وبعد ما اكتب عليج
وكمت امسح بالقصايد
وكل صورج شككتهن
حالهن حال الكواغد
وحتى لو تلكين غيري
انهَ ميعوضني واحد

ويتمرجح بواهس طفل
وماجنت اخلي بخاطره
وماكلته ياما تمرجحت
اخطاء ابد ماتنغفر
ومطيحله وماتنمحي
واصفن واعاتب طيبتي
ياطيبتي شكد طيحت
زعلان منه لخاطره
ولخاطره ماسامحت

سهلة أبيعك
لا تساومني برحيلك حتى اطيعك
گلبي ما ميت عليك
ولا خفت فد يوم اضيعك
خاف عبالك خسرتك !
وافتر بليلك محطة وانتظر سچه التردني
والله كلش ما تهمني
حيل متغير شجاني
حتى روحي استغربتني
لا خضارك بيه يغوي ولا عيونك تستفزني
گبل چانت ايد توجعني وابترتها
هسة ما تگدر تكضني ..

مادام انتهت وارمادهِن حار
خلي احچيلك الما تدري بيهن
الهداية الچانّ بعينك رخيصات
ذني بتعب روحي مشتريهن
آقصر وي اهلي حتى اراضيك
تالي انباع يا وسفة العليهن
عيوني المايشوفن غيرك بطيف
عساهن بحظك وبختك بچيهن

ردت أموت و گمت أخربط بالعلاج
خاف واحد يدري مَيت من وراك ..

تحس بنقص وچفوف ايديك تغم بيك
محبوب گلبك لاگي غيرك محبوب
ما تدري وين تروح وتصير ارماد
لا تنحچي ولا تنضم تضل تلوب

حُط سيف إعلى نحري ولا دگلي تهون
العوض من ينخسر يتعوض شلون

نَوليت وكلها ترمي منين ماروح
سلف داير عَليه ويرمي كتال
بيني وبين عزرائيل لحضات
وتّمر يمي الرصَاصه وأنتَ عَلبال

اجيتك من حرب طالع ومن جرحين
‏وگتلك هذا گلبي والـك أمنته
‏بـ أول موعد بجروحك اذا مطيب
‏معناها الحبيب الجاي ماردته
‏معناها اختنك وياك مو وياك
‏حكم اعدام اذا قدمته اخرته

الرسايل مارضن يرحن واوديهن
يخافن چفك الغايب يأذيهن
ولك هنه ورق بيهن كلام انسان
عاد اقراهن وانوب شگ بيهن
بيضه اوراقهن بس الحبر بي لون
مابيهن مشاكل مثل راعيهن
ورسايل منك لحد هسه اداريهن

ورسايل منك ألحد هسة اداريهن
مثل نوم الطفل بالليل اهز بيهن
واكلبهن واشوف ايامك الحلوات
مو حلوات بس مجبور اسميهن
واجيت البيتكم كلت البريد الصوج
بعتبتكم وذر شفتك امسويهن .