شتئتلكم

باخر ليله مدري شصاير بروحي
ملوك الموت اجو من ايدي گادوني
سحلو روحي بس ماطلع دم هواي
بس وجهك الجان مگابل عيوني
صورك جانن بصفي وگطف خلصان
وباكيت الجگاير كله بسنوني
بس حسيت وجهك حيل فرحان
ملوك الموت مدري الصور خنگوني
جثة كاتل وشمرو الجثه بعيد
بس هم انعم الله الموته زاروني
كسرتوني بشبابي بصغري حتى الشيب
بس عالاقل يوم الموت ادفنوني ؟

ليش اتجازه هيج ويا ذنب سويت ؟
وانه ادري بروحي حتى ذنوب ماعدها
جنت حتى الحمامه التحط عالشباج
اسد البردة ماخربت موعدها !

جايبلك ورد وجفوفي محترگات
نشف ريچ أنتظاري بواهِس الصيف
مو بس السيوف تگطع الروح
مرات الموادع يذبح السيف

الك سمعي يمد چفه
هلبت صوتك يگوده
يسافر سفرة العرسان
مد شوفك على عيوني
عمن من كثر مايبچن
وحتى فصوصهن ذبلان
وانه الضيمي ضل وياي
مثل الـ بالولادة اعمى
يشوف الناس هم عميان

بحبل المشنقه
وآخر نفس بالروح
اجه عطرك متت مرتين
مو وكتك اجيت منين

انت اول دمعه واني جاهل
انت رايد بيت واني عامل .

ترى المريت بيهن مو شويه ماريدن شخص يتعب عليه المخلص حياته بهيچ صدمات تلگه بروحه چادر مو بنية

واحشني حيل
اليموت مرة شبي انا بحبك متت موتات بين التعب وبين السهر والمسابق الدمعات خليتني بروحي جرح بس ماكلت هيهات

2:22

تلتم السوالف والجروح هواي
وامي تكول روح وذبهن بسده
واجيلك يا علي محملهن وتعبان
واكض شباچك وكل وجع يتهده
وانساها السوالف وابقى اسولف بيك
وكل همي بضريحك مني يتبده
انتَ الما تهد الطير اذا جوعان
بشر مجروح يتعنالك تهده

بحبل المشنقه
وآخر نفس بالروح
اجه عطرك متت مرتين
مو وكتك اجيت منين

انام بعين وحده الثانية اتانيك
بخد واحد من ابچي دموعي ملتمه
سگف زنزانه من لا چاره اباوع بيك
المؤبد سجنه فرت الميل شتهمه
الهوى ملثم اجه يم جثة الغرگان
شتنفع جيته راح ينشف بهدمه
وهذا انتَ حلم بالواقع وبالنوم
انا اليتمنى حلمه يكعده من حلمه