Türkiyənin Baş Qərargah rəisi Səlçuk Bayraktaroğlu Azərbaycana səfər edib.

Səlçuq Bayraktaroğlu Nuri Paşanın komandanlığı ilə Qafqaz İslam Ordusunun Bakını bolşeviklərdən azad etməsinin 107-ci ildönümü münasibəti ilə sentyabrın 15-də Türk və Azərbaycan şəhidliklərində keçiriləcək anım mərasimində iştirak edəcək.

Moskva Türkiyənin artıq aktiv istifadə etmədiyi “S-400” hava hücumundan müdafiə sistemlərini geri istəyir. (KİV)

🇵🇱Polşa Prezidenti Karol Navrotski ölkə ərazisində NATO üzvü olan dövlətlərin hərbi qüvvələrinin yerləşdirilməsinə razılıq verən qətnaməni imzalayıb.

Azərbaycanın müdafiə və milli təhlükəsizlik xərcləri 300 milyon manatdan çox artırılır

Gələn il dövlət büdcəsində müdafiə və milli təhlükəsizlik üzrə xərclərə 8 milyard 714,8 milyon manat ayrılması proqnozlaşdırılır.

Bu, Maliyyə Nazirliyinin “Azərbaycan Respublikasının 2026-cı ilin dövlət və icmal büdcələrinin ilkin göstəricilərinə dair Açıqlama”sında əksini tapıb.

Beləliklə, müdafiə və milli təhlükəsizlik üzrə xərclərinin büdcədə xüsusi çəkisi 21 faiz olacaq.

🇺🇦❗️🇷🇺 İddia | Pokrovskdan şimalda 3 mövqedə ruslar mühasirəyə düşüblər. Burada təxminən 1000-dən artıq Rusiya hərbçisi əsir düşmək üzrədir. Mühasirədə olanların geri çəkilmək istəyinə Rusiya ordusu məhəl qoymayıb. Yaxın günlərdə kütləvi əsirlərin olacağı gözlənilir.

Sergey Lavrov: "Ukraynadakı sülhməramlılar Rusiya hərbçiləri üçün qanuni hədəf olacaq".

Onun sözlərinə görə, amerikalılar başa düşürlər ki, Krım, Donbass və Novorossiya sakinləri heç vaxt indiki Kiyev hakimiyyətinin boyunduruğu altında yaşamayacaqlar: “ABŞ Ukraynada insan hüquqlarının pozulmasının qəbuledilməz olduğunu başa düşür”.

Sergey Lavrov deyib ki, Avropa və Kiyev Trampı sülhməramlı səylərdən əl çəkməyə və Ukrayna nizamlanmasını pozmağa məcbur etməyə çalışır.

❗Mənimsəmədə təqsirləndirilən müdafiə nazirinin sabiq müavini və digər şəxslərin ittiham olunduğu iş üzrə hökm oxunub

Xüsusilə külli miqdarda mənimsəmədə təqsirləndirilən müdafiə nazirinin sabiq müavini, Maddi-Texniki Təminat Baş İdarəsinin keçmiş rəisi, mərhum general-leytenant Fuad Məmmədov, şirkət əməkdaşı - Fuad Şeydabəyov və Azər Xəlilovun cinayət işi üzrə məhkəmə prosesi yekunlaşıb.

APA xəbər verir ki, Bakı Hərbi Məhkəməsində hakim Fikrət Əliyevin sədrliyi ilə keçirilən prosesdə hökm oxunub.

Hökmə əsasən, təqsirləndirilən Fuad Şeydabəyov 10 il 6 ay, Azər Xəlilovun isə 11 il müddətə azadlıqdan məhrum edilib.

Fuad Məmmədov vəfat etdiyi üçün ona cəza təyin edilməyib.

Kürdəmir rayonunda "Hunday" markalı maşının qəzaya uğraması nəticəsində 1 nəfər ölüb.
 
Yol-nəqliyyat hadisəsində həyatını itirən 37 yaşlı Fuad Məmmədov hərbçi olub. Mərhum Kürdəmirdə torpağa tapşırılıb.

Banqladeş Xalq Respublikası Milli Müdafiə Kollecinin "Silahlı Qüvvələrin döyüş kursu"nun rəhbər və dinləyici heyəti "Xarici tədris gəzintisi" çərçivəsində ölkəmizə səfər edib.

Milli Müdafiə Universitetinin (MMU) rektorunun Elm və Təhsil üzrə müavini general-mayor Arif Həsənov briqada generalı Mostafizur Rahmanın rəhbərlik etdiyi nümayəndə heyəti ilə görüşüb.

Birinci Qarabağ müharibəsində itkin düşmüş hesab edilən və nəşinin qalıqları 32 il sonra tapılan şəhid Cəlal Xankişi oğlu Abdullayev dəfn olunub.

vida mərasimindən sonra şəhidin nəşinin qalıqları Bakının Qaradağ rayonunun Qobustan qəsəbəsindəki qəbiristanlıqda torpağa tapşırılıb.

Qeyd edək ki, Cəlal Abdullayev 1971-ci il avqustun 24-də Qobustan qəsəbəsində anadan olub. O, Birinci Qarabağ müharibəsi zamanı döyüşlərdə iştirak edib. C.Abdullayev 1993-cü il martın 29-da Kəlbəcər rayonunun Çərəkdar kəndi ərazisində itkin düşmüş sayılırdı.

🇺🇦Ukrayna üçün bir illik müharibənin qiyməti 120 milyard dollardır, onun 60 milyardını müttəfiqlərdən dilənmək lazım gələcək - Zelenski

“Bizim üçün əsas plan “A” - müharibəni başa çatdırmaqdır, plan “B” isə 120 milyard dollar tapmaqdır. Bu məbləğin 60 milyard dolları yalnız xarici tərəfdaşlardan almağı ümid etdiyimiz hərbi yardımdır. Bundan əlavə, ölkənin büdcədə hələ də qarşılanmamış digər xərclərini maliyyələşdirmək üçün təxminən 60 milyard dollar xarici yardıma ehtiyacı var”, - deyə Zelenski bildirib.

Hollandiya hökuməti “Qarabağın erməni qaçqınlarının əlverişli mənzillərlə təmin olunması üçün” 14 milyon avro yardım ayırıb.

❗🇹🇷🇷🇺 Türkiyə MN Rusiyanın S-400-ləri geri istəməsi iddialarına aydınlıq gətirib

“S-400 Hava Hücumundan Müdafiə Sistemləri inventarımızdadır. S-400 ilə bağlı mövqeyimizdə heç bir dəyişiklik yoxdur”, - deyə nazirlikdən bildirilib.