زحوف نتعناهم
الذخر همه والسند
عدنه هذا المعتقد
الباري خله العرش سگف لدورهم
من البعد اهل البقيع نزورهم

✍ #ام محمد علي الشيباني
➖➖➖➖➖➖➖➖➖➖
قبور ضاعت یبوصالح یاشهم
اليمتةيبقى قبر جدك منهدم
یمته ويخلص البقيع من الظلم
شيعة محزونين نشكيه الهضم

يمتة وانزور البقیع
نبچی من گلبٍ فجيع
وین ابو صالح يبرد اگلوبهم
من البعد اهل البقيع انزورهم

✍ #علویـه ام فاضـل
➖➖➖➖➖➖➖➖➖➖
گبورهم يالمهدي ظلت بس تراب
يذري بتراب البقيع الهوى الهاب
الله لا يرحم السواهن خراب
وهسة محرومين من ذيج القباب
عذرا لهاي الجروح
بلحزن ما باقي روح
بينة لهفة وشوگ نحضن سورهم
من البعد اهل البقيع نزورهم

✍ #ام بتول
➖➖➖➖➖➖➖➖➖➖
حلم عدنة للبقيع انزورة
مشيدة عكب الهدامة اگبورة
ومثل جنة كربلا معمورة
يا وكت مهدينة يظهر نورة
يعجل ألنة بالظهور
وبيدة يبنيها القبور
العزة نقيمةوبأمر منصورهم
من البعد اهل البقيع نزورهم

✍️ #ام علي الحسني
➖➖➖➖➖➖➖➖➖➖

ان شالله ترجع زهيه اقبابهم
وترجع الشيعه تزور اعتابهم
والعزه اتقيمه والخدمه ابابهم
وتعتني مشاية كل احبابهم

وال بقيع و كربلاء
مهبط املاك السماء
ونضل وفاية بنهج دستورهم
من البعد اهل البقيع نزورهم

✍️#رؤى السلامي
تمت بحمد الله بقلم 💜شاعرات مهدويات الهوى💜

💜💜💜💜



قصاید تجمع مهدویات الهوی
قناة لنشر القصايد الحسينيه
لخدمة المنبر الحسيني .
https://t.me/mahdawyaat_alhaawaa

على طور قصيده مله
باسم الكربلائي

باجر ..سجلها بيدك كلمة الوفايه

#قصیده ثگیله

باجر .. يظهر المهدي و عينكم تشوفه
باجر....يبني البقيع ونگصده نطوفه

يظهر امامي المهدي بثارات اهله يبدي
يظهر المهدي وعينكم تشوفه
~~~~
ندري المهدي يظهر ونعتقد في ظهوره
والله يبنيها القبور ونلتجي كلنه بنوره
ياخذ بثار حسين واهله وتفرج بحضوره
یا فرج یوسف ننطره وبرايته المنصوره

انبايعك آنه اولدي
يظهر امامي المهدي

يظهر المهدي وعينكم تشوفه

✍ #علویـه ام فاضـل
~~~~
باجر يجي ايقيم العدل وايتبعه كل العالم
وياخذ الحق وينتصر المظلوم من الظالم
وايشيد اعروش الامان بالسلم يصبح حاكم…
للحاربه ايحارب او للسالمه هوه ايسالم

براية علينه يحدي
يظهر امامي المهدي

ويظهر المهدي وعينكم تشوفه

✍ #رؤى السلامي
~~~~
دولة الحق الباقيه ايقيمها ايشع الامان
وترجع حقوق الراحت ويرجع الحق النه ويبان
كحل عيوني ياالاهي بنظرة الصاحب الزمان
يمتة يجي يأمنة بصلاتة ويمتة نرفع الاذان

شوفتة حلمي وسعدي
يظهر امامي المهدي
يظهر المهدي وعينكم تشوفة

✍️#ام علي الحسني
~~~~
يالمهدي چا يمته تجينه عيونه تربي عليك
وننتظر منك علامه تجي الجمعه ونرتجيك
سيدي ماعدنه غيرك والأمل بالله وبيك
وتعتلي عرش الخلافه المسجد الكوفه ونجيك

اجمل اماني عندي
يظهر امامي المهدي
يظهر المهدي وعينكم تشوفه

✍ #أم محمد علي الشيباني

ساعة فرج ياسيدي و يزهر ظهورك كالورد
ونجاوب الي كايدونة يروح من عدنه النكد
وابجيتك نتعايد ودربك نزينة ونستعد
ننسة كل آلام عدنة وجيتك جيت السعد

الارواح لجلة نفدي
يظهر امامي المهدي

يظهر المهدي وعينكم تشوفة
✍️#ام علي الحسني


تمت بأقلام ✍الشاعرات بتجمع مهدويات الهوى
اللهم تقبل هذا القليل بالصلاة على محمد وال محمد
نسألكم الدعاء
قصاید تجمع مهدویات الهوی
قناة لنشر القصايد الحسينيه
لخدمة المنبر الحسيني .
https://t.me/mahdawyaat_alhaawaa

#قصيدة قبور البقيع


أويلاه إگبورهم هدموها
أويلاه. إگبورهم هدموها
➖➖➖➖**
اويلاه. إگبوركم آل النبي
أويلاه. هدمهه هذا الناصبي
أويلاه. ماكافي لوعات السبي
يردون هاي الفاجعه يعيدوها

✍ #علویـه ام فاضـل
➖➖➖➖**
اويلاه. إگبور ولدج فاطمه
اويلاه إبياذنب متهدمه
أويلاه تبچي عليهم لاطمه
هاليوم بعزاز الگلب فجعوها

✍️ #ام محمد علي الشيباني
➖➖➖➖**
اويلاه مهدوم گبره للحسن
اويلاه غدار وسفه هالزمن
اويلاه واليوم ننعاه بحزن
وكل. شيعته ألموها

✍️ #رؤى السلامي
➖➖➖➖**
أويلاه مهدوم گبر العابد
اويلاه. نبنيله گبه لابد
اويلاه رغما عله كل حاقد
بعون الله گبه تنبني تشوفوها

✍️ #ياسمين الشموسي
➖➖➖➖**
اويلاه الباقر اليشفع بالحشر
اويلاه شايف مصايب اليسر
اويلاه ندعي لظهور المنتظر
اتراب وسفه المگبره خلوها
✍️ ام بتول
➖➖➖➖**
اويلاه مهدوم گبر الصادق
اويلاه ارثيه وگلبي خافق
اويلاه اليضده هو ينافق
ابن الزچيه وشيعته يروعوها
✍️ ام علي الحسني


✍
➖➖➖➖**

تمت بعون الله

#💢القصـیـده مشـــ🤝ـتــرکـه مع الــشــاعــ🤝ـرات💢

#غیرمبری الـذمـه الیـحـذف الاسـم الشـاعرات❌❌
https://t.me/hhpppp

بمناسبة هدم قبور أئمة البقيع عليهم السلام

شوف البقيع وانظر ابحسره
موحش أثرها اگبور للعتره

ابفتوه سوده للعقول الناصبيه
شرك گالوها گبور اهل الحميه
والزياره افعال اهل الجاهليه
وجب تتهدم دوارس علوطيه
غايات عدهم چانت وفكره
موحش أثرها اگبور للعتره

أگبور چانت اربعه بين المگابر
اضرحه نور وتزينها. المناير
بيها گبر الحسن والساجد الذاكر
والإمام الصادق وسيدي الباقر
مهجوره بين الوحشه والغبره
موحش أثرها اگبور للعتره

اهناه فجيعه صارت ومرت مصيبه
ابراي مامقبول من وادم عجيبه
بلهظم مكه الشريفه وأرض طيبه
صاحب الطلعه الرشيده شگد نحيبه
نار النوايب تلهب ابصدره
موحش أثرها اگبور للعتره

أثمانيه ابشوال ياعظم الفجيعه
هدوا أكبور المجد أهل الخديعة
ضاگت بعين المحبين. الوسيعه
وشعظم بلواك ياحامي الشريعه
ونك يهد الجبل. ويفطره
موحش أثرها اگبور للعتره


اگبور مهجوره صفت بأرض المدينه
صاحب الطلعه الرشيده اتگول وينه
بالفرج ندعي يهل وجهك. علينه
شيعتك مسها الهظم مثلك حزينه
وجهك يهل اعليها تنتظره
موحش أثرها اگبور للعتره

ألشاعر حسن لعيبي الحريشاوي

فزاعية لهدم قبور البقيع ٨/شوال
ـــــــــــــــــــــــــــــــــــــــــــــــــــــــــــ

مهدومه القبور اليوم اهل الرده مهدميها

┈••●••┈ ┈••●••┈ ┈••●••┈

كبور اربعه تاذينه
گبرالحسن غالينه
والسجاد وبنينـه
احقاد الگوم ندريها حا. حا

┈••●••┈ ┈••●••┈ ┈••●••┈
احقاد اليوم عل اطهار
انعادت والزمن دوار
يمته يجي راعي الثار
والغرقد يعليها. حا. حا

┈••●••┈ ┈••●••┈ ┈••●••┈

يعلي كبور مهدومه
ثارات اله المعلومه
والمنتظر ابيومــــه
ايشيد. مبانيها. حا حا
┈••●••┈ ┈••●••┈ ┈••●••┈

يشيدها يجي المهدي
بيمن يا قبر يبـــــدي
يندب اه يا جـــــــدي
والونه الم بيها. حا حا


┈••●••┈ ┈••●••┈ ┈••●••┈

ينعه والعزه يقيمــــه
ينادي اهلي اهل شيمه
كبور مهدمه هظيمه
اليوم امي اعزيها. حا حا

#نبضي_حسين

┈••●••┈ ┈••●••┈ ┈••●••

ليش ويه الترب الكبور
نسله طه سيد النــــــور
حزنهم صار جن عاشور
لفاطم خل نواسيها

┈••●••┈ ┈••●••┈ ┈••●••┈

عله ابو محمد يسيد الكوم
علصادق نضل بهمــــــــوم
وگبر الباقر المظلـــــــــوم
ندعي المهدي يبنيها

#خادمة_الحجة

تمت بحمد الله بأقلام الشاعرات

لهدم قبور ائمة البقيع ع ٨/شوال
النصوص بوزن موشح
ــــــــــــــــــــــــــــــــــــــــــــــــــــــــــــ

ان شاء الله نبني البقيع
ما نساوم ما نبيــــــــــع

┈••●••┈ ┈••●••┈ ┈••●••┈

هدموها ظنهم اينسونــــــه

وبالدماء انضحي ما يدرونه

هدموا لگبور ميخوفونــــه

بزود المهدي الشفيــــع

ما نساوم ما نبيــــــــع

✍🏻نبضي_حسين


┈••●••┈

بكل صلافه هدموها گبورهم

خافو الشيعه تجي وتزورهم

مانصل ليهم وهاي ظنونهم

نوصل بجاه السميع

مانساوم مانبیع

✍🏻ام عمار الصائغ

┈••●••┈ ┈••●••┈

اباولياء الله يوم اتجاسرو

علنو الفتوه العينه وهدمـــو

گامو يحرمون هما وحللــو

يا عملهم یلشنيع

مانساوم ما نبيع

✍🏻ام زين العابدين الغزي

┈••●••┈ ┈••●••┈ ┈••●••┈

هدموها اگبورهم كلها ســوى

مادرو عدنه عزم من نينوى

ندعی امن الباري ينطينه القوى

ای وحگ نحره الرضيع

ما نساوم ما نبيــــــع

✍🏻ام مازن
┈••●••┈ ┈••●••┈ ┈••●••┈

هدموها اگبور کل الاولیاء

اخرة ودنيه تره بيهم رجاء

شرف النه يااهل خير الوفاء

والنحر ذاک الصريع

لانساوم لانبيع


✍🏻تقى التميمي
┈••●••┈ ┈••●••┈ ┈••●••┈
مانساوم ابد والذبح الرگاب

نبني ونعلي باذن الله القباب

وبظهور المهدي ينزاح الضباب

عن دربهم مانضیع

لانساوم لانبيع

✍🏻ام روكان الشمري

┈••●••┈ ┈••●••┈ ┈••●••┈
المهدی بظهوره یجدد هلبناء

وياه نبني الگبب بالحب والولاء

وشامخه ومرتفعه لعنان السماء


وحگ عرش الله الرفیع

مانساوم مانبيع

✍🏻ام محمد الساري
$$$$$$$$$$$
$$$$$$$$$$$$
تـــمت بــــعون اللــه تعـالى ـــ بأقــلام الشاعـ✍🏻ـــرات المبدعــات فــي رابــطـــة الأمـــام الحســــن👉 عــليــه الســلام لايجــــوز شررررررررعاً حذفـــُ اسمــاء الشاعـــــ✍🏻رات او تغيــــ🙏ــــرررها

طور ناذر سنيني


ارد ادك صدري وابجي كل عمري.. على حسين

بكيفي خلوني.. تهمل عيوني على حسين

┄┉❈❥ًً❀)🧿(❀❥❈┉

انه اول ما عشكته... فاض الاحساس
حسين محبوبي وخدمته.. ترفع الراس
انه والله ما تهمني شكالت النـــــــــاس
والمهم ترضى انته ويرضى عباس
ناري ما تبرد... ثوبي دوم اسود
عله حسين
اهلي نذروني. تهمل عيوني... على حسين


┄┉❈❥ًً❀)🧿(❀❥❈┉

حسين عايش بالضماير.. وسط الگلوب
حسين سلطاني واميري.. واغله محبوب
انه من هاي المحبه.. واللـــه ما اتوب
راح كلمن ياخذ اجره.. وكلشي محسوب
طبعي عباسي.. وما اطخ راسي
عله حسين
يلتلوموني.. تهمل عيوني
عله حسين

┄┉❈❥ًً❀)🧿(❀❥❈┉


انه ما اكدر اعوفك يا ضوه العين
ملك خلتني خدمتك.. والله يحسين
انه واجب كل محرم.. اوفي الدين
رايح اتباهه بخدمتي.. طول السنين
كل سنه اتحزم.. وانصب المأتم
عله حسين
اووفي بديوني.. تهمل عيوني
عله حسين
┄┉❈❥ًً❀)🧿(❀❥❈┉


الطم بحركه ونادي. وگلبي مفطور
ودائما يكثر يكثر جنوني بيوم عاشور
الكربله يوميه روحي تكصد تــــــزور.
لجلك اشكد يبو اليمه نـــــاذر نذور
حلفتني امي. ما اعز دمي
عله حسين
واضح جنوني تهمل عيوني
عله حسين
┄┉❈❥ًً❀)🧿(❀❥❈┉

الزهره تحضر بالمجالس يلتلطمون
الليله ويه حسين ابنهه لا تقصرون
لو نعه الناعي الزچيه تجري العيون
الزهره كلكم سجلتكم يالتخدمووون
فاطمه الزهره. تجذب الحسره
عله حسين
تصيح واسوني. تهمل عيوني
عله حسين

┄┉❈❥ًً❀)🧿(❀❥❈┉


انه كل عام اليمرني امشي مشاي
واخدم بدربك ووزع سيدي الماي
انه يبن الزهره احبك كلش اهواي
لان بس انته الصراحه توكف وياي

دمعتي ونوحي.. ولهفة جروحي
عله حسين
انه تدروني. تهمل عيوني
عله حسين

┄┉❈❥ًً❀)🧿(❀❥❈┉

تحسين الخفاجي

نسالكم الدعاء

قصيده لسان حال السيده العليله عليه السلام
~~~~~
تانيتهم /شوماأجوني
تانيتهم /راحن اعيوني
يم عتبة الباب /انطراصباحي وي مسه
يم عتبت الباب/٢
ـــــــــــــــــــــــــــــــــــــ
لوچلچل الليل
والمدمع يسيل
اگضيها انه وصفنتي والمدمع يسيل

يالرحتو لبعيد
البنيه شتريد
تريد الملاگه ويه الاهل
يالرحتولبعيد

يكتل هجركم
روحي بأملكم
احسب وعيدن ماأجو
يكتل هجركم

حاچيتهم/ امشي وانوني
تانيتهم /راحن عيوني

يم عتب الباب
انطر اصباحي وي مسه
يم عتبت الباب /٢
ام حسين المحمداويه
ــــــــــــــــــــ
اعيوني تربي
بلجن يربي
يرجعون لديار الاهل بلجن يربي

بطرك الحياطين
انه والونين
نتناوب بصوت الحزن انه والونين

كلش هضيمه
ابگه يتيمه
بعد العمر توه ابتده ابگه يتيمه

باريتهم/لوبس، تنوتي
تانيتهم //راحت عيوني

يم عتبة الباب
انطر اصباحي وي مسه
يم عتبت الباب /٢
ام عمار الصائغ
ــــــــــــ
اشتم هدمكم
وحدي بنزلكم
ولا ضلي سلوه يالاهل.. اشتم هدمكم

گوه اشهگ انفاس
مجروحه الاحساس
ويضيگ خلكي بكل مسه.. گوه اشهك انفاس

بدموع العتاب
خطيت الكتاب
ويه العرابي من مشه بدموع العتاب

ناديتهم.... ما جاوبوني
تانيتهم.... راحن عيوني
يم عتبت الباب... انطر صباحي والمسه يم عتبة الباب.. ٢

نبضي حسين

ـــــــــــــــــــــــــــــ

موكافي اغياب
والجرح ماطاب
جرحوني من راحوا هلي والجرح ماطاب

بت السلاطين
واندب يالحسين
عافاني وحدي بالنزل بت السلاطين

دمعي اعله خدي
واشكي الجدي
بذيالي اتعثر گمت دمعي اعله خدي

لا ريتهم/كلهم جفوني
تانيتهم / راحن اعيوني

يم عتبت الباب
اتنطر اصباحي ومسه يم عتبت الباب/٢

✍️☘️ام فراس الساعدي ☘️
ــــــــــــــــــــــــــــــــــــ
حسره اعله حسره
بگلیبی جمره

اتذکر الگعده واون بگلیبی حسره

للملگه اشتاگ

یچوینی لفراگ

نیران تسعر بلحشا ویچوینی لفراگ

لوعنی دهری
بس دمعی یجری

للفارگونی وحملو بس دمعی یجری

اشتاگيتهم / هاجت شجونی

تانیتهم / راحن عیونی

یم عتبت الباب

اتنطر اصباح ومسه يم عتبت الباب /۲

✍🏻المیرزه ام ليلي الخاقانی

ـــــــــــــــــــــــــــــــــــــــــ
يكتل عتابي
مسدود بابي
الوحدي اضل ابلا ونس. يكتل عتابي
يمته يجوني
ذبلن عيوني
من البجي ماظل نظر يمته يجوني

دكاني مرضي
لو ادي فرضي
مابيه اكومن ونتخي دكاني مرضي
ياليتهم ..مده ويجوني
تانيتهم ..راحن عيوني
يم عتبت الباب
اتنطر اصباحي ومسه
يم عتبت الباب..٢
طالبه الزهراء


ـــــــــــــــــــــــــــــــــــــ
دهري رماني
ضليت اعاني
وشكيه للباري الأمر دهري رماني

وبضيمي اداري
ابكلبي ناري

محزونه وضاع افكر وبضيمي اداري

ماترضه اتنام
وبطول الأيام
سهرانه عيني يالولي
ماترضه اتنام

يابيتهم // وحشه تركوني

تانيتهم // راحن اعيوني

ويه الهوه الهاب
يم عتبت الباب
انتطرا صباح ومسه يم عتبت الباب

ام زين العابدين لمحمداويه

ـــــــــــــــــــــــــــــــــــــ
تمت باقلام شاعرات رابطة الحسن المظلوم ع

*-فائزي،*
*(مستفعلن مستفعلن مستفعلاتن)*


*((ال بيت المصطفى 😭))*
*=================*

*ياوسف بيت المصطفى بالطف ضحايه*
*انذبحت ابسيف العده انحور الضمايه*

┉┅━━❀❀━━┉┉
هل يوم شدينه العزه لمصاب الحسين
نتذكر الامجاد كلهه انعلي الونين
اعله السليب انعازي امه ام گلب الحنين
*وشماذرفنه دموعنه ماضن كفايه*

*✍🏻الشاعرة ام يحيي العبودي*
┉┅━━❀❀━━┉┉
وشمابچينه من الدمع ماتبرد النـار
عالماتو ابصف النهر وفادهم حـار
شيخ العشيره واآخوته ولاده الاصغـار
*واخته او جميع العايله راحوا سبايـه*

*✍🏻الشاعـرة ام مهـدي العيـداني*
┉┅━━❀❀━━┉┉
ندگ الصدر وي دگته نصرخ بعبره
يلذابحك سيف وعطش ياناره كبره
طشيتتها سنينك فده لدينك تجبره
*لوننزع جلود وعظم مانوفي هايه*

*✍🏻ام حسين المحمداويه*
┉┅━━❀❀━━┉┉
مانوفي حگك ياغريب الغاضريه
وبكل سنه نجيم العزه يبن الزجيه
لمصابك ارتجت سوه السبع العٍليه
*وكل الطوائف گصدتك رغم المنايه*

*✍🏻أم عبـــــد اللـــــــه العـــــابدي*
┉┅━━❀❀━━┉┉
ما تبرد النار وجمر ما خمد چانون
نذكر ضحايه نينوه كل گلب محزون
مفجوع طه بهالشهر والعرش مرجون
*جم خيمه بالطف وجرت وشجم عبايه*

*✍🏻نبضي حسين*
┉┅━━❀❀━━┉┉
ننتظر قائمنا يجي ياخذ الثارات
كلها تصير اجنود اله العدل والمات
ونصيح كلنه بجيّته للذله هيهات

*تتصافه ابوكته الامم ماكو رزايه*

*✍️☘️ام فراس الساعدي ☘️*
┉┅━━❀❀━━┉┉

*تـــمت بــــعون*
*اللــه تعـالى ـــ بأقــلام الشاعـ✍🏻ـــرات المبدعــات فــي رابــطـــة الأمـــام الحســــن المظلوم عليه السلام*
*لايجــــوز شررعاً حذفـــُ اسمــاء الشاعـــــ✍🏻رات او تغيــــ*ــــررها*

جابتني روحي وتعثرت بيك
كل ضني نوحي يگعدك ولاگيك

اشبگني الك مديت اديه يا حسين
انه يالنايم رقيه يا حسين
وتعثرت بيك .. وتعثرت بيك

✮✮✮✮✮✮✮✮✮✮✮✮

ظلام وتيهت خطواتي يحسين
خطوات الغريبه اتعب الگاع
مو بعيوني دورتك بالجفوف
وكت الظلمه شوف العين ينباع
يم كل منذبح اگعد وهز بي
بس موش انته تطلع واركض ابساع

عطشانه واركض من الغروب
جندوب ادور عليك جندوب
وين الله اگولن موش الحسين
كلما شفت جدامي مگلوب

ملهوفه اجيتك بالخير امسيك
جابتني روحي وتعثرت بيك

اشبگني الك مديت اديه يا حسين
انه يالنايم رقيه يا حسين
وتعثرت بيك .. وتعثرت بيك

✮✮✮✮✮✮✮✮✮✮✮✮

ثگل جدمي وبديت اتعثر هواي
ولاگه الخنصر جفوفي وشبگته
ونينك دله روحي وگلبي عليك
وطولك من وصلتك ما عرفته
ادري بيك عطشت هواي يحسين
الماي من النهر بثيابي جبته

فوگك عصرت هدومي بهداي
من كل كتر ظل يطلع الماي
شمخليه بيك الخيل يحسين
وشويه صاير وانته الهواي

ما كفه ثوبي لو ردت اغطيك
جابتني روحي وتعثرت بيك

اشبگني الك مديت اديه يا حسين
انه يالنايم رقيه يا حسين
وتعثرت بيك .. وتعثرت بيك

✮✮✮✮✮✮✮✮✮✮✮✮

گوم اتلگه بتك طرت الليل
فك حضنك تعبت من الركض حيل
من شافوا سواده التمت عليك
گمت اتلبد بسد المجاتيل
انه الدللتها وحنت اليوم
لم روحك الي من حوافر الخيل

كل ضني اتضمني بعباتك
ثاري الحوافر ساحگاتك
يل جنت ليه وهسه للگاع
منك ولا ظل شي البناتك

ساكت وحاجيك وازعل وراضيك
جابتني روحي وتعثرت بيك

اشبگني الك مديت اديه يا حسين
انه يالنايم رقيه يا حسين
وتعثرت بيك .. وتعثرت بيك

✮✮✮✮✮✮✮✮✮✮✮✮

يالمنطيني كلشي انطيته للخيل
منك كلشي ما خلن اليه
ما خليت الي من حضنك اگدار
طول وگلت اضمنه الرقيه
العزيزه التشبه امك انه يحسين
من اتصيح الي اتصيح الزجيه

خليني اموت وياك بالخيل
من الليل اتاني الثاني الليل
يا بويه اشبگك من تجي عليك
وبظهري تبدي وانسحگ حيل

تسحگني گبلك من تسحگ عليك
جابتني روحي وتعثرت بيك

اشبگني الك مديت اديه يا حسين
انه يالنايم رقيه يا حسين
وتعثرت بيك .. وتعثرت بيك

✮✮✮✮✮✮✮✮✮✮✮✮

العمر ما يسوه كون عيونك اتغيب
وگلبي اتعود اعلى عيونك هواي
من ذاك العصر يحسين اتانيك
طاحت خيمتي وشو انته ما جاي
ولحگتني الرباب وطاحت عليك
فوگك طحنه مثل برودت الماي

ولحگتنه زينب تالي يحسين
عليها النعي وعلينه الونين
نتناوب اعله افراگك انوح
وكل وحده ذبت عالنحر عين

التمينه يمك نبجي ونبجيك
جابتني روحي وتعثرت بيك

شبگني الك مديت اديه يا حسين
انه يالنايم رقيه يا حسين
وتعثرت بيك .. وتعثرت بيك

✮✮✮✮✮✮✮✮✮✮✮✮
كلـمات : حسن الترابي

☘لاستشهاد الامام الصادق ع☘


لسان حال الشيعه ...

يافجعة الصادق تهدم االحيل
خله الشيعه كلهه اتصيح ياويل
🏴🏴🏴🏴🏴

اجينه ارض البقيع ونلطم الهام
على سادس العتره البطل ضرغام
شما نكتب عليه تحتار الاقلام
يذكرونه الشيعه جيل عن جيل...
يافجعة الصادق تهدم االحيل

✍☘ام فراس الساعدي ☘
🏴🏴🏴🏴🏴
تعنينه البقيع بحركة احــــــباب
ويا جرح ابو الكاظم لسه ما طاب
مصيبة سمه حيرت اهل الالباب
صبح النايبه اظلم وچن لـــــــيل

✍️نبضي حسين
🏴🏴🏴🏴🏴

يعجز القلم عن وصف الحوال
يمصيبة الصادق تهدم اجبال
عل صار وجره انحنت اجيال
ونعيش الفجعيه ابنوح وعويل

*✍🏻خ_ألحُســـــينيه*
🏴🏴🏴🏴🏴
مصيبه وهدت اجبال الرواسي
هالليله الحزن شيبه الراسي
الصادق غده وجرح احساسي
وحزني سيدي لمصابك طويل

✍🏻ام محمد باقر ال عبيد
🏴🏴🏴🏴

ياقرطاس وحبر للعلم ينبع
ياروح الفكر وبدرسه تطبع
مذهب جعفري وبخطّه نتبع

يحگّلنه النياحه ولطم زنجيل

✍️ام حسين المحمداويه
🏴🏴🏴🏴🏴

زنجيل ولطم يهدم الصدور
وبكل دارمأتم چنه عاشور
مسموم وذبيح النحره منحور

وجوب الخاتمه لحسينّه تميل..

✍️ام حسين المحمداويه
🏴🏴🏴🏴🏴
وجوب الخاتمه لبنج يزهره
ونجيم العزه وي ابنه نذكره
عليه كل الاسف مكطوع نحره
وناله علي امصلي الليل
✍🏻سلمى أم جعفر

🏴🏴🏴🏴🏴
تمت بحول الله وقوته
وقوته باقلام ✍️✍️ شاعرات رابطة الحسن المظلوم ع

*بحر طويل*
*مفاعيلن. مفاعيلن مفاعيلن مفاعيلن*
*===============*
*((عهدنا مع الحسين))*


*لمصابك يبو السجاد //قلم شح بعناونينه*

*العهد بحروفنه نكتبه//الك والحامي الظعينه*
*===========*
عله حبكم تعاهدنه كلنه عله النهج ماشين
نذكر كربلا كل يوم واللي صار عالطيبين
ماننسه دمع زينب وحق الطاهره ام حسين
*نعازيها اخت المشيّم*
*بخوهه الضلعه متهشم*
*بالحر سابح من الدم*

*نواسيهه بمجالسنه. جمر الهضم شب بينه*...

*✍️الشاعرة ام يحيي العبودي*
*➿➿➿➿➿➿➿*
ما ننسه مصاب حسين للمحشر عزيتنه
وحته بالگبر ننعه وما نكطع مجالسنه
دموع النايبه تجري وما تفتر مدامعنه

*جمره بكل گلب تلهب*
*ما تبرد وحــگ زينب*
*عله ضامي وبکه مسلب*

*من عالم الذر نلطم ولكربله تعنينه...*

*✍️نبضي حسين*
*➿➿➿➿➿➿*
تعنينه لمگابرهم والدمعه ذرفناهه
يم گبر الكفل نگعد وچفوفه لگيناهه
نرد انوب يم زينب للمظلومه زرناهه
*نزور الحره واخوتها*
*نواسيها بمصيبتها*
*بحرگة گلب لوعتها*

*اليجري مودمع بالعين .. من ادموم صبينه ..*

*✍️☘️ام فراس الساعدي ☘️*
*➿➿➿➿➿➿*
صبينه مدامعنه لأجل حسين سجابه
هذا الضحه بعياله وظل جسمه عالترابه
هذا الزلزل الاكوان وكلها تنوح لمصابه
*هذا الضحه ذريته*
*واصحابه واهل بيته*
*يحجي الدهر تضحيته*

*شلون العين ماتدمع ..ونواسي بواجينه...*

*✍🏻أم عبـــــد اللـــــــه العـــــابدي*
*➿➿➿➿➿➿*
ونفدي العين نفدي الروح ولبـن الزهره وولاده
وشما قدميـنه الهم قليل ابداعت اجـداده
مـاردونه لا فد يـوم كلمن طالب امـراده
*اولحسين او غواليـه*
*افـدي الروح والريـه*
*انـا وأهـلي والبـيـه*

*وربان السفيـنه اهـوا قـائـدنه الينجيـنه*...

*✍️*الشاعـرة ام مهـدي العيـداني*
*➿➿➿➿➿➿*
قضيتنه لحد الموت. خدمتنا لابو اليمه
ضحه بروحه وعياله. لدين الله رخص دمه
سبط المصطفى وروحه. امام الشيعه والامه
*لابن الطاهره البضعه*
*حسين ونرخص الدمعه*
*بعد اضلوعنه ضلعه*

*يوفقنه لخدمته اليوم. وباجر هوه يحمينه*

*✍🏻خادمة زينب*
*÷÷÷÷÷÷÷÷÷÷÷÷÷÷÷÷*
تمت باقلام شاعرات رابطة الحسن ع

بمناسبة استشهاد عم النبي حمزة بن عبد المطلب رضوان الله عليه

طيحتك ياحمزه لوعتها تطول
انكسر بيها ظهر حيدر والرسول
اه يافگد الاحبه. صعبه ذيچ الساعه صعبه
انكسر بيها ظهر حيدر والرسول

رحلتك من دار الارقم بعت عمرك للرسول
واجب التنفيذ امره. اشمايصرح. لويگول
الباقي من عمرك فنيته. اسد علباطل تصول
وتدعي كل صبح ومسيه يمن ربك بالقبول
جندلت كل ظالم وطاغي عنيد
غير وجه الباري فعلا ماتريد
المثلك أنته يگضي نحبه
صعبه ذيچ الساعه صعبه
نكسر بيها ظهر حيدر والرسول

غير الواقع اسلامك. وفاجئت بيه الالوف
مو ابال العده سيفك ضدهم بهاي السيوف
أبدر شافوا عذابك. فرقت جمع الصفوف
البلحرب شافك گباله. غير موته مايشوف
وين عتبه وين صولات الوليد
ظمن روحه إلي صفه عنك بعيد
خذوا منك ثار عتبه
صعبه ذيچ الساعه صعبه
نكسر بيها ظهر حيدر والرسول

مبتشر چان بوجودك حگه طه يبتشر
اشسوه بالعدوان سيفك يشهد السيفك بدر
كشفت عن النبي الطاهر كربته بيوم العسر
صعبه تالي تروح منه وگلبه بعدك ينكسر
ودوا أهل الغدر والبايع ظمير
وين ماصرت ودرت وحشي يصير
بالظهر ماخطه الضربه
صعبه ذيچ الساعه صعبه
انكسر بيها ظهر حيدر والرسول

مثلوا بيك الاعادي. طبع عدهم موجديد
من الأساس الغدر بيهم يجري وي دم الوريد
تاكل بجبدتك وسفه. من لفت جدة. يزيد
علنبي مامثل يومك. من رحت لله شهيد
يوم مامثله على گلب الرسول
علثره طايح يچتال الفحول
شلون حال النبي وگلبه
صعبه ذيچ الساعه صعبه
انكسر بيها ظهر حيدر والرسول

الشاعر حسن لعيبي الحربشاوي

ذكرى وفاه عم النبي محمد (ص) الحمزه بن عبد المطلب في معركه أحد

وهذه القصيده لذكرى استشهاده (( نزله ))

-------------------------------------------------------
اليوم خل نذكر الحمزه وقـصته
شلون لمـن هند اكـلت چـبـدتـه
**********
الحـمـزه عـم النبي وبـروحـه يجــود
والمـواقـــف سجـلـن اسـمه بخـلــود
والنـعــم من حـمـزه صـيـاد الاســود
ركـعــت الايــام يـمــــه وخـلــدتـــــه
************
اسمـه لازم بـالـذهـب من يـنـكـتـــب
عـيـب عـالـتـاريـخ عـنـه ينحـجـــب
الحـمـزه هـذا ابـن عـبـــد المـطـلـب
بـروحـه ضحـه وخالص بكل نـيـتـه
***********
جاد بالغـالـي بأعـز مــاعـنـده جــاد
اعلن اعله الروح من صاح الجهاد
وقـسم بالمخـتـار والسـبـع الشــداد
ايضحي روحـه ومايـبـالي بمهجته
***********
و خـبـر موت الحـمـزه لازم يتضح
وخل نـوضح بينه تــارك يـاجـــرح
بأمر هند الحـمـزه يـنـصاب بـرمـح
(وحشي) نـفـذ هـالطلب من وصته
**********
وصـتــه بچــبــده اذا طـاح انـغـــدر
وجـاب چـبـد الحـمزه الها بكل فخـر
لا ابـــد و الله ذولــه مــو بــشـــر
اعـوان ابو سفـيـان ذوله و زمـرته
*********
الشاعر رياض الرسل