بالليالي الفاطميه       تحضر الزهره الزجيه
يا زهراء     يا زهراء
***
بهل ليالي اشكد طعم وشكد أجر
والله أبد ماتنحسب من العمر
بالدمع نحييها وبلطم الصدر
ندري ما تنسينه باجر بالكَبر

وندري حتى بالمنيه     تحضر الزهره الزجيه
يا زهراء    يا زهراء
**
للمجالس نركض انحب اللطم
وكون أبد من خدمتج ما ننحرم
نبجي وعله الضلع بينه شكد هظم
والدموع التجري الج بيهن طعم

تصيح كل دمعه الجريه     تحضر الزهره الزجيه
يا زهراء     يا زهراء
*
الهل ليالي فاطمه اشتاك المحب
شاد حيله وشكثر ظل ينتحب
شمحله اسمه بمصحفج من ينكتب
وحلوه خادم فاطمه من ينحسب

صحنه والله بكل عزيه     تحضر الزهره الزجيه
يا زهراء     يا  زهراء
**
احنه عشاك اللطم بينه طبع
انموت حركه من يمر طاري الضلع
اتلث رواياتج فلا تكفي الدمع
كون عشره حتى بيهن نقتنع

وللمجالس كل مسيه      تحضر الزهره الزجيه
يا زهراء    يا زهراء
**
مالي غيرج فاطمه بالدنيه هاي
انتي امي ويمه اريدنج دواي
للكبر يم الحسن ليه تعاي
ومنهو يحجي وياي والزهره بكفاي

ياخلك باجر إليه     تحضر الزهره الزجيه
يا زهراء    يا زهراء
*
كالو المهدي يجي وبيده السجل
ايسجل اللطامه ودموعه تهل
ينحني من يسمع بطاري الحبل
ويبجي دم الزينب الصعدت هزل

زينب الراحت سبيه      تحضر الزهره الزجيه
يا زهراء     يا زهراء
**
تمت
ميثم العمَرّي

استشهاد الصديقه فاطمه الزهراء عليها السلام
😭😭😭😭😭😭😭😭

يمه انترس گلبي ابحزن
يمه اشكبرها بلوتي
روحي صفت هم وقهر
والدمعه صارت سلوتي

يمه يمه..... يزهره الحنينه
يمه يمه... يرحتي امن ايدينه

✿┈┈◉┅🖤┅◉┈┈✿

ابروحي شجن للغاليه من اذكر الزهره اون
امي العزيزه فاطمه راحت وخلتني بحزن
ابگلبي جرح ماينحمل يبقى أثر طول الزمن

يمه يمه... ويروحي الحزينه
يمه يمه.. يرحتي امن ايدينه

خادمة اهل البيت ع
🖊هدى المطر ام محمد

✿┈┈◉┅🖤┅◉┈┈✿

ما انسه بالليل اطلعت
وهظمتني امي بهالوضع
وصفيت وحدي بدنيتي واسچب العبره ويه الدمع
وشلون احمل اليتم زغيره ودليلي ينصدع

يمه يمه.... ها ردي علينه
يمه يمه.... يرحتي من ادينه

🖊نبضي حسين

✿┈┈◉┅🖤┅◉┈┈✿

اليـوم بتـچ ذابـلـه وخاطري يمه انكسر
رحتي وفجعتي بنيتچ وگليبي يحبيبه انفطر
وبفرگـتج شفت اليتم والونه بعدچ والقهر

يمه يمه.... يزهره تفارگينه
يمه يمه..... يرحتـي من ادينــه

🖊خادمه الحسين ع ختام من الناصريه

✿┈┈◉┅🖤┅◉┈┈✿

يم كل موده بكل كتر نعمه الله بكل وكت
مم مثلج اتون من ضلع دمع السمه لجلج يكت
ياتربه الله مقدسج يانور ويه موتج متت

يمه يمه...تبده كل بجينه
يمه يمه.. يرحتي من ادينه

🖊 العلويه ام رقيه

✿┈┈◉┅🖤┅◉┈┈✿

يحبيبه ايامج گضن وشلون احمل فرگتچ
والروح متهيد وتعن وتريد يمه شوفتچ
خلصته ليلي بالدمع ردي عليها بنيتچ

يمه يمه.....عذاب تعذبينه
يمه يمه... يرحتي من ادينه

🖊نبضي حسين

✿┈┈◉┅🖤┅◉┈┈✿

من الصبح لليل اون وبحالي ماواحد دره
ذبلت غصوني من بعد ماصرتي مدفونه بثرى
صعبه عليه فرگتج يم النجوم الزاهره

يمه يمه ….للباري اشتكينه
يمه يمه…. يرحتي من ايدينه

الخـ✍️ــادمه ام زيد الشمري

✿┈┈◉┅🖤┅◉┈┈✿

ياطاهره ويمكمله مثلج فلا يوجد احد
والله حسافه يم حسن ترحلين في عمر الورد
مشبعت من عطفك انه مايلوك لج نوم اللحد

يمه يمه ...مثلج مالگينه
يمه يمه ..يرحتي من ادينه

✍🏻سلمى أم جعفر

✿┈┈◉┅🖤┅◉┈┈✿

#اقلام شاعرات رابطة ساقي عطاشى ڪربلاء

#قصائد استشهاد الزهراء ع
〰️〰️〰️〰️〰️〰️〰️〰️〰️〰️〰️〰️〰️


نون يم الگبر ...
كسرج ماله جبر
والمدمع انسيل
يحبيبه يمه يحبيبه يمه
•───✧◐ ❀ ◐✧───•

عليج الدنيه حاربتنه يالحنينه
نبجي بغيابج ييمه استاحشينه
خالي بيتج بعدج احنه تيتمينه
عكب عينج يمه دنيانه حزينه

عتامينه لشوفتج
وافكدنه كعتدج
ومنه انهدم حيل
يحبيبه يمه يحبيبه يمه
•───✧◐ ❀ ◐✧───•

يمه كسر ضلوعج لا ما نسيناه
ونتج المخفيه جوه گلبج الآه
يا لذيذ العيش وياج انحرمناه
واليفارك امه والله تقسه دنياه

دنيانه مظلمه
فارگنه فاطمه
والدهر يميل
يحبيبه يمه يحبيبه يمه
•───✧◐ ❀ ◐✧───•

جينه يم كبرج ييمه ردي اجواب
من البواجي يمه طحنه فوك التراب
ولغايابج يالحنينه عدنه اعتاب
عدمن تخلينه يمه وبعدج اغراب

صعبه علينه اليتم
والجرح ينلجم
لو هود الليل
يحبيبه يمه يحبيبه يمه

•───✧◐ ❀ ◐✧───•
بعازة ارباج وحنانج ازغار كلنه
ما شبعنه يمه منج شيصبرنه
ومن يجينه الليل نغفه ما گدرنه
نريد حضنج يالحنينه يلم شملنه

سفرتج بعيده
وحضورج نريده
وحسراتنه تزيل
يحبيبه يمه يحبيبه يمه

•───✧◐ ❀ ◐✧───•

راح نرجع يمه للدار وحياره
من ينشف دمع ايتام يتجاره
حالنه بهالدنيه بعدج كالاساره
ويلي يمه وهذا ابونه بگلبه ناره

ودموعه من جمر
شخله غيابج أثر
جم اه بالدليل
يحبيبه يمه يحبيبه يمه

•───✧◐ ❀ ◐✧───•

طفت انوارج ييمه الحزن خيم
ودارنه الجانت زهيه صفت بالهم
وجلمة اليمه حزينه من إلتيتم
يرد صدى الحيطان راحت ابجوا من دم

مدفونه بالظلمه
يا بت نبي الامه
والظالم يعيل
يحبيبه يمه يحبيبه يمه

✍️#نبضي_حسين
https://t.me/hhpppp

في شأن استشهاد فاطمة الزهراء وبكاء ابنتهاالحوراء
بطور (على محمد واويلاه )

اعله الشهيده واويلاه ٢
ــــــــــــــــــــــــــــــ
زينب تنادي وتصفگ الراح
حضني الدافي گوض وراح
من البيت يمه انطفه المصباح
طول الحلو زهره خسرناه
اعله الشهيدة  واويلاه

✍🏻سلمى أم جعفر
▫️▫️▫️▫️▫️
زينب تنادي وتهمل العين
وتنظر يويلي الحسن وحسين
وصيح امنا مشت لاوين
شخصج ييمه وين نلگاه
اعله الشهيدة واويلاه

✍🏻 ام زين العابدين
▫️▫️▫️▫️▫️
الزهره تون ونه خفيه
من الضلع صبح ومسيه
مقهوره  وافتها  المنيه
وين اليهل ادموع عيناه
اعله الشهيدة واويلاه

✍🏻 ام زينب الأسدي
▫️▫️▫️▫️▫️
ماينــــحمل يایمه فرگاج
صعبه علي شلون انساج
طبعچ حلو يامحله ملگاج
الفاگد عزيزايعيش بل اه
اعله الشهيدة واويلاه

*✍🏻خ_ألحُســـــينيه*
  ▫️▫️▫️▫️▫️
بيت الرساله محزن اليوم
تبجي الحره بگلب مهموم
وتنادي بويه شنهي العلوم
افراگ امي.   گلبي.  اذاه
اعله الشهيدة وا ويلاه

✍🏻الشاعره المله ام اسامه بصره
     ▫️▫️▫️▫️▫️
تسوه لطمنه اودمع العيون
واحـبابها للـيوم يبـجـون
يوم الزچیه ينسي شلون
امصابها مالحظة.   ننساه
اعله الشهيدة واويلاه

ام سجاد الشهيد
▫️▫️▫️▫️▫️
تمت بااقلام خادمات أهل البيت عليهم السلام في رابطه سيد الشهداء ع✍🏻
🙏🏻🙏🏻نسألكم الدعاء 🙏🏻

#قصائد استشهاد الزهراء ع

┄┅═✧❁★-❁✧═┄┅═✧❁★-❁✧═┅┄



لبست كفنها. للموت راحت ام حسن. لبست كفنها
وانگطع ونها.. من بعد آلام وقهر.. انگطع ونها

يا وحشة ام حسين
من صوباها البين
لبست كفنها. لبست كفنها

✍️#نبضي_حسين

┄┅═✧❁★-❁✧═┅┄


لبست كفنها الطاهره وللموت رادت
وعالقبله بفراش المنيه اليوم دارت
لمصابها زينب بچت والرگبه مالت
اعله فراگه روحچ يالحبيبه شگالت
والليل ظلمه … زينب تنوح وتنتحب … والليل ظلمه
صاحت ييمه … نيران تسعر بالگلب …صاحت ييمه
ردي يبعد الروح
عگبچ اظل بالنوح

لبست كفنها … لبست كفنها

✍️#أم_محمد_علي_الشيباني

┄┅═✧❁★-❁✧═┅┄

نفذ وصيتها الولي وغسل بدنها
وشاف المصيبه الهدته بساعة كفنها
مكسور من عدها الضلع تخفي الونها
بس لايضل باله علي كتمت حزنها

وبشد الاكفان.... همت وحضنت لليتامه.. بشد الاكفان
يا علي بهل آن... ارفعهم حسين وحسن... ياعلي بهل آن

املاك السمه يبچون
والعرش ضل محزون

لبست كفنها. لبست كفنها

✍️#نبضي_حسين

┄┅═✧❁★-❁✧═┅┄

غسلها حيدر والدمع يهمل من العین
وناده يزينب ياحسن وینك يالحسین
حان الوداع ويه الحنينه بهذا الحين
حضنت يتاماها وتون ام گلب الحنين

حضنت ولدها.. ميته وتون ام الحسن.. حضنت ولدها

ويفت جبدها..وزينب وداع الوالده .. يفت جبدها
ودعوا عزيزتهم
وبلهفه شبگتهم

لبست كفنها. لبست كفنها

✍ #عـلــویــه_ام_فــاضل

┄┅═✧❁★-❁✧═┅┄

بالمغتسل صارت مناحه من اليتامه
لوحت ٱجفوف لفاطمه مع السلامه
ماتت على شفاه الزغار الابتسامه
ولو ما صبر حيدر علي تقوم القيامه

ينحب الكرار.. علجره ويه فاطمه... ينحب الكرار
يا شاجر بنار... گلب الولي بهالموزمه... يا شاجر بنار

بالمغتسل الونين
يعله على ام حسين


لبست كفنها. لبست كفنها

✍️#نبضي_حسين

┄┅═✧❁★-❁✧═┅┄

صارت مناحه و البجي يعله من الايتام
وشلون صابر الولي يا علي الضرغام
اسماء وياهم تنوح وتلطم الهام
هذا الفراك الي نكتب بدموع الآلام

اتنوح الاحباب... تبچي وتون عالطاهره... اتنوح الاحباب
والجرح ما طاب.. ويلي على بت النبي.. الجرح ما طالب

من بعد المختار
كسر الضلوع ونار

لبست كفنها. لبست كفنها

✍ #عـلــویــه_ام_فــاضل

┄┅═✧❁★-❁✧═┅┄


الله يعينك ياعلي بهاي المصيبه
صعبه اليچفن ياخلگ بيده حبيبه
مجمور گلبه من القهر زايد لهيبه
وشلون صابر عالجره هاي الغريبه

بحبل الوصيه… مجتوف ياحيدر علي … بحبل الوصيه
اعظم رزيه…بالليل دافنها الولي… اعظم رزيه

بالليل دفنتها
تصرخ ابنيتها

لبست كفنها … لبست كفنها

✍️#أم_محمد_علي_الشيباني

┄┅═✧❁★-❁✧═┅┄

حمل ضعن ام الحسن بالخفيه عالناس
بالهظم راحت وعلي مجروح الاحساس
ويخفي الگبرها حيدره وعيونه حراس
ايام سود الي كضت الزهره ويه الارجاس


ثياب المنيه... لبست كفنها فاطمه.. ثياب المنيه
وحشه المسيه. غابت انوارالعالمه..وحشه المسيه


دار الوحي حزنان
لسيدة النسوان

لبست كفنها.... لبست كفنها

✍️#نبضي_حسين
تمت بحمد الله باقلام شاعرات مهدويات الهوى
الموافق/ الاثنين ٢٠/١٢/٢٠٢١
حقوق النشر محفوظة عند سيد الشهداء

https://t.me/hhpppp

#قصائد استشهاد الزهراء ع
┄┅═✧❁★-❁✧═┅┄

العافیه لأمی يربي بجاه بيتك والحرم
ادعي يوميه ابصلاتي منها ينزال الألم

ادعی وابچي بالقنوت
خايفه امی تمــــــوت
**********
بالصلاه ارفع اديه البضعه امي اتمرضت
تون ونتها خفيه ويلي ابدن مــــــــا شكت
الألم شايلته بصدرها اشگد لاجلنه تحملت

تخفي ونها بالسكوت
خايفه امی تمــــــوت
ادعي يوميه بصلاتي منها ينزال الالم

✍️# علويه_ام_فاضل

┄┅═✧❁★-❁✧═┅┄

اندعي يا رب سلِّم لزهره أمــــــــي فاطمه
خايفه روحي عليها تلوج حيل مـــــــــألمه
روحي شاغت علزچيه رفعت راسي للسمه

من الحنينه ماكو صوت
خايفه امي تمــــــــــوت
ادعي يوميه بصلاتي منها ينزال الألم

✍️#نبضي_حسين

┄┅═✧❁★-❁✧═┅┄

اشحاله البعينه يشاهد امــــه مكسورة ضـلع
يظل وياها يعاني شگد صعب هـــذا الوضع
اتوسل بربي واناجي شكبره گلبي وينصدع

بالطلع من بطن حوت
خايفه امـــــــي تموت
ادعي يوميه بصلاتي منها ينزال الألم

✍️#أم_محمد علي الشيباني

┄┅═✧❁★-❁✧═┅┄

خايفه وادعي بصلاتي ربي شافيه الصــــدر
ضلع امي شلون اطيبه بيش اضمدنه الكسر
خايـفه اتعوف داري وحشه و تــــــــنزل الگبر

بلايه أُم وحشه البيوت
خايفه امـــــــي تموت
ادعي يوميه بصلاتي منها ينزال الألم

✍#زهراء_ام_حسين_الزيداوية

┄┅═✧❁★-❁✧═┅┄

طـــاحت گبالي امـي وراح اخويه بيـومها
المحسن بـلهفه تنـــطره تبدلت ارســــومها
ويــل گلبــي عالحنينه مدري شنهو علومها

الحزن دار امي يفوت
خايفه امــــــي تموت
اندعي وكت الصلا كون ضلع امي سلم

✍️#نبضي_حسين

┄┅═✧❁★-❁✧═┅┄

گلبي لاجمني اعله امي ومانمت ليلي ابد
شدة مرت عــــــالزجية اذكر وگلبي انمرد
واذكر بلهفتها صــــاحت مدد ياحيدر مدد

گلبي من خوفه يموت
خايفه امــــــي تموت

اندعي وکت الصلا كون ضلع امي سلم

✍#اسيل_الذهبي

┄┅═✧❁★-❁✧═┅┄

امي يـا شجره التفيي علينه بضل الـحنان
يـا ضلال الوارف انتي يا اماني من الزمان
خـايفه حبيبه ييمه وروحتج ليــه امتحان

يلحنانج ليه قوت
خايفه امي تموت
اندعي وكت الصلا كون ضلع امي سلم

✍️#نبضي_حسين
──────⊱◈◈◈⊰──────
تمت بحمد الله بأقلام شاعرات مهدويات الهوى
الخميس /١٢/١٦/٢٠٢١
حقوق النشر محفوظة عند سيد الشهداء ع

https://t.me/mahdawyaat_alhaawaa

مجلس شهادة فاطمة الزهراء عليها السلام 🥀


ما بال عينيك للسيد مهدي الأعرجي

مـا بـال عينيـك دمـاً تنسـكـب * ونـار أحشـــاك اســى تلتـهــبُ

يــوم قضـى فيـه النبـي نحـبه * فضلَّت الدنيــــا لـــه تنـتحــبُ

وانقـلب الناس علـى أعقابـهــم * ولـن يضــــرّ الله مّــن ينقـلـبُ

وأقبلـوا إلـى ( البتـول ) عنــوة * وحـول دارهـــا أُديــر الحطــبُ

فاستـقبـلتهـم ( فاطـم ) وظنّـهـا * إن كلّمتـهـم رجعـــوا وانقلـبــوا

حتى إذا خلت عـن البـاب وقــد * لاذت وراهــا منـهــمّ تحتـجــبُ

فكسّـروا أضلاعهـا واغتـصبـوا * ميراثـهـا وللشـهـــور كـذّبـــوا

وأخرجوا ( الكـرار ) من منزلــه * وهـو بـبـند سيـفـــه مـلبـــبُ

يصيـح أين اليوم منّي ( حمــزة ) * ينصرنـي و( جعـفــر ) فيغـضــبُ

وخلفهـم ( فاطمـة ) تعـثـر فـي * أذيالـهــا وقـلبـهــا منـشـعــبُ

تصيـح خلّوا عن ( علـي ) قبـل أن * أدعـو وفيكم أرضكـم تـنـقـلــبُ

فأقـبــل العـبد لهـا يضربـهـا * بالسـوط وهي بالنـبـيّ تـنــــدبُ

يـا والـدي هـذا ( علــي ) بعـد * عينيـك علـى اغـتصابــه تـألّبـوا

واعتـزلـوا جانـبـاً وأمّــــروا ضئـيــل تـيـم بـعـــده ونصّـبــوا

تجاهلــوا مقـامـه وهـــو الـذي * بسيفه في الحــرب قُدّ ( مرحــبُ )

ولـو ترانــي والعــدى تحالفـــوا * علـيّ لمّـا غيّـبــتـك التـــربُ

وجرّعـونــي صحبـك الصـاب وقـد * تراكمـت منهـم علـــيّ الكــربُ

ولـم تزل تجــرع منهـم غصصــاً * تنـدكّ منها الراسيـــات الهضــبُ

حتى قضـت بحســرة مهـضومــة * حقـوقهـا وفيـئهــا مسـتــلـبُ

وأخـرج الكـرار ليــلاً نعـشـهــا * و ( زينـب ) خلفهـــم تنـتحــبُ

 بغيابچ دنيه متلمني..ولا دار
جفني اعله الگبر شابح..ولا دار
عجيبه الباب ماباچي ..ولا دار !
دمع عينه بمصابچ يالزجيه ..


اليالي اعله الزجيه شكثر..ظلمن
وسنين الدهر الها هواي ..ظلمن
الدار خلاف عينج بيها ..ظل من ؟
يظل حيدر واليتامه بلا تچيه ..


يا الحنونه.... بغيبتج انفتح لي باب العذاب
يا الحنونه....باللحد ضميني وياج بتراب
يا الحنونه....صعب فقدج آه يا عظم المصاب

يمه يمه.... وي كسرة اضلوعج ماتت امنياتي
يمه يمه.... بطيحة المحسن هل حانت وفاتي
يمه يمه.... ورا الباب طفوها شمعة حياتي


يمه بعدج.... انه زينب أقره عالدنيه السلام
يمه بعدج.... أظلم البيت وجافت عيوني المنام
يمه بعدج.... بسمار دارج أصبح بوجهي سهام


يمه اريدج.... يوم طبة كربله وذيج النوايب
يمه اريدج.... يوم اشبك العشره بكثر المصايب
يمه اريدج..... أمن ادفن الطفله حدر الترايب
 
⚡️المصيبه

*- روي: أنّ فاطمة عليهاالسلام توفّيت و لها ثمان عشرة سنة و شهران، و أقامت بعد النبيّ صلى اللَّه عليه و آله خمسة و سبعين يوماً. و روي: أربعين يوماً. و تولّى غسلها و تكفينها أميرالمؤمنين عليه السلام، و أخرجها و معه الحسن والحسين عليهماالسلام في الليل، و صلّوا عليها و لم يعلم بها أحد، و دفنها في البقيع، و جدّد أربعين قبراً، فاستشكل على الناس قبرها. فأصبح الناس و لام بعضهم بعضاً، و قالوا: إنّ نبيّنا صلى اللَّه عليه و آله خلّف بنتاً، و لم نحضر وفاتها، والصلاة عليها و دفنها، و لا نعرف قبرها فنزورها!! فقال من تولّى الأمر: هاتوا من نساء المسلمين من تنبش هذه القبور حتّى نجد فاطمة، فنصلّي عليها و نزور قبرها!! فبلغ ذلك أميرالمؤمنين عليه السلام، فخرج مغضباً قد احمرّت عيناه، و قد تقلّد سيفه ذاالفقار حتّى بلغ البقيع، و قد اجتمعوا فيه. فقال عليه السلام: لو نبشتم قبراً من هذه القبور لوضعت السيف فيكم. فتولّى القوم عن البقيع.

*- اختلفت الروايات في وقت وفاتها عليهاالسلام: ففي رواية: أنّها بقيت بعد رسول اللَّه صلى اللَّه عليه و آله شهرين. و في رواية: ثلاثة أشهر. و في رواية: مائة يوم. و في رواية: ثمانية أشهر. من كتب الفريقين
 
فحرّكها الحسين عليه السلام فإذا هي ميتة، فقال: يا أخاه! آجرك اللَّه في الوالدة. و خرجا يناديان: يا محمّداه! يا أحمداه! اليوم جدّد لنا موتك إذ ماتت اُمّنا. ثمّ أخبرا عليّاً عليه السلام و هو في المسجد، فغشي عليه حتّى رشّ عليه الماء. ثمّ أفاق فحملهما حتّى أدخلهما بيت فاطمة عليهاالسلام، و عند رأسها أسماء تبكي و تقول: و ايتامى محمّد! كنّا نتعزّى بفاطمة عليهاالسلام بعد موت جدّكما، فبمن نتعزّى بعدها؟ فكشف عليّ عليه السلام عن وجهها، فإذا برقعة عند رأسها، فنظر فيها، فإذا فيها:

 ⚡️الوصية


هذا ما أوصت به فاطمة بنت رسول اللَّه صلى اللَّه عليه و آله، أوصت و هي تشهد أن لا إله إلّا اللَّه، و أنّ محمّداً عبده و رسوله، و أنّ الجنّة حقّ، والنار حقّ، و أنّ الساعة آتية لا ريب فيها، و أنّ اللَّه يبعث من في القبور.

يا عليّ! أنا فاطمة بنت محمّد، زوّجني اللَّه منك لأكون لك في الدنيا والآخرة، و أنت أولى بي من غيري، حنّطني و غسّلني و كفّنّي بالليل، و صلّ عَلَيّ، وادفنّي بالليل، و لا تعلم أحداً

و استودعك اللَّه،

قناة دمعة فاطمة للمجالس انشر تؤجر
https://t.me/dam3tfatima6

♦️▪️ مجلس دفن مولاتنا الزهراء عليها السلام▪️♦️

✍🏻📑 كتبته واضافة عليه : رقيه صالح البطي
📝 دققته واضافة النعي النهائي : سكينه صالح البطي

إنا لله وإن إليه راجعون ألف لاحول ولاقوة إلا بالله العلي العظيم
صلى الله عليك ياسيدي ويامولاي يارسول الله ، صلى الله عليك ياحبيب الله ، وعلى ابنتك الطاهرة المظلوم بعلها ، والمكسور ضلعها ، الملطومة على عينها
ماخاب والله من توسل بضلعك المكسور ، أمن من لاذ ببابك يازهراء

رأتهم يرفعون جنازة أمها .. فكادت أن تموت ألماً وحزناً .. سارعت الخطى نحو المشيِّعين .. مهلاً أريد وداع أمي .. مع انها ودعتها قبل ان يعقدوا الكفن .. لكنه الفراق ولوعة اليتم.

أتت ترجو بمدمعها الهمولِ
رويداً حاملي نعش البتولِ
أريدُ وداعها إن تسمحوا لي
ووحدي مع جنازتها اتركوني

دعوني عند نعش الأم وحدي
لأخبرها بآلامي ووجدي
أوسد قربَ كسر الضلع خدي
وأرجوها بأن لا تتركيني

عزيزتك الصغيرةُ يا عظيمة
إليكِ تبثُّ شكواها الأليمة
أصدقاً صرتُ يا أمي يتيمة
ألا يا ليتها عميت عيوني

كأني بالوصي أتى إليها
كوالدةٍ هوى يحنو عليها
مدامعه جرت في وجنتيها
فنادت والندا مزجُ الأنينِ

🔺اقولك طفله بعمر خمس سنوات شنو حالها تشوف امها ممده النعش

زينب على امها تصفگ اليسرى باليمين
لا تدفنون الوالده ام حسن وحسين

لا تدفنوها يا علي وردّوها للـدّار
مقدرْ على خلوة المنزلْ يا حِـما الجار
امنـه البتولـه شابـه بـويـه يكرار
واشلون عيشتنا بعدها يا حما الديـن

🔺لا كن بويه علي ماوصيك على امي الزهراء تراها راحت وليها ضلع مكسور ، ليها خد ملطوم

بِهْدَاي يَ إِلْ تِصَّب الماي بِهْدَاي
بِالهُون غَسِّل لَلْحَنُونَه و نُور عينَاي
بِالهُون هَذِي أميمتِي هَاي
قلبي ترى ذايب عليها وكِلِّه أوجاع

بِهْدَاي قَلّبها و لا تِلْجِم ضِلِعْهَا
و العين رَاعِيهَا و لا تِمْسَح دَمِعْهَا
تَرَى العين مُحْمَرّه مِنْ كَفِّ إِلْ صَفَعْهَا
و مِنْ شِدّة العصره حَمِلْها طاح بِالقَاع

هَوِّن عَليهَا رُوعَة التكفين باِلليل
منها القَلُب مِرْتَاع مِنْ ظُلمِ الرجَاجِيل
باِلهُون كَفِّنهَا و لا اِتْشِّد الكفن حيل
باِلهُون صدر أمِ الحسن مكسور لضَلاع

*أبيات تجنيز*

يلِّي تِشِيل النعش بِالهُون شِيلَه
بِاسم الله سَمِّي عَليهَا هَالجَلِيلَه
بِالهُون شَيّعْهَا وَ لا اِتْرَوّع العيلَه
و مِنْ تُوصَل إِلْ ذَاكِ القَبُر سَمِّي عَليهَا

يَلِّي تِنَزلُون الجَسَد بِهْدَايَه نَزّلُوه
وَ يَلِّي تِهِيلُون الثَرَى باِلهُون هِيلُوه
واِخْذُوا القَلُب يَمْهَا وبِالحُفْرَه دِفْنُوه
ويلي على إِلِّي سَافَرَت ويلي عليهَا

♠️♠️♠️♠️♠️♠️♠️♠️♠️♠️
🔺 *بداية المجلس: * 🔺

آجركم الله شيعة معزين نعم ياشيعه لما انقطع صوت الزهراء تقول اسماء نادينها يازهراء ما اجابت ، يا ام الحسن والحسين ما أجابت ، دخلت اسماء الدار شافت الزهراء ممده نحو القبله و الرداء على وجهها ، رفعت الرداء عن وجهها اذ بالزهراء ميته صرخت اي وافاطماه وابتولاه صارت تجول بوسط الدار بعد ماتدري شتسوي اذ بالباب تطرق دخل الحسنان اسماء وين امنا ما لنا لانسمع لها صوت ان شاء الله طابت من علتها ...

ليش مانسمع ونين امنا ولا نسمع كلام
ان شالله طابت العلة وغاب ضرب ابن اللئام
لو يا أسما سافرت عنا وخلتنا أيتام
والشهيد يصيح لاتفاول ترى قلبي انكسر

سالمه وياليت يابن امي كلامي لايكون
فالها فال السلامة وليت علتها تهون
قال خويه امنا نحيلة وهضمها ضرب المتون
نسأل الله الضلع المكسر من الزهره انجبر
****

دخلوا جائتهم اسماء بالطعام قالوا اوهل عهدتينا أن نأكل الطعام بلا أمنا الزهراء أين أمنا الزهراء لم تجب اشارت إلى دار الزهراء

دخلوا الدار أذ بهم ينظرون الزهراء ممده رفع الإمام الحسن الغطاء عن وجهها اذ به يرى الزهراء فارقت روحها الدنيا أين الصارخه وابتولاه وافاطماااه

جاء الخبر لأمير المؤمنين صار يقوم ويطيح
و في رواية اخرى أن الزهراء ماتت و رأسها في حجره وهو ينادي وافاطماه ...

انكب الحسن والحسين ..
جلس الحسين ينادي (( أماه كلميني أنا عزيزك الحسين ما أجابت ، قال اماه كلميني قبل خروج روحي من بدني )) في روايه تقول أن الزهراء رفعت يديها وضمت الحسنان إلى صدرها اين الصارخون وا فاطماه

أمير المؤمنين بعّد الحسن والحسين عن أمهم فاطمة اخبر اهل المدينه أن الزهراء فارقت الدنيا..

كان الناس ينتظرون خروج الجنازة للتشييع ، فأمر علي (ع) أباذر فنادى: انصرفوا، لمامضى من الليل شطره، وهدأت الأصوات، ونامت العيون، قام الإِمام لينفِّذ وصايا الزهراء"ع".
حمل ذاك الجسد النحيف الذي أذابته المصائب حتى صار كالهلال.
حمل ذلك البدن الطاهر كي يُجري عليه مراسم التغسيل و التكفين وهو يقول..

مكسورة الاضلاع واحزني عليها
انا دهري فجعني بالنبي واليوم بيها
قوموا عينوني وجيبوا النعش ليها
ظلمة تراها الدار تصبح هالمسية

قام الإمام بتغسيلها، من تحت ثيابها تلبيةً لطلبها، و كانت أسماء بنت عميس تناول عليّاً الماء لتغسيل السيدة فاطمة.

بينما يغسلها مرت يده على ذاك الضلع المكسور.. صرخ آه ، ساعد الله قلبك يا مولاي يا امير المؤمنين...
أين الصارخه وا فاطمــاه

أقول أمير المؤمنين بس شاف ضلع من الزهراء مكسور شلون حال علي ابن الحسين اللي شاف اضلاع الحسين منثره ..

ضلع واحد ياعلي وهد حيلك
چا ضلوع حسين شسويلك
...............
على الزهره تنحبت يوم المشت
يا علي والقلب من عندك يفت
شلون صار القلب يوم الحملت
بالنعش يا حيدره يوم السرت
وانته بهموم الزچيه تعثرت
تمشي وتوگع منو يتچيلك
...............
شلون لوشفت السبط فوق الثره
وبحوافر خيل صدره مكسره
وهم يعرفونه ابن خير الوره
وجده هم المصطفى ومن حيدره
وامه فاطمة البتول الطاهره
وكون زينب يمك وترويلك
...............
سلمان ينقل موقف ... يقول والله قد كسر قلبي علياً .. أراه قد وضع يده على خاصرته ويتكئ على الجدار.. يمشي ويقع ويصيح آه يازهراء..

قلت اتأمرنا بالصبر ونراك هكذا قال لاتلمني ياسلمان بينما انا اغسل الزهراء مرت يدي على اضلاعها فرأيتها مكسره اين الصارخه وافاطماه

مد الجنازة وسالت دمعة العين
و اصفق على اليسرى باليمين
ظل يقلب الجثه باليدين
لنه هجس بالصدر ضلعين
مكسور بأم الحسن وحسين

خله الجنازه و قعد بالحال
يصفق على اليمنى بالشمال
امدنق ودمع العين همال
سلمان قله وش هالاحوال
منت علي وخواض الاهوال

قله وعبراته غزيره
لاتلومني الحاله خطيره
عند النبي وعندي اميره
ياسلمان حيره والله حيره
ضلعين في الزهره كسيره

حسبي على الظالم عصرها
كسر لضلوع اللي بصدرها
وبتروح حق بوها بقبرها
امنحله وشايب شعرها
وعشرين ما وصل عمرها

غسل الجثه وقلبه مفطور
لفها بجفن والدمع منثور
وقلها ومنه الدمع منثور
حسافه يوسدونك بالقبور

وركب عصابتها على العين
ولف الجسد وسط الكفن زين
قلها يابنت سيد الكونين
سلمي على خير النبيين
قدمي العذر له عن ابو حسين

انتهى أمير المؤمنين من تغسيلها وتكفينها نادى ( بني حسن ، بني حسين ) تعالوا و ودعوا أمكما الوداع الأخير جا الحسن والحسين رموا بأنفسهم على ذاك الجسد النحيل وهم يبكيان أذ بالزهراء تخرج يديها من تحت الكفن فضمت الحسنان بصدرها .. إذ بهاتف من السماء ينادي ( ياعلي ارفع الحسنان عنها فلقد أبكيا ملائكة السماء )

أمير المؤمنين شال نعش الزهراء.. مر بها عند قبر النبي نادى بصوت حزين يالله كلنا وياه خل ندخل ونسلم على رسول الله ونودع حوايجنا ( السلام عليك يارسول الله )...

اقعد جاتك الزهرة
شوف عيونها حمرة
على خدها أثر سطرة
مظلومة البتول يا طه الرسول

بعدك مادريت شصار
هجموا يالنبي على الدار
وقادوا حيدر الكرار
ومظلومة البتول يا طه الرسول

عصرها ونبّت المسمار
بين الباب وي الجدار
وسقط محسن يا مختار
مظلومة البتول ياطه الرسول

بعدما دفنوا الزهراء رجع الحسن والحسين الى الدار شافوا زينب جالسه بباب الدار و واضعه راسها بين رجلينها من شدة الحزن بس دخلوا فزت ليهم ..

ياحسين وين اللي تقبلنا وتشمنه
وين الحنونه اللي رفسها برجله الشين
........
لنه يقلها كفي يازينب بواچيگ
خوفي اقلك كلمه ياخيه وتأذيك
البقى براسك راحت الزهره أمن اياديك

( راحت الحنونه راحت اللي تجمعنا راحت خيمة البيت يازينب )

ياحسين وين اللي تخلينه بحجرها
راحت ولا ردت ولا ندري بخبرها
ياما تقلبنا ولعبنا اعلى صدرها
ياما على الذرعان شالتنا ولموتون

🔺لاكن حسن حسين شلون قدرتوا تشوفون الزهره وهي على المغتسل
وصفوا لي حالها

غسلها علي بيده وشاف ضلوع منكسره
صبره فارقه وشفنا كل ساعه وزفر زفره
گفنها ونادانا تعالوا ودعوا الزهره
عن اليمنى و عن اليسرى تمددنا ونادينا

يبنت الهادي حاچينا احنا أولادك حسن وحسين
يازينب و الله من لچفان أمنا طلعت ليدين
و إلى الأحضان ضمتنا و عاينا ابو الحسنين

يمه بقينا من بعدك يتامى
يايمه الليل بعدك ماننامه
يايمه الدهر صوبنا بسهامه

تعالي يم حسن يمه تعالي
انا مقدر اشوف البيت خالي
توني افقدت عزي ودلالي

نعي ختام مجلس دفن الزهراء

♦️الامام علي بعد مادفن عزيزة قلبه الزهراء غفت عينه عند ذالك القبر المغيب واذا به يسمع صوت من داخل القبر .. ياعلي عجل بالرجوع للدار ، يسألها ليش يابنت رسول الله ما اقدر افارق قبرج انتي السلوه يازهراء صاحت ياعلي زينب فزت من النوم مرعوبه تنادي اماه فاطمه اي تصوري طفله من تفز من النوم تنادي امها وماتلاقيها ياعلي
رجع امير المؤمنين للدار شاف زينب جالسه بزاويه بالدار ولابسه عباية امها الزهراء الله اشلون موقف مؤلم

صاحت بويه
خفت ولوحدي بالليل فزيت
قمت ابعباة امي تغطيت
ياربحة امي التارسه البيت
خله البيت يابويه خله البيت

♦️اعتلى البكاء والصيحه جاو الحسن والحسين التموا الايتام حول امير المؤمنين شايفين الطفل اذا راحت امه وجاي يسأل عنها طفل اربع سنوات وست سنوات اشلون تقولين له امك ماتت

بويه شحالها النامت بالقبور
بويه قعدت بالقبر لو رايحه اتزور
بويه ايتامها في بيتها اتدور

بويه ماقالت ولد عدها يحنون
حسن وحسين يازهره يونون
بويه بهدومها قامو يشمون

ذكرناها شفنا الدار ظلمه وذكرناها
وذكرنا قعدة الحلوه وياها
انا ماانساها حنينه امي ولااقدر انساها

يمه نسيت وفراشگ فرشته
انجرح قلبي يايمه من نظرته
انا لطمت الوجه وجيبي مزقته

يمه فزيت من نومتي وجيتگ
على افراشگ يايمه مالقيتگ
يمه موحش عليه صار بيتگ

♦️اللي يفقد عزيز يجلس ويه احبابه يسلونه على فقد عزيزه والليله جمعه وماظن في احد بالمجلس مو فاقد عزيز يالله ذكري عزيزج واهدي له اجر هالدمعه .. لاكن صاحب الزمان فاقد كل اهله منو يسليه منو يشيل وحشته
وين يجلس من يشتاق ... يجلس عند اقبور احبابه

طريت المقابر عندي اعتاب
من عنت عليه شوفة الاحباب
ذكرت الليالي والقلب ذاب

المهدي يون ونه خفيه
قاعد على قبر الزجيه
ودمعاته عالوجنة جريه
لا تعتبين يايمه عليه

شلونج يابعد اهلي شلونج
جيف اصبحت لطمة عيونج
وشحال ضلعج مع متونج

طور المعاتيق
آه يازهره .. آه يازهره .. آه يازهره .. آه

وين اللي يجي يمج يازهره ويجري دمعاته
ويم قبرج يقيم النوح ويجر هالليله آهاته
♦️قبر الزهراء ضايع ياصاحب الزمان
الشيعه تتمنى لو تنظر له بس نظره

يصلي يمج الوحشه وتنعى وياه ركعاته
وعزيه ينصب بكترج والج تتعالى آهاته
آه يازهره .. آه يازهره .. آه يازهره .. آه

🔻بس اتصور صاحب الزمان من يمر بضيق وين يوقف اول باب يوقف عنده باب الزهراء وانتي وقفي معاه بقلبك وطلبي حاجتج

يمه على ياباب اقعد حتى اتانيج
يمه واتلقاج يازهره واحييج
صفه المهدي يازهره امحسر اعليج

صاح
ياغياب غيبتكم طويله
وحملكم صعب ماقدر اشيله
انا علويه اشوفكم بالعمر ليله
............
تمت بحمد الله ونسألكم الدعاء لتعجيل فرج صاحب العصر والزمان ، ولشفاء المرضى وقضاء الحوائج

خادمتكم : رقيه صالح البطي

تابعونا بالإشتراك بـ قناة مجالس حُسينية مكتوبه خاصة لخادمات الزهراء ( رقيه وسكينه وفاطمه البطي )
❌ مشكول الذمه من يمسح اسم الكاتبة من المجلس او يستخدمه بغرض التجارة


قناة دمعة فاطمة للسيدة فاطمة الزهراء عليها السلام
https://t.me/dam3tfatima2

//وزن النعي//
مستفلن مستفعلاتن
مستفعلن مستفعلاتان

*للسيده زينب سلام الله عليها*

احباب گلبي شالوا ابعيد.
ابچي عليهم دوم ماهيد.
امشي الوطنهم من يجي العيد.
كل ساعه ابچي وحزني تجديد.
اتمنه وحدي واسكن البيد.
عمري ابفگدهم بعد ميفيد.

*خادمة الحسین ام يحيي العبودي*
✧%✦%✧%✦%✧%✦%✧

احباب گلبي فاركتهم
من يوم راحوا وافگدتهم
دموعي جريه واندبتهم
بمر الليالي شگد ردتهم
بعيد البله ميرد وكتهم
عيني عمت چي ما شفتهم

*نبضي حسين*
✧%✦%✧%✦%✧%✦%✧

كل ساع اگولن وين اهلنه
عافونه ليش اهل المحنه
طالت الغيبه رجعوا النه
وياكم گبل يحله سمرنه
بهذا الوكت ماكومحنه
توزرنه العمر ونه عله ونه

*ام مصطفئ ناصريه*
✧%✦%✧%✦%✧%✦%✧


عاكول ويبز بدليلي
وين لوكفني عله حيلي
مظلم نهاري بلون ليلي
الدرب النجف ياچدم ميلي
يفراكهم ثگل عويلي
يادمعه لهل البخت سيلي

✍️ العلويه ام رقيه
الموسوي

•❁•❁•❁•❁•❁•❁•❁•❁•❁

بفراگكم شنهو البصيره
يانار البگلبي جبيره
ذبني الدهر وانا بحيره
وين اخوتي ووين العشيره
عگب الخدر صرت بكسيره
همومي ثگلت صارت چثيره

✍خادمة العقيلة ام احمد

تـــمت بــــعون اللــه تعـالى ـــ بأقــلام الشاعـ✍🏻ـــرات المبدعــات فــي رابــطـــة الأمـــام الحســــن👉 عــليــه الســلام لايجــــوز شررررررررعاً حذفـــُ اسمــاء الشاعـــــ✍🏻رات او تغيــــ🙏ــــرررها
https://t.me/joinchat/AAAAAFDeD-8dIUKfF2UaBA

قصيدة لاستشهاد مولاتي الزهراء عليها السلام

هذا النعش لام الحسن
شاله علي وينعى بشجن
—————————-
بي فاطمه زهره علي
بعطر الوديعه يمتلي
چف الضربهه يصتلي
ساس الظلالة والفتن

✍🏻ام محمد باقر العبيد
::::::::::::(((🌳)))::::::::::::::

يا نعش شاله المرتضه
ومسَلّم لامر القضه
مصيبه تهد ارض وفضه
وبصبره حيدر مرتهن

نبضي حسين

::::::::::::(((🌳)))::::::::::::::
الله يعينه لحيدره
شاف الضلوع امكسره
من شال نعش الطاهره
نزلت دموعه عالوَجن

ام جعفر الايرواني

::::::::::::(((🌳)))::::::::::::::

ياكسرك الماينجبر
اثمنطعش دافن عمر
همك يفيض بكل كتر
ياخيط اول للمحن

✍️ العلويه ام رقيه
الموسوي

::::::::::::(((🌳)))::::::::::::::

يبجي الوصي للطاهرة
لوداعها واللي جره
بصدره عبرته مكسره
احا يفگد ام الحسن
✍خادمة العقيلة ام احمد
::::::::::::(((🌳)))::::::::::::::

اثمنطعش عمره الورد
ياوسفه خلوهه ابلحد
والزهره ماظنها ترد
الاغصان منهه اتكسرن

ام✍🏻 رحمه الگاظميه



*تـــمت بــــعون
اللــه تعـالى ـــ بأقــلام الشاعـ✍🏻ـــرات المبدعــات فــي رابــطـــة الأمـــام الحســــن*عــليــه الســلام لايجــــوز شررررررررعاً حذفـــُ اسمــاء الشاعـــــ✍🏻رات او تغيــــ*🙏ــــرررها
https://t.me/joinchat/AAAAAFDeD-8dIUKfF2UaBA

ابو ذية لسان حال العقيلة ع تذكر اخوتها ع

كأني بها تخاطبهم ليلة الجمعة

🔹🔹🔹🔹🔹🔹🔹

ذكراكم يمر والليله جمعه
خوان الدهر شتتلي جمعه
حسين بكربله اوصال اجمعه
ضل عالغبره يا روح الزچيه

•❁•❁•❁•❁•❁•❁•❁•❁•❁

الليله يخوتي سويت الثواب
جزه علخوه ماريدن والثواب
دمعي المانشف اذكر الثواب
من حسين سلبوها اميه

•❁•❁•❁•❁•❁•❁•❁•❁•❁

بهلليه سلامي ابعث وحيهم
بيوت الخاليه منهم وحيهم
صحت بصوت يخواني وحيهم
ما ردوا غواليي عليه

•❁•❁•❁•❁•❁•❁•❁•❁•❁

يا دايم الفضل عله البريه
چنها امة محمد البريـه
خوات حسين سكنن البريه
وهامن بالخلي بنات الزچيه

•❁•❁•❁•❁•❁•❁•❁•❁•❁

ويه خواني العتب يحله وردتهم
وبليله الجمعه انه وردت هم
اسگيهم عذب ماي وردتهم
تردلي الروح لو ردوا اليه

نبضي حسين

*((حياتي حسين))*


*يحسين العمر محلاه من ینگضي اعله امحبتك*
*حبيبي وكل وجودي انته وصيتي عله من اعرفتك*
🔳🔳🔳🔳🔳🔳
*قلمي بس الك خادم وحگ ذاك البطل عباس*
*اضل مساهره ليلي لحد ماتخمد الأنفاس*
*مااجازيك عله النعمه اخدمك لن يشيب الراس*

*حبيبي وگلبي وروحي.*
*بلسم شافي لجروحي.*
*بدونك طايحه صروحي*

*مايبگه ذكر مني. لو ياسيدي عفتك*

*خادمة الحسین ام يحيى العبودي*
🔳🔳🔳🔳🔳🔳

*باسمك يلهج لساني وخادم ريتك تقبلني*
*وعلمنبر يريت الموت واحبابك تشيعني*
*يمن حبك سكن روحي وشخصك ساكن بذهني*

*يغالي وما إلك ثاني*
*ساكن وسط وجداني*
*باسمك عله بنياني*

*فتحت عيوني عله لطملك ومن الزغر خادمتك*

*نبضي حسين*
🔳🔳🔳🔳🔳🔳
*من زغري احب طرواك وانته عايش ويايه*
*حبيتك اعله الفطره وحبك يكثر هوايه*
*لو مرني الهظم يحسين اجيك بروح شجايه*

*اگلك يابعد عيني*
*يمن حبك يداويني*
*عندي هموم تدريني*

*تنطيني من امد ايدي حنين بطيفي لو شفتك*

*ام جعفر الايرواني*
🔳🔳🔳🔳🔳🔳

*مکسورة گلب يامولاي واندب حگي اتظهره*
*وانتم للحوایج باب بیکم تجبر الکسره*
*وحگ الشبچت العشره مهضومه وجر حسره*

*ادري تطلعونه الحگ*
*بخادمكم منو اليندگ*
*تحامونه بيوم الطگ*

*تكرمونه وترفعونه. باب وبالكرم مفتك*

*😔خادمة زينب*


*تمت بعون الله*
اللــه تعـالى ـــ بأقــلام الشاعـ✍🏻ـــرات المبدعــات فــي رابــطـــة الأمـــام الحســــن*عــليــه الســلام لايجــــوز شررررررررعاً حذفـــُ اسمــاء الشاعـــــ✍🏻رات او تغيــــ*🙏ــــرررها

قصيده نخوه لأم البنين عليها السلام
وزن المجرشه

~~

ليج اعتنيت بحاجتي يم البنين اگضيها

بجاه الخذوها اميسره وظل عالنهر واليها

بجاه البگت حيرانه
منج نريد ادوانه

ماطيّب العله دوه بس انتي التداويها

×××××××××××××

يابلسم جروح الولي ارجوج داوي جروحي

شكد غالي تدرين الضنه وبتي اعز من روحي

اقسم عليج بلوعتج عالمنحر المذبوحي

نضره يمولاتي ردت تنشفين دمعي ونوحي

ام عباس يارجوانه
منج نريد ادوانه

ماطيّب العله دوه بس انتي التداويها

*ام محــــ✍️ــمد علي الشيباني*

****

يم البنين الاربعه بالطلبه لاتنسينه

تعبنه مولاتي المرض وحاجاتنه تنطينه

بجاه الي هشموا هامته وبالسهم طفو عينه

منج رجينه نخوتج وبايدج اتداوينه

خليج دوم اويانه
منج نريد ادوانه

ماطيب العله دوه بس انتي التداويها

✍ *ام منذر الحجار*

******

مولاتي ياام الوفه منج اريد مرادي

اگظيها اليه بالعجل بجاه الرسول الهادي

شافي العلل والبي ألم واتبردين افادي

كلنه نعاني بهل الوكت وتدرين بينه شسادي

مولاتي انه تعبانه
منج نريد ادوانه

ماطيب العله دوه بس انتي التداويها

*ام بهـــــ✍️ــــاء الكربلائية*

******

ياحرة فدوة مروتچ منج اريد ادواية

وبجاه مگطوع الزند الظل فوك المسناية

جيناچ ياام الوفه بحاجاتنه عناية

جفچ كريم ونخوتچ لليگصدچ وفاية

من الالم دوهانه
منچ نريد ادوانه

ماطيب العله دوة بس انتي التداويها

*خادمة العقيلة ام احـــــ✍️ـــــمد*

***

علتي صعبه والوكت گصر بي يامولاتي

لادوه لاطب النفع وزادت عليه آهاتي

مليت انه من الالم وبيدج ضن امشافاتي

دلوني عليج الخلك تگضين الي حاجاتي

والدكت حيل اذانه
منج نريد ادوانه

ماطيب العله دوه بس انتي التداويها

*ام محـــ✍️ــمد الساري*

****

يم الشباب أمروتچ أدخيل لاتنسيني

بجاه الحسين أومصرعه وابالچ أتخليني

مولاتي مكسور الگلب وبالعافيه أتجبريني

أم البنين أنتي أونعم بالطلب مترديني

عليچ الگمر وأخوانه
منج نريد ادوانه

ماطيب العله دوه بس أنتي التداويها

*أم طاهـــ✍️ـــــر نجف*

*****

*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*

✍️✍️✍️✍️✍️

https://t.me/puwdznjbgqhkbc

قصيدة للامام القاسم بن الامام الكاظم ع
.........ً...............................
غريب وماله احد عضيدك يبو محمد
كضة العمر ترة بغربة
ومثلك منصدع كلبة
عضيدك يبو محمد

كضة القاسم عمرة كلة بالاحزان
وكل غصة بالغربة تهيج النيران
يتذكر عودة الكاظم كل ساعة وان
يكلة يبوية بعيد عن الاوطان

ومثلك يا بوية اصبر
عل يجري وعل المكدر
وعن الاهل متبعد .عضيدك يبومحمد
........
ويلي ساعة ودع القاسم بته
جنة وداعك علي وزينب عمتة
وجنة وداع العليلة شاهدتة
تكلة يا بوية الاجل بعدك ردتة
ويعلمهه الابو باسمة...ويوصيهم بهمة
للمدينة خل تكصد

ووايلي ذيج الساعة صارت ضجة
كالوا ماندري المولى انت والمرجى
نفدك كلنة بالروح والمهجة
يامن انتم وسيلة وانتم حجة
يا بن حجة القيوم
شذنبك غريب ومهموم
وبالغربة الكبر شيّد

ومن وصلت الطفلة حي بني هاشم
تندل اهلهه ومنه الكلب عالم
وشمت الجدة بيهه ريح القاسم
وفاضت روح الحنينة يا هلوادم
وزاد الهم علة الطفلة
يتيمة وكلبهه تسلة
واحزان الكلب جدد
عضيدك يا بو محمد
#نبضي_حسين

بمناسبة وفاة القاسم ابن الامام الكاظم عليهما السلام في 22 جماد الاول
▪️من ابواب الحوائج المعروفة والمشهورة هو السيد المظلوم القاسم بن الامام موسى الكاظم واخ الامام الرضا عليهما السلام
▪️القاسم ابن الامام موسى الكاظم قبره في منطقة تسمى بالهاشمية ضواحي المدحتية بين الحلة والديوانية في العراق وثم سميت المدينة إسمه وقبره مزار مشهور وقبة عالية ويأمه اصحاب الحوائج تقرباً وتشفعاً به الى الله تعالى في قضاء حوائجهم
▪️ذكر السيد بن طاووس في كتابه مصباح الزائد على ان زيارته لاتقل ثواباً عن زيارة ابي الفضل لعباس او علي الاكبر عليهما السلام
▪️وذكر العلامة القرشي في كتابه حياة الامام موسى بن جعفر احاديثاً ان زيارته تضاهي زيارة الحسين عليه السلام او اخيه الامام الرضا عليه السلام بمعنى ان له مقام كبير عند اهل البيت عليهم السلام
▪️القاسم بن الامام موسى بن جعفر قضيته او مأساته مثيرة جداً وهو من ضحايا الحملة المسعورة التي قادها العباسيون في استئصال اهل البيت( عليهم السلام) ومواجهة العباسيين لاهل البيت اشد خطورة من مواجهة بني أمية لان بني أمية كانوا في حرب مع الائمة أما آل العباس ارادوا استئصال الامامة من جذورها والقضاء على الامامة وتنصيب انفسهم بأنهم هم الائمة وهم ورثة الرسول ( صلى الله عليه واله) لذلك أبادوهم قتلاً وسماً وغيلة كأن رسول الله ليس لهم أب
▪️نتيجة هذه الحملة المسعورة والقسوة والملاحقة والقتل والبطش نجد مشاهد العلويين وابناء الائمة متفرقة في مختلف اقطار الارض في الاودية في الجبال في ايران في افغانستان في مناطق كبيرة في العراق في أرمينيا في كشمير وفي زوايا متعددة في الهند كلها نفهم في خلالها قسوة المطاردة والملاحقة التي تلاحق ذرية الرسول صلى الله عليه واله
▪️في هذا الاطار هرب القاسم بحثاً عن مكان يأمن فيه على حياته وخرج على شكل هيأة مزارع من اجل أن يبعد الشبهه عنه فكان يتمشى على ضفاف ترعة من ترع نهر الفرات ولشدة قلقه وحذره كان يراد أن كل من في الوجود هم اعداء للرسول لكنه واجه مفاجأة حيث مر بحي سكني من احياء العرب فشاهد طفلتين تقول احداهما للاخرى
لاوحق الامير صاحب بيعة الغدير
▪️هذه الكلمة أثلجت صدر القاسم وبدأ عنده فهم جديد لسكان هذه المنطقة فسأل الطفلة بحذر بنية من هذا الذي تقسيمين به ؟
قالت : اما تعرفه ذاك هو الضارب بالسيفين الطاعن بالرمحين مولاي ابوالحسن والحسين صاحب بيعة الغدير الامام الامير امير المؤمنين واذا بالقاسم عليه السلام أحس بدفء معنوي واستراحة نفسة
قال لها : بنية هل لك ان ترشيديني الى كبير هذا الحي ؟
قالت : نعم ان ابي كبيرهم
فسار القاسم وكانت تمشي خلفه الى أن أوصلته الى مضيف ابيها .. نزل ضيفاً عندهم وابتهج به صاحب البيت و كلما يسأله عن اسمه لايجيبه احتياطاً وحذراً وبعد ايام قال لصاحب البيت : اني أريد أن أبحث عن عمل عرض عليه أعمالاً من جملتها
قال : يا بني تسقي المياه ؟
قال : بلى فأستحسن ذلك منه وكان يأتي يومياً الى ضفة النهر ويملأ كيزان المياه .. وكن النساء يتحدثن عن عفته وعبادته فعرض عليه ذلك الرجل كبير الحي الزواج من ابنته فقبل لكن كلما أراد أن يعرف اسمه رفض .. زوجه ابنته وكانت تتحدث عن عبادته لابيها ولاهلها الى أن رزق منها طفلة ومع ذلك كان يعرف بالغريب
الطفلة كانت تخرج وتلعب مع الفتيات ترجع باكية لأبيها
وتقول : يا أبه لم لاتخبرهم بأسمك ؟
فكان يضمها لصدره ويقول : لم يا بنيه ؟
تقول : تلك ابنة فلان وتلك ابنة فلان وأنا أدعى بأبنة الغريب فكان يضمها الى صدره وهو يقول : بنيه أنت فلذة من كبد رسول الله( صل الله عليه واله)
مرض القاسم مرضاً شديداً فأحضر عمه وأخذ يوصيه بوصاياه قال : اذا أنا مت فأدفني في حجرتي هذه وأجعل على قبري علماً اخضراً هذه الكلمة استفزته
وقال : آن الاوان لأن تخبرني من أنت
فقال : يا عم اذا كنت تسأل عن حسبي ونسبي أنا القاسم ابن موسى بن جعفر .. فجعل يضرب رأسه وهو يقول واحيائي من أبيك الامام موسى بن جعفر
فأوصاه بالنسبة الى ابنته اذا صار موسم الحج تحج أنت وزوجتي وتأخذ طفلتي معك وتصل الى المدينة ان شاء الله ورسم له الموقع لمنزل أهله
وقال : ان في تلك الدار أمي فأنزل ابنتي فستدرج وتعرف طريقها
توفي هناك مظلوماً غريباً ونفذ الوصية عمه وبنى على قبره قبه وعلماً اخضر وسافر كما أوصاه الى الحج وأخذ الطفلة معه وكانت طوال الليل وطوال الطريق تأن وتحن وتتذكر أباها فوصل بها الى الحج ومن هناك الى المدينة وجاء الى أن وصل الى باب دار عالية
سأل لمن هذه الدار قالوا هذه دار تخص اولاد وذراري رسول الله ولكن مافيها الاّ أرامل وما فيها رجال فطرق الباب وفتحت الباب فأنزل الطفلة فأخذت تدرج فأجتمعن النساء حولها

فجاءت أمه وجعلت تتطلع الى شمائلها وعرفتها من خلال شمائلها
■وأصبح بعد ذلك قبر القاسم مزاراً يحكي معاناة هذا السيد المظلوم وظهرت في قبره الكثير من الكرامات
اللهم صل على محمد وال محمد
ساهموا معنا بنشر مظلومية القاسم عليه السلام وخذ الثواب والاجر من ابيه موسى الكاظم عليه السلام الذي جعلهم الله ابواب لكل حاجة