قصيدة للامام العباس ع/ شور /

يعباس....... شو نايم وناسينــــي
يعباس..... كوم انهض وحاجيني


•───✧◐ ❀ ◐✧───•

عتاب عندي ويه الكفيل...حملي ياخويه ثجيل
وين وعدك ليه
انت كافل محملي..وكتلي خويه ادللي
وهسه انه المسبيه
ترضه زينب بت علي...بخدهه دمعتهه تهلي
جتك ومحنيه
ومن ناديت... اه يا كمر يا عيــــني
يعباس......... كوم انهض وحاجيني

•───✧◐ ❀ ◐✧───•

جيت يم المشرعه...ولن جفوف مكطعه
وراسك خويه دامي
كلبي هيسته انفطر...بطيحتك طاح الخدر
يا ضخر ايامي
جنت اني مدلله ...بجال ابن عقد الوله
ضاعت كل احلامي
جيت انخاك.....متعــوده ترضينــــــي
يعبـــــــاس....... كوم انهض وحاجيني

•───✧◐ ❀ ◐✧───•

الراية يمك علنهر...واني وحدي بلقهر
ومنهو اليحامينه
عكبك يا خويه نضيع....خويه يلگلبك وسيع
وهسه يمك جينه
هاي سكنه جتي ليك...تكلك يا عمي اعتنيك
كوم روي سكينه
يرواي....... هذا النهر ياذنـــــــــي
يعباس..... كوم انهض وحاجيني

•───✧◐ ❀ ◐✧───•

خويه حركوا خيمتي..واني هسه بعبرتي
شلون انت صابر
مره اكوم ومره اطيح...جم طفل يمي جريح
وعكلي هسه حاير
حرم خويه بلا حمه..وكلهه عليك معلمه
بلا حمه ولا ناصر
يحماي...... بهذا الوضع تدرينــي
يعباس.... كوم انهض وحاجيني

•───✧◐ ❀ ◐✧───•

انخه شبلة لحيدره...وما اضل محيره
بجاه خوة زينب
وهو معروف الكفيل...والنعم من الدليل
بيوم هوله ويصعب
من اطبن للكبر...اريدن الگلبي يسر
والامان المطلب
اريد مراد..... وبشيمتك تطينـــي
يعباس.... كوم انهض وحاجيني


ام علي الحسني

قصيدة لمولانا أبي الفضل العباس عليه السلام
🖤🖤🖤🖤
يرعد العباس صَوَل بيده رف لواها
زلزل الجيمان كلها والأرض هزاها
🖤🖤🖤🖤
زلزل الحومه عليهم يرتجز غيرة وعزم
آنه أبو فاضل يويله اليِدنَه يشباه الزلم
موت الاحمر نزل بيهم يثلم الزلمه ثلم

فرت وتركض زلمها. بسيفه طشرها ويلمها

خايفه لايصل يمها
مو زلم نسوان چنهه وترتعد خلاها

🖤🖤🖤🖤
ترتعد خله الرجال يصول بالحومه ويجول
متيها ماتندل دربها وحايره منها العقول
علي لو عباس هذا بدهشة ماخذها الذهول

صاح عباس الشفية. اني ابن حامي الحمية
اليوم دون ابن الزچية
والله اگلبها گلاب وملحمة سواها

🖤🖤🖤🖤
ملحمة سواها بيهم تنذكر مر العصور
لو يمر عباس اسمه خوف ياخذها وثبور
عدل ميت چفه يسطر يرهب اسمك ياقسور

من علي الكرار عزمه. وجعفر الطيار عمه
منهو أبوه ومنهي أمه
الوفه وارث والشجاعة الزَينَة كلها أحواها

🖤🖤🖤🖤
وسفة ياليث الكتيبة چفوفك اتطيح بغدر
وراسك المتروس غيرة بالحديدة ينطبر
كسر ظهر حسين يومك والكسر ماينجبر

ظهره مكسور عله أخيه. يدور چفوفه الصخية
دمعته هلت جرية
يعباس النوب ضعنه من طحت يحماها

🖤🖤🖤🖤
شلون حاله وللمخيم من رجع محني الظهر
يكفكف دموعه ابيمينه وگلبه مخنوگ انعصر
طيح الخيمة وناده طاح عباس الگمر

وياك خويه الغيرة طاحت. زينب المهظومه ناحت
حيل ياعباس صاحت
أظلمت الدنيا علينه غاب بدر سماها

✍️. أم محمد علي الشيباني

https://t.me/hhpppp

قصيدة للسبي طور ( جرح المدينة ) ملا باسم الكربلائي

غايب ولينه. عگبه انولينه

غايب ولينه والگمر فوگ النهر عفناه
وابن امي جثته عالثره مسلب ولا ادفناه
مشونه عنهم بالغصب نبچي ونصيح أحاه
مگيد عليلي بجامعة ومنها تسيل دماه
يجهر ونينه. عگبه انولينه
➖➖➖➖➖➖➖
يامحنتي بدرب اليسر والهم يصدع جبال
ماهيه روحي بس جسد وياهم امشي اخيال
روحي بگت عالمشرعه يوم الحده الجَمّال
ولو بيدي عنهم ماشلت وإلهم أصير إظلال
ماصح بدينه. عگبه انولينه
➖➖➖➖➖➖➖
ماصح بدينه وللسبي گادونه هالظلام
فوگ الهزل تبچي الحرم تتلاوع الأيتام
ألزم طفل يوگع طفل يامحنة الأيام
أتوچه گمت عالصبر من كوفة لارض الشام
صحنه وبچينه. عگبه انولينه
➖➖➖➖➖➖➖
ياطبت الشام اشكثر صبت دمع عيناي
اتلگوني بدفوف وطبل ومعيدين اعداي
نار الشماته وجرت بيه وچوتلي احشاي
وينك يعباس اندهت جاوبني شنهو الراي
للشام أجينه. عكبه انولينه
➖➖➖➖➖➖➖
منهو المثل زينب حِمَل هالگد قهر وهموم
طلعت أميرة من النزل وتردله بس ارسوم
ماجورة يازينب صحت عليچ الگلب مالوم
جِرعَت قهر لِهمَت صبر شافت صدر مهشوم
ومرضرضينه. عگبه انولينه

✍️. ام محمد علي الشيباني

https://t.me/hhpppp

فزاعيه للعباس عليه السلام

خل نلطم على العباس
وسعي اللطم ميدانه
▪️▪️▪️▪️▪️▪️▪️▪️▪️▪️▪️▪️
وبت حيدر ا نعازيهه
راح الاخو من اديها
نلطم على واليها
وي زينب الحزنانه حا حا

〰️〰️〰️〰️
مصيوب بسهم عينة
ومگطعة جفينه
شلون تشوفة الحنينه
ومگطعة ذرعانه حا حا

✍ام بتول
〰️〰️〰️〰️〰️

خل نلطم على الهيبه
اخوها الراح شيجيبه
يا فاجعة ومصيبه
بفگدة طايح لوانه
〰️〰️〰️〰️〰️

بفكدة الحرم ميسورة
وزينب بعدة مقهورة
وليش بحيرة مجمورة
تشوفة مغيرة الوانه حا حا

✍️.ام علي الحسني
〰️〰️〰️〰️〰️〰️〰️〰️
لطمن حيل وياها
زينب فاگده حماها
أخيها ومَرد چلاها
عليه الروح خلصانه. حا حا

〰️〰️〰️〰️〰️〰️〰️〰️〰️
يلوگ اللطم للعباس
سور انهدم من الساس
ياهيبتي بين الناس
راح وبعد ماجانه. حا حا
〰️〰️〰️〰️〰️〰️〰️〰️〰️
لطمي حيل للكافل
صيحي أحا يبو فاضل
أخو زينب ويستاهل
وزينب تلطم ويانه. حا حا

✍️ أم محمد علي الشيباني

تمت بحمد الله بأقلام شاعرات مهدويات الهوى

https://t.me/hhpppp

قصيدة //موشح لنزول كربلاء//
🖤🖤🖤🖤🖤🖤🖤🖤🖤

طبت ام عون الحزينه الكربله
بيده نزلها الكمر للقافلـــــــــه

ونعم من الكفيـــــل
بموكب العز وجليل

هنا يعباس.... هنا يعباس

〰️〰️〰️〰️〰️〰️〰️

تكله يا عباس اجيت من لوطن
اهنا اشوفن هالارض بيها المحن
خويه يالكفال ياراعي الضعــن

من شفتها الكربله
دموع مني سايله

هنا يعباس. هنا يعباس

زهره الكناني ✍🏻

〰️〰️〰️〰️〰️〰️〰️

ودمعه الاحزان تجري محيره
تكله ياعباس سبع الكنطـره
جيت بحماكم يوالي مخدره

انت خويه كافلي
وكتله هسه ادللي

هنا يعباس... هنا يعباس

✍🏻تقى التميمي

〰️〰️〰️〰️〰️〰️〰️〰️

طبت الحره بمهابه للطفــــــــوف
نادت لعباس هاي ارض الحتوف
جني اشوف اهوال وكطع الجفوف

العليمه العالمه
انه بتها لفاطمه
هنا يعباس... هنا يعباس


نبضي حسين


〰️〰️〰️〰️〰️〰️〰️〰️

هوس العباس جدام الضعن
والفواطم عاينن ليه وبچن
بالبطل عباس هنه تنومسن

شلون هوس بالعلم
ابو فاضل يالشهم

هنا يعباس،،،، هنا يعباس

*الشاعره ام احمد البصراويه*✍️

〰️〰️〰️〰️〰️〰️〰️〰️

من اجت زينب وطبت كربله
صاح ابو فاضل بخيتي ياهله
شال سيفه وگامت اتهوس اله

اتگله موتي وياك انه
ابروحي يابعد الضنه

هنا يعباس اهنا يعباس

✍🏻 ام زينب الأسدي
〰️〰️〰️〰️〰️〰️〰️〰️
يكلها والله كربله اگلبها گلب
وافدي عمري كون دمعج مايصب
اني اخوج وانتي تدريني صعب

من اطبن للطفوف
شوف اخوج ومااشوف

هنا يعباس ٠هنا يعباس

ام جعفر الايرواني
〰️〰️〰️〰️〰️〰️〰️〰️🕌 ▣━━━━
تـــمت بــــعون اللــه تعـالى ـــ بأقــلام الشاعـ✍🏻ـــرات المبدعــات فــي رابــطـــة الأمـــام الحســــن👉 عــليــه الســلام لايجــــوز شررررررررعاً حذفـــُ اسمــاء الشاعـــــ✍🏻رات او تغيــــ🙏ــــرررها

//فزاعية للامام العباس//
طور يعباس جيب الماي لسكينه
➖➖➖➖➖➖➖➖➖➖➖➖➖

يعباس ..يعباس هليوم زلزل كربلا
يعباس..يعباس راعي الشيم والمرجله


يلبيك ينزاح القهر
عن ابو اليمه يا گمر
يحزامة لحسين وظهر
فخر بيك ..فخر بيك والكافل انت العايله
يعباس... يعباس هليوم زلزل كربلا

〰️〰️〰️〰️〰️

عضيد ابو اليمه البطل
والنعم منه لو نزل
يشبه حيدر الفحل

يمغوار ..يمغوار ...يا ضنوة حيدر بيه هلا
يعباس ..يعباس....هليوم زلزل كربلا


〰️〰️〰️〰️〰️

طب ابو الغيرة للحرب
وفنه الذي يمه گرب
وكل ضنهم حيدر الي طب

شبه بيه...شبه بيه ..چن حيدر الصولة إله
يعباس..يعباس هليوم زلزل كربلا

✍️.ام علي الحسني

〰️〰️〰️〰️〰️〰️

هاليوم صول عليهم
چالموت إنزل بيهم
بسيفك فني إفنيهم
هلا بيك. هلا بيك. عباس شيال اللوه
يعباس يعباس هليوم زلزل كربله
〰️〰️〰️〰️〰️〰️〰️〰️
نعمين سبع الگنطره
من صرخ صرخة حيدره
خله الجثاث مطشره
يذكرون يذكرون . من زغره راعي المرجله
يعباس. يعباس. هليوم زلزل كربله

✍️. أم محمد علي الشيباني
تمت بحمد الله بأقلام شاعرات مهدويات الهوى
https://t.me/hhpppp

#يوم سابع
لحن مرت سنه ونص
_-_-_-_-_-_-_-_-_-_-_-_-_-_-_-_-_-_-_-_-_--_

عباس يا حامي اللوه وينه
واليوم خوية منگطع بينه

من غاب اخويه وكافل العيلة
عباس منهو حملي يشيله
〰️〰️〰️〰️〰️

تدري ..بأمري بعدك يخوية ينكسر گلبي
زينب ...انحب يرضيك يا خوية وبعد عمري
بمحنه ...صرنه وبعدك يعباس افگدة لخدري
شحچي...وابجي بفرگاك وينه يلتگه صبري

اصبر يخوية والصبر سلني
لا لية ترجع لا بطل وني

من كربلا روحي انه عليله
عباس منهوحملي ليشيله

✍️ام علي الحسني

〰️〰️〰️〰️

بهمي اوني. اندب يعباس انتهض لينه
غربه. صعبه. خلافك يوالي عالوا علينه
حرمه. بهظمه راح الكفلني وضيعت عينه
بعده. بشده. وحبال بيدي عگب چفينه

من بعد چفه الحبل بيميني
لاطال عمري وگصرت سنيني

بعدك اضوگ الموت كل ليله
عباس منهو حملي ليشيله

✍️. أم محمد علي الشيباني
〰️〰️〰️〰️〰️〰️〰️

امشي ..ورمشي ما طبگ لحظة خوية بغيابك
بليلي....حيلي مهدوم خوية من اذكر اصوابك
بعينك........سهمك صوب يخوية گلب احبابك
رحنه.....وعفنه اجساد خافن يجرح عتابك

اخافن تگول اختي عافتني
بسوط الشمر خوية انضرب متني

للسبي امشي وما إلي حِيله
عباس منهو حملي اليشيلة

✍️ام علي الحسني
〰️〰️〰️〰️〰️〰️

بحيرة چبيرة منهو اليشيل الحمل يالوالي
غايب ذايب. دلالي يوم فگدت كفالي
ابچي. واشچي. ياريت ميتة الموت اشوالي
بسكته. هملته دمعي يخويه الشمر يبرالي

عگبك يخويه الگوم هظمونه
باسمك يبو فاضل يچيدونه

وين الكفيل الچنتي بدخيله
عباس منهو حملي ليشيله

✍️. أم محمد علي الشيباني

〰️〰️〰️〰️〰️

بجالك..عيالك محشومة خوية والخدر عالي
ابختك......اختك من المدينة وياك يالغالي
ذكرى......وحسرة ذكراك خوية من يمر بالي
مرمي......مدمي بعيد البلا من شفتك گبالي

آه من اذكرك واذكر ايامي
وشلون اجينة وتمشي جدامي

بعدك يخوية رحلتي طويلة
عباس منهو حملي ليشيله

✍️.ام علي الحسني

تمت بحمد الله بتجمع شاعرات مهدويات الهوى
https://t.me/hhpppp

قصيدة بحق العباس ع وأمه الطاهرة ع

عباس يبني انت نعم المعين
عباس ردتك درع دون الحسين


اليوم يا عباس اذكر يبني الربة
حگي توفي من توفي وية اهل العبة
مهجة الزهرة هليوم مصوبة
يبني ارفع راسي بنصرة الحسين


اليوم يا عباس اذكر يبني الصفات
البيهن اني ربيتك حد الممات
اوفي لولاد الزجية بالفلاة
والكفيل انت لبنات المرسلين


راوي للعالم يا يمة اعظم درس
ومنك انت يوليدي ضحي النفس
حتى لويضل عندك اخر نفس
بيه جود انت يبني وگرلي للعين


زلزل الگاع هليوم بكربلا
وزيح هم الي صبح عل العايلة
جفوفك يوليدي هنة يزيحن بلا
عن وجه اخوك الضامي سبط الامين


اليوم يا عباس اوفي يبني العهد
رايدتك يبني انه لزينب ضمد
ولبو اليمة انت واخوتك سند
عهدي هذا وياك مسجل علجبين


بروحك يا عباس واسي انت زينب
وگلها عد عينج يا بت شاطر مرحب
راويهه صولة علي للحرب طب
وگلهه نفسب ابذلهه يختي للدين


ردتك تبيض وجهي گبال الزهرة
اني واولادي كلنة لبنج نصرة
شما اضحي يم الحسن اني مقصرة
فدوة اولادي لبنج ريت تقبلين


نريد من ابو فاضل وامة المراد
وعيني علجرة عليهم والله بسهاد
بساعة الممات يبردون الاكباد
الشيعة تطلب من كرم راعي الجفين

✍️.ام علي الحسني

قصائد في حب العترة
قناة خاصة بنشر قصائد لمناسبات اهل البيت (ع)
https://t.me/hhpppp

قصيدة للعباس عليه السلام
بطور ( زينب تلگيني يخويه) سيد فاقد الموسوي
▪️▪️▪️▪️▪️▪️▪️▪️▪️▪️

زينب زينب
اعذريني يزينب عين ماعندي
زينب زينب
چفي راح مني وانكطع زندي
زينب زينب
مارد للخيم والماي متبدي
عيني العمه سكنه عطشانه سكنه عطشانه
من الضمه. اطفال فحطانه. اطفال فحطانه
شنو عذري. شنو عذري
▪️▪️▪️▪️▪️▪️▪️▪️
خويه خويه
ماخذني الخجل يختي اعذروني
خويه خويه
أدريهم عطاشه وهسه يتنوني
خويه خويه
من حر الضمه گاموا يحشموني

شوفي انعدم يختي عذريني . يختي عذريني
من الحرم. تستحي عيني . تستحي عيني
شنو عذري. شنو عذري
▪️▪️▪️▪️▪️▪️▪️▪️
ويلاااااه. ويلاااااه
ماوفيت وعدي الماي ماجبته
ويلاااااه. ويلاااااه
لو چفي عدل چان النهر شلته
ويلاااااه. ويلاااااه
ولسكينه ورقيه چان وصلته

عمي نخت. رادت أسگيها رادت اسگيها
من العطش ماي أرويها. ماي أرويها
شنو عذري. شنو عذري
▪️▪️▪️▪️▪️▪️▪️▪️
ياحيف. باحيف
عبدالله الطفل حيل العطش ضامه
ياحيف ياحيف
مالحگت أحط الماي جدامه
ياحيف. ياحيف
كتلتني يخويه طبرة الهامه

ضامي انذبح. فطمته النبله. فطمته النبله
گلبه انجرح. حسين وي ابنه. حسين وي ابنه
شنو عذري. شنو عذري
▪️▪️▪️▪️▪️▪️▪️▪️
معذور معذور
يانِعم الأخو الوفيت للخوة
معذور معذور
يطيب الذات يابو سيرة الحلوة
معذور. معذور
يبعد اختك يريت نروحلك فدوة

يابو الوفه. العهد وفيته. العهد وفيته
يابو الفضل. العمر ضحيته. العمر ضحيته
شنو عذري. شنو عذري

✍️. أم محمد علي الشيباني
https://t.me/hhpppp

قصيده للعباس ع السلام
//فزاعية جنوبيه//
〰〰〰〰
لطمن حيل مو ذبحوه العباس
وسافه يطيح سبع الليل ياناس

〰〰〰〰
سبع الليل طاح وطاحت اجفوفه
والرايه بكتره شلون ملفوفه
عينه مصوبه والجربه متلوفه
اظل انه غريبه وخدري ينداس
〰〰〰
دكن حيل اخوي الحيد مذبوح
طاح أعلى النهر ودماه مسفوح
يبو النخوه يخويه ليش مطروح
دوهني مصابك شيب الراس
〰〰〰

دوهني مصابك خويه يالحيد
اشلون اطيح وانته الساكم البيد
اسد وشلون كدرولك يعربيد
عليك الحيف يالتصطر يفراس
〰〰〰〰
عليك الحيف كلي اشلون كدروك
وانت الماتهاب اجموع غدروك
طيحوك بغدر كوم المرحموك
يل صاكرها كلها اشلون تنجاس
〰〰〰〰
صكار الزلم بالحومه صنديد
وانت الحرب عندك جنه العيد
يغدرونك وسف يللي متهيد
على العيله تطك بيدك الارجاس

〰〰〰〰
كومن ساعدني غرب الوالي
جاباني البطل وتكفل الغالي
كفل ضعني الاجه ويه الغوالي
هسه اصفيت انه وي كوم الارجاس

〰〰〰〰〰〰〰〰〰〰
تمت بعون الله تعالى بقلم الشاعره أم هاشم الحسني ونسأل الله التوفيق ونسألكم الدعاء
https://t.me/hhpppp

قصيده للعباس عليه السلام

//فزاعية جنوبية// ون حسين عد راسك يعباس. خويه لوطحت توليني الرجاس.
〰️ 〰️ 〰️.
كوم انهض يبو الغيره يرجواي. انه اخلاف عينك تشمت اعداي. انكسر ضهري يخويه بوكعتك هاي وحدي لاتخليني ويه الناس. @@@@@
طحت وستوحدوني الكوم ياخويه. كالو راح اخوك الكله حنيه شال الحيد ضلت بس محاجيه. بعد بيمن تزامط شال عباس. @@@@@.
طاح أعلى النهر مكطوع الجفوف وكع وسفه السبع والعلم ملفوف
رايح يالجنت بالغيره موصوف. طحت مصيوب خويه بعمد عالراس. @@@@@.
عفتني اشلون بين الجيش ياحيد اخافن تنولي العيله يصنديد. ويسبون الحرم ياكوم يزيد. حسافه تروح من ايدي يفراس @@@@@.
حسافه ينفكد حامي الغوالي. يا عباس صفه بالضيم حالي. انضر حالتي وانضر عيالي بعدك راح أضل من غير حراس. @@@@@
تحرسون العقيله ونمتو عالغبره والعدوان باجر للضعن تبره. زينب والحرم واطفال متحيره تون مالومه زينب من النجاس
@@@@@ تمت بعون الله تعالى بقلم الشاعره أم هاشم الحسني ونسأل الله التوفيق ونسألكم الدعاء
https://t.me/hhpppp

قصيدة للعباس والحوراء زينب عليهما السّلام

〰️〰️〰️〰️〰️〰️
للكفل زينب المهظومه اعتنت
جسد مابي روح يوم الحشمت
〰️〰️〰️〰️〰️〰️〰️
جسد مابي روح ماخذها الذعر
طاح سور الجان كافل للخدر
انهدم حيلي وجيت بذيالي اجر
الخدر وي الحيل طاحن عالنهر
بيش اوچد الدرب وعيوني عمت
جسد مابي روح يوم الحشمت
〰️〰️〰️〰️〰️〰️
راح ضي العين ماريده شأشوف
من وگع عباس دنياتي بكسوف
الكون اظلم بدر زينب بي خسوف
وريح سوده ومطر احمر بالطفوف
ويمكن السبعه عله السبعه اطبگت
جسد مابي روح يوم الحشمت
〰️〰️〰️〰️〰️〰️〰️
بعيني مااشوف وگصدت المشرعه
وادري بالهامه وچفوفه امگطعه
جيت اگلك وادري صوتي تسمعه
عمر گضيناه سوه خنودعه
وعله الشاطي العِشرَة فلت وانتهت
جسد مابي روح يوم الحشمت
〰️〰️〰️〰️〰️〰️〰️
خويه زينب لاتگولين الوداع
روحي و روحچ سفينه وي الشراع
وحق والدنه الفِتَح ذيچ القلاع
عدل ميت ما أخليچن ضياع
وروحي وياچن تراهي إتيسرت
جسد مابي روح يوم الحشمت
〰️〰️〰️〰️〰️〰️〰️
الجسد ميت لكن الراس ارتفع
عدل شامخ مات عالي ماخضع
وضلع امچ راسي بس لله خشع
هبطيته وشلت حملچ ماوگع
حته لو چفين مني اتگطعت
جسد مابي روح يوم الحشمت

〰️〰️〰️〰️〰️〰️〰️
يله گومي وراسي يحرس هيبتچ
حاشا لتظنين عافوچ إخوتچ
چِذَب مِن گال آل اميه ذلتچ
وراسي وياچ. بإشارة لخدمتچ
لهالسبب هالروس هاي اتعلگت
جسد مابي روح يوم الحشمت
〰️〰️〰️〰️〰️〰️

كفو و ماخيبت ظني يالكفيل
بهاي وصاك الولي حامي الدخيل
بهيبة جيت وياك حارس بالرحيل
شمس بنهاري وبدر تضوي بليل
ياكفيلي ورحلتي بنورك ضوت
جسد مابي روح يوم الحشمت

〰️〰️〰️〰️〰️
✍️. ام محمد علي الشيباني

https://t.me/hhpppp

مربعة لمولانا أبي الفضل العباس عليه السلام
🖤🖤🖤🖤
وَن حسين يم عباس
يوم الگطعوا اچفوفه
🖤🖤🖤🖤
اتعنه ليه أبو اليمه. وشافه مخضب بدمه
نَص عليه ويشمه يصب دمعات مذروفه

🖤🖤🖤🖤
گعد يمه ورفع راسه. حطه بحظنه وباسه
ولنه بآخر انفاسه. بعامود الهامة مخسوفه

🖤🖤🖤🖤
گام يگلب جروحه ودماياته مسفوحه
وعباس إطلعت روحه. خذاه البين وحتوفه

🖤🖤🖤🖤
رد محني الظهر ليهن. وينشدنه عله واليهن
بچه حسين ويواسيهن. علبو صولات معروفه

🖤🖤🖤🖤
ظهره انكسر وضلوعه. وصارت للحرم لوعه
عله العباس مفجوعه. يشمس الغدت مكسوفه

🖤🖤🖤🖤
زينب تلطم عالراس والنوب الخيم تنداس
عفت حسين ياعباس. وحده وفرغت صفوفه

✍️. أم محمد علي الشيباني

https://t.me/hhpppp

قصيدة للامام العباس ع(دارمي)


يـوم الاجــه العـباس وادخـل الحـومـه
طاحت تره من الخوف ﭼـومه اعله ﭼـومه
ـــــــــــ❃❃❃ ـــــــــــ
يـوم الاجـه العبـاس واعلـن حـربـها
اجيوش الاعادي هاي تـيـهـت دربـها
حـس بـيـها ذاك الخوف ويلي ورعبـها ١
يـوم القـيـامـه صـار ابـكـربـله يومـه

#يـاسمين الشموسي
🖤🖤🖤
حي الله العباس أرزم بشده
بيمينه الصمصام من يصل حده
يگلبهن ا لجيمان وحده عله وحده
ليث الحرايب صال شاعت اعلومه ٢

✍️. أم محمد علي الشيباني
🖤🖤🖤

ليث الحرايب صال يشبه الكرار
مفزوعة منه عداه والجثث طشار
مرعوبة من عباس صاحت الستار ٣
ابنك يحيدر صال جيدوم دومه

✍️.ام علي الحسني

🖤🖤🖤

طب يرعد العباس سيفه بيمينه
صاح انه ليث الغاب حامي الضعينه
ويله اليصل لحدود خدري وعرينه ٤
يرهب ترا العباس واتخوف اهدومه

✍ام هاشم الحسني

🖤🖤🖤
حي الله اخوالحسنين هالزلزل الكاع
طب للحرب ماخاف هذا ابن الاسباع
خلاها كلها اتخاف من نظرته ابساع. ٥
طشرها كلها اليوم وخلاهه نومه

✍️. أم سيف الزبيديه
🖤🖤🖤

يوم الغضب عباس اتزلزل الكون
صاح اني العباس يل ماتعرفون ٦
اولاد حامي الجار لا مايدنگون
من يفتخر بالصيت محد يلومه

✍️. علويه أم فاضل

🖤🖤🖤
خلاها كلها تنام حي ابو فاضل
والنعم منة اليوم للضعن كافل
بس يا وسف تنصاب عينه بنابل. ٧
ومگطوعة منة جفوف تجري دمومه

✍️ام علي الحسني

تمت بحمد الله بأقلام شاعرات مهدويات الهوى

https://t.me/mahdawyaat_alhaawaa

اقرى القصيده بتمعن
مقدمه للعباس عليه السلام 2021

ما شوف راية ولا كفيلي بعيني
عباس طاح بيا كتر دلّيني
يحسين لتظل ساكت وحاچيني. ياخويه
............

ماشوف رايه عله النهر لاحامي خدري الغالي
خيل وزلم عالمشرعه خاف ورجف دلّالي
عباس ماشوفه بعد بس التراب اگبالي
طمّني يحسين شحصل عن كافلي اليبرالي

ليش انت لازم ظهرك وتتحسّر
شصاير على العباس يابوالأكبر
بجروح گلبي وهمّي لتخلّيني. ياخويه
..............

يحسين حاچيني شسبب وجهك تغيّر لونه
بس لا چفوفه اتگطّعن بس لا سهم بعيونه
عباس اخويه الهاشمي قوة علي بمتونه
ما يوگع وما ينثني إلا اذه يغدرونه

معقوله يرمينه الشمر بسهامه
وعباس عايش مايكسر عظامه
ياخوفي طاح وطيحته تأذّيني. ياخويه
.................

ما جاوب اخته امن الألم گلبه احترگ بالهيمه
لخيمة ابوالغيره دخل طيّح عمود الخيمه
معناها يازينب وگع عباس راعي الشيمه
يعني استعدّي للسبي ودرب المآسي وضيمه

لطمت وجهها زينب المفجوعه
راواها دم من يمنته المگطوعه
گاللهه يختي عله الصبر عينيني ياخويه
..................

شحچيلچ وخاف الحچي ما ظنّچ اتحملينه
ما واجهوه غدروه غدر ياريتچ تشوفينه
ظل حاير بظهر الفرس من گطّعوا چفينه
عباس طاح عله النهر صابه العمد بجبينه
عالمشرعه لمن وگع ناداني
حسّيت طايح منّي نصفي الثاني
ما شرب ماي وغايته يواسيني. ياخويه
....................

متزاحم بصدره النبل ضيّع علينه الملگه
همّيت اشبگه وفكّرت تلچم جروحه الشبگه
ودّعته يختي بدمعتي وصّاني گبل الفرگه
من زينب اطلبلي العذر صاح وحچاها بحرگه

باجر اذا راحت سبي للكوفه
لا تنظر لجسم الگمر وچفوفه
منچ سماحه رايد موصيني ياخويه
...............

ما قصّرت يابالفضل ياخويه ومسامحتك
وفّيت ياحامي الظعن مشكور يابعد اختك
شماصار بية بالسبي لا تهتم وعاذرتك
تبقه الكفيل شماجره ارحل وعود ابختك

لكن ابواليمه انفجع بغيابك
ظهره انكسر يابالفضل بمصابك
حالك وحاله ابكربله امبچّيني

#سيد_زيد_الفحام
https://t.me/hhpppp

 نوايح

اخاف اصيح ياعباس...ليش اليوم عفتوني 

زلزل بالشريعه وهد اسدودها
هله والله بشايل علمها وجودها 

طالع بالعلم للعلگميه
عساج اصدود ياعين المنيه 

هلاهل والحراير بان اسعودها
ـــــــــــــــــــــــــــــــــــــــــــــــــــــ 

لفح الهيم مسجّر گلبه
لكن وفّه وذب الشربه
عباس الوافي بوعوده
وافي للمظلوم بحبه
وعده الزينب يملي الگُربه
اضرم بالمسنات وگبّه
يطب الماي معاهد ربه
صعگ ارعود تعاين حربه
خطف بروگ اتعين ضربه
عباس الوافي بوعوده
حذر والشمايل هاشميه
ينادي الموت خل الدور اليه
وبس للماي وصّل...سعد گلبه وتهلهل
ينادي الموت خل الدور اليه
ومن علگ الشعايل سد ادروبها
ومن عين المهابه اتطير گلوبها
تصيدها بنشب وايده نبلها
على اليمنه اليسر شد وعدلها
هلاهل والحراير بان سعودها
ـــــــــــــــــــــــــــــــــــــــــــــــــ 

عذب ازلال وفاض بجفه
ورد الغرفه وگلبه بلهفه
شيال الحمل وحماله
جرّد لمعه وصار بجفه
وعافه وروى النفس بعفه
ملّى الجود وشده ولفّه
فوگ الراس البيرگ رفّه
بحر سلاح يموج بجفه
رمحه شراع وسيفه الدفّه
شيّال الحمل وحمّالّه
طف والشوف من عجّه يتكدّر
يشردها ويصيح الله واكبر
عليه الگوم حاطت...من الضربات عادت
يشردها ويصيح الله واكبر
وعن بحر الشريعه صار اشرودها
والصدر المنيه بسيفه ايعودها
وعينه اعله العلم ويه الرويه
طفح بالزود حمّاي الحميه
هلاهل والحراير بان اسعودها 

ــــــــــــــــــــــــــــــــــــــــــــــ
فده العتره ووفّه النصره
والمظلوم يهل العبره
والعسكر جاري اعله ضعونه
ويشوفك مخسوف الگمره
ومخ الراس يسيل بحجره
واحتار ابن الزهره بأمره
بيا طيب يداوي الطبره
ويضمك مرات بحسره
ويخونه بشيلانك ظهره
والعسكر جاري اعله ضعونه
ويزيد الشجن من سهم عينه
وتذوب المحاشي من ونينه
دخلك يامشكّر...تصد بالعين مگدر
وتذوب المحاشي من ونينه
وفاض النور من روحه العطوفه
ظل ابن النبي يدور اجفوفه
ما مثلك اخو للاخو وفه
جفوفه امگطعه والعلم رفه
نوايح والضنايب طاح اعمودها 

ــــــــــــــــــــــــــــــــــــــــــــــــــــ 

رد حسين يصب ادموعه
والحوره طلعت مفجوعه
آحا ياغربة بو سكينه
مفرود وجبده منزوعه
محني وايدينه اعله ضلوعه
من حست الايتام ارجوعه
ركضت عالكافل مفزوعه
خُذنا ياحسين التوديعه
بنضم جفوفه المگطوعه
آحا ياغربة بو سكينه
خذنا للنهر يابن الصوامع
نداوي صواب راسه بالمدامع
نشيل الجود عنه...ثگيل وتاعبنه
نداوي صواب راسه بالمدامع
ولامه بالمدينه زفوا اسرورها
گولوله ابنها وفه انذورها
لابن المصطفى بالروح فدّه
تگنطر والعلم ضمه ابزنده
نوايح والضنايب طاح اعمودها
ــــــــــــــــــــــــــــــــــــــــــــــــــــ 

أداء
السيد عصام الهاشمي 

كلمات
المرحوم الشاعر غازي الحداد 

نوح الراعبية
يحبيبي يا عمي الشبيبة
يا ناصر حسين و حبيبة
سلامي الك من ال هاشم
و من زينب الحورة النجيبة

يا يشخ نصرتنا و ملزوم رايتنا
يا سيد الانصار و يا در معناها
هليوم لزمتنا و واجب محبتنا
و عهد الوفي البار هلساعهه مرجاها

تدري اخويه وحيد و عنه بلدنا بعيد
و هلعكسر الجرار للبيده سداها
و احنا يبن ظاهر في قله الناصر
و ابن النبي حاير و الدمعه جراها

و بكربلاء حجه و بخيامه الضجه
كلها يتامى صغار و بصدره ملجاها

و هلكَفرة بالعيله نزلها ما بين رمايه و نبلها
تتربص حتوف المنية بخواني و انه الذله بيه

حظي الشين يظنون عرفته
اخوي يروح بس بيضيع اخته
و دوم النوح كل صبح و مسيه
و لا حد من هلي ينغر عليه

و سم هموم بالغربة شربته
و هضمي الي شهكته ما زفرته
و لا جبدي من العطشه ندية
و بخيامي جنايز ملتظيه

و لا شافت عيوني الهجيعه
روحي تولتها الشريعه
عند الذي بالنهر نايم
ابن الوفيات النجيبة

____

من وصل لزينب راسه انحنى و ينحب
نادى ي بنت النور امري على الخادم
سلم على الصفوة و طاح ومشى حبوة
روحي لكم فدوة يا سادة العالم

بفتحر و صلي منهو بعد مثلي
و ترسل سلام لي صفوة بني هاشم

يا كعبة الملهوف لا يطب كلبج خوف
و حنا عليج نطوف دورات ب الصارم

خافي اذا نمنا و من الشمس ذبنا
و المرمي بالحنه و ثوب العرس جاسم

معرس نسج تربه عبايه و الزينة ب زلوفه دمايه
كومي اله يا هاشمية و دفني الولد جسمه رميه

و شبل الذي ناشر جماله نزلي اله وسرحي دلاله
جنازة على الغبرة طريه و صلت عليه الغاظريه

و الشيخ الذي كلنا فايده
مكطوع النحر غسله دماياه
و لا حد جابته الغيرة و واراه
على صدره تدوس الاعوجية

يا بنت من فدى نبيه انت العليمه ب هلرزيه
و احنا خدم فخر العوالم و المساعد الله بهلمصيبة
___

ارحم لي الضربه بالسيف و الحربه
من شوفه زينب تركض على خيمها
تلحك المسلوبة و تحضن المضروبة
و النار مشبوبه و جدامها بدمها
و الحرم مذهوله بالفزع مشلولة
و النار تتوارى و الكل يشتمها
و الحورة محتارة ما تدري شلجارة
تترقب السجاد ينهض يعلمها

و العابد المعلول شد العصا و يقول
فري ي عمه الشور من الخبا و ناره
فروا بعجل يلا السلامه و خلو النسا تشيل اليتامى
ميجوز يا عمه المنيه ب نار الحقد من ال اميه

نطلع يبعد اهلي و نخليك ما يستوي و كلنا نفديك
توجى على متني و افر بيك يا رجوتي و باقي البقية

اصدن وين لو فاجر سلبني ولو شمر الخنا بسوطه ضربني
يشاهين النهر يلضيعتني لزمت النوم و النوبة عليه

سهم رمى عينك رماني صكني على عيوني و عماني
لو بس نهرات الشتايم شلون العضيمة و السبيبة

____

دمع و دمى و جروح و لكربلا بنروح
نعي ي كلبي و نوح باللطمة و الدمعه
نتذكر العطشان واكف على الشبان
صرعى على التربان و كل ساعه اله صدعه
و صيحه بني هاشم من زفه الجاسم
وردة و ثغر باسم و دمه طفى الشمعه

و جري السبط حافي للمصرع الوافي
يا رب يا كافي و ايده على ضلعه

ما بالحزن مثله يوم الحمل طفله
متوسد ب نبله و مأمل الرضعه

و اسدل على الجثه و حملها
و خيامه بالصيحه وصلها
و الجف يتكطر دمايه
و النوحه نوح الراعبية

الله يلحوره و تذوبين
من يجبل ب طفله و تشوفين
مفروش اله ب جنب المطاعين
و تحوش جسمه الناحبيه

و رد اردود نحبات شديدة
على الي بالشريعة طاحت ايده
و اشرب من وجع كلبي و ازيده
لو غربي الهوى نسم عليه

و اشتاك و بالحسرة اردها
من اذكر الهامه و عمدها
هبت على جرحه النسيم
بس الكمر زايد لهيبه


الرادود: السيد عصام الهاشمي
الشاعر المرحوم: غازي الحداد

🖤🖤🖤🖤🖤🖤🖤🖤

🔵المستهل


🔺دورتك بليل يالماخذ الحيل

🔸يم النهر طايح گمر
🔸 گالولي حلوه ارسومه
ــــــــــــــــــــــــــــــــــــــ
🔷گالولي طايحلچ اخــــو يــــــــــم النهر تلگينه
🔷مايرضــى يعبرلچ سهم صد الســـــهام ابعينه
🔷گلتلهم الگــــــــاه يا كتر گالولي سمعي اونينه
🔷لو ما عرفتــــيه بالشكل اتعرفينه مــن چفينه

🔺غير الگه يمناك حته الگه يسراك

🔸ضلمه وحجر يمك عــثر
🔸جدمي وطحت مهضومه
ــــــــــــــــــــــــــــــــــــــ
اتعنيتك بليـــل اهدعش  والخطوه تسبگ خطوه
مشــــاني للماي الوصف عباس ويــــــنك فدوه
جيتــــــك لچن اتحيرت ماگتلي زيــــــنب گوه
من شفتك بروحي گـلت لو هوه لــــــو مو هوه

متغير اهــــواي ماتحچي وياي
ياغيرتي ياتچوتي
حاچيني مو ملچومه
ــــــــــــــــــــــــــــــــــــــ
عباس متطشر صــــــدگ جيت ارد اشوف اشلونك
ريحني بحچـــــــايه ولو ياراحــــة اشوف ابدونك
صــد ليه هذا اخر نـــضر يابعد عيـــــــــني عيونك
لوني انخطف ويطيحتك مـــــــــــو بس تغير لونك

مو طبعك النوم وين الله وتگوم
لمن رحت ادعي گمت
كون الله يبعد يومه
ــــــــــــــــــــــــــــــــــــــ
ماريد اچملنك وجـــــــع بس المن احچي حالي
مخنوگه من ذاكه الضهر من ضيعت چــم غالي
يكفيني منـــــضر حالتي لاتنـــشد اعله احوالي
هاي انه يمك مــن رحت حطو بديه احـــــبالي

وين امشي ياصوب والفرگه چـندوب
درب اليسر رايد ستر
وخواني كلــــــــهم نومه
ــــــــــــــــــــــــــــــــــــــ
لو بيدي ماعـــــــوفك ابد مو گلبــي خويه العافك
صار العطش خوه وهجر ماتروى عـــيني اخلافك
اعمي عيــــــــوني لو ترد    وعصرهن اعـله اشفافك
عــــــــــباس جابو ناگتي وين الكه خويه اجتافك

ياراعي الخيام وين اندل الشام
ياعازتك محتاجتك
ليل ويناغي انجومه

*شاكر الصيمري*

🟣⚫️🟣⚫️🟣⚫️🟣⚫️🟣⚫️

#خادمة_المنبر_الحسيني_الأستاذة_ام_كوثر

#إدارة_أكاديمية_مهدويات_الهوى_لتعليم_الاطوار_الحسينية

خــويــه يشيــال العَلــم
چم حيـل مـن عنـدي هـدم
درب السبي وحرگ الخيم
يا أبو فاضل

****
ما أعــاتب وانته غايب يالجبتني وياك من ارض المدينه
گلبي ذايب والأجـــانب بعد عينك خويه ضعني امسلبينه

يا خــويه ليلي إبــلا گمر ليــل النــوايب
لخيالي مــا واحد نظـر شوف المصايب
بعــدك سبيـه وبالظعـن تنظــرلي أجانب
ياخويه تسوه معاتبي لــــو ردت أعاتب
ترضه يسيره وانسبي وسر الله بيه والنبي
أية شرف جوّه العبي يــا أبــو فاضـــــــل

*

حگــي انعــه وتبچي سبعه فاگــده كشخت خدر يم الشريعه
روحي شمعه دمعــه دمعـه ذابت أبيوم الهوّت أيـدك گطيعه

خويه يــوم الي هــوّت عالشاطي چفين
انكسر يـا خويه ابــوگعت ظهر الحسين
خويه وألنه مــن طحت حرگو صواوين
خويه اركض بس شفت غربه ودواوين
يا خويه بعيوني أنرسم چفك هوى أبصفه العلم
اعتذرت عيونك بالسهم يــــا أبــو فاضـــــــل
*
يـــا كفيلــي تدري ليلي أظلم وأنته چنت التضّـوي ليلي
عيني سيلي آه يــويلـي عل الكفلني وچفه طايح آه ويلي

ويــاك اجيــت ورايتــك رفّــت عليــــه
تالــي شفتها أعلى النهـر يمــك رميــه
صوبني دهــري شچم سهم بالغاضريه
حرگ الخيام ومن رحــت عنـــك سبيه
خـــويــه يشيــال الــلوه بعدك فلا طاب الهوه
عيني عمت وانته الضوه يـــا أبــو فـــاضــــل

من سبوني وگيدوني وين كافل ضعنچ أتصيــح الشماتــه
من خذوني شتّموني هذا راسه اعلى الرمح هيبة خواته
نــادو الشمّات وأعيــوني اتجـــاره
هـذا راســه الكافــل وانتـــم يسـاره
خويه يـا فگد الاخو ما تطفه نــاره
ريت تنظــر حالــة اضعونك حيـاره
راسك على الرمح ونزف نادني احسه يا وسف
دلالي مــن شافـــك هتف يــــا أبــو فاضـــــــل
*
والــرزيــــه مــن رقـيــه تگلي ويــن الكافـــل أتأخـر علينه
شوفي أديه من أل أميه تنزف وعمي الكمر ما يدري بينه
دمعي يتفايض عالوجن مــن النواظر
گتلهه يــا عمّه يجي ويمرنــه باچــر
خويه تمنيتك لـوَن هالساعه حاضــر
بعينك تشاهد چم گلب يا خويه حـاير
ترضه يسبع الگنطره للشام أروح أميسره
وبين الشماته أمحيره يــا أبــو فاضـــــــل
*
الشاعر
موسى البديري

الناشره خادمة العتر ه الشريفة لجين
قناة متيمة عبدالله الرضيع لنشر القصائد الحسينية والألحان

لطميه للعباس (ع) زينب (ع) تخاطب ابو الفضل (ع) عندما حضروا النياق الى السبي

الشمر حضر ناكتي وشد الحبل بيميني
وشد الحبل بيميني
عباس نزلت دمعتي وعالنهر دارت عيني
وعالنهر دارت عيني
يالنايم انته براكه
شلون اركب عله الناكه
وعالنهر دارت عيني ٢
**

يالنايم براك النهر اكعد وعاين حالي
ياهو اليركبني صحت ياهو اليركب اطفالي
ريتك تشاهد منظري والشمر من صاحالي
الناكه هزله ومتعبه وبجفوفي شد احبالي
ونار الكلب حراكه
شلون اركب عله الناكه
وعالنهر دارت عيني ٢
***

جريت حسرة من الكلب والنار سعرت بيه
حيرانه بثنين اصبحت عيني بكت مجريه
بركبت الناكه اتحيرت وبجلمة المسبيه
تمنيتها عيوني طفت وي عينك المطفيه
ولاشمر ضعنك ساكه
شلون اركب عله الناكه
وعالنهر دارت عيني ٢
**
من جدم انياكه الشمرلوتدري بيه شحسيت
واكف اكبالي برايتك واسمع ونينك ونيت
انه كفيل ام الخدر ويم النياك ادنيت
توميلي خويه بيمنتك وتكلي يازينب جيت
الجف كافلي مشتاكه
شلون اركب عله الناكه
وعالنهر دارت عيني ٢
**

من شوك كلبي ليمنتك ونت الروح بهيده
روحي عليك اتحسرت جف الكفاله تريده
واجابني لازم يجي وذاك الزمان يعيده
محد يكرب ناكتي غير الكفيل وايده
منين اجاني افراكه
شلون اركب عله الناكه
وعالنهر دارت عيني ٢
***

عباس منك ايست وسلمت امري الباريك
مريت صوب المشرعه وعيوني هيه تحاجيك
يالنابت بعينك سهم وشلون الاعتاب عليك
جاشني كلب ام الخدرفوك الشريعه تخليك
والدرب راد ارفاكه
شلون اركب عله الناكه
عالنهر دارت عيني ٢

✍ الشاعره ام زينب كربلاء
غير مبري الذمه من يأخذ الكلام وينسبه اليه من كتاب الماسي الفاطميه الجزء الثالث عشر