Təqaüddə olan general-mayor Rasim Əliyev vəfat edib.
“Qafqazinfo”nun əldə etdiyi məlumata görə, general bu gün səhər qəfil dünyasını dəyişib.
Qeyd edək ki, Rasim Əliyev son olaraq Müdafiə Nazirliyinin İdeoloji İş və Mənəvi-Psixoloji Təminat İdarəsinin rəisi-Şəxsi Heyət Baş İdarəsi rəisinin müavini olub. İkinci Qarabağ Müharibəsindən sonra yaş həddi ilə bağlı təqaüdə göndərilib.

Venesuela Karakasın şərqindəki sahilyanı əraziləri (Zuliya, Falkon və Araqua ştatları) yüksək hazırlıq vəziyyətinə gətirib.

Venesuela hərbçiləri vətəndaşları sahil boyu kritik nöqtələrə qoşun yeridilməsini gözləməyə və hadisələri lentə almamağa çağırıb.

Venesuela prezidenti Nikolas Maduro ABŞ-ın işğalı ərəfəsində deyib: "Ölkənin bütün hərbi qüvvələri üç ayrılmaz müdafiə zonasında yerləşdirilib".

❗️🇺🇦 SBU Başqırdıstandakı “Başneft” zavoduna zərbə endirib

Ukrayna Təhlükəsizlik Xidməti (SBU) pilotsuz uçuş aparatları ilə Rusiyanın Başqırdıstan bölgəsində yerləşən “Başneft” neft emalı zavoduna hücum həyata keçirib.

💥 Partlayışlardan sonra zavodun üzərində qalın qara tüstü müşahidə olunub. İlkin məlumatlara görə, xam neftin emal edildiyi blokda yanğın baş verib.

📍 Zavod Ukrayna sərhədindən təxminən 1400 km aralıda yerləşir.

⚠️ Mənbələr bildirir ki, bu, SBU-nun son bir ayda Rusiyanın dərinliklərində, xüsusilə Başqırdıstanda üçüncü hücumudur.

🇦🇿 Azərbaycan hərbçiləri “Birlik – 2025” təlimində iştirak edəcək

Azərbaycan Ordusunun bir qrup hərbi qulluqçusu Səmərqənddə keçiriləcək "Birlik – 2025" adlı birgə regional təlimdə iştirak etmək üçün Özbəkistana yola düşüb.

Təlimdə Azərbaycanla yanaşı, Qazaxıstan, Tacikistan, Qırğızıstan və Özbəkistan hərbçiləri, o cümlədən komando və PUA heyətləri iştirak edəcək.

Təlimin məqsədi antiterror əməliyyatlarında peşəkarlığın artırılması, regionda sülhün möhkəmləndirilməsi və qarşılıqlı təcrübə mübadiləsi.

Təlim oktyabrın 21-dək davam edəcək.

🇦🇿🇹🇷Kərim Vəliyev Türkiyədə “Atəş Sərbəst-2025” təliminin "Yüksək Səviyyəli Müşahidəçi Günü"ndə iştirak edir

🇮🇱🇦🇿 İsrail səfiri Ronen Kraus: “Qarabağda baş verən inkişaf heyrətamizdir”

Bu fikri İsrailin Azərbaycandakı səfiri Ronen Kraus Zəngilana səfəri zamanı jurnalistlərə açıqlamasında bildirib.

Səfirin sözlərinə görə:

“Mən bu səfərə görə çox həyəcanlıyam. Dünən Füzulidə olduq, müxtəlif yerləri ziyarət etdik və Şuşada gecələdik. Bu şəhər haqqında uzun illərdir eşidirdim, öz gözlərimlə görmək məni xüsusilə təsirləndirdi. Bu gün isə Zəngilandayıq və Qarabağı kəşf etməyə davam edirik. Prezident İlham Əliyevlə ilk görüşüm zamanı bildirmişdim ki, Qarabağa ən qısa zamanda səfər etməyi planlaşdırıram və bu fürsəti əldə etdiyim üçün çox şadam”.

O, həmçinin qeyd edib ki, bölgədə görülən yenidənqurma işləri unikal mənzərə yaradır:

“Köhnə kəndlərin qalıqları ilə yanaşı, yeni yaşayış məntəqələrinin, binaların və vətənlərinə qayıdan insanların şahidi oluruq. Yollar, körpülər, tunellər – hamısı çox təsirli görünür. Əminəm ki, yaxın illərdə daha çox insan öz doğma Qarabağ torpaqlarına dönəcək”.

🇵🇰🇦🇫Pakistan əsgərləri Əfqanıstan ərazisində yerləşən Talibanın “Bayraq Postu” adlı sərhəd məntəqəsinə Pakistan bayrağı sancıb.

Məlumata görə, həmin post ötən gecə və bu gün səhər tezdən Pakistan Silahlı Qüvvələri tərəfindən ələ keçirilən bir neçə Taliban mövqesindən biridir.

Ukrayna Prezidenti Volodimir Zelenski son iki gün ərzində ikinci dəfə amerikalı həmkarı Donald Tramp ilə telefon danışığı aparıb.

“Elə indi ABŞ Prezidenti ilə danışdım. Söhbət çox məhsuldar keçdi. Dünənki telefon danışığında bu gün üçün mövzular müəyyənləşdirilmişdi. Bu gün razılaşdırdığımız mövzular üzrə müzakirələri davam etdirdik. Danışıqlarda Ukraynanın hava hücumundan müdafiəsinin gücləndirilməsi, dayanıqlığın artırılması və enerji məsələləri müzakirə olundu. Prezident Tramp Ukraynadakı vəziyyət barədə hərtərəfli məlumatlıdır”,
- deyə Volodimir Zelenski bildirib.

⚡️Tramp Qəzza zolağındakı müharibənin başa çatdığını elan edib.

Misirdə "Sülh Sammiti"

Azərbaycan Prezidenti İlham Əliyev Misirdə keçirilən "Sülh Sammiti"ndə iştirak edir. Sammit ABŞ və Misir prezidentləri tərəfindən təşkil edilib. Bu, Prezident Trampın Qəzzada sülh planının tərkib hissəsi və gələcək Yaxın Şərqin təməlinin atıldığı bir tədbirdir.

İştirakçılar arasında aparıcı Yaxın Şərq dövlətlərinin rəhbərləri, ABŞ Prezidenti, Aİ Şurasının rəhbəri, Almaniya kansleri, Azərbaycan və Ermənistan rəhbərləri də var.

Beləliklə də, biz nə görürük və Azərbaycanla Ermənistan niyə buradadır?

Qəzza sektorundakı vəziyyət regionda yeni konfiqurasiyanın yaradılmasını zəruri edib. İsrailin Qətərə hücumlarından sonra ABŞ üçün Yaxın Şərq ölkələrinin etimadını bərpa etmək vacibdir. Trampın Qəzza sülh planı əlaqələrin bərpası üçün əsasdır. BMT Baş Assambleyası çərçivəsində ABŞ-də region dövlətlərinin rəhbərləri ilə görüş keçirilib. Cari sammit ABŞ-nin regional gündəliyinin müəyyən edilməsində həlledici əhəmiyyət kəsb edir.

ABŞ burada İsrailin əvəzinə çıxış edir və yəhudi dövlətinin maraqlarını müdafiə edir. Prinsipcə, ərəb monarxiyaları buna qarşı deyil. Lakin İsrail hökumətinın hərəkətləri proqnozlaşdırıla bilən deyil və burada ABŞ-nin zəmanətləri vacibdir.

Qəzzanın gələcəyinə görə məsuliyyət

Burada ən sadə məsələ maliyyə məsələsidir və bu resurs mövcuddur.

Təşkilati məsələlər və hüquq-mühafizə təminatı isə müvafiq işlərin bilavasitə yerdə aparılmasını nəzərdə tutur. Belə olan halda nəzərlər Türkiyəyə və Misirə çevrilir.

Azərbaycan və Ermənistan

"Sülh Sammiti"nə dəvət etməklə ABŞ Azərbaycanı və Ermənistanı Yaxın Şərqin bir hissəsi kimi gördüyünü göstərir.

Azərbaycan artıq buna hazırlaşıb:

- Regionun əsas oyunçularından biri olan Türkiyə ilə müttəfiqlik əlaqəsi;

- İsraillə strateji tərəfdaşlıq. İsraildəki rəhbərlikdən asılı olmayaraq, Qəzza müharibəsindən, Livan və İrana zərbələrdən sonra İsrail regionun hegemon dövlətlərindən biridir. Sammit iştirakçıları arasında ABŞ-dən sonra məhz Azərbaycan İsraillə etimada əsaslanan və praqmatik münasibətlərə malikdir;

- Azərbaycan artıq Suriyada mövcuddur, bu ölkədə sabitliyin bərpası və Suriyanın inkişafında öz iştirakını genişləndirməyə çalışır. Bunda ABŞ də maraqlıdır;

- Azərbaycan İsraillə Suriya, Türkiyə ilə İsrail arasında danışıqlar platforması rolunu oynayır;

- İsraillə yanaşı, Azərbaycan rəhbərinə ərəb dünyasında, xüsusilə Körfəz monarxiyalarında da etibar edirlər;

Ermənistan isə sammitdə xüsusilə mövqeyini möhkəmlətməyə çalışmadan öz yerini axtarır. Ermənistanın resursu regiondakı ermənilər və ABŞ-nin maraqlarıdır. Paşinyan Trampa “yox” deyə bilməz. Sammit Paşinyan üçün Tramp administrasiyasının Ermənistana olan marağını bir daha təsdiqləmək və münasibətlərdə əlavə dəyər formalaşdırmaq baxımından bir fürsətdir.

Geosiyasi kimlik halqası qapanır

Azərbaycan Prezidenti İlham Əliyevin köməkçisi Hikmət Hacıyev bu yaxınlarda geosiyasi identiklik kontekstində Azərbaycan dövlət başçısının iştirak etdiyi sammitləri sadalayıb.

Avropa Siyasi Birliyi, Türk Dövlətləri Təşkilatının sammiti və MDB sammiti. Bu halqa Misirdəki "Sülh Sammiti" ilə qapanır, burada iştirak meyarı coğrafi və dini mənsubiyyətdir. Azərbaycan məhz budur - çoxtəbəqəli, çoxsəviyyəli geosiyasi kimlik. Bu, ölkəmizə özünü eyni zamanda müxtəlif coğrafiyalara aid etməyə imkan verir. Bu iş çox mürəkkəbdir və maksimum gərginlik tələb edir. Azərbaycan bu çağırışı qəbul edir, çünki kənarda qalmaq qeyri-mümkün və təhlükəlidir. Azərbaycan bu platformalarda iştirak edir və resurslar formalaşdırır.

Azərbaycan xarici siyasətinin konstruktiv praqmatizmi öz bəhrəsini verir və daha uzun müddət dövlətin maraqlarına xidmət edəcək. Əsas olan, boş dayanmamaqdır. Axı bu areallarda həm imkanlar, həm də risklər formalaşır. Risklərin təsirini minimuma endirmək və bəzən özümüzün formalaşdırmalı olduğumuz imkanlardan maksimum istifadə etmək vacibdir.

@cssc_cqtm

🇺🇸🇮🇱🇪🇬 Tramp İsraildən Misirə yola düşür

🇹🇷 Türkiyə Netanyahunun Misirdəki sammitdə iştirakına mane olub

AFP diplomatik mənbələrə istinadla xəbər verir ki, İsrail Baş naziri Benyamin Netanyahunun Qəzza ilə bağlı Misirdə keçiriləcək sammitə qatılmasına Türkiyənin diplomatik səyləri nəticəsində icazə verilməyib.

“Prezident Rəcəb Tayyib Ərdoğanın təşəbbüsü və digər liderlərin dəstəyi ilə Netanyahunun sammitdə iştirakı önlənib,” – mənbə bildirib.

Ukraynada gedən müharibədə son günlər tarixin ən ağır döyüşlərindən birinə şahidlik edirik.
Pokrovsk yaşayış məntəqəsi uğrunda şiddətli döyüşlər davam edir.
Rusiya silahlı qüvvələri avtomobil və dəmir yolu qovşağı olan Pokrovskini nəyin bahasına olursa-olsun ələ keçirməyə çalışır.
Qərb mənbələrinə görə ruslar şəhəri ələ keçirmək üçün 60-100 min qüvvə cəmliyib.
Ukrayna Silahlı Qüvvələri Pokrovskda bundan sonra dünya hərb tarixin dəyişəcək şəkildə müdafiə elementləri göstərməklə Rusiya Silahlı Qüvvələrinə çox ağır itkilər verdirib.
Son 2 həftədə rusların 100 dən çox texnikası vurulub.
Pokrovsk istiqamətində gedən döyüşlərlə bağlı video linki şəhr bölməsinə yerləşdirəcəm,Ukrayna ordusunun şəhəri necə müdafiə etdiyinə baxa bilərsiz!!!

https://youtu.be/nIWR09dmX_8?si=BhuN1RrayVWpDeom

Prezident İlham Əliyevin Misirdə Makronla səmimi görüntüləri diqqət çəkib.

Tramp: İlham Əliyev çox güclü liderdir, işini çox yaxşı görür

“Hər halda, burada olduğunuz üçün hamınıza təşəkkür edirəm. Bu şəxs üçün, Azərbaycan üçün müharibəni həll etdim. Siz hələ də bir-birinizlə yola gedirsiniz, elə deyilmi? 32 il mübarizə apardıq, amma təxminən bir saata məsələni həll etdik, düzdürmü? İndi isə onlar bir-birini bəyənirlər. Burada olduğunuz üçün hər kəsə təşəkkür edirəm. O, çox güclü bir liderdir, işini çox yaxşı görür. Bu mərasimdən sonra çıxış edəcəyik, amma bu, çox önəmli bir imzalanmadır”,

– Tramp bildirib.

❗️Azərbaycan Ordusunun baş giziri Cəfərov Bəhruz Bəybala oğlu dünyasını dəyişib

“Unikal”ın məlumatına görə, hərbçi ürəktutmadan vəfat edib.

Qeyd edək ki, əslən Neftçaladan olan Bəhruz Cəfərov 2016-cı ildə Aprel döyüşlərində, 2020-ci ildə Vətən Müharibəsində, 2022 və 2023-cü illərdə Antiterror əməliyyatlarında iştirak edib.

O, “Suqovuşanın azad olunmasına görə” və “Ağdamın azad olunmasına görə” medalları ilə təltif olunub.

Ailəli olub, 2 övladı var.

Ukraynada gedən müharibədə daha bir həmyerlimiz həlak olub.
Ukrayna desant qüvvələrində xidmət edən,Ukrayna vətəndaşı,əslən azərbaycanlı Şofel Faiq Faiq oğlu həlak olub