حبيب ابن مظاهر عليه السلام
......

ثار شيبات البخت كلها بوقاره
ثار حبيب العاشت الدنيا بخضاره

بالحب مبهم امرك يالحبيب
الرايه نضمت لجلك ياحيبب


موازين العشك مختلفه وياك
هويت حسين مدري حسين يهواك
جانت لوحة الطف ناكصه هناك
وماكملها ابو السجاد تاناك

شاف فارس من بعد وتبسم حسين
شاف طولك ياحبيب وفكله جفين

كلك صبري بغيابك عجيب
الرايه نضمت لجلك ياحبيب
.......
يبو كلب الكبل جفينه مفتوح
بحب حسين موبالسيف مذبوح
لموتك تبتسم وتبشر الروح
ومن تضحك تغار شفاه الجروح

هام كلبك بالسبط والحب مسارك
هام كلشي مو اهم من اختيارك

جيتك ناصر للباجر سليب
الرايه نضمت لجلك ياحبيب
.....
شيباتك ثكل بخت الدواوين
بياض الشيب يشبه نيت الحسين
عنيد وذكرك يخوف السلاطين
اليحب ماادري يزغر هاكد سنين

كول عليك شطاح منه ورجعك شاب
كول قميصه لودموعه لو دمه صواب

شانك يكبر وتصير المهيب
الرايه نضمت لجلك ياحبيب
......
الفقيه العابد يوصفك امامك
يشيخ انصاره توضيح لمقامك
سلاما على الخيم كلت بكلامك
وسمعت زينب و ردت سلامك

هاي زينب بت علي ترد التحيه
هاي باجر من خدر تطلع سبيه

الخيمه باجر ياخذها اللهيب
الرايه نضمت لجلك ياحبيب
.......
زينب طرحت اعلى حسين جلمات
تكله ختبر صحبك بالكلافات
حبيب وسمع زينب خايفه تبات
يم خيمتها جاب اصحابه هوسات

موت باجر مايمر واحد بالخيام
موت نطيح وعلى الخيم ماتعبر اسهام

دمنه ينزل والمنحر خضيب
الرايه نضمت لجلك ياحبيب
.....
#الشاعر علي السعيدي



@HxzEU1
https://t.me/hxzeu1
قناه نشر القصائد المنبريه

سلام الله على انصارك يالحسين
سلام الله على واحدسبعــــــين

يالكلهم شياهيــــن
وفوا ابنصرت حسين
سلام الله. عله انصارك يالحسين
________

شباب اوشيب كلهم الك انصار
باسمك ياعلي ياحامي الجار
وگفو ويه ابو اليمه الاحـــــرار
گلبهم. كالجمر. من الجمر نار

ذول انصاره للــدين
وفوا ابنصرت الحسين

زهرة الكناني

🕯✺ 🕯✺ 🕯✺ 🕯

انصارك يبو اليمه كواكــــــــب
يطوفونك شمس يبن الاطايب
سباع وبالوغى ليوث وتحارب
لجلك طلكو دنيه وحبايــــــب

بدربك همه ماشين
وفو ابنصرت حسين


نبضي حسين
🕯✺ 🕯✺ 🕯✺ 🕯

يم باب الخدر. كلهم. يهوسون
احنه انصاركم ليكم يگولون
حبيب وياه زهير اوعابس اوجون
صولات الغوالب من يصولون

بدمنه نفديه الحنين
وفو بنصرت حسين

زهره الكناني😭✍🏻

🕯✺ 🕯✺ 🕯✺ 🕯

انصارك يبواليمه الكل عوابس
كل واحد يسوى بالف فارس
بحومات الحرب الهم مجالس
عليهم رفت طيور النوارس
بحبك هم مجانين
وفو نصرت حسين

زهره الكناني✍🏻😭

🕯✺ 🕯✺ 🕯✺ 🕯

الشهاده منك الهم خير الاصحاب
نالوها الشهاده وياك الاطيــــــاب
گالولك نضحي الموت منهـــــــاب
وحبك ما نبدله لكطع الركـــــــاب
عزمنه قوي وميلين
وفوا ابنصرت احسين

نبضي حسين

تمت باقلام الشاعرات

قصيدة لحبيب بن مظاهر ع
🕳〰️🕳〰️〰️🕳〰️🕳〰️〰️🕳

يا حبيب ابن مظاهر
كوكب الدري زاهـــر

شيخ الانصار بعزيمه
منزله لشخصك عظيمه
بشيبتك انت الكريمه
لبو اليمه نعم ناصر


ناصرت لحسين انته
كضيت عمرك بمحبته
وصيتك بفعلك نشرته
واسمك يصحي الضماير


بكربله صولات عندك
موقفك ثابت ومجدك
لبو اليمه اعله عهدك
بالشدد وياه حاضر

حاضر انته بطفوفه
وقبلتهن الــــــجفوفه
كتله شخصك ما اعوفه
ودونك اني اسد كاسر


بشيبه المباركه صوله
والعدو ضل بذهولــــه
فارس وكلك بطولـــــه
وبعقيده الجنه ناطر

لكربله جاي بعقيده
تنصر لشبل الصميده
بهمه اتسوي التريده
تشدهه للعصابه باجر

نبضي حسين

نوح الراعبية♡ بحق شيخ الانصار حبيب ع ♡
يحبيبي يا عمي الشبيبة
يا ناصر حسين و حبيبة
سلامي الك من ال هاشم
و من زينب الحورة النجيبة

يا يشخ نصرتنا و ملزوم رايتنا
يا سيد الانصار و يا در معناها
هليوم لزمتنا و واجب محبتنا
و عهد الوفي البار هلساعهه مرجاها

تدري اخويه وحيد و عنه بلدنا بعيد
و هلعكسر الجرار للبيده سداها
و احنا يبن ظاهر في قله الناصر
و ابن النبي حاير و الدمعه جراها

و بكربلاء حجه و بخيامه الضجه
كلها يتامى صغار و بصدره ملجاها

و هلكَفرة بالعيله نزلها ما بين رمايه و نبلها
تتربص حتوف المنية بخواني و انه الذله بيه

حظي الشين يظنون عرفته
اخوي يروح بس بيضيع اخته
و دوم النوح كل صبح و مسيه
و لا حد من هلي ينغر عليه

و سم هموم بالغربة شربته
و هضمي الي شهكته ما زفرته
و لا جبدي من العطشه ندية
و بخيامي جنايز ملتظيه

و لا شافت عيوني الهجيعه
روحي تولتها الشريعه
عند الذي بالنهر نايم
ابن الوفيات النجيبة

____

من وصل لزينب راسه انحنى و ينحب
نادى ي بنت النور امري على الخادم
سلم على الصفوة و طاح ومشى حبوة
روحي لكم فدوة يا سادة العالم

بفتحر و صلي منهو بعد مثلي
و ترسل سلام لي صفوة بني هاشم

يا كعبة الملهوف لا يطب كلبج خوف
و حنا عليج نطوف دورات ب الصارم

خافي اذا نمنا و من الشمس ذبنا
و المرمي بالحنه و ثوب العرس جاسم

معرس نسج تربه عبايه و الزينة ب زلوفه دمايه
كومي اله يا هاشمية و دفني الولد جسمه رميه

و شبل الذي ناشر جماله نزلي اله وسرحي دلاله
جنازة على الغبرة طريه و صلت عليه الغاظريه

و الشيخ الذي كلنا فايده
مكطوع النحر غسله دماياه
و لا حد جابته الغيرة و واراه
على صدره تدوس الاعوجية

يا بنت من فدى نبيه انت العليمه ب هلرزيه
و احنا خدم فخر العوالم و المساعد الله بهلمصيبة
___

ارحم لي الضربه بالسيف و الحربه
من شوفه زينب تركض على خيمها
تلحك المسلوبة و تحضن المضروبة
و النار مشبوبه و جدامها بدمها
و الحرم مذهوله بالفزع مشلولة
و النار تتوارى و الكل يشتمها
و الحورة محتارة ما تدري شلجارة
تترقب السجاد ينهض يعلمها

و العابد المعلول شد العصا و يقول
فري ي عمه الشور من الخبا و ناره
فروا بعجل يلا السلامه و خلو النسا تشيل اليتامى
ميجوز يا عمه المنيه ب نار الحقد من ال اميه

نطلع يبعد اهلي و نخليك ما يستوي و كلنا نفديك
توجى على متني و افر بيك يا رجوتي و باقي البقية

اصدن وين لو فاجر سلبني ولو شمر الخنا بسوطه ضربني
يشاهين النهر يلضيعتني لزمت النوم و النوبة عليه

سهم رمى عينك رماني صكني على عيوني و عماني
لو بس نهرات الشتايم شلون العضيمة و السبيبة

____

دمع و دمى و جروح و لكربلا بنروح
نعي ي كلبي و نوح باللطمة و الدمعه
نتذكر العطشان واكف على الشبان
صرعى على التربان و كل ساعه اله صدعه
و صيحه بني هاشم من زفه الجاسم
وردة و ثغر باسم و دمه طفى الشمعه

و جري السبط حافي للمصرع الوافي
يا رب يا كافي و ايده على ضلعه

ما بالحزن مثله يوم الحمل طفله
متوسد ب نبله و مأمل الرضعه

و اسدل على الجثه و حملها
و خيامه بالصيحه وصلها
و الجف يتكطر دمايه
و النوحه نوح الراعبية

الله يلحوره و تذوبين
من يجبل ب طفله و تشوفين
مفروش اله ب جنب المطاعين
و تحوش جسمه الناحبيه

و رد اردود نحبات شديدة
على الي بالشريعة طاحت ايده
و اشرب من وجع كلبي و ازيده
لو غربي الهوى نسم عليه

و اشتاك و بالحسرة اردها
من اذكر الهامه و عمدها
هبت على جرحه النسيم
بس الكمر زايد لهيبه


الرادود: السيد عصام الهاشمي
الشاعر المرحوم: غازي الحداد

https://youtu.be/c-7qBrZjIkc

راية حبيب

ورد أن الإمام الحسين (عليه السلام) في مسيره إلى الكوفة خيَّم في وادٍ وعقد أثني عشر راية ثم أمر جمعاً من أصحابه أن يحمل كل واحد منهم راية وبقيت واحدة فقال له بعضهم: يا سيدي تفضّل عليَّ بحملها فجزاه خيراً وقال له: سيأتي إليها صاحبها. فلما جاء حبيب أعطاه إياها.

ولا يخفى ما لهذا العمل من دلالة واضحة على فضل حبيب ومكانته عند الحسين (عليه السلام) وذكر أهل السير أنه لما ورد مسلم بن عقيل (عليه السلام) إلى الكوفة ونزل دار المختار وأخذت الشيعة تختلف إليه قام فيهم جماعة من الخطباء تقدمهم عابس الشاكري فخطب خطبة أعلن فيها ولاءه ومبايعته للأمام الحسين (عليه السلام) والذب عنه بروحه وثناه حبيب فقام وقال لعابس بعد فراغه من خطبته رحمك الله لقد قضيت ما في نفسك بواجز من القول وانا والله الذي لا إله الا هو لعلى مثل ما أنت عليه فكان حبيب مع ابن عمه مسلم بن عوسجة يأخذان البيعة للأمام الحسين (ع) في الكوفة.

حر الرياحي...... صفوة الطيبين
بالدنيا حر واخره سماك الحسين


حر الرياحي اتخير وشنهو اختياره
صاحب لبو اليمه ونعم ذاكه قراره
ما همه دنيه فانيه شبل الغياره
اختار الحسين وصحبته نال بجداره

وي شيخ الانصار.... وكل الميامين
بالدنيه حر واخره سماك الحسين


🏴🏴🏴🏴🏴🏴🏴🏴


شاف ابو اليمه وبالعشك بانت علامه
بدل قرار بلحظته واعلن هيــــــــــامه
فاز ويه ابو اليمه وأخــــذ منه وسامه
طاع لأمر ربه وتبــــــــــــع نور الامامه

فايز يمغوار.... وقرتلك العين
بالدنيه حر واخره سماك الحسين


🏴🏴🏴🏴🏴🏴🏴🏴

گله ابو اليمه سمتك امك وصدقت
طابق الاسم لموقفك كربله سجلت
تروي بدمائك هالارض أوليك شهدت
الايام تحجي هالمجـد وليه خطت

لبن الكرار.... ناصر لهل الدين
بالدنيه حر واخره سماك الحسين

🏴🏴🏴🏴🏴🏴🏴🏴
جيت ابو اليمه ومستحي ومدنك الراس
گتله اتوبن سيدي وبكل الاحساس
ما اعوفك انه بكربله يا سيد الناس
رايد افوز بصحبتك واترك الارجاس

واشهر البتار..... يبن السلاطين
بالدنيه حر واخره سماك الحسين

🏴🏴🏴🏴🏴🏴🏴🏴

تقبلك الحسين وصرت بالصحبه بموصوف
هنيالك وياه من فزت بأرض الطفوف
ضحيت من اجله النفس متبالي الحتوف
متهاب كثرة العده السلت اسيوف

بقوة الجبار.... رابح الدارين
بالدنيه حر واخره سماك الحسين


نبضي حسين

1- زلزل الحومه      عبا س عباس 
قصيده نزله   للعباس ع   



 زلزل الحومه      عبا س عباس 



من علي اعلومه   عباس عباس



عنه كالوا حيدره  اوهوه سبع الكنطره







كبل لايطلع يقاتل    اخذ    رخصه من الحسين



كله خويه اليوم يومي       اليوم اهد عالظالميين



جاوبه ياخويه اريدك       لايظل كلبي حزيين



جابو العباس كله         اشلون اشوفنك طعيين



وانه تتدرييني يخويه       ابن امير المؤمنيين



والنعم منك عضيدي     يانصيري اوظوه العيين



     اليوم ماكو معذره   نار كلبي اموجره



      روحي مالومه      عباس عباس 



      من علي اعلومه    عباس عباس 







كله خويه ايتام عندي     اتريد منك خويه ماي



كله شنهي الماي شنهي    وانه معروف ابوفاي



افدي روحي لليتامه        لون تتكطع اعظاي



اوهاي عدوان  العقيله     اشلون تخلص من بلاي



تتدري زيينب بيه تتدري     انه شاريها ابدماي



شايل الجود اعلى متني     رايح ابجفي لواي



    خل تشوف الطاهره    اليوم اعيدن خيبره



    اوفدوه    لرسومه     عباس  عباس 







كال لحسين ابوفاضل   انه راعي المرجله



حلوه  ساحات القتال      اليوم تشهد كربله



كله ماتسمع يخويه      الحومه صاحت ياهله



من طلعنه امن المديينه     انه حامي القافله



كله انته احزام ظهري      انته تحمي العايله 



لاتعوف اختك وحيده      بالدموع السايله



   اوهاي اختنه امخدره   خاف تمشي اميسره



       الكلب  لتلومه         عباس  عباس 







نزل للميدان وحده     وارهب اجيوش العده



وين منواكم يصيح       ابصوت عالي ايردده



صب عليهم غظب ربه     اوجيش اميه شرده



صاحت الحومه دخيلك     والجموع  الشاهده



حين شافت جيش اميه       بالطفووف  امسنده



انريد منك مهله تنطي        للجموع الحاقده



    كلهه طاحت عالثره  ابسيفه يكطع منحره 



        انزاحت اهمومه  عباس  عباس 







صاعقه اونزلت عليهم    اومادرو بالمشرعه



ظلت اجيوش الاعادي     كلها منه امروعه



طب عليهم سيفه بيده       كل مقاتل كطعه



الواقعه اونزلت عليهم     هيه هاي الواقعه



الطاح بالحومه يشطره     والشرد هل مدمعه 



صاح  ابشر ياحسين      ابصوت  يدوي سمعه



  الجره اعيهم ماجره    جيش  اميه دمره



   اوشردت  اخصومه   عباس   عباس 



6صاحو العباس هذا      موعلي حامي الحمه



اوهاي ظربات الصميده   هوه   لبنه امعلمه



هذا ابو فاضل نعرفه     هذا راعي الموزمه



وين نشرد وبو فاضل  بيده شايل صارمه



انشوف جيش الهد عليه  صبح فايض بالدمه



لازم ابسيفه الشريعه   واحنه كاتلنه الظمه



   اشلون مايغضب تره  واليتامه امحيره 



          والوفه يومه    عباس  عباس 



           قصيده نزله   للعباس ع   



     زلزل الحومه      عبا س عباس 



     من علي اعلومه   عباس عباس



      عنه كالو حيدره  وهوه سبع الكنطره







         خادمكم     ملافاضل الشويل"

🏴 وحيد 🏴

● نزلة للأنصار عليهم السلام
● طور : غريب ، عمار الكناني
.
.
وحيد .. يا مولاي .. يا مولاي .. يا مولاي
شهيد .. يا مولاي .. يا مولاي .. يا مولاي
____
ما نعوفك سيدي ومولانه
والله ممنونين نفدي إدمانه
يا بختنه وهيچي نگضي أعمارنه
والله هذا أعظم حلم بأحلامنه

لجلك .. نفدي لرگاب
وَيَّاك .. ايضمنه لتراب
دنيه .. وآخره أصحاب  .. ٢ يا أبا عبدالله
_
إحنه نطلبهه طلب مِنِّ الله
الموته هاي اوياك لا مو سهله
هاي مو أي واحد إنكتبت له
بس يَمولاي اللي إنته امسجله

امن الذر .. ليك أنصار
بينه .. ازغار واكبار
منهاب .. والله لأخطار  .. ٢ يا أبا عبدالله
_
اشمحله والله الموت لجل اعيونك
وما نوَّفِي يا حُسين اديونك
بينه كل واحد صُبح مجنونك
ابموته آخر كلمه لك "ممنونك"

إقبَل .. هالمجنانين
إدخيلك .. لك قرابين
ومشكور .. والله يَحسين .. ٢ يا أبا عبدالله
_
اتسابقوا عالموت لإبن الزهره
ونامت الأنصار فوگ الغبره
جثِّته كلمن غِدت متوذره
وظل أبو السجاد حاير بأمره

اينادي .. گوموا يَنصار
وسفه .. نومكم صار
وحدي .. ابگیت محتار .. ٢ يا أبا عبدالله
_
تمت بحمد الله تعالی
✒/ فاطمہ كريم
نسألكم الدعاء لتعجيل الفرج
يــــــــــا أبا عبـــــــــــــــدالله
الفاتحة مع الصلوات إلى روح والدي
.

#قصائد_محرم_١٤٤٥هـ_٢٠٢٣م
قصيدة رقم ٧١
عگيلي للأنصار ع

انصار الطف ماننساهم
انصار الطف ماننساهم
*١*
بصوت الحك صحنه ونادينه
وشاهد رب الكون علينه
مصاب الطف لا ما ناسينه
لمن صاحو صحنه وياهم
*٢*
انصار حسين ال بالحومه
كل واحد معروفه علومه
من المعبود محدد يومه
الباري الهل موقف خلاهم
*٣*
كل واحد ناذر دم نحره
لجل حسين يريد ينصره
يضحي بنفسه وروحه الحره
رخصو دون حسين دماهم
*٤*
هاي الانصار المعروفه
غايتهم ضلت مكشوفه
للحك صارو همه سيوفه
وجف القابض نحر اعداهم
*٤*
حي الله انصار الحريه
يحملون الروح الثوريه
صارو رمز الانسانيه
بتاريخ الحك شاهدناهم
*٥*
هنا عابس خلد عنوانه
هناك الحر بين ايمانه
وشيخ الانصار ابميدانه
وجون الضحه ابدمه وياهم

الشاعر ابو محمد التميمي
@الجميع

نزله للانصار

سبعين بس مو سبعين
الموت هد اوياهم

*----------------------*---------------------*
جدامهم يركض موت
والصوت يسبك الصوت
للحرب هاليوم انفوت

بأرواحهم عاش الدين
رووه من ادماهم

سبعين بس مو سبعين
الموت هد اوياهم
*----------------------*-------------------*
فرضوعلى الجيش إنذار
العار رفضو العار
ثوار والله ثوار

صاحو فدا لجل حسين
واحسينهم حياهم
سبعين بس مو سبعين
الموت هد اوياهم

*----------------------*-------------------*
هوسو يم العباس
والعلم رفرف عالراس
وارتحز راعي النوماس

دون الحسين بهاليوم
اهجم واتحداهم
سبعين بس مو سبعين
الموت هد اوياهم
*---------------------*--------------------*
هوس حبيب وكبر
الجيش من عدهم فر
واضطرب كل العسكر

بسيوفهم كتبو دور
مخطوط من ادماهم
سبعين بس مو سبعين
الموت هد اوياهم
*--------------------*--------------------*

من نزلو اعله الميدان
واشتبكو ويه العدوان
بالعدى خلو نيشان

دب الرعب بأهل الشام
واحتارو ابملكاهم
سبعين بس مو سبعين
الموت هد اوياهم
*-------------------*--------------------*

محمد النوري

قناة قصيدة كربلاء
@RAHNTZAHRAHOSAN

قصيدة للانصار عليهم السلام

وزن تجليبه

✤┈┅✦❂✦┅┈✤

ذوله انصار اخوچ العلگو رايه

انصار حسين كلهم زود وفايه

✤┈┅✦❂✦┅┈✤

حبيب توسط الحومه وگعد‌ بيها

وگال الروح لاجل حسين افديها

انــــــه المذخــور للعيلة اراعيها

وانـــه من الصميدة مبشر بهايه

*العلوية ام كـــ✍️ــــرار الغالبي*

✤┈┅✦❂✦┅┈✤

وبــريـــر بساحة الحـومه بــقــه يخطب

انه روحي ارخصتها ويحجي المضهضب

رفـــــــع سيفه بفخر صولاته الترهب

الشهاده بــــيـــن ايــدن حسين هالغايه

*ام محــ✍ــــمد الساري*

✤┈┅✦❂✦┅┈✤

مـثـل عابس يبو السجاد تقبلنه

وي خــدامـكـم يحسين سجلنه

مــاعــــنـــــده وسـيله لاتعذرنه

واحن اذنوب عدنه كلش اهوايه

*ام ستـ✍ــــــار الكعبي*

✤┈┅✦❂✦┅┈✤

زهــيـر تحزم وشال البيارغ سود

بساحات القتال اليوم انه موجود

ونــصــارك يبو اليمه عليه اشهود

ماعــــوفـك اضـــل للموت حمايه

*الشاعره كريــ✍ـــمه البو حلوه*

✤┈┅✦❂✦┅┈✤

عـابـس بالمراجـل مايهاب الموت

وگال علئ المناية اليوم خل نفوت

لابــن الطاهرة ما يطلع الهم صوت

تـفـدي ارواحـنـه ونـحـامـي الثايه

*ام بهـ✍ــــــاء الكربلائية*

✤┈┅✦❂✦┅┈✤

شجاع ويـرهب اوكلهم يحيوله

باسم حسين طب بيهم لعب جوله

صــاح ابصوت لابن للزهره گلوله

لحـد الموت واحنه وياك حمايه

*ام زه✍ـــــراء الفاطميه*

✤┈┅✦❂✦┅┈✤

الف نعمين من انصار ابو اليمه

فـــــــزعو للمنايه بزود وابهمه

گـبال حسين كلمن سابح بدمه

بـدمهم عالبيارغ رسموا امنايه

*ام مهــ✍ـــدي المياحي*

✤┈┅✦❂✦┅┈✤

هلا بطاريك للروس ارفعت ياجون

للحــــومه دخــل خـل الزلم يبجون

لاجـل حسين ينطي اثنينهن العيون

بـــوكــــت الـموزمه يدخلون عنايه

*ام حسـ✍ـــــين رنا*

✤┈┅✦❂✦┅┈✤

*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*

✍️✍️✍️✍️✍️

https://t.me/puwdznjbgqhkbc

قصيدة للانصار جديد محرم

شدوا الحزم شدوا الحيل نطلع مثل نجم سهيل
انصارك وتحت الامر انراويهم نجوم الظهر
شدوا الحزم شدوا الحيل
----------------------------------------------
كل فرد منهم سل حسامة ونادة
مـــــو مــــرة نُقتل لو الف وزيادة
كل احنه فدوة انروح لجل السادة
شان العبد مخلص يظل لسيادة
فدوة العمر لجل حسين امرك على الراس وعين
انشمر سواعدنا السمر انراويهم نجوم الظهر
--------------------------------------------------
اتحزم حبيــب وللحرب شال لواه
مـــــيدانه هذا وماكو زلمه اللاكاه
الاســـــدي چنه الاسد طب عداه
والجيش ما يعرف يمنته ويسراه
ما سامع ابطاري الخوف صف الزلم بيدة صفوف
ماينفع وياهم صبر انراويهم نجوم الظهر
----------------------------------------------------
كل الانصار اتحاشمـــوا اهل الزود
غيرة وشهامة وبالوفة ماكو حدود
نافع برير وعابس ابروحة ايجــود
ذب الدرع والطاس ما هاب حشود
مجنون اظل حد الموت خل تسمع عداي الصوت
شوگي الك يچوي الجمر انراويهم نجوم الظهر
----------------------------------------------
مسلم حمل واتوادع وي الخــوان
جون وزهير اتحاشموا للمـــــيدان
ما يملك اعصابة وهب طب غظبان
وامه وراه اتحمشة اعله العــدوان
لا ترجع وافدي الروح لبن النبي فدوة اتروح
يا يمه ابشري ابهالامر انراويهم نجوم الظهر
---------------------------------------------
الحر الرياحي بگومة فارس مقدام
واسلم التركي بيدة شال الصمصام
اتحزم زهـــير وظربتة اتطير الهام
شوذب تحظر للحـــرب شد احزام
ابدربك يبو اليمه انسير اعذرنا عن اي تقصير
يحسين الك فدوة العمر انراويهم نجوم الظهر
-------------------------------------------
گطعوا عهد ويه الحُسين الانصار
ما نـــــرضى بالذل لا ابد لا بالعار
ظربوا مثل باعـــظم صور للايثار
لا عن طمع بالجـنة لا خوف النار
نطي النفس لجل الله ودين النبي ايرف لواه
ما نرجع بغير النصر انراويهم نجوم الظهر
**
اسالكم الدعاء رائد الاسدي

قصيدة رئيسية للانصار والحشد

دوّر زمانك هل تجد
امثال سبعين وحشد
لحسين انطوه الوفه
انطاهم الرفعه ومجد
يالرايد انت المنزله وبالجـــــنه الك دار
ادرس اساليب العشگ من هاي الانصار
………………
لو تقره باخبار الحشد من الحر تلاگي هوايه
عافوه بالدنيا الملك شالو عشگـهم رايه
وچم وهب منهم فزع وي فرقة الوفايه
آيات رسمو بالعشگ آيه اعظم من الآيه

وچم حبيب وشيبته
خضبهه من دم هامته
شيب وشباب اتعاهدت
لحسين رادت نصرته
صاغو بحبهم جامعه من علــــم الايثار
ادرس اساليب العشگ من هاي الانصار
""""""""""""""""""
هَوّس باراضي المعركة جمع الحشد چم هوسه
چنهم زهير المرجله ومسلم اجه بناموسه
احنه اهل ياليتنا غــيره الگصص متروسه
رايات اميه اتحالـــــفت لازم ترد منكوسه

هم شفتو من هذا العشگ
ناره لهب تحرگ حرگ
للموت عــــــــنايه الزلم
تركض ركض ماتنسبگ
خلي نهجهم مطلبك لاتـــــــبقه محتار
ادرس اساليب العشگ من هاي الانصار
""""""""""""""""""
من جون اجت ريحة مسچ بيهه الشباب اتعطرت
كلهه تمنت صحبته ارواح يمه سافرت
هذا عطر جنه الاجه صاحت هلا واستبشرت
وبحب ابو اليمه السبط أروع ملاحم سطرت

كلهه تردد مستهل
حيا على خير العمل
نترجه باچر وگفتك
ياحيدره انت الامل
واليمشي خطوه ابمنهجك مامسته النار
ادرس اساليب العشگ من هاي الانصار
""""""""""""""""""
من عابس اهواي الزلم من اثيابهم ظلو عري
اسماء بس التختلف واللقب صار الشاكري
شما اكتب اعليهم شعر جف الحبر شح دفتري
تعجز قوافيهه الوزن تاخذ تحيه الابحر ِ
ومن النسه عدنه ام وهب
رجعت وراوتنه العجب
ملبس تطش فوگ النعش
لو طاح ابنهه مستحب
نفس المواقف ثابتــــــه بس الزمن دار
ادرس اساليب العشگ من هاي الانصار
""""""""""""""""""
وهلال ابن نافع اجه مبعوث من السبعين
جايب رساله للحشد مكتوبه بدموع العين
انصار ابو اليمه شكثر يالحشد عنكم راضين
والبشرى جنات الخلد والخدم من حور العين
وضربة برير الحاسمة
للحشد صارت راجمة
يعبر الساتر ويصيح
اعليچ العزم يافاطمة
وبصوته ارعبهه العده طـــــشرهه طشار
ادرس اساليب العشگ من هاي الانصار
"""""""""""""""""
راية حشدنا اللي ترف بيده رفعهه العباس
يحشم زلمنه الثائرة ويسحب بچفه الترباس
نوماس وزع عالزلم والنعم منه النوماس
لاح النصر بالمعركة والغيرة شبت بالراس
شافو چفوفه امگطعه
گطعو اطراف الاربعه
يستاهل شما ننــطيه
طاهر حليبه ومرضعه
لو تدري هاي الملحمه اشگد بيهه اسرار
ادرس اساليب العشگ من هاي الانصار
""""""""""""""""""

شاعر اهل البيت سيد فليح الموسوي

قصيدة للأنصار عليهم السلام على وزن عكيلي
/////////
أنصار احنه اوماننساكم // يحسين الحر كلنه اوياكم
/////////////////////////
أنصار احنه. ابجفك ثورة
بأجر كلمن يأخذ دورة
احنه اكبالك صورة منورة
انرد العايل هو اوجورة
للموت احنه ونبقى اسلاكم // يحسين الحر كلنه اوياكم
/////////////////////////
يا ريحة طه اوكل أيمانة
تلكة الخير ابكل ملكانة
نفرش موت العز اهنانه
معروف الحب من عنوانة
عشاك الحب هل جيناكم // يحسين الحر كلنه اوياكم
/////////////////////////
جون أو عابس جنو بيكم
احنه النعرف كل ماضيكم
طه الجد حيدر هاديكم
ثورتكم ثورة ود الباريكم.
اصحاب ونعرف سر منواكم // يحسين الحر كلنه اوياكم
/////////////////////////
كلوا الزينب جبنة الغيرة
عشاك وكلنه أبهل ديرة
كل واحد ماخذ تأشيرة
من حيدر عنوان السيرة
جبنه الود وكأنه أفداكم // يحسين الحر كلنه اوياكم
/////////////////////////
ردنه الموت ابوسط الحومة
يا عالم زينب مظلومة
لو. جن. العاشك. لتلومة
حسين ابوحدة ابطرك اهمومة
صاح ابصوت أهنأ مثواكم// يحسين الحر كلنه اوياكم
/////////////////////////
ندري المهدي بأجر يطلع
يأخذ ثار اوثارة امربع
اينادي العالم شوفوا المصرع
والمايقنع خل. لا يقنع
عبد الله ابسهمة ويتناكم // يحسين الحر كلنه اوياكم
/////////////////////////
الخادم ابو علاء العزاوي

((قصيدة للانصار))
صاحـت الانـصار ابـشر يالعمــيد
احنه الك فرسان وامرنه اشتريد
*
صاح ابن ضاهر يحـي الله الرجـال
يا لـيوث الـوغه ابسـاحات النــزال
ساعه وتصير الحرب ملگه الابطال
والعـده بسيــوفكم گيـد الصِـفيـد
*
انجمعت الانصار بالليل الـرهيب
وگام ابن ظاهر خطب بيهم حبيب
اشلون عن حسين ينگال الغريب
والنِفَـس بالـروح والـدم بالوَرّيد
*
بالـوريد انچـان مـوجــود النبـض
لآل هاشـم تـتسـع هـذي الارض
چفوفنه عله سيوفنه تنقض قبض
والرماح مشرعه ونلوي الحـديد
*
ما نهاب الموت والموت ايعَرِِّف
من ندوس الگاع تهتز وتْرَجِف
للصعاب اختارنه حسين الكَلِف
واحنه عد يمناه يامرنه العِجيد
*
نلبس اعله ادروعنه اگلوب الصِلاب
ومن نطـب للحومه نـگلبـها گلاب
يكتمل بينه النِصاب او مـا نهــاب
واحنه واحدنه بألف سبعين اكيد
*
يدري بينه حسين زين مجربين
عابس و جون و برير وأ بن قين
فدوه هاي ارواحنه لجل الحسين
واحد وسبعين كل واحدنه حيد
*
يوم صـالوا بالحـرب مثل الليوث
شدو اعله الجــيش وٱشتد اللبوث
وصاحت العدوان من عدهم الغوث
والجـثث مثل التلال اعـله الصـعيد
*
شــد ابن عوسجه وشـتد العِيـاي
وضغبرت من شدته وصارت فياي
وگام يتلـگه النبل ملـگه الي جاي
عزباهـا وسـيفه بركبهـم يبيــد
*
ايبد بيها وصّال عابس عل جموع
ولو تقدم ما عرف معنى الرجوع
خضع ليه الجيش ويبان الخنوع
واگنص عليهم مثل شبه اليصيد
*
ساعه وأگبل فارس ابعينه اللهب
وصاح ليه حسين حي الله وهب
ايمـوت كلمن فـكر اگبـاله چهب
والـيفر عَجّل على موته العتـيد
*
كِفـّوّ او وفّوّ لمـن هجـمو تـره
وطشروها الميمنه من الميسره
أو وقِّعـو نيـشـانهم بالضـغبره
جسمه صارت لا نقص بيها ويِزيد

*
الشاعر السيد محمد الحسيني

#قصائد_محرم_١٤٤٥هـ_٢٠٢٣م
قصيدة رقم ٧٠
موشح للأنصار ع

انتو انصار العقيده وشانها
انتو امجاد الوغى وفرسانها
*١*
يارجال العزه والحق والثبات
يا أسود الغانمه ومعنى الحياة
كل أسم من ينذكر بالصلاوات
لون رادت تشتعل نيرانها
*٢*
ودارت المعركه بنيران وسهام
والأنصار الحرسو احدود الخيام
قدمو اعمار ومناحر والكلام
ترجمو أهل الوفه وعنوانها
*٣*
اول الاسماء قاتل بأقتدار
عاصب عيوني نزل والراس حار
والنعم منه برز شيخ الأنصار
ياحبيب الچان عزها وشانها
*٤*
اتقاتل وعالم فقه يابن خضير
وسيد القراء انته يا برير
بروح وحده تنزل انته وي زهير
والهوه انسد بوسط ميدانها
*٥*
ومسلم بهمه نزل بن عوسجه
من نزل للزمن گام ايحاججه
محد اتقدم ومن سيفه نجه
من توسطها ارتفع دخانها
*٦*
دارت المعركه واتفرج تعال
من تقدم بيها نافع بن هلال
والحسين ايشاهد بعينه الرجال
ياهو خان العشره ياهو الصانها
*٧*
شوذب وجون الرجل يم الرجل
ثابتين بمعركه ودگو رجل
الموت طوقهم مثل طوق الحجل
وشجرة المعركه همه اغصانها
*٨*
وآخر الانصار نازل مدري وين
مزگ اثيابه وصرخ ياسامعين
انه عابس انه مجنون الحسين
صوتي يوصل للسمه واعنانها

لاتنسون والدي وابني عباس من الرحمه والغفران
خادمكم رياض الرسل الجابري

قصيدة للانصار عليهم السلام
لحن ملا باسم الكربلائي قصيدة يمك مخليها



ماتعوفه انصاره انصاره انصاره
حسين اجو ثواره ثواره ثواره
✿✿✿✿✿《 1 》✿✿✿✿✿
ماهمهم الموت واجــو شرايــه
الاستشهاد يبقــه للابــد غايــه
ذول انصار والله وبيهم كفايـه
لحسين اعتنو والحامل الرايـه
غيمه ومطاره مطــاره مطــاره
حسين اجو ثواره ثواره ثواره
✿✿✿✿✿《 2 》✿✿✿✿✿
لبو السجاد واحــدهم يــظل حــارس
اجو للموت واحدهم اجه ابواهــــس
منو المجنون بالحب قيس لو عابس؟
وعالفطــره محبتــه وللعشــگ دارس
وبتدت اسراره اسراره اسراره
حسين اجو ثواره ثواره ثواره
✿✿✿✿✿《 3 》✿✿✿✿✿
يريت بكربله يحظرون اشياعـــه
مثل انصاره كلــمن للعمــر باعــه
باچر بالحشر لو حــانت الساعــه
يشوفون الوفي والنفسه طماعه
يستـــقر بــداره بــداره بــداره
حسين اجو ثواره ثواره ثواره
✿✿✿✿✿《 4 》✿✿✿✿✿
شوف ابن مظاهر قصته مذكوره
حبيـب يسجــل الـزوار التــزوره
والحر عاف دينه اباله فد صوره
صــورة كربلـه وبطــال منحـوره
هجمته بأيثاره بأيثاره بأيثاره
حسين اجو ثواره ثواره ثواره
✿✿✿✿✿《 5 》✿✿✿✿✿
ابن عوسجه مسلم حافظ كتابه
وحبه للرسول الدافعــه وجابــه
شاف الدنيه دنيت فتن چذابــه
ومسجل برير ابسجــل احبابــه
ماطفت انواره انـواره انــواره
حسين اجو ثواره ثواره ثواره
✿✿✿✿✿《 6 》✿✿✿✿✿
مره بس ام وهب بالغيره معروفه
حسين بمحنتــه قــررت متعوفـه
اجت رادت ابنــها ميـت تشوفــه
فدوه لبو فاضـل ابني وچفوفــه
حـاربت كفــاره كفــاره كفــاره
حسين اجو ثواره ثواره ثواره

✏ الشاعر الحسيني فرحان البزوني

*(منشأ الهريسة في عاشوراء)*


👈السلام عليكم
بعض الناس في أيام محرم لا يطبخون الهريسة باعتبار أنّ بني أمية اطعموا السبايا هذا الطعام بعد واقعة الطف الاليمة فما قولكم بهذا الموضوع؟


👈وعليكم السلام
الهريسة أو الحنطية أو القمحية هي طبق مصنوع من القمح المغلي المهروس والمخلوط باللحم، ويطبخ غالباً في المناسبات الدينية العراقية وأشهرها في شهري محرم وصفر..

👈ويكثر طبخها في أيام عاشوراء بتقاليد قديمة توارثها العراقيون منذ زمن بعيد وراحوا يحرصون على إحيائها بروح إيمانية كبيرة..

👈ومن ذلك الحين ظلت الهريسة هي الطعام المفضل الذي يعمله العراقيون في أيام عاشوراء ويتم توزيعه بين الجيران ثواباً الى روح الامام الحسين (ع)..

👈ولم يثبت أنّ بني أمية قاموا بطبخها لاطعام عيال الرسالة بعد واقعة الطف الاليمة، وبذلك يبقى حكمها على الاباحة فلا بأس بطبخها وتوزيعها في ثواب الامام الحسين عليه السلام..

👈بل قد ورد في كتاب وسائل الشيعة بعض الروايات التي تتحدث عن فائدة أكل الهريسة، فعن صالح بن رزين عن أبي عبد الله عليه السلام قال: قال أمير المؤمنين عليه السلام: عليكم بالهريسة فإنها تنشط للعبادة أربعين يوماً..

👈وفي حديث آخر، مرفوع إلى أبي عبد الله عليه السلام قال: إنّ رسول الله صلى الله عليه وآله شكا إلى ربه وجع الظهر فأمره بأكل الحب مع اللحم، يعني: الهريسة..

👈وقيل: إنّ عيال الحسين(ع) عندما صاروا سبايا من بلد الى بلاد، وقد أنهكهم الجوع لطول الطريق فكانت العقيلة زينب(ع) تجمع الحبوب الموجودة في الخربة التي احتجز يزيد فيها السبايا وراحت تعمل من هذه الحبوب طعاماً تسد به رمق الأطفال..
إلا أنّ هذا القول لم يثبت بدليل معتبر.

👈وقيل: إنّ نساء الامام الحسين(ع) بعد عودتهن للمدينة أخذن يبكين ليلاً ونهاراً على تلك المصيبة وكلما تجف دموعهن تصنع لهن الرباب طعام الهريسة من الدقيق فهو ينفع لاستدرار الدموع.. وهذا القول لم يثبت أيضاً..



منقول

https://t.me/+FwsWUXoexCJmOWEy