احن لمسامرك والگاك شلگاك
شري المعشر حلاوة شوگ مابيك
ويمر صيفك صبر واتنطّر اشتاك
تبيعك عزّتك وبروحي اشريك
ابد ما سامرتني الآه لو لاك
ولا عمري نطّفه بليل المواعيد

ظلام انتَ بحياتي وظلمك هواي
واضوكك مُر واكولن لا طَعم هَيَل
واعرَفك خايَن وادريكَ بَذات وتريد
وياك اخلصها بتَواسيلَ واعرفك گبلي
عاشگ واعرف البيَك ضَميَت الاسرار
بوَحشة الليَل كل هذا وبقيَت مصبر
الرَوح حَلم وابقى إعَلى حَيلج قوي
الحَيلَ انا الدَللَيتك وبـ وِكت عوَز وتگلهم
عليه مشوفِك الوَيل انا اكفر بالكِرامة
الطخت الراس واكفر بالعَشك واهل المراسيّل .

طاريج من ينذكر اترك الكعدة واهج
والعن ابو الجابة وثنين هنة ترة
لو جذب هذا الحجي لو انتِ جذابة
الما راد يمج لعب هيج بسبب عملتج
ينلعب باعصابة ومن كثر ما احترك
وصلت لسابع سلف ريحة العطابة
واليحب من ينطعن الة بكبر يندفن
حتى يبرد صوابة

مَدري وين تريد بية روحي تاخُذني
علئ دربَك وأنا اعرُفك مَو إليَّة

بوكت محد الك صرت انه كلشي وياك
وگتلي تموتلي گتلك صدگ تبشر
ما تِضحك چِنت مِن دمعتك للآخ
عَيشتك أيام عليها متحسر
ومِن گتلي العِشگ بيناتنه نخلي
ضميتك بروحي ضمامة امي لسر
وشلتك على چتافي وانة مو حمال
وما داعيت عيونك حاسب يغزر

هوَ ليش ما ضَل باله يَمّي
ولا أشتاگ ولا فُكَدني؟
مو چنت لَمن حزن بَعيونة يطفح
نسهَر انه وگلبي لَعيونة ونغَني .

أريد أرجَع وأشوفَك هيچ مثل ذيچ ألايام
أشوفَك تبتعد خايف من روحَك عَلية
ونوب أوعيك وأكولك ترا هذا حِلم
يَول عادي يصير بالحلم تلزَم أيديه .

وبيننا وبينك فرق كِلّش چبير
ومانگول اسباب كِل هذا الفرق
مانكمل السالفه لحد الأخير
مِن الأساس وياك مسدوده الطُرق
ويانا ماترهم ، ومانرهم مُحال
وياك مانگدر ندوم ونستمر
وياهو گلك بالسهل درب الوصال
وانتَ تدري دروبنا مورثه جمّر

مو نَفس أهتِمَامَك ذاكَ بيه
كُلش مختلف طَبعَك عَلية ؟
كَبل تحركني چانت لَهفتَك ذيچ !
بحَيث تنافس أُمي بهَل قَضية .

باچر عكب باچر جايك للبيت
وكت فرغلي روحك حتى احاجيها
لتكلي الگبر والچفن والتابوت
فكرة موتك مامقتنع بيها
عدل وتضل عدل لو تندفن مرتين
يامحبوب عيني ومي سواجيها

لا رابح ولا خسران
سد بسد
طفيت الشمع واستفردت بالليل
ولا واحد اجاني ولا رحت لاحد

حساباتي -
انستا / خاص mayberex4
العام / raixlife
تيك توك / Callmeraix
متجري - vega.store.1

لان الخمط ديصير هوايه والاغلبيه مديعرف حساباتي ف ثبتتهم🌟💞.